La 142:1-7
Maskil.* La nɛ David po benɛ e ngɛ tɛ puɔ ɔ mi ɔ. Sɔlemi.
142 I wo ye gbi nɔ kɛ tsɛ Yehowa kaa e ba ye bua mi;I wo ye gbi nɔ kɛ kpa Yehowa pɛɛ kaa e na mi mɔbɔ.
2 I ngɔ ye haomi ɔmɛ kɛ pue e hɛ mi;I tu ye nyagba amɛ a he munyu ngɛ e hɛ mi
3 Benɛ ye mumi nya* ta a.
Kɛkɛ nɛ o bu ye blɔ ɔ he.
Blɔ nɛ i nyɛɛɔ nɔ ɔ,A tsɔ̃ mi klama kɛ laa.
4 Moo hyɛ ye hiɔ nɔ nɛ o maa naKaa nɔ ko susuu we ye he.*
He ko he ko be nɛ ma tu fo kɛ ya;Nɔ ko nɔ ko bui ye* he akɔtaa.
5 Oo Yehowa, i tsɛɔ mo kaa o ye kɛ bua mi.
I deɔ ke: “Mo ji ye wesa he,Mo pɛ lɛ i ngɛ* ngɛ́ hɛ kali a zugba a nɔ.”
6 Mo ta tue ha ya nɛ i ngɛ foe kaa o ye bua mi ɔ,Ejakaa a ba mi si wawɛɛ nitsɛ.
Mo kpɔ̃ mi ngɛ nihi nɛ a waa mi yi mi ɔ a dɛ,Ejakaa a he wa pe mi.
7 Mo je mi* kɛ je muɔ miKonɛ ma je o biɛ ɔ yi.
Dali nɛ́ a bɔle mi kɛ kpe,Ejakaa o kɛ mi hiɔ si saminya.
Sisi Ningmahi
^ Aloo “ye he wami.”
^ Ngɛ Hebri gbi mi ɔ, “nɔ ko tui ye he hɛ.”
^ Aloo “ye klaa.”
^ Ngɛ Hebri gbi mi ɔ, “Ye blɔ fa mi nɔ́.”
^ Aloo “ye klaa.”
