HWƆƆMI MƆ—NƆ́ NƐ A MAA KASE June 2017
Munyuhi nɛ a maa kase kɛ je July 31 kɛ ya si August 27, 2017.
Anɛ O Kai Lo?
Anɛ o to o tsui si kɛ kane Hwɔɔmi Mɔ slɔɔtohi nɛ ba lingmi nɛ ɔ lo? Ke jã a, lɛɛ moo hyɛ kaa Baiblo mi sane bimihi enyɛmɛ nɛ o ma nyɛ ma ha a heto.
Yehowa Woɔ Wa Bua Ngɛ Wa Haomihi Tsuo A Mi
Mɛni ji nyagba komɛ nɛ Kristofohi kɛ ma nyɛ maa kpe ngɛ a gba si himi mi kɛ a wekuhi a mi mwɔnɛ ɔ? Nɛ ke o kɛ nyagba nɛ ɔmɛ ngɛ kpee ɔ, mɛni blɔ nɔ nɛ Mawu ma nyɛ maa wo o bua ngɛ?
Ngɔɔ O Juɛmi Kɛ Ma Mumi Mi Juetlihi A Nɔ
Mɛni juetlihi nɛ e sa nɛ wa bua nɛ jɔ he, nɛ mɛni blɔ nɔ wa ma nyɛ maa gu kɛ pee jã?
Koo Hyɛ Bɔ Nɛ Nɔ Ko Ngɛ Ha Ngɛ Kpo Nɔ Blɔ
Benɛ Yehowa Odasefo ɔmɛ a kpɛti nɔ kake to e tsui si nɛ e fiɛɛ ha nyumu ko nɛ e yuɔ e he ngɛ nihi a he nɛ e hiɔ si ngɛ gbɛjegbɛhi a he ɔ, mɛni je mi kɛ ba?
Anɛ O Ma Dla Pɛhi Nɛ O Di Tue Mi Jɔmi Se Lo?
Nihi hia tue mi jɔmi wawɛɛ. Se ke nihi te si kɛ wo nihi, aloo nihi woɔ a he nɔ ɔ, lɔ ɔ ma nyɛ ma ha nɛ a pee níhi nɛ puɛɔ tue mi jɔmi. Kɛ wa ma plɛ kɛ tsi enɛ ɔ nya ha kɛɛ?
“I Naa Mawu Si Kaa E Ha Mo Juɛmi”
Blematsɛ David nɛ hi si ngɛ Israel ɔ nɛ e tu munyu nɛ ɔ benɛ e ngɛ Matsɛ Saul nya fo tue, nɛ e ya na Abigail ɔ. Mɛni he je nɛ David je Abigail yi ɔ, nɛ kɛ wa ma plɛ kɛ ná Abigail nɔ hyɛmi nɔ́ ɔ he se ha kɛɛ?
Ngɔɔ O Juɛmi Kɛ Ma Sane Nɛ He Hia a Nɔ
Mɛni ji sane nɛ he hia nɛ kɔɔ adesahi tsuo a he ɔ? Mɛni he je nɛ e sa nɛ waa ngɔ wa juɛmi kɛ ma sane nɛ ɔ nɔ ɔ?
Mo Fĩ Yehowa Nɔ Yemi ɔ Se!
Ke o buɔ Yehowa kaa je mluku ɔ nɔ yelɔ ɔ, mɛni se o ma ná?
Anɛ O Le Lo?
Mɛni he je nɛ Yesu tsɔɔ kaa jua yeli nɛ a ngɛ lohwehi juae ngɛ sɔlemi we ɔ ji “ojo fiali” ɔ?
