La 15:1-5
La nɛ David po.
15 Oo Yehowa, mɛnɔ ma ba to o bo tsu ɔ mi?
Mɛnɔ maa hi o yoku klɔuklɔu ɔ nɔ?
2 Nɔ nɛ nyɛɛɔ ngɛ anɔkuale mi,*Nɛ e peeɔ nɔ́ nɛ da,Nɛ e tuɔ anɔkuale ngɛ e tsui mi.
3 E kɛ e lilɛ gbi nɔ he guɛ,E pee we e nyɛmi yayami,Nɛ e pue we e huɛmɛ a hɛ mi si.*
4 E yuɔ e he ngɛ yaka nɔmlɔ he,Se e woɔ nihi nɛ yeɔ Yehowa gbeye ɔ a hɛ mi nyami.
Ke e wo si* nɛ lɔ ɔ maa pee nyagba ha lɛ po ɔ, e kpale we e nya se.
5 Ke e pa sika ha nɔ ɔ, e he we he kpa,Nɛ e ngɔɛ nyɔ mi ní nɛ e kɛ po munyu kɛ fɔ nɔ nɛ sane ko be e he ɔ nɔ.
Nɔ fɛɛ nɔ nɛ peeɔ ní nɛ ɔmɛ ɔ be mimiɛe* gblegbleegble.
Sisi Ningmahi
^ Aloo “Nɔ nɛ sane ko be e he.”
^ Aloo “Nɛ e gbi e huɛmɛ zo.”
^ Aloo “Ke e kã kita.”
^ Aloo “be dedee.”
