Nihi nɛ a je mi bami he tsɔ ɔ pɛ ji nihi nɛ a kɛ Yehowa ma nyɛ maa bɔ gbagbanii. (1Pe 1:14-16) Ke Baiblo kaseli kua je mi bami yayami ɔ, e maa ye bua mɛ nɛ a weku si himi maa pee kpakpa, a ma ná nɔmlɔ tso mi he wami kpakpa nɛ a ma nyɛ maa to a sika he blɔ nya saminya hulɔ.

Moo tsɔɔ o Baiblo kaseli Yehowa je mi bami he mlaahi fitsofitso, nɔ́ he je nɛ Yehowa wo jamɛ a mlaa amɛ kɛ se nɛ́ a ma ná ke a kɛ mlaa nɛ ɔmɛ tsu ní. Ngɔɔ o juɛmi kɛ ma bɔ nɛ o maa ye bua o Baiblo kaseli konɛ a tsake bɔ nɛ a susuɔ níhi a he ha a nɔ. Ke a pee jã a, a ma nyɛ ma tsake a je mi bami hulɔ. (Efe 4:22-24) Mo ha nɛ a ná nɔ mi mami kaa Yehowa maa ye bua mɛ nɛ a ma nyɛ ma kpa su yayahi nɛ tlɔ a he ɔ. (Flp 4:13) Moo tsɔɔ mɛ nɛ a sɔle ha Yehowa ke a ngɛ he nue kaa á pee nɔ́ ko nɛ dɛ. Moo ye bua mɛ nɛ a le si fɔfɔɛhi nɛ ma nyɛ ma ha nɛ e he maa wa ha mɛ kaa a maa pee nɔ́ nɛ da a, konɛ a yu a he ngɛ a he. Moo wo mɛ he wami nɛ a pee ní kpakpahi nɛ a ma ná he se ngɛ a si himi mi mohu pe nɛ a maa pee ní yayahi. Ke o na bɔ nɛ Yehowa ngɛ o Baiblo kaseli ye buae ha nɛ́ a nyɛ ngɛ tsakemihi pee ngɛ a si himi mi ɔ, o bua maa jɔ wawɛɛ.

NYƐƐ HYƐ VIDEO NƐ JI, MOO YE BUA O BAIBLO KASELI KONƐ A KUA MU NÍ TSUMI, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni asafo mi nikɔtɔma amɛ kɛ Neeta pee kɛ tsɔɔ kaa a ngɛ nɔ mi mami ngɛ Lily mi?

• Mɛni nɔ́ kpa ko hu nɛ Neeta pee kɛ ye bua Lily?

• Mɛni Lily pee kɛ bi Yehowa yemi kɛ buami?