BAPTISMI A ma si blɔ ha nihi nɛ a maa baptisi mɛ ɔ ngɛ hɛ mi je. Nihi nɛ a maa baptisi mɛ ɔ, e sa nɛ a hi si ngɛ he nɛ a to ha mɛ ɔ loko a je baptisimi munyu nɛ a ma ha Hɔ mɔtu ɔ sisi. Nɔ tsuaa nɔ nɛ ngɔ papami kɛ tade nɛ sa nɛ e maa wo kɛ baptisi ɔ kɛ ba.

KPE Ɔ SISI NÍ TSUMI Ke o suɔ kaa o ngɔ o he kɛ ha konɛ o tsu kpe ɔ sisi ní tsumi ko ɔ, wa kpa mo pɛɛ nɛ o ya Information and Volunteer Service Department ɔ, nɛ a maa tsɔɔ mo nɔ́ nɛ o ma tsu.

NIBWƆHI A KPEELI Mɛ ji nihi nɛ maa ye bua mo. Wa kpa mo pɛɛ nɛ o ngɔ a blɔ tsɔɔmi nɛ kɔɔ he nɛ lɔle maa ma, he nɛ nihi maa gu, kɛ he nɛ nihi maa hi si ngɛ he ɔ kɛ tsu ní.

NÍHI NƐ LAA NƐ A NA A TO HE Ke o na nɔ́ ko nɛ laa a, ngɔɔ kɛ ya ní tsumi he nɛ ɔ. Ke o nɔ́ ko laa a, yaa lejɛ ɔ kaa o maa na lo. Bimɛ tsɔwi nɛ a je a fɔli a he nɛ a laa a, a ngɔ mɛ kɛ ya ní tsumi he nɛ ɔ. Se, bɔ nɛ pee nɛ pɔ ko tɔ nɔ ko he tsɔ ɔ, wa kpa nyɛ pɛɛ, nyɛ hɛ ngmɛ nɛ hi nyɛ bimɛ ɔmɛ a he, nɛ nyɛ ha nɛ a hi nyɛ kasa mi.

SI HIMI Wa kpa nyɛ pɛɛ nɛ nyɛ susu ni kpahi a he. Nyɛ kai kaa nyɛ weku li, aloo nihi nɛ nyɛɛ kɛ mɛ sɛ lɔle mi kɛ ba kpe ɔ, aloo nihi nɛ nyɛɛ kɛ mɛ je we kake mi, aloo nyɛ Baiblo kaseli pɛ nɛ e sa kaa nyɛɛ nu blɔ ngɛ sɛ ɔmɛ a nɔ ha mɛ. Wa kpa nyɛ pɛɛ nɛ nyɛ ko ngɔ níhi kɛ ma sɛ ɔmɛ a nɔ. Enɛ ɔ ma ha nihi maa na hehi nɛ blɔhi ngɛ konɛ a ba hi lejɛ ɔmɛ.

TSOPA NGƆMI HE Wa kpa nyɛ pɛɛ nɛ nyɛ kadi kaa blɔ nya tomi nɛ ɔ ngɛ kɛ ha nihi nɛ hiɔ maa fia mɛ tlukaa pɛ.

YEMI KƐ BUAMI A ngɔ sika fuu kɛ to sɛhi, munyu tumi klama, video jemi klama, kɛ ní kpahi a he blɔ nya bɔ nɛ pee nɛ wa he nɛ jɔ wɔ ngɛ kpe ɔ sisi, konɛ wa ná bua jɔmi nɛ́ waa hɛ kɛ su Yehowa he. Yemi kɛ buami nɛ o maa je o tsui mi faa nɛ o ma ha a ji nɔ́ nɛ a kɛ maa wo ní nɛ ɔmɛ a he hiɔ, nɛ a kɛ eko ma fĩ je kɛ wɛ ní tsumi ɔ hu se. Dakahi ngɛ gba a sisi he slɔɔtohi kɛ ha nihi nɛ suɔ kaa a maa pee jã. O ma nyɛ ma ha yemi kɛ buami kɛ gu wa wɛbsaiti ɔ nɔ hulɔ; yaa donate.dan124.com. Wa bua jɔ nyɛ yemi kɛ buami ɔmɛ tsuo a he, nɛ Blɔ Tsɔɔmi Ajla Toli ɔmɛ ngɛ nyɛ si nae ngɛ Matsɛ Yemi ɔ se nɛ nyɛ fĩ ɔ he je.

Sukuu Kɛ Ha Matsɛ Yemi Sane Kpakpa Fiɛɛli A ngɛ blɔ gbali nɛ a ye jeha 23 kɛ ya si 65 nɛ́ a suɔ kaa a ma bli a sɔmɔmi ní tsumi ɔ mi ɔ nine fɔe nɛ a ba kpe nɛ a maa pee Hɔgba piani kɛ ha nihi nɛ a suɔ kaa a maa ya Sukuu Kɛ Ha Matsɛ Yemi Sane Kpakpa Fiɛɛli ɔ. A maa tsɔɔ be pɔtɛɛ nɛ a maa pee kpe nɛ ɔ, kɛ he nɛ a maa pee ngɛ.