Ní kasemi 1

1. Jije ní kpakpahi tsuo jee, nɛ o ma nyɛ maa ha nɔhyɛ nɔ́ ko lo?

2. Mɛni ji nɔ́ nɛ Mawu bɔ kekleekle?

3. Mɛni heje nɛ kekle bɔfo ɔ ngɛ slɔɔto ɔ?

4. Moo kale bɔnɛ zugba a ngɛ ha ngɛ sisije ɔ. (Hyɛ foni ɔ.)

5. Mɛni Mawu pee kɛ dla zugba a kɛ ha nimli kɛ lohwehi?

Sane bimi kpahi:

1. Kane Yeremia 10:12.

   Mɛni ji Mawu suhi nɛ wa naa ngɛ e we adebɔ ní ɔmɛ a he? (Yes. 40:26; Rom. 11:33)

2. Kane Kolosebi 1:15-17.

   Mɛni Yesu tsu benɛ Yehowa ngɛ níhi bɔe ɔ, nɛ mɛni juɛmi e sa kaa enɛ ɔ nɛ́ ha wa ná ngɛ Yesu he? (Kol. 1:15-17)

3. Kane 1 Mose 1:1-10.

   1. Kɛ zugba a plɛ kɛ ba kɛɛ? (1 Mose 1:1)

   2. Mɛni Mawu pee ngɛ kekleekle ligbi ɔ nɔ? (1 Mose 1:3-5)

   3. Moo kale nɔ́ nɛ Mawu pee ngɛ ligbi enyɔne ɔ nɔ. (1 Mose 1:7, 8)

Ní kasemi 2

1. Mɛni blɔ nɔ Mawu dla zugba a ha wɔ konɛ waa hi nɔ?

2. Moo tsɔɔ lohwe slɔɔtohi nɛ Mawu bɔ. (Hyɛ foni ɔ.)

3. Mɛni heje lɛ Eden abɔɔ ɔ ngɛ slɔɔto ɔ?

4. Kɛ Mawu suɔ kaa zugba a tsuo nɛ́ pee kɛɛ?

Sane bimi kpahi:

1. Kane 1 Mose 1:11-25.

   1. Mɛni Mawu bɔ ngɛ ligbi etɛne ɔ nɔ? (1 Mose 1:12)

   2. Mɛni ya nɔ ngɛ ligbi eywiɛne ɔ nɔ? (1 Mose 1:16)

   3. Mɛni lohwehi Mawu bɔ ngɛ ligbi enuɔne kɛ ekpane ɔmɛ a nɔ? (1 Mose 1:20, 21, 25)

2. Kane 1 Mose 2:8, 9.

   Mɛni tsohi enyɔ komɛ nɛ́ ngɛ slɔɔto Mawu kɛ wo abɔɔ ɔ mi, nɛ mɛni he okadi enɛ ɔ pee ɔ?

Ní kasemi 3

1. Mɛni slɔɔto peemi ngɛ ní kasemi 3 kɛ ní kasemi 2 foni ɔmɛ a kpɛti?

2. Mɛnɔ bɔ kekle nyumu ɔ, nɛ mɛni ji nyumu ɔ biɛ?

3. Mɛni nítsumi Mawu ha Adam kaa e tsu?

4. Mɛni heje Mawu ha Adam hwɔ mahe wawɛɛ ɔ?

5. Adam kɛ Hawa ko hi si kɛ ya si mɛni be, nɛ mɛni nítsumi Mawu suɔ kaa a tsu?

Sane bimi kpahi:

1. Kane La 83:18.

   Mɛni ji Mawu biɛ, nɛ mɛni he blɔ nɛ́ se be e hɛɛ ngɛ zugba a nɔ? (Yer. 16:21; Dan. 4:17)

2. Kane 1 Mose 1:26-31.

   1. Mɛni ji nyagbe nɔ́ nɛ Mawu bɔ ngɛ ligbi ekpa a nɔ, nɛ mɛni blɔ nɔ adebɔ nɛ ɔ je muno ngɛ lohwehi a he? (1 Mose 1:26)

   2. Mɛni Yehowa ha nimli kɛ lohwehi tsuo kaa a ye? (1 Mose 1:30)

3. Kane 1 Mose 2:7-25.

   1. Mɛni e biɔ nɛ Adam nɛ pee loko e nyɛ nɛ́ e wo lohwe ɔmɛ biɛ? (1 Mose 2:19)

   2. Mɛni blɔ nɔ 1 Mose 2:24 yeɔ bua wɔ ngɛ konɛ waa nu Mawu juɛmi ngɛ gba si himi, mi gbami, kɛ gba mi pomi he ɔ sisi? (Mat. 19:4-6, 9)

Ní kasemi 4

1. Kaa bɔnɛ o na ngɛ foni ɔ mi ɔ, mɛni ba Adam kɛ Hawa nɔ?

2. Mɛni heje nɛ Yehowa gbla a tue ɔ?

3. Mɛni sinɔ ɔ de Hawa?

4. Mɛnɔ ha sinɔ ɔ kɛ Hawa tu munyu ɔ?

5. Mɛni heje nɛ Adam kɛ Hawa Paradeiso we ɔ je a dɛ?

Sane bimi kpahi:

1. Kane 1 Mose 2:16, 17 kɛ 3:1-13, 24.

   1. Mɛni blɔ nɔ nɛ sane nɛ́ sinɔ ɔ bi Hawa tsɔɔ kaa e ye Mawu he lakpa ngɛ? (1 Mose 3:1-5; 1 Yoh. 5:3)

   2. Mɛni blɔ nɔ lɛ nɔ́ nɛ ba Hawa nɔ ɔ ji kɔkɔ bɔmi ha wɔ? (Fil. 4:8; Yak. 1:14, 15; 1 Yoh. 2:16)

   3. Mɛni Adam kɛ Hawa pee nɛ tsɔɔ kaa a kplɛɛ we a tɔmi ɔ nɔ? (1 Mose 3:12, 13)

   4. Mɛni blɔ nɔ nɛ Kerubim nɛ a ngɔ kɛ da Eden abɔɔ ɔ beleku je ɔ tsɔɔ ngɛ kaa Yehowa ji je ɔ tsuo nɔyelɔ? (1 Mose 3:24)

2. Kane Kpojemi 12:9.

   Jije mɔde nɛ Satan ngɛ bɔe kaa e ha nimli adesahi nɛ a te si kɛ wo Yehowa nɔyemi ɔ ya su? (1 Yoh. 5:19)

Ní kasemi 5

1. Mɛni si himi mi Adam kɛ Hawa ya je benɛ a je mɛ kpo kɛ je Eden abɔɔ ɔ mi ɔ?

2. Mɛni bɔni Adam kɛ Hawa nɔ bami, nɛ mɛni heje?

3. Mɛni heje Adam kɛ Hawa bimɛ hu maa bwɔ nɛ́ a gbo?

4. Kaa Adam kɛ Hawa bu Yehowa tue ɔ, jinɛ mɛni si himi a kɛ a bimɛ ko ná?

5. Hawa tue gbomi ɔ ha e pii ngɛ mɛni blɔ nɔ?

6. Kɛ a tsɛɛ Adam kɛ Hawa a kekle bimɛ enyɔ ɔmɛ a biɛhi kɛɛ?

7. Mɛnɔmɛ ji jokuɛwi kpahi nɛ ngɛ foni ɔ mi ɔ?

Sane bimi kpahi:

1. Kane 1 Mose 3:16-23 kɛ 4:1, 2.

   1. Kɛ zugba a nɛ́ a gbiɛ ɔ ha Adam si himi ba pee kɛɛ? (1 Mose 3:17-19; Rom. 8:20, 22)

   2. Mɛni heje Hawa biɛ nɛ sisi ji “Hɛkalɔ” ɔ, sa saminya a? (1 Mose 3:20)

   3. Benɛ Adam kɛ Hawa pee yayami po ɔ, mɛni Yehowa pee nɛ́ tsɔɔ kaa e susuɔ a he? (1 Mose 3:7, 21)

2. Kane Kpojemi 21:3, 4.

   Mɛni ji “ní momohi” nɛ o ngɛ blɔ hyɛe kaa a se maa po ɔ?

Ní kasemi 6

1. Mɛni nítsumi Kain kɛ Habel tsuɔ?

2. Mɛni ji nike ní nɛ́ Kain kɛ Habel kɛ ba ha Yehowa a?

3. Mɛni ha Yehowa bua jɔ Habel nike ní ɔ he, se Kain nɔ́ ɔ lɛɛ e bua jɔɛ he ɔ?

4. Mɛni nɔmlɔ ji Kain, nɛ mɛni mɔde Yehowa bɔ kaa e ma dla e juɛmi?

5. Mɛni Kain pee benɛ e piɛ e kɛ e nyɛmi ɔ pɛ ngɛ ngmɔ ɔ nɔ ɔ?

6. Moo tsɔɔ nɔ́ nɛ ba Kain nɔ benɛ e gbe e nyɛmi ɔ.

Sane bimi kpahi:

1. Kane 1 Mose 4:2-26.

   1. Kɛ Yehowa de ngɛ blɔ yaya nɛ́ Kain ngɛ nɔ gue ɔ he kɛɛ? (1 Mose 4:7)

   2. Kain je nɔ́ nɛ ngɛ e tsui mi kpo ngɛ mɛni blɔ nɔ? (1 Mose 4:9)

   3. Kɛ Yehowa susuɔ ngɛ nihi nɛ́ pee we nɔ́ ko se a pueɔ a muɔ si ɔ he kɛɛ? (1 Mose 4:10; Yes. 26:21)

2. Kane 1 Yohane 3:11, 12.

   1. Mɛni heje Kain mi mi fu wawɛɛ ɔ, nɛ kɛ enɛ ɔ peeɔ kɔkɔ bɔmi ha wɔ mwɔnɛ ɔ kɛɛ? (1 Mose 4:4, 5; Abɛ 14:30; 28:22)

   2. Mɛni blɔ nɔ Baiblo ɔ tsɔɔ ngɛ kaa ke wa wekuli tsuo kua Yehowa tete po ɔ, wa ma nyɛ maa hɛɛ wa anɔkuale yemi mi kɛ pi si? (La 27:10; Mat 10:21, 22)

3. Kane Yohane 11:25.

   Mɛni siwo Yehowa kɛ ha ngɛ nihi tsuo nɛ́ a gboɔ ngɛ nɔ́ nɛ da peemi heje? (Yoh. 5:24)

Ní kasemi 7

1. Mɛni blɔ nɔ Enok je muno ngɛ ni kpa amɛ a he?

2. Mɛni heje nihi nɛ hi si ngɛ Enok be ɔ mi pee ní yayamihi fuu ɔ?

3. Mɛni ji ní yayamihi komɛ nɛ nihi pee? (Hyɛ foni ɔ.)

4. Mɛni heje e biɔ nɛ Enok nɛ́ pee kã a?

5. Jeha enyɛmɛ nimli yeɔ ngɛ jamɛ a be ɔ mi, se jeha enyɛmɛ Enok kɛ hi si?

6. Mɛni ba ngɛ Enok gbenɔ se ɔ?

Sane bimi kpahi:

1. Kane 1 Mose 5:21-24, 27.

   1. Mɛni wekukpa hi Enok kɛ Yehowa kpɛti? (1 Mose 5:24)

   2. Kaa bɔnɛ Baiblo ɔ tsɔɔ, mɛnɔ ji nɔmlɔ nɛ hi si jeha babauu pe nɔ tsuaa nɔ, nɛ jeha enyɛmɛ e ye loko e gbo? (1 Mose 5:27)

2. Kane 1 Mose 6:5.

   Enok gbenɔ se ɔ, jije zugba a nɔ si himi puɛ kɛ ya su, nɛ kɛ enɛ ɔ kɛ wa mwɔnɛ ɔ si himi kɔ ha kɛɛ? (2 Tim. 3:13)

3. Kane Hebribi 11:5.

   Mɛni ji Enok su nɛ sa Mawu hɛ mi saminya a, nɛ mɛni je mi kɛ ba? (1 Mose 5:22)

4. Kane Yuda 14, 15.

   Mɛni blɔ nɔ mwɔnɛ ɔ Kristofoli ma nyɛ maa kase Enok kã peemi ɔ benɛ a ngɛ nihi kɔkɔ bɔe ngɛ Harmagedon ta a nɛ ma a he ɔ? (2 Tim. 4:2; Heb. 13:6)

Ní kasemi 8

1. Mɛni ba benɛ Mawu bɔfo ɔmɛ ekomɛ bu Satan tue ɔ?

2. Mɛni heje nɛ bɔfo ɔmɛ ekomɛ ngmɛɛ a nítsumi ngɛ hiɔwe ɔ he nɛ a ba zugba a nɔ ɔ?

3. Mɛni heje e ji tɔmi kaa bɔfo ɔmɛ ba zugba a nɔ nɛ a ba tsake a he kɛ pee nimli ɔ?

4. Mɛni ji nɔ́ nɛ ngɛ slɔɔto ngɛ bɔfo ɔmɛ a bimɛ ɔmɛ a he?

5. Kaa bɔnɛ o na ngɛ foni ɔ mi ɔ, mɛni bɔfo ɔmɛ a bimɛ ɔmɛ pee benɛ a plɛ oblaihi ɔ?

6. Ngɛ Enok se ɔ, mɛnɔ ji nɔmlɔ kpakpa nɛ hi si ngɛ zugba a nɔ, nɛ mɛni heje Mawu suɔ e sane?

Sane bimi kpahi:

1. Kane 1 Mose 6:1-8.

   Mɛni 1 Mose 6:6 jeɔ kpo ngɛ bɔnɛ Yehowa nuɔ he ha ngɛ wa ní peepeehi a he? (La 78:40, 41; Abɛ 27:11)

2. Kane Yuda 6.

   Mɛni blɔ nɔ bɔfohi nɛ́ ‘ngmɛɛ a si himi nɛ a ngɛ mi sá’ he ɔ, ba peeɔ kaimi nɔ́ ha wɔ mwɔnɛ ɔ? (1 Kor. 3:5-9; 2 Pet. 2:4, 9, 10)

Ní kasemi 9

1. Nihi enyɛmɛ ngɛ Noa weku ɔ mi, nɛ kɛ a tsɛɛ e binyumu ɔmɛ kɛɛ?

2. Mɛni nɔ́ ko nɛ ngɛ nyakpɛ Mawu de Noa ke e pee, nɛ mɛni heje?

3. Benɛ Noa de ni ɔmɛ nɔ́ heje nɛ e ngɛ lɛ ɔ kpɛe ɔ, kɛ a pee a ní ha kɛɛ?

4. Mɛni Mawu de Noa kaa e pee ngɛ lohwe ɔmɛ a he?

5. Benɛ Mawu nga lɛ ɔ sinya a se ɔ, mɛni e biɔ nɛ Noa kɛ e weku ɔ nɛ pee?

Sane bimi kpahi:

1. Kane 1 Mose 6:9-22.

   1. Mɛni ha Noa pee Mawu jalɔ nɛ ngɛ slɔɔto ngɛ ni kpa amɛ a he ɔ? (1 Mose 6:9, 22)

   2. Kɛ Yehowa nuɔ basabasa peemi he ha kɛɛ, nɛ kɛ e sa kaa enɛ ɔ nɛ́ kɔ wa hɛja jemihi a he kɛɛ? (1 Mose 6:11, 12; La 11:5)

   3. Mɛni blɔ nɔ wa ma nyɛ maa kase Noa ngɛ ke a ngɔ blɔ tsɔɔmi nɛ je Yehowa blɔ nya tomi ɔ mi kɛ ha wɔ ɔ? (1 Mose 6:22; 1 Yoh. 5:3)

2. Kane 1 Mose 7:1-9.

   Mɛni blɔ nɔ bɔnɛ Yehowa bu Noa nɛ́ yi mluku ɔ dalɔ ɔ woɔ wɔ he wami ngɛ mwɔnɛ ɔ? (1 Mose 7:1; Abɛ 10:16; Yes. 26:7)

Ní kasemi 10

1. Mɛni heje nɛ nɔ kpa ko nyɛ we nɛ́ e sɛ lɛ ɔ mi benɛ hiɔmi ɔ bɔni nɛmi ɔ?

2. Yehowa ha hiɔmi ɔ nɛ nyɔ kɛ pia ligbi enyɛmɛ, nɛ jije nyu ɔ hiɔwe yami ya su?

3. Benɛ nyu ɔ ha zugba a nɔ ɔ, kɛ ji bɔnɛ lɛ ɔ pee kɛɛ?

4. Anɛ oblai ɔmɛ ná yi baami ngɛ Nyu Afua a mi lo, nɛ a tsɛmɛ ɔmɛ hu nɛɛ?

5. Nyɔhiɔ enuɔ se ɔ, kɛ lɛ ɔ pee kɛɛ?

6. Mɛni heje Noa ha kuakualabite ɔ je kpo ngɛ lɛ ɔ mi?

7. Kɛ Noa plɛ kɛ le kaa nyu ɔ mii ta ngɛ zugba a nɔ kɛɛ?

8. Mɛni Mawu de Noa benɛ e kɛ e weku ɔ ye jeha kake kɛ se ngɛ lɛ ɔ mi ɔ?

Sane bimi kpahi:

1. Kane 1 Mose 7:10-24.

   1. Mɛni kɛ mɛni hɛ mi a kpata ngɛ zugba a nɔ? (1 Mose 7:23)

   2. Be enyɛmɛ e ye loko nyu ɔ bɔni fãmi ngɛ zugba a nɔ? (1 Mose 7:24)

2. Kane 1 Mose 8:1-17.

   Mɛni blɔ nɔ 1 Mose 8:17 tsɔɔ ngɛ kaa Yehowa sisije yi mi tomi kɛ ha zugba a tsakee we? (1 Mose 1:22)

3. Kane 1 Petro 3:19, 20.

   1. Benɛ bɔfo tue gboli ɔmɛ kpale kɛ ho hiɔwe ya ekohu ɔ, mɛni kojomi a ná kɛ je Mawu dɛ? (Yuda 6)

   2. Mɛni blɔ nɔ Noa kɛ e weku ɔ he sane ɔ woɔ Yehowa mi he kɛ nɔ fɔmi nɛ wa ngɛ kaa e ma nyɛ ma kpɔ e webi ɔ mi he wami ngɛ? (2 Pet. 2:9)

Ní kasemi 11

1. Kaa bɔnɛ o na ngɛ foni ɔ mi ɔ, mɛni Noa pee kekle benɛ e je kpo ngɛ lɛ ɔ mi ɔ?

2. Mɛni fãmi Mawu kɛ ha Noa kɛ e weku ɔ ngɛ Nyu Afua a se?

3. Mɛni ji si womi nɛ Mawu kɛ ha?

4. Ke wa na alale ɔ, mɛni e sa kaa e ha wa kai?

Sane bimi kpahi:

1. Kane 1 Mose 8:18-22.

   1. Mɛni blɔ nɔ wa ma nyɛ maa ngɔ ‘bɔ kɛ e he via’ kɛ ha Yehowa mwɔnɛ ɔ? (1 Mose 8:21; Heb. 13:15, 16)

   2. Mɛni Yehowa na ngɛ bɔnɛ nimli a tsui ngɛ ha a he, nɛ mɛni enɛ ɔ biɔ nɛ waa pee? (1 Mose 8:21; Mat. 15:18, 19)

2. Kane 1 Mose 9:9-17.

   1. Mɛni somi Yehowa kɛ zugba a nɔ adebɔ ní tsuo pee? (1 Mose 9:10, 11)

   2. Mɛni be alale he somi ɔ maa hi si kɛ ya si? (1 Mose 9:16)

Ní kasemi 12

1. Mɛnɔ ji Nimrod, nɛ mɛni he numi Mawu ná ngɛ e he?

2. Mɛni heje nihi ngɛ bliikisi poe ngɛ foni ɔ mi ɔ?

3. Mɛni ha Yehowa bua jɔɛ tsu nɛ a ngɛ mae ɔ he ɔ?

4. Mɛni blɔ nɔ Mawu gu kɛ kpa mɛ tsu ɔ mami?

5. Kɛ a tsɛɛ ma a kɛɛ, nɛ mɛni ji e sisi?

6. Kɛ mabi ɔmɛ pee kɛɛ benɛ Mawu futu a gbi ɔ?

Sane bimi kpahi:

1. Kane 1 Mose 10:1, 8-10.

   Mɛni suhi Nimrod je kpo, nɛ mɛni ji kɔkɔ bɔmi nɛ ngɛ enɛ ɔ mi kɛ ha wɔ? (Abɛ. 3:31)

2. Kane 1 Mose 11:1-9.

   Mɛni ji juɛmi nɛ a hɛɛ kɛ ngɛ mɔ ɔ mae, nɛ mɛni heje nítsumi ɔ yi manye ɔ? (1 Mose 11:4; Abɛ 16:18; Yoh. 5:44)

Ní kasemi 13

1. Mɛni nimli nɛ a hi Ur ma a mi?

2. Mɛnɔ ji nyumu ɔ nɛ ngɛ foni ɔ mi ɔ, mɛni be a fɔ lɛ, nɛ jije e hi?

3. Mɛni Mawu de Abraham ke e pee?

4. Mɛni heje a tsɛɛ Abraham ke Mawu huɛ?

5. Mɛnɔmɛ piɛɛ Abraham he kɛ je Ur?

6. Mɛni Mawu de Abraham benɛ e ya su Kanaan zugba a nɔ ɔ?

7. Benɛ Abraham ye jeha 99, mɛni si Mawu wo lɛ?

Sane bimi kpahi:

1. Kane 1 Mose 11:27-32.

   1. Mɛni ji wekukpa nɛ ngɛ Abraham kɛ Lot a kpɛti? (1 Mose 11:27)

   2. E ngɛ mi kaa, Baiblo ɔ de kaa Tera ji nɔ nɛ ngɔ e weku ɔ kɛ hia blɔ kɛ yaa Kanaan mohu, se kɛ wa peeɔ kɛ leɔ kaa Abraham ji nɔ nɛ ngɔ juɛmi ɔ kɛ ba kɛɛ, nɛ mɛni heje e pee ja? (1 Mose 11:31; Níts. 7:2-4)

2. Kane 1 Mose 12:1-7.

   Mɛni Yehowa de kɛ piɛɛ somi nɛ e kɛ Abraham pee ɔ he benɛ Abraham ya su Kanaan zugba a nɔ ɔ? (1 Mose 12:7)

3. Kane 1 Mose 17:1-8, 15-17.

   1. Mɛni biɛ a tsake ha Abram benɛ e ye jeha 99, nɛ mɛni heje? (1 Mose 17:5)

   2. Mɛni jɔɔmihi nɛ maa ba mi hwɔɔ se he siwo Yehowa ha Sara? (1 Mose 17:15, 16)

4. Kane 1 Mose 18:9-19.

   1.     

   2. Mɛni ya nɔ ngɛ Sara blɔ fa mi nɛ́ tsɔɔ kaa wa be nyɛe maa laa Yehowa nɔ́ ko nɔ? (1 Mose 18:12, 15; La 44:21)

Ní kasemi 14

1. Mɛni si Mawu wo Abraham, nɛ mɛni blɔ nɔ Mawu ye e si womi ɔ nɔ ngɛ?

2. Kaa bɔnɛ o na ngɛ foni ɔ mi ɔ, kɛ Mawu ka Abraham hemi kɛ yemi ha kɛɛ?

3. Mɛni Abraham pee, be mi nɛ e nui nɔ́ heje nɛ Mawu de lɛ ke e ngɔ e bi ɔ kɛ sã bɔ ɔ sisi po ɔ?

4. Mɛni ba benɛ Abraham je ha kpo konɛ e kɛ gbe e bi ɔ?

5. Kɛ hemi kɛ yemi nɛ Abraham ngɛ ngɛ́ Mawu mi ɔ mi wa ha kɛɛ?

6. Mɛni Mawu je kɛ ha Abraham konɛ e kɛ sã bɔ ɔ, nɛ mɛni blɔ nɔ e pee enɛ ɔ?

Sane bimi kpahi:

1. Kane 1 Mose 21:1-7.

   Mɛni heje Abraham po e bi ɔ ngɛ ligbi kpaanyɔne ɔ nɔ? (1 Mose 17:10-12; 21:4)

2. Kane 1 Mose 22:1-18.

   Mɛni blɔ nɔ Isak ba e he si ha e tsɛ Abraham, nɛ mɛni ji nɔ́ ko nɛ́ he hia wawɛɛ nɛ maa ya nɔ hwɔɔ se he foni enɛ ɔ peeɔ? (1 Mose 22:7-9; 1 Kor. 5:7; Fil. 2:8, 9)

Ní kasemi 15

1. Mɛni heje Abraham kɛ Lot gba a mi?

2. Mɛni heje Lot suɔ kaa e ma ya hi Sodom?

3. Kɛ Sodom mabi ɔmɛ ngɛ kɛɛ?

4. Mɛni kɔkɔ bɔmi bɔfohi enyɔ ɔmɛ kɛ ha Lot?

5. Mɛni heje Lot yo ɔ plɛ pee ngo kpɔ ɔ?

6. Mɛni wa ma nyɛ maa kase ngɛ Lot yo ɔ he sane ɔ mi?

Sane bimi kpahi:

1. Kane 1 Mose 13:5-13.

   Mɛni wa ma nyɛ maa kase ngɛ Abraham he, ke nyagba ko ba waa kɛ ni kpahi a kpɛti? (1 Mose 13:8, 9; Rom. 12:10; Fil. 2:3, 4)

2. Kane 1 Mose 18:20-33.

   Mɛni blɔ nɔ bɔnɛ Yehowa kɛ Abraham hi si ha a tsɔɔ kaa Yehowa kɛ Yesu maa kojo ngɛ dami blɔ nɔ? (1 Mose 18:25, 26; Mat. 25:31-33)

3. Kane 1 Mose 19:1-29.

   1. Mɛni Baiblo mi sane nɛ ɔ tsɔɔ ngɛ bɔnɛ Mawu buɔ nyumu kɛ nyumu nɛ peeɔ yakayaka ní ɔ he? (1 Mose 19:5, 13; 3 Mose 20:13)

   2. Mɛni slɔɔto peemi wa na ngɛ bɔnɛ Abraham kɛ Lot pee a ní ngɛ Mawu blɔ tsɔɔmi nɛ e kɛ ha mɛ ɔ he, nɛ mɛni wa ma nyɛ maa kase kɛ je enɛ ɔ mi? (1 Mose 19:15, 16, 19, 20; 22:3)

4. Kane Luka 17:28-32.

   Mɛni su Lot yo ɔ hɛɛ ngɛ helo nya níhi a he, nɛ mɛni blɔ nɔ enɛ ɔ peeɔ kɔkɔ bɔmi kɛ haa wɔ? (Luka 12:15; 17:31, 32; Mat. 6:19-21, 25)

5. Kane 2 Petro 2:6-8.

   Mɛni su e sa kaa wa ná ngɛ yayami peemi nɛ bɔle wɔ ɔ he, kaa bɔnɛ Lot pee ɔ? (Eze. 9:4; 1 Yoh. 2:15-17)

Ní kasemi 16

1. Mɛnɔmɛ ji nyumu kɛ yo ɔ nɛ ngɛ foni ɔ mi ɔ?

2. Mɛni Abraham pee kɛ hla yo ha e binyumu ɔ, nɛ mɛni heje?

3. Mɛni blɔ nɔ a ha Abraham tsɔlɔ ɔ sɔlemi ɔ heto ngɛ?

4. Benɛ a bi Rebeka kaa e maa gba Isak lo ɔ, mɛni heto e ha?

5. Mɛni ha Isak bua jɔmi ekohu?

Sane bimi kpahi:

1. Kane 1 Mose 24:1-67.

   1. Mɛni su kpakpahi Rebeka je kpo benɛ e kɛ Abraham tsɔlɔ ɔ kpe ngɛ vu ɔ he ɔ? (1 Mose 24:17-20; Abɛ 31:17, 31)

   2. Mɛni nɔhyɛ nɔ́ kpakpa blɔ nya nɛ́ Abraham to kɛ ha Isak ɔ peeɔ kɛ haa Kristofoli mwɔnɛ ɔ? (1 Mose 24:37, 38; 1 Kor. 7:39; 2 Kor. 6:14)

   3. Mɛni heje e sa kaa wa ná be kɛ juɛ níhi a he, kaa bɔnɛ Isak pee ɔ? (1 Mose 24:63; La 77:12; Fil. 4:8)

Ní kasemi 17

1. Mɛnɔmɛ ji Esau kɛ Yakob, nɛ kɛ a je ekpaekpa kɛɛ?

2. Jeha enyɛmɛ Esau kɛ Yakob ye loko a nɛ Abraham gbo?

3. Mɛni Esau pee nɛ e kɛ wo e tsɛ kɛ e nyɛ aywilɛho?

4. Mɛni heje Esau mi mi fu e nyɛmi Yakob wawɛɛ ɔ?

5. Mɛni ga Isak wo e bi Yakob?

Sane bimi kpahi:

1. Kane 1 Mose 25:5-11, 20-34.

   1. Mɛni Yehowa gba ngɛ Rebeka hawi ɔmɛ a he? (1 Mose 25:23)

   2. Mɛni slɔɔto peemi ngɛ Yakob kɛ Esau su nɛ a je kpo ngɛ tɛte blɔ nya a he? (1 Mose 25:31-34)

2. Kane 1 Mose 26:34, 35; 27:1-46; kɛ 28:1-5.

   1. Mɛni blɔ nɔ hɛsa nɛ Esau be kɛ ha Mawu jami he níhi ɔ je kpo ngɛ? (1 Mose 26:34, 35; 27:46)

   2. Mɛni Isak de Yakob kaa e pee, konɛ e nine nɛ su Mawu jɔɔmi ɔ nɔ? (1 Mose 28:1-4)

3. Kane Hebribi 12:16, 17.

   Nihi nɛ be hɛsa kɛ ha ní klɔuklɔuhi ɔ, mɛni Esau nɔhyɛ nɔ́ ɔ tsɔɔ kaa e jee mi kɛ baa?

Ní kasemi 18

1. Mɛnɔ ji yiheyo ɔ nɛ ngɛ foni ɔ mi ɔ, nɛ mɛni Yakob pee ha lɛ?

2. Mɛni Yakob suɔ kaa e maa pee bɔnɛ pee nɛ e ngɔ Rahel?

3. Mɛni Laban pee benɛ be su nɛ́ Yakob maa ngɔ Rahel ɔ?

4. Mɛni Yakob kplɛɛ kaa e maa pee konɛ e ngɔ Rahel?

Sane bimi kpahi:

1. Kane 1 Mose 29:1-30.

   1. Mɛni blɔ nɔ Yakob tsɔɔ ngɛ kaa bu ngɛ e he benɛ Laban sisi lɛ ɔ, nɛ mɛni wa ma nyɛ maa kase kɛ je enɛ ɔ mi? (1 Mose 25:27; 29:26-28; Mat. 5:37)

   2. Mɛni blɔ nɔ Yakob nɔhyɛ nɔ́ ɔ tsɔɔ slɔɔto peemi nɛ́ ngɛ suɔmi kɛ henumi yaya a kpɛti ngɛ? (1 Mose 29:18, 20, 30; Sal. La 8:6)

   3.   

Ní kasemi 19

1. Kɛ a tsɛɛ binyumuhi ekpa nɛ Yakob kɛ e kekleekle yo Lea fɔ ɔ kɛɛ?

2. Kɛ a tsɛɛ binyumuhi enyɔ nɛ Lea mawa Zilpa kɛ Yakob fɔ ɔ kɛɛ?

3. Kɛ a tsɛɛ binyumuhi enyɔ nɛ Rahel mawa Bilha kɛ Yakob fɔ ɔ kɛɛ?

4. Kɛ a tsɛɛ Rahel binyumuhi enyɔ ɔmɛ kɛɛ, nɛ mɛni ba benɛ e fɔ e bi enyɔne ɔ?

5. Kaa bɔnɛ o na ngɛ foni ɔ mi ɔ, binyumuhi enyɛmɛ lɛ Yakob ngɛ, nɛ mɛni je a mi kɛ ba?

Sane bimi kpahi:

1. Kane 1 Mose 29:32-35; 30:1-26; kɛ 35:16-19.

   Kaa bɔnɛ wa na ngɛ Yakob binyumuhi 12 ɔmɛ a he ɔ, mɛni nɔ Hebribi daa kɛ woɔ a bimɛ biɛ ngɛ blema a?

2. Kane 1 Mose 37:35.

   E ngɛ mi kaa Dina biɛ pɛ lɛ a tsua ngɛ Baiblo ɔ mi mohu, se mɛni ha wa leɔ kaa Yakob ngɛ biyihi pe kake? (1 Mose 37:34, 35)

Ní kasemi 20

1. Mɛni heje Abraham kɛ Isak sume kaa a bimɛ nɛ́ ngɔ Kanaan yihi ɔ?

2. Anɛ Yakob bua jɔ huɛ nɛ e biyo ɔ kɛ Kanaan yiwi ɔmɛ ngɛ bɔe ɔ he lo?

3. Mɛnɔ ji nyumu ɔ nɛ ngɛ Dina hyɛe ngɛ foni ɔ mi ɔ, nɛ mɛni nɔ́ yayami e pee?

4. Mɛni Dina nyɛminyumuhi nɛ ji Simeon kɛ Levi pee benɛ a nu sane ɔ nɛ ba a?

5. Anɛ Yakob bua jɔ nɔ́ nɛ Simeon kɛ Levi pee ɔ he lo?

6. Kɛ weku ɔ haomi ɔmɛ tsuo plɛ kɛ je sisi kɛɛ?

Sane bimi kpahi:

1. Kane 1 Mose 34:1-31.

   1. Anɛ si kake pɛ Dina ya slaa Kanaan yiwi ɔmɛ lo? Moo tsɔɔ nya. (1 Mose 34:1)

   2. Mɛni heje Dina sa piami ngɛ si nɛ a kɛ lɛ hwɔɔ he? (Gal. 6:7)

   3. Mɛni blɔ nɔ mwɔnɛ ɔ nyumuwi kɛ yiwi tsɔɔ ngɛ kaa a ngɔ Dina nɔhyɛ nɔ́ ɔ he kɔkɔ bɔmi ɔ kɛ ngɛ ní tsue? (Abɛ 13:20; 1 Kor. 15:33; 1 Yoh. 5:19)

Ní kasemi 21

1. Mɛni heje Yosef nyɛmimɛ ɔmɛ je e he hunga, nɛ mɛni a pee?

2. Mɛni Yosef nyɛmimɛ ɔmɛ hla kaa a ko pee lɛ, se kɛ Ruben de kɛɛ?

3. Mɛni ba benɛ Ishmaelbi jua yeli komɛ bee ɔ?

4. Mɛni Yosef nyɛmimɛ ɔmɛ pee konɛ e ha a tsɛ ɔ nɛ́ susu kaa Yosef gbo?

Sane bimi kpahi:

1. Kane 1 Mose 37:1-35.

   1. Kristofoli ma nyɛ maa kase Yosef nɔhyɛ nɔ́ ɔ ngɛ bɔnɛ a maa bɔ yayami nɛ nihi peeɔ ngɛ asafo ɔ mi ɔ he amaniɛ ha ngɛ mɛni blɔ nɔ? (1 Mose 37:2; 3 Mose 5:1; 1 Kor. 1:11)

   2. Mɛni ha Yosef nyɛmimɛ ɔmɛ pee lɛ yiwutso ní ɔ? (1 Mose 37:11, 18; Abɛ 27:4; Yak. 3:14-16)

   3. Mɛni Yakob pee nɛ́ nɔ tsuaa nɔ nɛ yeɔ aywilɛho ɔ hu peeɔ ja? (1 Mose 37:35)

Ní kasemi 22

1. Jeha enyɛmɛ Yosef ye loko a ngɔ lɛ kɛ ho Mizraim ya, nɛ mɛni ya ba e nɔ ngɛ lejɛ ɔ?

2. Mɛni ha a wo Yosef tsu ɔ?

3. Mɛni blɔ nya a ha Yosef ngɛ tsu ɔ mi?

4. Mɛni Yosef pee ha Farao da nɔ hyɛlɔ kɛ e we abolo sãlɔ ɔ?

5. Mɛni ba benɛ a je da nɔ hyɛlɔ ɔ kɛ je tsu ɔ mi ɔ?

Sane bimi kpahi:

1. Kane 1 Mose 39:1-23.

   E ngɛ mi kaa Yosef be ɔ mi ɔ, a be Mawu mlaa ko nɛ a ngma nɛ buɔ gba puɛmi fɔ mohu, se kɛ̃ ɔ, mɛni ha Yosef tu Farao yo ɔ nya fo ɔ? (1 Mose 2:24; 20:3; 39:9)

2. Kane 1 Mose 40:1-23.

   1. Moo tsɔɔ da nɔ hyɛlɔ ɔ nlami ɔ kɛ e sisi tsɔɔmi nɛ Yehowa kɛ ha Yosef ɔ mi kpiti. (1 Mose 40: 9-13)

   2. Mɛni nlami abolo sãlɔ ɔ nla a, nɛ mɛni ji e sisi? (1 Mose 40:16-19)

   3. Mɛni blɔ nɔ Tsɔlɔ anɔkualetsɛ kɛ ní lelɔ ɔ kase Yosef su ɔ ngɛ? (1 Mose 40:8; La 36:9; Yoh. 17:17; Níts. 17: 2, 3)

   4. Kɛ 1 Mose 40:20 haa wa naa Kristofoli a juɛmi ngɛ fɔmi ligbi yemi he ha kɛɛ? (Fiɛlɔ 7:1; Mar. 6:21-28)

Ní kasemi 23

1. Mɛni ba ligbi ko nyɔ mi nɛ́ Farao hwɔ si ɔ?

2. Mɛni ha nɛ nyagbe ɔ, da nɔ hyɛlɔ ɔ kai Yosef ɔ?

3. Kaa bɔnɛ e ngɛ foni ɔ mi ɔ, mɛni nlamihi enyɔ Farao nla?

4. Kɛ Yosef tsɔɔ nlami ɔmɛ a sisi kɛɛ?

5. Kɛ Yosef plɛ kɛ ba pee nɔmlɔ ngua nɛ yeɔ Farao se ngɛ Mizraim kɛɛ?

6. Mɛni ha Yosef nyɛminyumu ɔmɛ ba Mizraim, nɛ mɛni heje a yo we lɛ ɔ?

7. Mɛni nlami Yosef kai, nɛ mɛni lɔɔ ha e nu sisi?

Sane bimi kpahi:

1. Kane 1 Mose 41:1-57.

   1. Kɛ Yosef gbla juɛmi kɛ ya Yehowa nɔ kɛɛ, nɛ mɛni blɔ nɔ Kristofoli ma nyɛ maa kase e nɔhyɛ nɔ́ ɔ mwɔnɛ ɔ? (1 Mose 41:16, 25, 28; Mat. 5:16; 1 Pet. 2:12)

   2. Kɛ niye ní fuu nɛ ba Mizraim nɛ́ lɔɔ se hwɔ ba a, tsɔɔ bɔnɛ Yehowa webi a mumi mi si fɔfɔɛ ngɛ slɔɔto ngɛ Sɔlemibi a nɔ ɔ he ha kɛɛ? (1 Mose 41:29, 30; Amos 8:11, 12)

2. Kane 1 Mose 42:1-8 kɛ 50:20.

   Anɛ e ji tɔmi kaa Yehowa jali ma kpla si ngɛ nɔmlɔ ko hɛ mi, ke ja ji a ma mi kusumi nɛ a kɛ jeɔ bu kpo kɛ haa nɔ ko nɛ hɛɛ blɔ nya lo? (1 Mose 42:6)

Ní kasemi 24

1. Mɛni heje Yosef de e nyɛmimɛ ɔmɛ ke a ji ma slaali ɔ?

2. Mɛni heje Yakob ha nɛ a ngɔ e binakutso Benyamin kɛ ya Mizraim ɔ?

3. Kɛ Yosef sika hiɔ kplu ɔ plɛ kɛ ya je Benyamin kotoku ɔ mi kɛɛ?

4. Mɛni Yuda ngɔ e he kɛ ha kaa e maa pee konɛ a ngmɛɛ Benyamin he?

5. Mɛni tsɔɔ kaa Yosef nyɛmimɛ ɔmɛ tsake?

Sane bimi kpahi:

1. Kane 1 Mose 42:9-38.

   Mɛni blɔ nɔ munyu nɛ Yosef tu ngɛ 1 Mose 42:18 ji kaimi nɔ́ kpakpa kɛ ha nihi nɛ hɛɛ blɔ nya ngɛ Yehowa asafo ɔ mi mwɔnɛ ɔ? (Neh. 5:15; 2 Kor. 7:1, 2)

2. Kane 1 Mose 43:1-34.

   1. E ngɛ mi kaa Ruben ji bitɛte mohu, se kɛ pee kɛɛ nɛ Yuda ji nɔ nɛ tu munyu ngɛ e nyɛmimɛ ɔmɛ a nane mi? (1 Mose 43:3, 8, 9; 44:14, 18; 1 Kron. 5:2)

   2. Mɛni Yosef pee kɛ ka e nyɛmimɛ ɔmɛ, nɛ mɛni heje e pee ja? (1 Mose 43:33, 34)

3. Kane 1 Mose 44:1-34.

   1. ) Bɔnɛ pee nɛ Yosef nyɛmimɛ ɔmɛ nɛ a ko le e mi tso ɔ, kɛ e pee e he kɛɛ? (1 Mose 44:5, 15; 3 Mose 19:26)

   2. Mɛni Yosef nyɛmimɛ ɔmɛ pee nɛ tsɔɔ kaa a ngmɛɛ hunga jemi su nɛ a ná ngɛ Yosef he ɔ he? (1 Mose 44:13, 33, 34)

Ní kasemi 25

1. Mɛni ba benɛ Yosef de e nyɛmimɛ ɔmɛ nɔ nɛ e ji ɔ?

2. Mɛni Yosef je mi mi himi mi nɛ e gba mi kɛ tsɔɔ e nyɛmimɛ ɔmɛ?

3. Mɛni Farao de benɛ e nu kaa Yosef nyɛmimɛ ɔmɛ ba a?

4. Nimli enyɛmɛ ngɛ Yakob weku ɔ mi benɛ a hia kɛ ho Mizraim ya a?

5. Kɛ a ba tsɛ Yakob weku ɔ kɛɛ, nɛ mɛni heje?

Sane bimi kpahi:

1. Kane 1 Mose 45:1-28.

   Yosef he sane nɛ ngɛ Baiblo ɔ mi tsɔɔ kaa Yehowa ma nyɛ ma tsake nɔ́ yayami ko nɛ́ ma e webi a nɔ kɛ pee nɔ́ kpakpa ngɛ mɛni blɔ nɔ? (1 Mose 45:5-8; Yes. 8:10; Fil. 1:12-14)

2. Kane 1 Mose 46:1-27.

   Mɛni nɔ mi mami lɛ Yehowa ha Yakob benɛ e yaa Mizraim ɔ? (1 Mose 46:1-4)

Ní kasemi 26

1. Mɛnɔ ji Hiob?

2. Mɛni Satan bɔ mɔde kaa e maa pee, se anɛ e ye manye lo?

3. Mɛni Yehowa ha Satan he blɔ kaa e pee, nɛ mɛni heje?

4. Mɛni heje Hiob yo ɔ de lɛ ke “gbiɛ Mawu nɛ o gbo” ɔ? (Hyɛ foni ɔ.)

5. Kaa bɔnɛ o na ngɛ foni enyɔne ɔ mi ɔ, kɛ Yehowa jɔɔ Hiob kɛɛ, nɛ mɛni heje?

6. Ke wɔ hu wa ye anɔkuale kɛ ha Yehowa kaa Hiob ɔ, mɛni jɔɔmi wa ma ná?

Sane bimi kpahi:

1. Kane Hiob 1:1-22.

   Mɛni blɔ nɔ Kristofoli ma nyɛ maa kase Hiob mwɔnɛ ɔ? (Hiob 1:1; Fil. 2:15; 2 Pet. 3:14)

2. Kane Hiob 2:1-13.

   Mɛni blɔ nɔ bɔnɛ Hiob da si ngɛ yi mi wami nɛ Satan kɛ ba e nɔ nya a ngɛ slɔɔto ngɛ e yo ɔ nɔ ɔ he? (Hiob 2:9, 10; Abɛ 19:3; Mika 7:7; Mal. 3:14)

3. Kane Hiob 42:10-17.

   1. Mɛni níhi je a he ngɛ hiɔwo nɛ Hiob ná kɛ nɔ́ nɛ Yesu ná ngɛ e we anɔkuale yemi ɔ he? (Hiob 42:12; Fil. 2:9-11)

   2. Jɔɔmihi nɛ Hiob ná ngɛ anɔkuale nɛ e ye ha Mawu he ɔ woɔ wɔ he wami ngɛ mɛni blɔ nɔ? (Hiob 42:10, 12; Heb. 6:10; Yak. 1:2-4, 12; 5:11)

Ní kasemi 27

1. Mɛnɔ ji nyumu ɔ nɛ hɛɛ kpa ngɛ foni ɔ mi ɔ, nɛ mɛnɔ kpa e ngɛ fiaae ɔ?

2. Benɛ Yosef gbo ɔ, mɛni ba Israelbi ɔmɛ a nɔ?

3. Mɛni ha Mizraimbi ɔmɛ ye Israelbi ɔmɛ gbeye ɔ?

4. Mɛni fami Farao ha yi ɔmɛ nɛ yeɔ bua Israel yi ɔmɛ kɛ fɔɔ ɔ?

Sane bimi kpahi:

1. Kane 2 Mose 1:6-22.

   1. Mɛni blɔ nɔ Yehowa ha si nɛ e wo Abraham ɔ bɔni mi bami? (2 Mose 1:7; 1 Mose 12:2; Níts. 7:17)

   2. Mɛni Hebri fɔlɔyi ɔmɛ pee nɛ tsɔɔ kaa a buu wami kaa e ngɛ klɔuklɔu? (2 Mose 1:17; 1 Mose 9:6)

   3. Mɛni hiɔwo fɔlɔyi ɔmɛ ná ngɛ anɔkuale nɛ a ye Yehowa a heje? (2 Mose 1:20, 21; Abɛ 19:17)

   4. Mɛni blɔ nɔ Satan ka kaa e ma puɛ Yehowa yi mi tomi nɛ kɔɔ Abraham Nina nɛ E wo he si ɔ he? (2 Mose 1:22; Mat. 2:16)

Ní kasemi 28

1. Mɛnɔ ji bimwɔyo nɛ ngɛ foni ɔ mi ɔ, nɛ mɛnɔ nine nguɛ he e pɛtɛ ɔ?

2. Mɛni Mosenyɛ pee kɛ baa Mose yi?

3. Mɛnɔ ji jokuɛ yoyo ɔ nɛ ngɛ foni ɔ mi ɔ, nɛ mɛni ji nɔ́ nɛ e pee?

4. Benɛ Farao biyo ɔ na bimwɔyo ɔ, mɛni Miriam de lɛ kaa e suɔ nɛ́ e pee ha lɛ?

5. Mɛni matsɛ biyo ɔ de Mosenyɛ?

Ní kasemi bimi kpa:

1. Kane 2 Mose 2:1-10.

   Mɛni he blɔ Mosenyɛ ná konɛ e kɛ tsɔse Mose nɛ e tsɔɔ lɛ ní ngɛ e jokuɛwi a si, nɛ mɛni nɔhyɛ nɔ́ nɛ ɔ peeɔ kɛ haa fɔli mwɔnɛ ɔ? (2 Mose 2:9, 10; 5 Mose 6:6-9; Abɛ 22:6; Efe. 6:4; 2 Tim. 3:15)

Ní kasemi 29

1. Jije Mose hi kɛ wa, nɛ mɛni e le ngɛ e fɔli a he?

2. Benɛ Mose ye jeha 40, mɛni e pee?

3. Mɛni Mose de Israel nyumu ko nɛ e kɛ e nyɛmi Israelno ngɛ kunɔ nɔe ɔ, nɛ mɛni ji heto nɛ́ e ha Mose?

4. Mɛni heje nɛ Mose tu fo kɛ je Mizraim ɔ?

5. Jije Mose tu fo kɛ ho, nɛ mɛnɔ ngɔ e ya hi ngɛ lejɛ ɔ?

6. Mɛni Mose ya tsu jeha 40 benɛ e tu fo kɛ je Mizraim ɔ?

Sane bimi kpahi:

1. Kane 2 Mose 2:11-25.

   E ngɛ mi kaa a ngɔ Mizraim níle kɛ tsɔse Mose saminya jeha babauu mohu, kɛ̃ ɔ, mɛni blɔ nɔ Mose ye anɔkuale kɛ ha Yehowa kɛ e mabi ɔmɛ ngɛ? (2 Mose 2:11, 12; Heb. 11:24)

2. Kane Bɔfo Ɔmɛ A Ní Tsumi 7:22-29.

   Mɛni wa ma nyɛ maa kase ngɛ bɔnɛ Mose hla kaa e ma kpɔ Israelbi ɔmɛ kɛ je Mizraim nyɔguɛ si himi mi ɔ mi? (Níts. 7:23-25; 1 Pet. 5:6, 10)

Ní kasemi 30

1. Kɛ a tsɛɛ yoku ɔ nɛ ngɛ foni ɔ mi ɔ kɛɛ?

2. Moo tsɔɔ nyakpɛ nɔ́ nɛ Mose na benɛ e kpaka e to ɔmɛ kɛ ya yoku ɔ he ɔ.

3. Mɛni gbi ko de kɛ je mio tso ɔ mi, nɛ mɛnɔ gbi Mose nu ɔ?

4. Benɛ Mawu de Mose kaa lɛ ji nɔ nɛ ma ya kpaka E webi ɔmɛ kɛ je Mizraim ɔ, kɛ e de kɛɛ?

5. Mɛni Mawu de Mose kaa e de Israelbi ɔmɛ ke a bi lɛ nɔ nɛ tsɔ lɛ ɔ?

6. Mɛni Mose maa pee kɛ tsɔɔ ni ɔmɛ kaa Mawu nɛ tsɔ lɛ?

Sane bimi kpahi:

1. Kane 2 Mose 3:1-22.

   Mɛni blɔ nɔ Mose níhi a si kpami ɔ haa wɔ he kɛ nɔ fɔmi ngɛ, kaa ke wa nu he kaa wa he sui bɔnɛ wa ma nyɛ ma tsu asafo ɔ mi nítsumi ko po ɔ, Yehowa maa ye bua wɔ? (2 Mose 3:11, 13; 2 Kor. 3:5, 6)

2. Kane 2 Mose 4:1-20.

   1. Mɛni su ehe Mose ná benɛ e ya hi Midian jeha 40 ɔ, nɛ mɛni nihi nɛ ngɛ mɔde bɔe kaa a ma ná heblɔ ngɛ asafo ɔ mi ma nyɛ maa kase kɛ je mi? (2 Mose 2:11, 12; 4:10, 13; Mika 6:8; 1 Tim. 3:1, 6, 10)

   2. Ke e ba kaa Yehowa gu e we asafo ɔ nɔ kɛ tsɔse wɔ po ɔ, mɛni he kɛ nɔ fɔmi Mose nɔhyɛ nɔ́ ɔ ma nyɛ ma ha wɔ? (2 Mose 4:12-14; La 103:14; Heb. 12:4-11)

Ní kasemi 31

1. Mɛni he wami nyakpɛ ní nɛ Mose kɛ Aaron pee ɔ ná ngɛ Israelbi ɔmɛ a nɔ?

2. Mɛni Mose kɛ Aaron de Farao, nɛ mɛni heto Farao ha mɛ?

3. Kaa bɔnɛ o ngɛ hyɛe ngɛ foni ɔ mi ɔ, mɛni ba benɛ Aaron sake e tso ɔ kɛ fɔ zugba a?

4. Mɛni Yehowa pee kɛ gbla Farao tue, nɛ kɛ Farao pee e ní ngɛ he kɛɛ?

5. Mɛni ba ngɛ haomi nyɔngmane ɔ se?

Sane bimi kpahi:

1. Kane 2 Mose 4:27-31 kɛ 5:1-23.

   Kɛ Farao ngɛ tsɔɔe kɛɛ, benɛ e de ke: ‘I li Yehowa ko’ ɔ? (2 Mose 5:2; 1 Sam. 2:12; Rom. 1:21)

2. Kane 2 Mose 6:1-13, 26-30.

   1. Yehowa ha we nɛ Abraham, Isak kɛ Yakob nɛ le lɛ ngɛ mɛni sisi numi nya? (2 Mose 3:13, 14; 6:3; 1 Mose 12:8)

   2. Kɛ wa nuɔ he ha kɛɛ ngɛ bɔnɛ Yehowa kɛ Mose tsu ní ɔ he, benɛ Mose nu he kaa e be ní ɔ nyɛe ma tsu ɔ tsuo se? (2 Mose 6:12, 30; Luka 21:13-15)

3. Kane 2 Mose 7:1-13.

   1. Mɛni nɔhyɛ nɔ́ Mose kɛ Aaron pee kɛ fɔ si ha Mawu tsɔli mwɔnɛ ɔ, ngɛ́ ka nɛ́ a kɛ jaje Yehowa kojomi ɔmɛ kɛ tsɔɔ Farao ɔ he? (2 Mose 7:2, 3, 6; Níts. 4:29-31)

   2. Mɛni blɔ nɔ Yehowa tsɔɔ ngɛ kaa e nɔ kuɔ kulaa pe Mizraim mawu ɔmɛ? (2 Mose 7:12; 1 Kron. 29:12)

Ní kasemi 32

1. Hyɛ foni ɔ nɛ o tsɔɔ kekleekle haomihi etɛ ɔmɛ nɛ Yehowa kɛ ba Mizraim nɔ ɔ?

2. Mɛni ngɛ slɔɔto ngɛ kekle haomihi etɛ ɔmɛ kɛ haomihi ekpa amɛ he?

3. Mɛni ji haomihi eywiɛne, enuɔne kɛ ekpane ɔ?

4. Moo tsɔɔ haomi kpaagone, kpaanyɔne kɛ nɛɛne ɔ.

5. Mɛni Yehowa de Israelbi ɔmɛ kaa a pee loko e ngɔ haomi nyɔngmane ɔ kɛ ba?

6. Mɛni ji haomi nyɔngmane ɔ, nɛ mɛni ba ngɛ lɔɔ se?

Sane bimi kpahi:

1. Kane 2 Mose 7:19–8:23.

   1. E ngɛ mi kaa Mizraim kunya yeli ɔmɛ nyɛ nɛ a pee kekleekle haomihi enyɔ nɛ Yehowa kɛ ba a henɔhi mohu, se mɛni nɛ a nyɛ a nɔ nɛ a kplɛɛ nɔ ngɛ haomi etɛne ɔ se? (2 Mose 8:18, 19; Mat. 12:24-28)

   2. Mɛni blɔ nɔ haomi eywiɛne ɔ tsɔɔ kaa Yehowa ngɛ he wami nɛ e kɛ buu e webi a he, nɛ kɛ enɛ ɔ haa Yehowa webi susuɔ ngɛ “amanehlu ngua” nɛ ma a he kɛɛ? (2 Mose 8:22, 23; Kpoj. 7:13, 14; 2 Kron. 16:9)

2. Kane 2 Mose 8:24; 9:3, 6, 10, 11, 14, 16, 23-25; kɛ 10:13-15, 21-23.

   1. Mɛni kuuhi enyɔ Haomihi Nyɔngma amɛ ha wa na, nɛ kɛ enɛ ɔ ha wa susuɔ ngɛ kuuhi enyɔ nɛ ɔmɛ a he mwɔnɛ ɔ kɛɛ? (2 Mose 8:10, 18, 19; 9:14)

   2. Mɛni blɔ nɔ 2 Mose 9:16 yeɔ buaa wɔ nɛ wa nuɔ nɔ́ heje nɛ Yehowa kpataa we Satan hɛ mi lolo ɔ sisi? (Rom. 9:21, 22)

3. Kane 2 Mose 12:21-32.

   Mɛni blɔ nɔ Hetsɔmi ɔ bli blɔ ha nimli babauu konɛ a ná yi wami hemi, nɛ mɛni nɛ́ maa ba hwɔɔ se he okadi Hetsɔmi ɔ peeɔ? (2 Mose 12:21-23; Yoh. 1:29; Rom. 5:18, 19, 21; 1 Kor. 5:7)

Ní kasemi 33

1. Israel nyumuhi enyɛmɛ piɛɛ yihi kɛ jokuɛwi a he kɛ je Mizraim, nɛ mɛnɔmɛ hu piɛɛ a he kɛ ho?

2. Kɛ Farao nu he kɛɛ benɛ e ngmɛɛ Israelbi ɔmɛ a he nɛ a je ɔ, nɛ mɛni e pee?

3. Mɛni Yehowa pee kɛ tsi Mizraimbi ɔmɛ a nya nɛ a nyɛ we nɛ́ a tua Israelbi ɔmɛ ɔ?

4. Mɛni ba benɛ Mose ngɔ e tso ɔ kɛ tsɔɔ Wo Tsutsu ɔ, nɛ kɛ Israelbi ɔmɛ pee kɛɛ?

5. Mɛni ba benɛ Mizraimbi ɔmɛ nyɛɛ Israelbi ɔmɛ a se kɛ sɛ wo ɔ mi ɔ?

6. Mɛni Israelbi ɔmɛ pee kɛ na Yehowa si ngɛ a yi nɛ e baa heje?

Sane bimi kpahi:

1. Kane 2 Mose 12:33-36.

   Mɛni blɔ nɔ Yehowa ha Mizraimbi ɔmɛ wo Israelbi ɔmɛ hiɔ ngɛ jehahi tsuo nɛ a kɛ sɔmɔ mɛ kaa nyɔguɛhi ɔ he? (2 Mose 3:21, 22; 12:35, 36)

2. Kane 2 Mose 14:1-31.

   Kɛ Mose munyu nɛ a ngma ngɛ 2 Mose 14:13, 14 haa Yehowa webi nɛ ngɛ mwɔnɛ ɔ susuɔ ngɛ Harmagedon ta a nɛ ma a he ha kɛɛ? (2 Kron. 20:17; La 91:8)

3. Kane 2 Mose 15:1-8, 20, 21.

   1. Mɛni heje e sa nɛ Yehowa tsɔli nɛ la yi jemi la kɛ ha lɛ? (2 Mose 15:1, 2; La 105:2, 3; Kpoj. 15:3, 4)

   2. Mɛni nɔhyɛ nɔ́ Miriam kɛ yi kpa amɛ pee ngɛ Yehowa yi jemi he ngɛ Wo Tsutsu ɔ he kɛ ha Kristofoli yihi nɛ ngɛ mwɔnɛ ɔ? (2 Mose 15:20, 21; La 68:11)

Ní kasemi 34

1. Mɛni o na ngɛ foni ɔ mi nɛ́ ni ɔmɛ ngɛ muɔɔe ngɛ zugba a?

2. Mɛni Mose de ni ɔmɛ ngɛ mana a muɔɔmi he?

3. Mɛni Yehowa de ni ɔmɛ ke a pee ngɛ ligbi ekpane ɔ nɔ, nɛ mɛni heje?

4. Mɛni ji nyakpɛ nɔ́ ko nɛ Yehowa peeɔ ke ni ɔmɛ ngɔ mana a eko kɛ to kɛ ha ligbi kpaagone ɔ?

5. Yehowa lɛ mabi ɔmɛ kɛ mana kɛ ya si mɛni be?

Sane bimi kpahi:

1. Kane 2 Mose 16:1-36 kɛ 4 Mose 11:7-9.

   1. Mɛni 2 Mose 16:8 tsɔɔ ngɛ bɔnɛ e sa kaa waa bu blɔ nya nɛ Mawu kɛ ha nihi ngɛ Kristofoli asafo ɔ mi ha he? (Heb. 13:17)

   2. Benɛ Israelbi ɔmɛ ngɛ nga a nɔ ɔ, mɛni blɔ nɔ a kai mɛ ngɛ kaa e sa nɛ a ngɔ a he kɛ fɔ Yehowa nɔ daa ligbi? (2 Mose 16:14-16, 35; 5 Mose 8:2, 3)

   3. Mɛni okadi peemi sisi numi Yesu tsɔɔ ngɛ mana a he, nɛ wa ma ná “abolo nɛ je hiɔwe” nɛ ɔ he se ngɛ mɛni blɔ nɔ? (Yoh. 6:31-35, 40)

2. Kane Yoshua 5:10-12.

   Jeha enyɛmɛ nɛ Israelbi ɔmɛ ye mana, nɛ mɛni blɔ nɔ enɛ ɔ pee ka kɛ ha mɛ? Nɛ mɛni wa ma nyɛ maa kase kɛ je enɛ ɔ mi? (2 Mose 16:35; 4 Mose 11:4-6; 1 Kor. 10:10, 11)

Ní kasemi 35

1. Benɛ Israelbi ɔmɛ je Mizraim maa pee nyɔhiɔ enyɔ se ɔ, jije a ya to si ngɛ?

2. Mɛni Yehowa de kaa e suɔ nɛ mabi ɔmɛ nɛ a pee, nɛ kɛ a ha heto kɛɛ?

3. Mɛni heje nɛ Yehowa ha Mose tɛ tɛtlɛɛhi enyɔ ɔmɛ?

4. Ngɛ Mlaa Nyɔngma amɛ nɛ Yehowa ha Israelbi ɔmɛ se ɔ, mɛni mlaa kpahi hu e ha mɛ?

5. Mɛni mlaahi enyɔ nɛ Yesu Kristo tsɔɔ kaa a kle pe kulaa?

Sane bimi kpahi:

1. Kane 2 Mose 19:1-25; 20:1-21; 24:12-18; kɛ 31:18.

   Mɛni blɔ nɔ munyu nɛ ngɛ 2 Mose 19:8 yeɔ bua wɔ ngɛ konɛ waa nu nɔ́ nɛ Kristofoli a henɔ jɔɔmi tsɔɔ ɔ sisi? (Mat. 16:24; 1 Pet. 4:1-3)

2. Kane 5 Mose 6:4-6; 3 Mose 19:18; kɛ Mateo 22:36-40.

   Mɛni blɔ nɔ nɛ Kristofoli jeɔ suɔmi nɛ a ngɛ kɛ ha Mawu kɛ a sibi kpo ngɛ? (Mar. 6:34; Níts. 4:20; Rom. 15:2)

Ní kasemi 36

1. Mɛni ni ɔmɛ ngɛ foni ɔ mi ɔ ngɛ pee, nɛ mɛni heje?

2. Mɛni heje Yehowa mi mi fu ɔ, nɛ mɛni Mose pee benɛ e na nɔ́ nɛ mabi ɔmɛ ngɛ pee ɔ?

3. Mɛni Mose de nyumu ɔmɛ a kpɛti ni komɛ ke a pee?

4. Mɛni ní e sa kaa waa kase kɛ je sane nɛ ɔ mi?

Sane bimi kpahi:

1. Kane 2 Mose 32:1-35.

   1. Kaa bɔnɛ sane ɔ tsɔɔ ɔ, mɛni ji Yehowa juɛmi ngɛ lakpa jami nɛ a kɛ futuɔ anɔkuale jami ɔ he? (2 Mose 32:4-6, 10; 1 Kor. 10:7, 11)

   2. Mɛni e sa kaa Kristofoli nɛ hyɛ saminya ngɛ hɛja jemihi nɛ a kɛ a he woɔ mi kaa, lami kɛ domi ɔ he? (2 Mose 32:18, 19; Efe. 5:15, 16; 1 Yoh. 2:15-17)

   3. Levi wɛtso ɔ pee dami ní peepee se fimi he nɔhyɛ nɔ́ kpakpa ngɛ mɛni blɔ nɔ? (2 Mose 32:25-28; La 18:25)

Ní kasemi 37

1. Kɛ a tsɛɛ tsu ɔ nɛ ngɛ foni ɔ mi ɔ kɛɛ, nɛ mɛni a peeɔ ngɛ mi?

2. Mɛni heje Yehowa de Mose ke e pee bo tsu ɔ bɔnɛ e gbɛmi be yee ɔ?

3. Mɛni daka lɛ ngɛ tsu nyafii ɔ nɛ ngɛ bo tsu ɔ kɔ nya a mi, nɛ mɛni ngɛ daka a mi?

4. Mɛnɔ Yehowa hla kaa e ye osɔfo nɔkɔtɔma, nɛ mɛni ji osɔfo nɔkɔtɔma a nítsumi?

5. Moo tsɔɔ níhi etɛ ɔmɛ nɛ ngɛ tsu ngua nɛ ngɛ bo tsu ɔ mi ɔ mi.

6. Mɛni níhi enyɔ nɛ ngɛ kpe he bo tsu ɔ kpo ɔ nɔ, nɛ mɛni a kɛ peeɔ?

Sane bimi kpahi:

1. Kane 2 Mose 25:8-40; 26:1-37; 27:1-8; kɛ 28:1.

   Mɛni kerubim enyɔ nɛ ngɛ “somi daka” loo “odase yemi daka” a nɔ tsɔɔ? (2 Mose 25:20, 22; 4 Mose 7:89; 2 Ma. 19:15)

2. Kane 2 Mose 30:1-10, 17-21; 34:1, 2; kɛ Hebribi 9:1-5.

   1. Mɛni heje Yehowa ma bɔnɛ he tsɔmi he hia osɔfo ɔmɛ nɛ ngɛ sɔmɔe ngɛ kpe he bo tsu ɔ mi ɔ nɔ mi, nɛ mɛni enɛ ɔ biɔ nɛ waa pee mwɔnɛ ɔ? (2 Mose 30:18-21; 40:30, 31; Heb. 10:22)

   2. Mɛni blɔ nɔ bɔfo Paulo tsɔɔ ngɛ kaa kpe he bo tsu ɔ kɛ somi Mlaa ba nyagbe benɛ e ngma womi kɛ ya ha Hebri Kristofoli ɔmɛ ɔ? (Heb. 9:1, 9; 10:1)

Ní kasemi 38

1. Mɛni o yo ngɛ wai kɛ sau nɛ́ ngɛ foni ɔ mi ɔ he, nɛ jije a kɛ je?

2. Mɛni heje Mose tsɔ slaali 12 ɔmɛ kɛ ya Kanaan zugba a nɔ ɔ?

3. Mɛni amaniɛ bɔmi slaali nyɔngma ngɔ kɛ ba ha Mose?

4. Mɛni blɔ nɔ slaali enyɔ je he kɛ nɔ fɔmi nɛ a ngɛ ngɛ Yehowa mi ɔ kpo, nɛ kɛ a tsɛɛ mɛ kɛɛ?

5. Mɛni heje Yehowa mi mi fu, nɛ mɛni e de Mose?

Sane bimi kpahi:

1. Kane 4 Mose 13:1-33.

   1. Mɛnɔmɛ a tsɔ nɛ a ya slaa Kanaan zugba a, nɛ mɛni ji he blɔ agbo nɛ enɛ ɔ ha mɛ? (4 Mose 13:2, 3, 18-20)

   2. Mɛni heje nɛ Yoshua kɛ Kaleb juɛmi je ekpa ngɛ slaali kpa amɛ a nɔ́ ɔ he ɔ, nɛ mɛni enɛ ɔ tsɔɔ wɔ? (4 Mose 13:28-30; Mat. 17:20; 2 Kor. 5:7)

2. Kane 4 Mose 14:1-38.

   1. Mɛni ji munyu huitihuiti tumi kɛ si Yehowa nane mi dali ngɛ zugba a nɔ ɔ he kɔkɔ bɔmi nɛ e sa kaa waa bu tue? (4 Mose 14:2, 3, 27; Mat. 25:40, 45; 1 Kor. 10:10)

   2. Mɛni blɔ nɔ 4 Mose 14:24 tsɔɔ ngɛ kaa Yehowa susuɔ e tsɔli a he kaa ni kakaaka? (1 Ma. 19:18; Abɛ 15:3)

Ní kasemi 39

1. Mɛnɔmɛ te si kɛ wo he blɔ nɛ Mose kɛ Aaron hɛɛ ɔ, nɛ mɛni a de Mose?

2. Mɛni Mose de Kora kɛ e se nyɛɛli 250 kaa a pee?

3. Mɛni Mose de ni ɔmɛ, nɛ mɛni ba benɛ e tu munyu ɔ ta pɛ ɔ?

4. Mɛni ba Kora kɛ e se nyɛɛli 250 nɔ?

5. Mɛni Aaron bi Eleazer ngɔ nihi nɛ a gbo ɔmɛ a ngɛyu ɔmɛ kɛ pee, nɛ mɛni heje?

6. Mɛni heje Yehowa ha Aaron dɛma tso ɔ tsɛ̃ mɔmɔ ɔ? (Hyɛ foni ɔ.)

Sane bimi kpahi:

1. Kane 4 Mose 16:1-49.

   1. Mɛni Kora kɛ e se nyɛɛli ɔmɛ pee, nɛ mɛni heje a ní peepee ɔ tsɔɔ kaa a tsɔ Yehowa hɛ mi atua? (4 Mose 16:9, 10, 18; 3 Mose 10:1, 2; Abɛ 11:2)

   2. Mɛni juɛmi yayami Kora kɛ “ma nimeli” 250 ná? (4 Mose 16:1-3; Abɛ 15:33; Yes. 49:7)

2. Kane 4 Mose 17:1-11 kɛ 26:10.

   1. Mɛni Aaron dɛma tso ɔ nɛ́ tsɛ̃ mɔmɔ ɔ tsɔɔ, nɛ mɛni heje Yehowa de kaa a ngɔ kɛ to somi daka a mi ɔ? (4 Mose 17:5, 8, 10)

   2. Mɛni ji nɔ́ ko nɛ he hia nɛ sa kaa waa kase kɛ je Aaron dɛma tso ɔ he sane ɔ mi? (4 Mose 17:10; Níts. 20:28; Fil. 2:14; Heb. 13:17)

Ní kasemi 40

1. Mɛni blɔ nɔ Yehowa hyɛ Israelbi ɔmɛ a nɔ benɛ a ngɛ nga a nɔ ɔ?

2. Mɛni he munyu Israelbi ɔmɛ tu benɛ a ya to si ngɛ Kadesh ɔ?

3. Mɛni blɔ nɔ Yehowa gu kɛ ha nimli ɔmɛ kɛ a lohwe ɔmɛ nyu?

4. Mɛnɔ ji nyumu ɔ nɛ ngɔ e nine kɛ pi e gugue nɔ ngɛ foni ɔ mi ɔ, nɛ mɛni heje e pee ja?

5. Mɛni heje Yehowa mi mi fu Mose kɛ Aaron, nɛ mɛni ji tue gblami nɛ a ná?

6. Mɛni ba ngɛ Hor Yoku ɔ nɔ, nɛ mɛnɔ ba ye osɔfo nɔkɔtɔma ha Israel ma a?

Sane bimi kpahi:

1. Kane 4 Mose 20:1-13, 22-29 kɛ 5 Mose 29:5.

   1. Mɛni wa ma nyɛ maa kase kɛ je bɔnɛ Yehowa kɛ Israelbi ɔmɛ hi si ngɛ nga a nɔ ɔ mi? (5 Mose 29:5; Mat. 6:31; Heb. 13:5; Yak. 1:17)

   2. ) Kɛ ji bɔnɛ Yehowa na anunyami nɛ Mose kɛ Aaron kɛ ha we lɛ ngɛ Israelbi ɔmɛ a hɛ mi ɔ kɛɛ? (4 Mose 20:12; 1 Kor. 10:12; Kpo. 4:11)

   3. Mɛni wa ma nyɛ maa kase kɛ je bɔnɛ Mose pee e ní ha ngɛ tsɔsemi nɛ Yehowa kɛ ha lɛ ɔ mi? (4 Mose 12:3; 20:12, 27, 28; 5 Mose 32:4; Heb. 12:7-11)

Ní kasemi 41

1. Mɛni kpla tso ɔ he ngɛ foni ɔ mi ɔ, nɛ mɛni heje Yehowa de Mose kaa e kɛ kpla tso ɔ he?

2. Mɛni mabi ɔmɛ pee nɛ́ tsɔɔ kaa a be hɛsa ngɛ níhi tsuo nɛ Yehowa pee ha mɛ ɔ he?

3. Mɛni ni ɔmɛ de Mose ke e pee ha mɛ benɛ Yehowa ha sinɔ duɔtsɛmɛ ba kɔɔ mɛ ɔ?

4. Mɛni heje Yehowa de Mose ke e pee akɔblee sinɔ ɔ?

5. Mɛni wa ma nyɛ maa kase ngɛ sane nɛ ɔ mi?

Sane bimi kpahi:

1. Kane 4 Mose 21:4-9.

   1. Munyu nɛ Israelbi ɔmɛ tu kɛ si blɔ nya nɛ Yehowa to ha mɛ ɔ peeɔ mɛni kɔkɔ bɔmi kɛ haa wɔ? (4 Mose 21:5, 6; Rom. 2:4)

   2. Jeha komɛ a se ɔ, mɛni blɔ nɔ Israelbi ɔmɛ ngɔ akɔblee sinɔ ɔ kɛ tsu ní, nɛ mɛni Matsɛ Hezekia pee ngɛ he? (4 Mose 21:9; 2 Ma. 18:1-4)

2. Kane Yohane 3:14, 15.

   Mɛni blɔ nɔ akɔblee sinɔ ɔ nɛ a kɛ kpla tso ɔ he ɔ pee Yesu Kristo sɛumi he foni? (Gal. 3:13; 1 Pet. 2:24)

Ní kasemi 42

1. Mɛnɔ ji Balak, nɛ mɛni heje e tsɔ kaa a ya tsɛ Balaam kɛ ba?

2. Mɛni heje Balaam teji ɔ hwɔ si ngɛ blɔ ɔ nɔ?

3. Mɛni teji ɔ de Balaam?

4. Mɛni bɔfo ɔ de Balaam?

5. Mɛni ba benɛ Balaam bɔ mɔde kaa e maa gbiɛ Israel ɔ?

Sane bimi kpahi:

1. Kane 4 Mose 21:21-35.

   Mɛni ha nɛ Israel ye Amor Matsɛ Sihon, kɛ Bashan Matsɛ Og nɔ kunimi ɔ? (4 Mose 21:21, 23, 33, 34)

2. Kane 4 Mose 22:1-40.

   Mɛni juɛmi Balaam hɛɛ nɛ lɔɔ heje e bɔ mɔde kaa e maa gbiɛ Israelbi ɔmɛ ɔ, nɛ mɛni wa ma nyɛ maa kase kɛ je enɛ ɔ mi? (4 Mose 22:16, 17; Abɛ 6:16, 18; 2 Pet. 2:15; Yuda 11)

3. Kane 4 Mose 23:1-30.

   E ngɛ mi kaa Balaam tu munyu kaa Yehowa jalɔ mohu, se mɛni e pee nɛ́ tsɔɔ kaa pi Yehowa jalɔ ji lɛ? (4 Mose 23:3, 11-14; 1 Sam. 15:22)

4. Kane 4 Mose 24:1-25.

   Mɛni blɔ nɔ Baiblo mi sane nɛ ɔ woɔ wa hemi kɛ yemi mi he wami kaa Yehowa yi mi tomi maa ba mi kokooko? (4 Mose 24:10; Yes. 54:17)

Ní kasemi 43

1. Mɛnɔmɛ ji nyumuhi enyɔ nɛ a kɛ Mose daa si ngɛ foni ɔ mi ɔ?

2. Mɛni Yehowa de Yoshua?

3. Mɛni heje Mose kuɔ kɛ ya Nebo Yoku ɔ yi mi, nɛ mɛni Yehowa de lɛ?

4. Jeha enyɛmɛ Mose ye loko e gbo?

5. Mɛni ha mabi ɔmɛ ye aywilɛho, nɛ mɛni ha a bua ba jɔ ekohu?

Sane bimi kpahi:

1. Kane 4 Mose 27:12-23.

   Mɛni nítsumi nɛ he wa Yehowa ha Yoshua, nɛ mɛni blɔ nɔ Yehowa hyɛɔ e webi a nɔ mwɔnɛ ɔ? (4 Mose 27:15-19; Níts. 20:28; Heb. 13:7)

2. Kane 5 Mose 3:23-29.

   Mɛni heje Yehowa ha we nɛ Mose kɛ Aaron nɛ ya siwo zugba a nɔ, nɛ mɛni wa ma nyɛ maa kase kɛ je enɛ ɔ mi? (5 Mose 3:25-27; 4 Mose 20:12, 13)

3. Kane 5 Mose 31:1-8, 14-23.

   Mɛni blɔ nɔ sɛ nɛ́ Mose kɛ Israelbi ɔmɛ ye loko e gbo ɔ tsɔɔ kaa e kplɛɛ tsɔsemi nɛ Yehowa kɛ ha lɛ ɔ nɔ? (5 Mose 31:6-8, 23)

4. Kane 5 Mose 32:45-52.

   Mɛni he wami e sa kaa Mawu Munyu ɔ nɛ ná ngɛ wa si himi nɔ? (5 Mose 32:47; 3 Mose 18:5; Heb. 4:12)

5. Kane 5 Mose 34:1-12.

   E ngɛ mi kaa Mose nɛ́ Yehowa nitsɛnitsɛ gblee, se mɛni 5 Mose 34:10 de ngɛ e kɛ Yehowa a kpɛti huɛ bɔmi ɔ he? (2 Mose 33:11, 20; 4 Mose 12:8)

Ní kasemi 44

1. Jije Rahab we ɔ ngɛ?

2. Mɛnɔmɛ ji nyumuhi enyɔ ɔmɛ nɛ ngɛ foni ɔ mi ɔ, nɛ mɛni a ba pee ngɛ Yeriko?

3. Mɛni Yeriko matsɛ ɔ fa Rahab kaa e pee, nɛ mɛni heto e ha?

4. Mɛni Rahab pee kɛ ye bua nyumuhi enyɔ ɔmɛ, nɛ mɛni e bi kaa a pee ha lɛ?

5. Mɛni siwo slaali enyɔ ɔmɛ ha Rahab?

Sane bimi kpahi:

1. Kane Yoshua 2:1-24.

   Mɛni blɔ nɔ Yehowa siwo nɛ ngɛ 2 Mose 23:28 ba mi benɛ Israelbi ɔmɛ ya tua Yeriko ɔ? (Yosh. 2:9-11)

2. Kane Hebribi 11:31.

   Kɛ Rahab nɔhyɛ nɔ́ ɔ ma bɔnɛ hemi kɛ yemi he hia ha nɔ mi kɛɛ? (Rom. 1:17; Heb. 10:39; Yak. 2:25)

Ní kasemi 45

1. Mɛni nyakpɛ nɔ́ Yehowa pee konɛ Israelbi ɔmɛ a nyɛ nɛ a po Yordan Pa a?

2. Mɛni hemi kɛ yemi ní peepee ko lɛ e sa kaa Israelbi ɔmɛ nɛ a pee loko a nyɛ nɛ́ a po Yordan Pa a?

3. Mɛni heje Yehowa de Yoshua kaa e kukuɔ tɛ nguahi 12 kɛ je pa a mi?

4. Mɛni ba benɛ osɔfo ɔmɛ je kpo ngɛ Yordan Pa a mi pɛ ɔ?

Sane bimi kpahi:

1. Kane Yoshua 3:1-17.

   1. Kaa bɔnɛ e je kpo ngɛ sane nɛ ɔ mi ɔ, mɛni e biɔ nɛ waa pee konɛ wa nine nɛ su Yehowa yemi kɛ buami kɛ jɔɔmi nɔ? (Yosh. 3:13, 15; Abɛ 3:5; Yak. 2:22, 26)

   2. Mɛni ji Yordan Pa a si fɔfɔɛ benɛ Israelbi ɔmɛ po pa a kɛ ho Siwo Zugba a nɔ ya a, nɛ mɛni blɔ nɔ enɛ ɔ je Yehowa biɛ ɔ yi ngɛ? (Yosh. 3:15; 4:18; La 66:5-7)

2. Kane Yoshua 4:1-18.

   Tɛ 12 ɔmɛ nɛ a kukuɔ kɛ je Yordan Pa a mi nɛ a ngɔ ma si ngɛ Gilgal ɔ tsu mɛni yi mi tomi he ní? (Yosh. 4:4-7)

Ní kasemi 46

1. Mɛni Yehowa de tabuli ɔmɛ kɛ osɔfo ɔmɛ kaa a pee ligbi ekpa?

2. Mɛni e sa kaa nyumu ɔmɛ nɛ a pee ngɛ ligbi kpaago ɔ nɔ?

3. Kaa bɔnɛ o na ngɛ foni ɔ mi ɔ, kɛ Yeriko gbogbo ɔ ngɛ pee kɛɛ?

4. Mɛni heje kpa tsutsu kpla si ngɛ saflɛ ɔ nya?

5. Mɛni Yoshua de tabuli ɔmɛ kaa a pee mabi ɔmɛ kɛ ma a, se sika tsu, sika hiɔ, akɔblee kɛ dade ní ɔmɛ lɛɛ mɛni e de mɛ ke a pee a he?

6. Mɛni Yoshua de slaali enyɔ ɔmɛ nɛ a pee?

Sane bimi kpahi:

1. Kane Yoshua 6:1-25.

   1. Mɛni blɔ nɔ Israelbi ɔmɛ a nyɛɛmi nɛ a nyɛɛ ngɛ ligbi kpaago ɔ nɔ kɛ bɔle Yeriko ma a kɛ Yehowa Odasefoli a fiɛɛmi nítsumi ɔ sɔ mwɔnɛ ɔ? (Yosh. 6:15, 16; Yes. 60:22; Mat. 24:14; 1 Kor. 9:16)

   2. Kɛ gbami nɛ ngɛ Yoshua 6:26 ba mi ngɛ jeha 500 se ha kɛɛ, nɛ mɛni enɛ ɔ tsɔɔ wɔ ngɛ munyu nɛ Yehowa tuɔ ɔ he? (1 Ma. 16:34; Yes. 55:11)

Ní kasemi 47

1. Ngɛ foni ɔ mi ɔ, mɛnɔ ji nyumu nɛ ngɛ Yeriko sika tsu kɛ sika hiɔ, kɛ bo nɛ ngɛ fɛu pue ɔ, nɛ mɛnɔmɛ nɛ piɛɛ e he ɔ?

2. Mɛni heje nɛ hɛdɔ ngɛ nɔ́ nɛ Akan kɛ e weku ɔ pee ɔ he?

3. Benɛ Yoshua bi nɔ́ nɛ ha a ye Israelbi ɔmɛ a nɔ ngɛ Ai ta a mi ɔ, mɛni Yehowa de lɛ?

4. Benɛ a ngɔ Akan kɛ e weku ɔ kɛ ba Yoshua ngɔ ɔ, mɛni a pee mɛ?

5. Mɛni ní kasemi nɛ he hia wa ma nyɛ ma ná kɛ je Akan kojomi ɔ mi?

Sane bimi kpahi:

1. Kane Yoshua 7:1-26.

   1. Yoshua sɔlemi ɔ tsɔɔ kaa mɛni wekukpa ngɛ e kɛ e Bɔlɔ ɔ a kpɛti? (Yosh. 7:7-9; La 119:145; 1 Yoh. 5:14)

   2. Akan nɔhyɛ nɔ́ ɔ yeɔ mɛni he odase, nɛ mɛni blɔ nɔ enɛ ɔ ji kɔkɔ bɔmi nɔ́ kɛ ha wɔ? (Yosh. 7:11, 14, 15; Abɛ 15:3; 1 Tim. 5:24; Heb. 4:13)

2. Kane Yoshua 8:1-29.

   Mɛni ji blɔ nya ní nɛ fɔɔ si ngɛ wa kpɛti nɔ tsuaa nɔ nɔ ngɛ Kristofoli asafo ɔ mi mwɔnɛ ɔ? (Yosh. 7:13; 3 Mose 5:1; Abɛ 28:13)

Ní kasemi 48

1. Mɛni blɔ nɔ e slo Gibeonbi ɔmɛ ngɛ Kanaanbi kpa amɛ a he?

2. Kaa bɔnɛ o na ngɛ foni ɔ mi ɔ, mɛni Gibeonbi ɔmɛ pee, nɛ mɛni heje a pee ja?

3. Mɛni kita Yoshua kɛ Israel nimeli ɔmɛ kã Gibeonbi ɔmɛ, nɛ mɛni a ba ná le ngɛ ligbi etɛ se?

4. Mɛni ba benɛ matsɛmɛ kpa amɛ nu kaa Gibeonbi ɔmɛ kɛ Israelbi ɔmɛ ya pee huɛ ɔ?

Sane bimi kpahi:

1. Kane Yoshua 9:1-27.

   1. E ngɛ mi kaa Yehowa fã Israelbi ɔmɛ kaa a ‘kpata Kanaanbi ɔmɛ tsuo a hɛ mi ngɛ zugba a nɔ’ mohu, se Gibeonbi ɔmɛ a yi nɛ E baa a je mɛni su kpo ngɛ E he? (Yosh. 9:22, 24; Mat. 9:13; Níts. 10:34, 35; 2 Pet. 3:9)

   2. Mɛni blɔ nɔ somi nɛ Yoshua kɛ Gibeonbi ɔmɛ pee nɛ e kui mi ɔ ji nɔhyɛ nɔ́ kpakpa kɛ ha Kristofoli mwɔnɛ ɔ? (Yosh. 9:18, 19; Mat. 5:37; Efe. 4:25)

2. Kane Yoshua 10:1-5.

   Mɛni blɔ nɔ asafo babauu ɔ ngɛ Gibeonbi ɔmɛ kasee mwɔnɛ ɔ, nɛ enɛ ɔ peemi ngɔɔ mɛni kɛ baa a nɔ? (Yosh. 10:4; Zak. 8:23; Mat. 25:35-40; Kpoj. 12:17)

Ní kasemi 49

1. Mɛni Yoshua ngɛ dee ngɛ foni ɔ mi, nɛ mɛni heje?

2. Mɛni blɔ nɔ Yehowa gu kɛ ye bua Yoshua kɛ e tabuli ɔmɛ?

3. Matsɛmɛ nɛ ji Israel henyɛli enyɛmɛ Yoshua ye a nɔ kunimi, nɛ jeha enyɛmɛ e ngɔ?

4. Mɛni heje Yoshua gba Kanaan zugba a?

5. Jeha enyɛmɛ Yoshua ye loko e gbo, nɛ e gbenɔ se ɔ, mɛni mabi ɔmɛ pee?

Sane bimi kpahi:

1. Kane Yoshua 10:6-15.

   Mɛni he kɛ nɔ fɔmi pu kɛ nyɔhiɔ nɛ́ Yehowa ha a da si ha Israelbi ɔmɛ haa wɔ mwɔnɛ ɔ? (Yosh. 10:8, 10, 12, 13; La 18:3; Abɛ 18:10)

2. Kane Yoshua 12:7-24.

   Mɛnɔ ji nɔ tutuutu nɛ ha Israelbi ɔmɛ ye Kanaan matsɛmɛ 31 nɔ kunimi ɔ, nɛ mɛni heje enɛ ɔ sa kadimi mwɔnɛ ɔ? (Yosh. 12:7; 24:11-13; 5 Mose 31:8; Luka 21:9, 25-28)

3. Kane Yoshua 14:1-5.

   Mɛni blɔ nɔ a gu kɛ gba zugba a ngɔ ha Israel wɛtso ɔmɛ, nɛ mɛni enɛ ɔ tsɔɔ wɔ ngɛ weto ní nɛ wa ma ná ngɛ paradeiso ɔ mi he? (Yosh. 14:2; Yes. 65:21; Ezek. 47:21-23; 1 Kor. 14:33)

4. Kane Manyadali 2:8-13.

   Mɛnɔmɛ ngɛ hemi kɛ yemi kuami nya tsie mwɔnɛ ɔ, kaa bɔnɛ Yoshua pee ngɛ Israel? (Many. 2:8, 10, 11; Mat. 24:45-47; 2 Tes. 2:3-6; Tito 1:7-9; Kpoj. 1:1; 2:1, 2)

Ní kasemi 50

1. Mɛnɔmɛ ji nyadali, nɛ kɛ a tsɛɛ a ti ni komɛ kɛɛ?

2. Mɛni he blɔ nɛ́ ngɛ slɔɔto Debora ngɛ, nɛ mɛni enɛ ɔ ha nɛ e tsu?

3. Benɛ Matsɛ Yabin kɛ e tatsɛ Sisera wo Israel he gbeye ɔ, mɛni sɛgbi Yehowa kɛ ha Debora nɛ e de Nyadalɔ Barak, nɛ mɛnɔ e tsɔɔ kaa e maa ngɔ anunyami ɔ?

4. Mɛni blɔ nɔ Yael tsɔɔ ngɛ kaa e ji yo kãtsɛ?

5. Mɛni ba ngɛ Matsɛ Yabin gbenɔ se?

Sane bimi kpahi:

1. Kane Manyadali 2:14-22.

   Mɛni Israelbi ɔmɛ pee nɛ e ha Yehowa mi mi fu mɛ, nɛ mɛni wa ma nyɛ maa kase kɛ je mi? (Many. 2:20; Abɛ 3:1, 2; Ezek. 18:21-23)

2. Kane Manyadali 4:1-24.

   Mɛni Kristofoli yihi ma nyɛ maa kase ngɛ Debora kɛ Yael nɔhyɛ nɔ́ ɔ mi mwɔnɛ ɔ? (Many. 4:4, 8, 9, 14, 21, 22; Abɛ 31:30; 1 Kor. 16:13)

3. Kane Manyadali 5:1-31.

   Mɛni blɔ nɔ wa ma nyɛ maa ngɔ kunimi yemi la nɛ Barak kɛ Debora la a kɛ tsu ní kaa sɔlemi kɛ kɔ Harmagedon ta a nɛ ma a he? (Many. 5:3, 31; 1 Kron. 16:8-10; Kpoj. 7:9, 10; 16:16; 19:19-21)

Ní kasemi 51

1. Kɛ ba kɛɛ nɛ Naomi ya je Moab zugba a nɔ?

2. Mɛnɔmɛ ji Rut kɛ Orpa?

3. Kɛ Rut kɛ Orpa pee a ní ha kɛɛ benɛ Naomi de mɛ ke a kpale kɛ ho a wehi a mi ya a?

4. Mɛnɔ ji Boaz, nɛ mɛni blɔ nɔ e ye bua Rut kɛ Naomi ngɛ?

5. Kɛ a tsɛɛ Boaz kɛ Rut binyumu ɔ kɛɛ, nɛ mɛni heje e hia kaa wa kai lɛ?

Sane bimi kpahi:

1. Kane Rut 1:1-17.

   1. Mɛni munyu Rut tu nɛ tsɔɔ anɔkuale suɔmi nɛ e ngɛ kɛ ha Naomi? (Rut 1:16, 17)

   2. Mɛni blɔ nɔ Rut juɛmi nɛ e ngɛ ɔ tsɔɔ su nɛ “to kpa amɛ” hɛɛ ngɛ nihi nɛ a pɔ mɛ nu nɛ a ngɛ zugba a nɔ ɔ he mwɔnɛ ɔ? (Yoh. 10:16; Zak. 8:23)

2. Kane Rut 2:1-23.

   Mɛni blɔ nɔ Rut pee nɔhyɛ nɔ́ kpakpa kɛ ha yihewi mwɔnɛ ɔ? (Rut 2:17, 18; Abɛ 23:22; 31:15)

3. Kane Rut 3:5-13.

   1. Kɛ Boaz susu ngɛ bɔnɛ Rut kplɛɛ kaa e maa gba lɛ mohu pe niheyo ɔ he kɛɛ?

   2. Mɛni Rut su ɔ tsɔɔ wɔ ngɛ anɔkuale suɔmi he? (Rut 3:10; 1 Kor. 13:4, 5)

4. Kane Rut 4:7-17.

   Mɛni blɔ nɔ Kristofoli nyumuhi ma nyɛ maa kase Boaz mwɔnɛ ɔ? (Rut 4:9, 10; 1 Tim. 3:1, 12, 13; 5:8)

Ní kasemi 52

1. Mɛni heje Israelbi ɔmɛ sɛ haomi mi, nɛ ngɛ mɛni blɔ nɔ?

2. Mɛni heje Yehowa de Gideon kaa e tabuli ɔmɛ hiɛ tsɔ ɔ?

3. Tabuli enyɛmɛ piɛ benɛ Gideon de nihi nɛ ngɛ gbeye yee ɔ kaa a ho we mi ya a?

4. Hyɛ foni ɔ, konɛ o tsɔɔ nɔ́ nɛ Yehowa pee nɛ e kɛ je Gideon tabuli ɔmɛ a nɔ kɛ ba 300?

5. Kɛ Gideon to e tabuli 300 a he blɔ nya ha kɛɛ, nɛ mɛni blɔ nɔ Israel gu kɛ ye kunimi ngɛ ta a mi?

Sane bimi kpahi:

1. Kane Manyadali 6:36-40.

   1. Mɛni Gideon pee kɛ ná nɔmi mami ngɛ Yehowa suɔmi nya ní peemi he?

   2. Mɛni wa peeɔ mwɔnɛ ɔ konɛ wa kɛ le Yehowa suɔmi nya ní? (Abɛ 2:3-6; Mat. 7:7-11; 2 Tim. 3:16, 17)

2. Kane Manyadali 7:1-25.

   1. Mɛni wa ma nyɛ maa kase kɛ je nimli 300 nɛ a hɛ ngɛ a he nɔ ɔ, kɛ ni nɛmɛ nɛ a hɛ be a he nɔ ɔ he? (Many. 7:3, 6; Rom. 13:11, 12; Efe. 5:15-17)

   2. Kaa bɔnɛ nyumuhi 300 hyɛ Gideon nɛ a kase lɛ ɔ, kɛ wɔ hu wa ma plɛ kɛ hyɛ Gideon Ngua a nɛ ji Yesu Kristo ɔ nɛ́ waa kase lɛ kɛɛ? (Many. 7:17; Mat. 11:29, 30; 28:19, 20; 1 Pet. 2:21)

   3. Mɛni blɔ nɔ Manyadali 7:21 maa ye bua wɔ ngɛ konɛ wa bua nɛ jɔ he saisaa nɛ a ha wɔ kaa wa sɔmɔ ngɛ ngɛ Yehowa asafo ɔ mi ɔ he? (1 Kor. 4:2; 12:14-18; Yak. 4:10)

3. Kane Manyadali 8:1-3.

   Mɛni wa ma nyɛ kase kɛ je bɔnɛ Gideon tsu pɛ nɛ te si ngɛ e kɛ Efraimbi ɔmɛ a kpɛti ɔ he ní ɔ mi ke e ba kaa waa kɛ wa nyɛmi ko ná sane ko? (Abɛ 15:1; Mat. 5:23, 24; Luka 9:48)

Ní kasemi 53

1. Mɛnɔ ji Yefta, nɛ mɛni be mi e hi si?

2. Mɛni kita Yefta kã Yehowa?

3. Mɛni heje Yefta ye aywilɛho benɛ e ya ye Amonbi ɔmɛ a nɔ kunimi nɛ e kpale kɛ ba we mi ɔ?

4. Mɛni Yefta biyo ɔ de benɛ e tsɛ ɔ de lɛ kita nɛ e kã a?

5. Mɛni heje mabi ɔmɛ suɔ Yefta biyo ɔ sane ɔ?

Sane bimi kpahi:

1. Kane Manyadali 10:6-18.

   Mɛni kɔkɔ bɔmi ngɛ Israelbi ɔmɛ a we anɔkuale nɛ a yi Yehowa nɛ a ngma kɛ fɔ si ɔ mi kɛ ha wɔ? (Many. 10:6, 15, 16; Rom. 15:4; Kpoj. 2:10)

2. Kane Manyadali 11:1-11, 29-40.

   1. Kɛ wa peeɔ kɛ leɔ kaa Yefta biyo ɔ nɛ e ngɔ ha kaa “sãmi bɔ” ɔ tsɔɔ we kaa a ya gbe lɛ kɛ sã afɔle? (Many. 11:31; 3 Mose 16:24; 5 Mose 18:10, 12)

   2. Mɛni blɔ nɔ Yefta ngɔ e biyo ɔ kɛ sã afɔle ngɛ?

   3. Mɛni wa ma nyɛ maa kase kɛ je bɔnɛ Yefta pee e ní ha ngɛ kita nɛ e kã Yehowa he ɔ mi? (Many. 11:35, 39; Fiɛlɔ 5:4, 5; Mat. 16:24)

   4. Mɛni blɔ nɔ Yefta biyo ɔ pee be tsuo sɔmɔmi nítsumi ɔ he nɔhyɛ nɔ́ kpakpa kɛ fɔ si ha Kristofoli nihewi kɛ yihewi? (Many. 11:36; Mat. 6:33; Fil. 3:8)

Ní kasemi 54

1. Kɛ a tsɛɛ nyumu nɛ he wa pe kulaa nɛ hi si hyɛ ɔ kɛɛ, nɛ mɛnɔ ha lɛ he wami ɔ?

2. Ligbi ko ɔ, mɛni Samson pee jata agbo ko kaa bɔnɛ o na ngɛ foni ɔ mi ɔ?

3. Mɛni laami mi sane Samson ngɛ sɛɛe ha Delila ngɛ foni ɔ mi ɔ, nɛ mɛni blɔ nɔ enɛ ɔ ha Filistibi ɔmɛ ná e he blɔ nɛ a nu lɛ?

4. Mɛni blɔ nɔ Samson gbe henyɛli nɛ ji Filistibi 3,000 ngɛ ligbi nɛ e gbo ɔ nɔ?

Sane bimi kpahi:

1. Kane Manyadali 13:1-14.

   Mɛni blɔ nɔ Manoa kɛ e yo ɔ pee bimɛ a lɛmi he nɔhyɛ nɔ́ kpakpa kɛ fɔ si ha fɔli? (Many. 13:8; La 127:3; Efe. 6:4)

2. Kane Manyadali 14:5-9 kɛ 15:9-16.

   1. Mɛni lɛ jata nɛ́ Samson gbe, kɛ kpa nɛ a kɛ fi lɛ nɛ e tsɔ mi, kɛ teji tsitsa wu nɛ e kɛ gbe nyumuhi 1,000 he sane ɔ tsɔɔ ngɛ bɔnɛ Yehowa mumi klɔuklɔu ɔ tsuɔ ní ha a he?

   2. Mɛni blɔhi a nɔ mumi klɔuklɔu yeɔ bua wɔ mwɔnɛ ɔ? (Many. 14:6; 15:14; Zak. 4:6; Níts. 4:31)

3. Kane Manyadali 16:18-31.

   Mɛni blɔ nɔ huɛ bɔmi yayami ye Samson awi ngɛ, nɛ mɛni wa ma nyɛ maa kase kɛ je enɛ ɔ mi? (Many. 16:18, 19; 1 Kor. 15:33)

Ní kasemi 55

1. Kɛ a tsɛɛ jokuɛ nyumuyo ɔ nɛ ngɛ foni ɔ mi ɔ kɛɛ, nɛ ni kpa amɛ nɛɛ?

2. Mɛni sɔlemi Hana sɔle ligbi ko nɛ e ya Yehowa bo tsu ɔ mi ɔ, nɛ kɛ Yehowa ha lɛ heto kɛɛ?

3. Jeha enyɛmɛ Samuel ye benɛ a ngɔ lɛ kɛ ya nɛ e ya sɔmɔ ngɛ Yehowa bo tsu ɔ mi ɔ, nɛ mɛni e nyɛ peeɔ kɛ haa lɛ daa jeha?

4. Kɛ a tsɛɛ Eli binyumu ɔmɛ kɛɛ, nɛ mɛni nimli ji mɛ?

5. Mɛni blɔ nɔ Yehowa gu kɛ tsɛ Samuel, nɛ mɛni sɛgbi E kɛ ha lɛ?

6. Benɛ Samuel wa a, mɛni e ba plɛ, nɛ benɛ e ba bwɔ ɔ, mɛni ba?

Sane bimi kpahi:

1. Kane 1 Samuel 1:1-28.

   1. Mɛni nɔhyɛ nɔ́ kpakpa Elkana pee kɛ fɔ si ha wekuyihi ngɛ weku ɔ hɛ mi nyɛɛmi ngɛ anɔkuale jami mi ɔ he? (1 Sam. 1:3, 21; Mat. 6:33; Fil. 1:10)

   2. Mɛni wa ma nyɛ maa kase kɛ je bɔnɛ Hana tsu haomi nɛ mi wa nɛ e kɛ kpe ɔ he ní ɔ mi? (1 Sam. 1:10, 11; La 55:22; Rom. 12:12)

2. Kane 1 Samuel 2:11-36.

   Mɛni blɔ nɔ Eli bu e binyumu ɔmɛ pe Yehowa, nɛ mɛni blɔ nɔ enɛ ɔ ji kɔkɔ bɔmi kɛ ha wɔ? (1 Sam. 2:22-24, 27, 29; 5 Mose 21:18-21; Mat. 10:36, 37)

3. Kane 1 Samuel 4:16-18.

   Mɛni sɛgbi nɛ haoɔ nɔ eywiɛ a kɛ je ta nga a nɔ kɛ ba ha Eli, nɛ mɛni amaniɛ bɔmi nɛ ɔ ngɔ kɛ ba e nɔ?

4. Kane 1 Samuel 8:4-9.

   Mɛni Israelbi ɔmɛ pee kɛ tɔ̃ Yehowa nɔ wawɛɛ, nɛ mɛni blɔ nɔ wa ma nyɛ ma fĩ e Matsɛ Yemi ɔ se mwɔnɛ ɔ? (1 Sam. 8:5, 7; Yoh. 17:16; Yak. 4:4)

Ní kasemi 56

1. Mɛni Samuel ngɛ pee ngɛ foni ɔ mi ɔ, nɛ mɛni heje?

2. Mɛni ha Yehowa suɔ Saul sane, nɛ mɛni nɔmlɔ ji lɛ?

3. Kɛ a tsɛɛ Saul binyumu ɔ kɛɛ, nɛ mɛni e pee?

4. Kɛ ba kɛɛ nɛ Saul mlɛ́ Samuel nɛ lɛ nitsɛ e sã afɔle ɔ?

5. Mɛni wa ma nyɛ maa kase ngɛ Saul sane ɔ he?

Sane bimi kpahi:

1. Kane 1 Samuel 9:15-21 kɛ 10:17-27.

   Mɛni blɔ nɔ he si bami su nɛ Saul ngɛ ɔ ye bua lɛ nɛ e ngɔɛ esɔ yemi kɛ pee nɔ́ ko nɛ dɛ benɛ nyumuhi komɛ jɛ lɛ ɔ? (1 Sam. 9:21; 10:21, 22, 27; Abɛ 17:27)

2. Kane 1 Samuel 13:5-14.

   Mɛni yayami Saul pee ngɛ Gigal? (1 Sam. 10:8; 13:8, 9, 13)

3. Kane 1 Samuel 15:1-35.

   1. Mɛni yayami nɛ ngɛ hɛdɔ Saul pee ngɛ Amalek Matsɛ Agag sane ɔ mi? (1 Sam. 15:2, 3, 8, 9, 22)

   2. Mɛni blɔ nɔ Saul je e nya ngɛ nɛ e kɛ tsɔɔ kaa nɔ́ nɛ e pee ɔ da? (1 Sam. 15:24)

   3. Ke a wo wɔ ga a, mɛni kɔkɔ bɔmi e sa kaa wa kɛ tsu ní mwɔnɛ ɔ? (1 Sam. 15:19-21; La 141:5; Abɛ 9:8, 9; 11:2)

Ní kasemi 57

1. Kɛ a tsɛɛ nyumuyo ɔ nɛ ngɛ foni ɔ mi ɔ kɛɛ, nɛ kɛ wa peeɔ kɛ leɔ kaa e ngɛ kã kɛɛ?

2. Jije David hi, nɛ kɛ a tsɛɛ e tsɛ kɛ e nɛ kɛɛ?

3. Mɛni heje nɛ Yehowa de Samuel kaa e ya Ishai we ɔ mi ngɛ Betlehem ɔ?

4. Mɛni ba benɛ Ishai ngɔ e binyumuhi kpaago kɛ ba Samuel ngɔ?

5. Benɛ a tsɛ David kɛ ba a, mɛni Yehowa de Samuel?

Sane bimi kpahi:

1. Kane 1 Samuel 17:34, 35.

   Mɛni blɔ nɔ sane nɛ ɔmɛ ma nɔ mi kaa David ji kãtsɛ nɛ e kɛ e he hu fɔ Yehowa nɔ? (1 Sam. 17:37)

2. Kane 1 Samuel 16:1-14.

   1. Mɛni blɔ nɔ Yehowa munyu nɛ ngɛ 1 Samuel 16:7 yeɔ bua wɔ konɛ wa kua nihi a hɛ mi hyɛmi kɛ juɛmi yayami nɛ a náa ngɛ ni kpahi a he ɔ? (Níts. 10:34, 35; 1 Tim. 2:4)

   2. Mɛni blɔ nɔ nɔ́ nɛ ba Saul nɔ tsɔɔ ngɛ kaa ke Yehowa je e mumi klɔuklɔu ɔ kɛ je nɔ ko nɔ ɔ, mumi yayami, aloo he numi nɛ a náa kaa a pee nɔ́ yayami ɔ ma nyɛ ma ba da nane mi. (1 Sam. 16:14; Mat. 12:43-45; Gal. 5:16)

Ní kasemi 58

1. Mɛni Goliat bi kaa Israelbi tabuli ɔmɛ kɛ lɛ nɛ ba pee?

2. Kɛ Goliat ngɛ kɛɛ, nɛ mɛni Matsɛ Saul wo si kaa e ma ha nɔ nɛ maa gbe Goliat?

3. Benɛ Saul de David kaa e be Goliat nyɛɛe ejakaa e ji niheyo kɛkɛ ɔ, mɛni e de?

4. Mɛni heto David ha Goliat kɛ tsɔɔ kaa e ngɛ he kɛ nɔ fɔmi ngɛ Yehowa mi?

5. Kaa bɔnɛ o na ngɛ foni ɔ mi ɔ, mɛni David kɛ gbe Goliat, nɛ mɛni ba Filistibi ɔmɛ a nɔ ngɛ lɔɔ se?

Sane bimi kpahi:

1. Kane 1 Samuel 17:1-54.

   1. Mɛni ha David yi gbeye ɔ, nɛ kɛ wa ma plɛ kɛ kase e kã peemi ɔ kɛɛ? (1 Sam. 17:37, 45; Efe. 6:10, 11)

   2. Mɛni heje nɛ e sa kaa Kristofoli nɛ a kua Goliat koli simi su ɔ ke a ngɛ a heja jee ɔ? (1 Sam. 17:8; Gal. 5:26; 1 Tim. 4:8)

   3. Mɛni David de nɛ́ tsɔɔ kaa e ngɛ he kɛ nɔ fɔmi kaa Mawu ma fĩ e se? (1 Sam. 17:45-47; 2 Kron. 20:15)

   4. Mɛni blɔ nɔ sane nɛ ɔ tsɔɔ ngɛ kaa e ji ta nɛ́ lakpa mawuhi kɛ anɔkuale Mawu Yehowa a hwu, se pi tabuli a kuuhi enyɔ a koli simi ko kɛkɛ? (1 Sam. 17:43, 46, 47)

   5. Kristofoli nɛ a pɔ mɛ nu a kpɛti nihi nɛ piɛ ɔ je he kɛ nɔ fɔmi kpo ngɛ Yehowa mi kaa David ngɛ mɛni blɔ nɔ? (1 Sam. 17:37; Yer. 1:17-19; Kpoj. 12:17)

Ní kasemi 59

1. Mɛni heje Saul je David he hunga, se e slo Saul binyumu Yonatan ngɛ mɛni blɔ nɔ?

2. Mɛni ba ligbi ko nɛ́ David ngɛ sanku fiae ha Saul ɔ?

3. Mɛni Saul de kaa David nɛ pee loko e maa ngɔ e biyo Mikal kɛ ha lɛ, nɛ mɛni heje Saul de ja?

4. Kaa bɔnɛ o na ngɛ foni ɔ mi ɔ, mɛni ba si etɛne benɛ David ngɛ sanku fiae ha Saul?

5. Mɛni Mikal pee kɛ baa David yi, nɛ mɛni David pee jeha kpaago?

Sane bimi kpahi:

1. Kane 1 Samuel 18:1-30.

   1. Mɛni blɔ nɔ suɔmi nɛ mi wa nɛ hi David kɛ Yonatan kpɛti ɔ peeɔ suɔmi nɛ ngɛ “to kpa” amɛ kɛ “asafo kuu nyafii” ɔ a kpɛti ɔ he foni? (1 Sam. 18:1; Yoh. 10:16; Luka 12:32; Zak. 8:23)

   2. E ngɛ mi kaa Yonatan ji nɔ nɛ ko ye Saul se kaa matsɛ mohu, se mɛni blɔ nɔ 1 Samuel 18:4 tsɔɔ he si bami nitsɛ nɛ Yonatan kɛ kplɛɛ nɔ nɛ Mawu hla a nɔ?

   3. Mɛni blɔ nɔ Saul nɔhyɛ nɔ́ ɔ tsɔɔ kaa hunga jemi ma nyɛ ma ha nɛ nɔ ko nɛ pee yayami nɛ hɛdɔ ngɛ he, nɛ mɛni kɔkɔ bɔmi enɛ ɔ ji kɛ ha wɔ? (1 Sam. 18:7-9, 25; Yak. 3:14-16)

2. Kane 1 Samuel 19:1-17.

   Mɛni blɔ nɔ Yonatan ngɔ e wami kɛ wo oslaa mi benɛ e de Saul kaa e sɛ kaa e ye David awi ɔ? (1 Sam. 19:1, 4-6; Abɛ 16:14)

Ní kasemi 60

1. Kɛ a tsɛɛ yo ɔ nɛ e kɛ David ma kpemi ngɛ foni ɔ mi ɔ kɛɛ, nɛ mɛni ji e su?

2. Mɛnɔ ji Nabal?

3. Mɛni heje David tsɔ e webi ɔmɛ kɛ ya Nabal ngɔ kaa e dloo mɛ niye ní ɔ?

4. Mɛni Nabal de David tsɔli ɔmɛ, nɛ kɛ David pee e ní ngɛ he kɛɛ?

5. Mɛni Abigail pee kɛ tsɔɔ kaa yo ní lelɔ ji lɛ?

Sane bimi kpahi:

1. Kane 1 Samuel 22:1-4.

   Mɛni blɔ nɔ David weku ɔ pee nɔhyɛ nɔ́ kpakpa ngɛ bɔnɛ e sa kaa waa ye bua wa sibi ngɛ asafo ɔ mi ha a he? (Abɛ 17:17; 1 Tes. 5:14)

2. Read 1 Samuel 25:1-43.

   1. Mɛni heje a kale Nabal kaa nɔmlɔ nɛ bu be e he kulaa a? (1 Sam. 25:2-5, 10, 14, 21, 25)

   2. Mɛni mwɔnɛ ɔ Kristofoli yigbayi ma nyɛ maa kase kɛ je Abigail nɔhyɛ nɔ́ ɔ mi? (1 Sam. 25:32, 33; Abɛ 31:26; Efe. 5:24)

   3. Mɛni ní yayamihi enyɔ Abigail tsi David nya ngɛ he? (1 Sam. 25:31, 33; Rom. 12:19; Efe. 4:26)

   4. Mɛni blɔ nɔ bɔnɛ David bu Abigail ga womi ɔ tue ɔ, yeɔ bua nyumuhi mwɔnɛ ɔ konɛ a ná Yehowa juɛmi ngɛ yihi a he? (Níts. 21:8, 9; Rom. 2:11; 1 Pet. 3:7)

Ní kasemi 61

1. Mɛni David kɛ Abishai pee benɛ Saul hwɔ mahe ngɛ e sito he ɔ?

2. Mɛni munyuhi David bi Saul?

3. Jije David ho benɛ e je Saul ngɔ?

4. Mɛni wo David aywilɛho nɛ e po la a?

5. Jeha enyɛmɛ David ye benɛ a wo lɛ matsɛ ngɛ Hebron ɔ, nɛ kɛ a tsɛɛ e bimɛ ɔmɛ ekomɛ kɛɛ?

6. Jije David ya ye matsɛ ngɛ pee se?

Ní kasemi bimi kpahi:

1. Kane 1 Samuel 26:1-25.

   1. David munyu nɛ e tu ngɛ 1 Samuel 26:11 tsɔɔ kaa wa je mɛni su kpo ngɛ Mawu blɔ nya tomi he? (La 37:7; Rom. 13:2)

   2. Ke wa pee nɔ ko kpakpa se nɔ ɔ je we hɛsa kpo ngɛ he ɔ, mɛni blɔ nɔ David munyu nɛ ngɛ 1 Samuel 26:23 ma nyɛ maa ye bua wɔ konɛ waa hɛɛ juɛmi nɛ da? (1 Ma. 8:32; La 18:20)

2. Kane 2 Samuel 1:26.

   Mɛni blɔ nɔ Kristofoli nɛ a ngɛ mwɔnɛ ɔ ma nyɛ ma ná ‘suɔmi nɛ mi wa kɛ ha a sibi’ kaa bɔnɛ e hi David kɛ Yonatan kpɛti ɔ? (1 Pet. 4:8; Kol. 3:14; 1 Yoh. 4:12)

3. Kane 2 Samuel 5:1-10.

   1. David ye matsɛ jeha enyɛmɛ, nɛ kɛ a gba be ɔ mi ha kɛɛ? (2 Sam. 5:4, 5)

   2. Mɛnɔ ha David pee nɔmlɔ nguaa, nɛ mɛni blɔ nɔ enɛ ɔ ji kaimi nɔ́ kɛ ha wɔ mwɔnɛ ɔ? (2 Sam. 5:10; 1 Sam. 16:13; 1 Kor. 1:31; Fil. 4:13)

Ní kasemi 62

1. Nyagbe ɔ, mɛni ba Kanaan zugba a nɔ ngɛ Yehowa yemi kɛ buami nya?

2. Mɛni ba ligbi ko gbɔkuɛ nya si benɛ David ngɛ e tsu ɔ yi mi ngɛ matsɛ we ɔ mi ɔ?

3. Mɛni heje Yehowa mi mi fu David wawɛɛ?

4. Kaa bɔnɛ e ngɛ foni ɔ mi ɔ, mɛnɔ Yehowa tsɔ kɛ ya David ngɔ nɛ e ya de lɛ ní yayamihi nɛ e pee ɔ, nɛ mɛni nyumu ɔ de David kaa e maa ba e nɔ?

5. Mɛni haomi ba David nɔ?

6. Mɛnɔ ba ye David se kaa Israel matsɛ?

Sane bimi kpahi:

1. Kane 2 Samuel 11:1-27.

   1. Mɛni blɔ nɔ Yehowa sɔmɔmi nɛ waa kɛ wa he woɔ mi daa a ji he piɛ pomi kɛ ha wɔ?

   2. Mɛni ha David pee yayami ɔ, nɛ mɛni ji kɔkɔ bɔmi nɛ ngɛ enɛ ɔ mi kɛ ha Yehowa tsɔli mwɔnɛ ɔ? (2 Sam. 11:2; Mat. 5:27-29; 1 Kor. 10:12; Yak. 1:14, 15)

2. Kane 2 Samuel 12:1-18.

   1. Mɛni asafo mi nikɔtɔmahi kɛ fɔli ma nyɛ maa kase ngɛ blɔ nɔ nɛ Natan gu kɛ wo David ga a mi? (2 Sam. 12:1-4; Abɛ 12:18; Mat. 13:34)

   2. Mɛni heje Yehowa na David mɔbɔ ɔ? (2 Sam. 12:13; La 32:5; 2 Kor. 7:9, 10)

Ní kasemi 63

1. Mɛni Yehowa bi Salomo, nɛ mɛni heto Salomo ha?

2. Mɛni Yehowa wo si kaa e ma ha Salomo akɛnɛ E bua jɔ nɔ́ nɛ Salomo bi ɔ he ɔ?

3. Mɛni sane nɛ he wa ko yihi enyɔ komɛ kɛ ba fɔ Salomo hɛ mi?

4. Kaa bɔnɛ o na ngɛ foni ɔ mi ɔ, kɛ Salomo tsu haomi ɔ he ní ha kɛɛ?

5. Kɛ si himi ɔ ngɛ kɛɛ ngɛ Salomo nɔyemi ɔ sisi, nɛ mɛni heje?

Sane bimi kpahi:

1. Kane 1 Matsɛmɛ 3:3-28.

   1. Mɛni ji nɔ́ nɛ nyumuhi nɛ a haa mɛ nítsumi ngɛ Yehowa asafo ɔ mi mwɔnɛ ɔ ma nyɛ maa kase ngɛ Salomo munyu nɛ ngɛ 1 Matsɛmɛ 3:7 mi? (La 119:105; Abɛ 3:5, 6)

   2. Ke wa ma bi nɔ́ ko kɛ je Yehowa ngɔ ɔ, mɛni blɔ nɔ nɔ́ nɛ Salomo bi ɔ ji nɔ́ hyɛmi nɔ kpakpa kɛ ha wɔ? (1 Ma. 3:9, 11; Abɛ 30:8, 9; 1 Yoh. 5:14)

   3. Blɔ nɔ nɛ Salomo gu kɛ tsu yihi enyɔ ɔmɛ a pɛ ɔ he ní ɔ, haa wɔ mɛni he kɛ nɔ fɔmi ngɛ Salomo Nguaa, nɛ ji Yesu Kristo hwɔɔ se nɔ yemi ɔ he? (1 Ma. 3:28; Yes. 9:6, 7; 11:2-4)

2. Kane 1 Matsɛmɛ 4:29-34.

   1. Kɛ Yehowa ha Salomo ní bimi kaa e ha lɛ hesi bami tsui ɔ heto kɛɛ? (1 Ma. 4:29)

   2. Ke wa susu bɔnɛ nihi bɔ mɔde nɛ a ba bu Salomo níle ɔ tue he ɔ, mɛni su e sa kaa wa kɛ kase Mawu Munyu ɔ? (1 Ma. 4:29, 34; Yoh. 17:3; 2 Tim. 3:16)

Ní kasemi 64

1. Jeha enyɛmɛ Salomo ngɔ kɛ ma Yehowa sɔlemi we ɔ, nɛ mɛni heje e ngɔ sika fuu ɔ?

2. Tsuhi pɔtɛɛ enyɛmɛ lɛ ngɛ sɔlemi we ɔ, nɛ mɛni a kɛ to se tsu ɔ mi?

3. Mɛni Salomo de ngɛ sɔlemi mi benɛ a ma sɔlemi we ɔ ta a?

4. Mɛni blɔ nɔ Yehowa tsɔɔ kaa e bua jɔ Salomo sɔlemi ɔ he?

5. Mɛni Salomo yi ɔmɛ ha nɛ e pee, nɛ mɛni ba Salomo nɔ?

6. Mɛni heje Yehowa mi mi fu Salomo, nɛ mɛni Yehowa de lɛ?

Sane bimi kpahi:

1. Kane 1 Kronika 28:9, 10.

   Ke wa susu David munyu nɛ ngɛ 1 Kronika 28:9, 10 he ɔ, mɛni e sa kaa waa bɔ mɔde nɛ́ waa pee ngɛ wa daa ligbi si himi mi? (La 19:14; Fil. 4:8, 9)

2. Kane 2 Kronika 6:12-21, 32-42.

   1. Mɛni blɔ nɔ Salomo tsɔɔ ngɛ kaa adesa tsu ko be nyɛe maa kpe Mawu Ope ɔ? (2 Kron. 6:18; Níts. 17:24, 25)

   2. Mɛni Salomo munyu nɛ ngɛ 2 Kronika 6:32, 33, tsɔɔ ngɛ Yehowa he? (Níts. 10:34, 35; Gal. 2:6)

3. Kane 2 Kronika 7:1-5.

   Kaa bɔnɛ Israelbi ɔmɛ je Yehowa yi ngɛ e we anunyami nɛ a na a he ɔ, kɛ e sa nɛ wɔ hu waa nu he ha kɛɛ mwɔnɛ ɔ ke wa susu bɔnɛ Yehowa ngɛ e webi jɔɔe ɔ he? (2 Kron. 7:3; La 22:22; 34:1; 96:2)

4. Kane 1 Matsɛmɛ 11:9-13.

   Mɛni blɔ nɔ Salomo si himi tsɔɔ kaa anɔkuale nɛ́ a maa ye kɛ ya su nyagbe ɔ he hia? (1 Ma. 11:4, 9; Mat. 10:22; Kpoj. 2:10)

Ní kasemi 65

1. Kɛ a tsɛɛ nyumuhi enyɔ nɛ a ngɛ foni ɔ mi ɔ kɛɛ, nɛ mɛnɔmɛ ji mɛ?

2. Mɛni Ahiya pee tade nɛ e wo ɔ, nɛ mɛni nɔ́ nɛ e pee ɔ tsɔɔ?

3. Mɛni Salomo ka kaa e maa pee Yeroboam?

4. Mɛni heje mabi ɔmɛ to Yeroboam wɛtso nyɔngma a nya matsɛ?

5. Mɛni heje Yeroboam puɛ sika tsu na bi enyɔ ɔmɛ, nɛ mɛni ba zugba a nɔ ngɛ lɔɔ se?

6. Mɛni ba wɛtso enyɔ matsɛ yemi ɔ kɛ Yehowa sɔlemi we nɛ́ ngɛ Yerusalem ɔ nɔ?

Sane bimi kpahi:

1. Kane 1 Matsɛmɛ 11:26-43.

   Mɛni ji Yeroboam su, nɛ mɛni he si Yehowa wo lɛ keji kaa e ye E mlaa amɛ a nɔ? (1 Ma. 11:28, 38)

2. Kane 1 Matsɛmɛ 12:1-33.

   1. Mɛni fɔli kɛ asafo mi nikɔtɔmahi ma nyɛ maa kase kɛ je Rehoboam nɔ hyɛmi nɔ́ yayami ɔ mi konɛ a ko ngɔ he blɔ nɛ́ a ngɛ ɔ kɛ tsu ní ngɛ blɔ nɛ́ dɛ nɔ? (1 Ma. 12:13; Fiɛlɔ 7:7; 1 Pet. 5:2, 3)

   2. Ke nihewi kɛ yihewi ngɛ hlae nɛ a mwɔ a yi mi kpɔ ngɛ a si himi mi níhi nɛ hɛdɔ ngɛ he he ɔ, mɛnɔmɛ e sa nɛ a bi ga womi kɛ je a ngɔ? (1 Ma. 12:6, 7; Abɛ 1:8, 9; 2 Tim. 3:16, 17; Heb. 13:7)

   3. Mɛni ha Yeroboam pee jami hehi enyɔ kɛ ha na bi jami ɔ, nɛ mɛni blɔ nɔ enɛ ɔ tsɔɔ Yehowa mi hemi kɛ yemi nɛ e be? (1 Ma. 11:37; 12:26-28)

   4. Mɛnɔ lɛ ha ma bi ɔmɛ ngɛ wɛtso nyɔngma matsɛ yemi ɔ mi ɔ kua anɔkuale jami ɔ? (1 Ma. 12:32, 33)

Ní kasemi 66

1. Mɛnɔ ji Yezebel?

2. Mɛni heje Matsɛ Ahab bua jɔɛ ligbi ko ɔ?

3. Mɛni Yezebel pee nɛ e kɛ ngɔ Nabot wai ngmɔ ɔ kɛ ha e huno Ahab?

4. Mɛnɔ Yehowa tsɔ konɛ e ya gbla Yezebel tue ɔ?

5. Kaa bɔnɛ o na ngɛ foni ɔ mi ɔ, mɛni ba benɛ Yehu ya su Yezebel ngɔ ngɛ matsɛ we ɔ mi ɔ?

Sane bimi kpahi:

1. Kane 1 Matsɛmɛ 16:29-33 kɛ 18:3, 4.

   Kɛ ji bɔnɛ si himi ɔ puɛ kulaa ha ngɛ Israel benɛ Matsɛ Ahab ngɛ nɔ yee ɔ kɛɛ? (1 Ma. 14:9)

2. Kane 1 Matsɛmɛ 21:1-16.

   1. Mɛni blɔ nɔ Nabot je kã peemi kɛ anɔkuale yemi kpo kɛ ha Yehowa? (1 Ma. 21:1-3; 3 Mose 25:23-28)

   2. Mɛni wa ma nyɛ maa kase ngɛ Ahab nɔ hyɛmi nɔ́ ɔ mi ngɛ bɔnɛ e sa kaa waa da si ngɛ kɔni mi nyu womi nya ha a he? (1 Ma. 21:4; Rom. 5:3-5)

3. Kane 2 Matsɛmɛ 9:30-37.

   Mɛni wa ma nyɛ maa kase kɛ je kã nɛ Yehu kɛ pee Yehowa suɔmi nya ní ɔ mi? (2 Ma. 9:4-10; 2 Kor. 9:1, 2; 2 Tim. 4:2)

Ní kasemi 67

1. Mɛnɔ ji Yehoshafat, nɛ mɛni be mi e hi si?

2. Mɛni heje Israelbi ɔmɛ ye gbeye, nɛ mɛni a kpɛti nihi fuu pee?

3. Mɛni heto Yehowa kɛ ha Yehoshafat ngɛ e sɔlemi ɔ he?

4. Mɛni Yehowa ha e ba loko ta hwumi be ɔ su?

5. Mɛni wa ma nyɛ maa kase ngɛ Yehoshafat he?

Sane bimi kpahi:

1. Kane 2 Kronika 20:1-30.

   1. Mɛni Yehoshafat pee kɛ tsɔɔ bɔnɛ e sa kaa Mawu tsɔli anɔkuafohi peeɔ a ní ha ke a kɛ he gbeye womi ko kpe? (2 Kron. 20:12; La 25:15; 62:1)

   2. Yehowa ngɛ blɔ nɛ e guu nɔ nɛ e kɛ e webi tuɔ munyu, lɔɔ he ɔ, mɛni ji kikɛmɛ a blɔ nɛ ɔ mwɔnɛ ɔ? (2 Kron. 20:14, 15; Mat. 24:45-47; Yoh. 15:15)

   3. Ke “Mawu Ope ɔ ligbi nguaa nɔ ta” a je sisi ɔ, mɛni blɔ nɔ wa si himi ɔ maa pee kaa Yehoshafat nɔ́ ɔ? (2 Kron. 20:15, 17; 32:8; Kpoj. 16:14, 16)

   4. Mɛni blɔ gbali kɛ ma se sane kpakpa fiɛɛli ngɛ pee mwɔnɛ ɔ kɛ ngɛ je kɛ wɛ fiɛɛmi nítsumi ɔ se fie nɛ́ tsɔɔ kaa a ngɛ Levibi ɔmɛ kasee? (2 Kron. 20:19, 21; Rom. 10:13-15; 2 Tim. 4:2)

Ní kasemi 68

1. Mɛnɔmɛ ji nimli etɛ nɛ a ngɛ foni ɔ mi ɔ, nɛ mɛni pee jokuɛ nyumuyo ɔ?

2. Mɛni sɔlemi Eliya sɔle ngɛ jokuɛ nyumuyo ɔ he, nɛ mɛni je mi kɛ ba?

3. Kɛ a tsɛɛ Eliya sɔmɔlɔ ɔ kɛɛ?

4. Mɛni heje a ya tsɛ Elisha kɛ ya Shunem yo ɔ we ɔ mi ɔ?

5. Mɛni Elisha pee, nɛ mɛni ba jokuɛ ɔ nɛ e gbo ɔ nɔ?

6. Mɛni he wami Yehowa ngɛ kaa bɔnɛ wa na kɛ gu Eliya kɛ Elisha nɔ ɔ?

Sane bimi kpahi:

1. Kane 1 Matsɛmɛ 17:8-24.

   1. Mɛni blɔ nɔ a ka Eliya tue bumi kɛ e hemi kɛ yemi ngɛ? (1 Ma. 17:9; 19:1-4, 10)

   2. Mɛni ha Zarefat ahoyo ɔ hemi kɛ yemi ɔ ji nɔ́ nɛ ngɛ slɔɔto ɔ? (1 Ma. 17:12-16; Luka 4:25, 26)

   3. Mɛni blɔ nɔ níhi nɛ ya nɔ ngɛ Zarefat ahoyo ɔ blɔ fa mi ɔ tsɔɔ kaa Yesu munyu nɛ ngɛ Mateo 10:41, 42 ji anɔkuale? (1 Ma. 17:10-12, 17, 23, 24)

2. Kane 2 Matsɛmɛ 4:8-37.

   1. Mɛni wa kaseɔ ngɛ Shunem yo ɔ he ngɛ nubwɔ peemi he? (2 Ma. 4:8; Luka 6:38; Rom. 12:13; 1 Yoh. 3:17)

   2. Mɛni blɔhi a nɔ wa ma nyɛ maa pee Mawu tsɔli kpakpa mwɔnɛ ɔ? (Níts. 20:35; 28:1, 2; Gal. 6:9, 10; Heb. 6:10)

Ní kasemi 69

1. Mɛni jokuɛ yoyo ɔ ngɛ alua a dee ngɛ foni ɔ mi ɔ?

2. Mɛnɔ ji alua a nɛ ngɛ foni ɔ mi ɔ, nɛ mɛni jokuɛ yoyo ɔ ya ngɛ pee ngɛ e we mi?

3. Mɛni Elisha de e tsɔlɔ ɔ kaa e ya de Naeman, nɛ mɛni ha Naeman mi mi fu ɔ?

4. Mɛni ba benɛ Naeman bu e tsɔli ɔmɛ tue ɔ?

5. Mɛni heje Elisha ngɔɛ Naeman nike ní ɔ, se mɛni Gehazi pee?

6. Mɛni ba Gehazi nɔ, nɛ mɛni wa ma nyɛ maa kase ngɛ enɛ ɔ mi?

Sane bimi kpahi:

1. Kane 2 Matsɛmɛ 5:1-27.

   1. Mɛni blɔ nɔ nɔhyɛ nɔ́ nɛ Israel jokuɛ yoyo ɔ pee ɔ ma nyɛ maa wo nihewi kɛ yihewi he wami mwɔnɛ ɔ? (2 Ma. 5:3; La 8:2; 148:12, 13)

   2. Ke a je Ngmami ɔ mi nɛ a wo wɔ ga a, mɛni heje e hi kaa wa ma ha Naeman nɔhyɛ nɔ́ ɔ nɛ hi wa juɛmi mi? (2 Ma. 5:15; Heb. 12:5, 6; Yak. 4:6)

   3. Mɛni wa ma nyɛ maa kase ke wa ngɔ Elisha nɔhyɛ nɔ́ ɔ kɛ to Gehazi nɔ ɔ he? (2 Ma. 5:9, 10, 14-16, 20; Mat. 10:8; Níts. 5:1-5; 2 Kor. 2:17)

Ní kasemi 70

1. Mɛnɔ ji Yona, nɛ mɛni Yehowa de lɛ ke e pee?

2. Mɛni Yona pee akɛnɛ e sume kaa e maa ya he nɛ Yehowa tsɔ lɛ ɔ?

3. Mɛni ji nɔ́ nɛ Yona de lɛ hluili ɔmɛ kaa a pee konɛ kɔɔhiɔ nya nɛ ba si?

4. Kaa bɔnɛ o na ngɛ foni ɔ mi ɔ, mɛni ba benɛ Yona mu kɛ ho nyu ɔ sisi ya a?

5. Ligbi enyɛmɛ Yona ye ngɛ lo ɔ mi mi, nɛ mɛni e pee ngɛ lo ɔ mi mi?

6. Jije Yona ya benɛ lo ngua a ya vie lɛ ɔ, nɛ mɛni wa kaseɔ ngɛ enɛ ɔ mi?

Sane bimi kpahi:

1. Kane Yona 1:1-17.

   Ngɛ anɔkuale mi ɔ, kɛ Yona nu nítsumi nɛ a ha lɛ kaa e ya fiɛɛ ha Ninevebi ɔmɛ he ha kɛɛ? (Yona 1:2, 3; Abɛ 3:7; Fiɛlɔ 8:12)

2. Kane Yona 2:1, 2, 10.

   Mɛni blɔ nɔ Yona nɔhyɛ nɔ́ ɔ haa wɔ he kɛ nɔ fɔmi kaa ke wa sɔle ɔ, Yehowa maa bu tue? (La 22:24; 34:6; 1 Yoh. 5:14)

3. Kane Yona 3:1-10.

   1. Mɛni he wami womi wa náa ngɛ bɔnɛ Yehowa kɛ Yona tsu ní ɔ he, e ngɛ mi kaa sisije ɔ, Yona kua tsɔmi ɔ yami mohu? (La 103:14; 1 Pet. 5:10)

   2. Mɛni Yona kɛ Ninevebi ɔmɛ a he sane ɔ tsɔɔ wɔ ngɛ susumi nɛ dɛ nɛ wa ma ná ngɛ nihi a he ngɛ ma a mi ɔ he? (Yona 3:6-9; Fiɛlɔ 11:6; Níts. 13:48)

Ní kasemi 71

1. Mɛnɔ ji Yesaya, nɛ mɛni be mi e hi si? Mɛni Yehowa je kɛ tsɔɔ lɛ?

2. Mɛni ji “paradeiso” sisi, nɛ mɛni e kaiɔ mo?

3. Mɛni Yehowa de Yesaya kaa e ngma ngɛ paradeiso ehe nɛ maa ba hwɔɔ se ɔ he?

4. Mɛni heje Adam kɛ Hawa si himi he nɛ ngɛ fɛu ɔ je a dɛ?

5. Mɛni siwo Yehowa kɛ ha nihi nɛ suɔ lɛ?

Sane bimi kpahi:

1. Kane Yesaya 11:6-9.

   1. Kɛ Mawu Munyu ɔ tsɔɔ tue mi jɔmi nɛ maa hi lohwehi kɛ adesahi a kpɛti ngɛ je ehe ɔ mi nya kɛɛ? (La 148:10, 13; Yes. 65:25; Ezek. 34:25)

   2. Kɛ ji bɔnɛ Yesaya munyu ɔ ngɛ mi bae ngɛ Yehowa webi a kpɛti mwɔnɛ ɔ kɛɛ? (Rom. 12:2; Efe. 4:23, 24)

   3. Mɛnɔ sa yi jemi ngɛ tsakemihi nɛ́ nihi ngɛ pee ngɛ suhi nɛ a hɛɛ ɔmɛ a he mwɔnɛ ɔ, kɛ nɔ́ nɛ maa ba ngɛ je ehe ɔ mi ɔ he? (Yes. 48:17, 18; Gal. 5:22, 23; Fil. 4:7)

2. Kane Kpojemi 21:3, 4.

   1. Mɛni blɔ nɔ Ngmami ɔ tsɔɔ ngɛ kaa Mawu si himi ngɛ adesahi a kpɛti ngɛ zugba a nɔ ji okadi peemi mi nɔ́ ko, se pi helo nya si himi? (3 Mose 26:11, 12; 2 Kron. 6:18; Yes. 66:1; Kpoj. 21:2, 3, 22-24)

   2. Mɛni ya fomi kɛ nɔ́ nami nɛ be si hie hu ɔ? (Luka 8:49-52; Rom. 8:21, 22; Kpoj. 21:4)

Ní kasemi 72

1. Mɛnɔ ji nyumu ɔ nɛ ngɛ foni ɔ mi ɔ, nɛ mɛni heje e hao ɔ?

2. Mɛni womihi Hezekia kɛ ba pue Mawu hɛ mi ɔ, nɛ kɛ Hezekia sɔle kɛɛ?

3. Mɛni nɔmlɔ ji Matsɛ Hezekia, nɛ mɛni sɛgbi Yehowa kɛ gu gbalɔ Yesaya nɔ kɛ ya ha lɛ?

4. Kaa bɔnɛ e ngɛ foni ɔ mi ɔ, mɛni Yehowa bɔfo ɔ pee Asiriabi ɔmɛ?

5. E ngɛ mi kaa wɛtso enyɔ matsɛ yemi ɔ hi si ngɛ tue mi jɔmi mi be saii mohu, se mɛni ba ngɛ Hezekia gbenɔ se?

Sane bimi kpahi:

1. Kane 2 Matsɛmɛ 18:1-36.

   1. Mɛni blɔ nɔ Asiria tsɔlɔ Rabshake bɔ mɔde kaa e ma gbɔjɔ Israelbi ɔmɛ a hemi kɛ yemi ngɛ? (2 Ma. 18:19, 21; 2 Mose 5:2; La 64:3)

   2. Mɛni blɔ nɔ Yehowa Odasefoli ma nyɛ maa kase Hezekia nɔhyɛ nɔ́ ɔ ke a te si kɛ wo mɛ? (2 Ma. 18:36; La 39:1; Abɛ 26:4; 2 Tim. 2:24)

2. Kane 2 Matsɛmɛ 19:1-37.

   1. Mɛni blɔ nɔ Yehowa webi kaseɔ Hezekia mwɔnɛ ɔ ke a kɛ haomihi kpe? (2 Ma. 19:1, 2; Abɛ 3:5, 6; Heb. 10:24, 25; Yak. 5:14, 15)

   2. Mɛni kunimi lɛ a ye Senakerib nɔ si etɛ, nɛ mɛnɔ he foni enɛ ɔ peeɔ ngɛ gbami nya? (2 Ma. 19:32, 35, 37; Kpoj. 20:2, 3)

3. Kane 2 Matsɛmɛ 21:1-6, 16.

   Mɛni heje wa ma nyɛ ma de ke Manase ji matsɛ yayami pe kulaa nɛ ye tsɛ ngɛ Yerusalem? (2 Kron. 33:4-6, 9)

Ní kasemi 73

1. Jeha enyɛmɛ Yosia ye nɛ a wo lɛ matsɛ, nɛ mɛni e bɔni peemi benɛ e ye tsɛ jeha kpaago ɔ?

2. Mɛni o na kaa Yosia ngɛ pee ngɛ kekle foni ɔ mi?

3. Benɛ a ngɛ sɔlemi we ɔ dlae ɔ, mɛni osɔfo nɔkɔtɔma a ya na?

4. Mɛni heje Yosia gba e tade ɔ?

5. Mɛni sɛgbi nɛ́ je Yehowa ngɔ lɛ gbalɔyo Hulda kɛ ha Yosia?

Sane bimi kpahi:

1. Kane 2 Kronika 34:1-28.

   1. Mɛni nɔhyɛ nɔ́ Yosia pee kɛ ha nihi nɛ a kɛ si himi nɛ mi wa kpe ngɛ a jokuɛwi a si ɔ? (2 Kron. 33:21-25; 34:1, 2; La 27:10)

   2. Mɛni ní peepee ko nɛ he hia saminya Yosia pee kɛ fĩ anɔkuale jami se ngɛ e nɔyemi ɔ we jeha 8, 12, kɛ 18 nɔ? (2 Kron. 34:3, 8)

   3. Mɛni wa ma nyɛ maa kase ngɛ bɔnɛ e sa kaa waa hɛɛ wa jami he ɔmɛ ha ngɛ Matsɛ Yosia kɛ Osɔfo Nɔkɔtɔma Hilkia nɔhyɛ nɔ́ ɔ mi? (2 Kron. 34:9-13; Abɛ 11:14; 1 Kor. 10:31)

Ní kasemi 74

1. Mɛnɔ ji niheyo ɔ ngɛ foni ɔ mi ɔ?

2. Kɛ Yeremia susu ngɛ gbalɔ nɛ e maa pee ɔ he kɛɛ, se mɛni Yehowa de lɛ?

3. Mɛni sɛgbi Yeremia de mabi ɔmɛ si abɔ?

4. Mɛni mɔde osɔfo ɔmɛ bɔ kaa a maa tsi Yeremia nya, se mɛni e pee kɛ tsɔɔ kaa e yi mɛ gbeye?

5. Mɛni ba Israelbi ɔmɛ a nɔ ngɛ a ní peepee yayami ɔmɛ nɛ a tsakee we ɔ he?

Sane bimi kpahi:

1. Kane Yeremia 1:1-8.

   1. Kaa bɔnɛ Yeremia nɔhyɛ nɔ́ ɔ tsɔɔ ɔ, mɛni haa nɔ ko saa kɛ ha Yehowa sɔmɔmi? (2 Kor. 3:5, 6)

   2. Mɛni he wami womi Yeremia nɔhyɛ nɔ́ ɔ ji kɛ ha Kristofoli nihewi kɛ yihewi mwɔnɛ ɔ? (Fiɛlɔ 12:1; 1 Tim. 4:12)

2. Kane Yeremia 10:1-5.

   Mɛni nɔhyɛ nɔ́ nɛ́ sa saminya Yeremia kɛ tsu ní kɛ tsɔɔ kaa se nami be he nɛ a kɛ fɔɔ amagahi a nɔ ɔ he? (Yer. 10:5; Yes. 46:7; Hab. 2:19)

3. Kane Yeremia 26:1-16.

   1. Kɛ ji bɔnɛ Kristofoli nɛ a pɔ mɛ nu ɔ mi piɛni ɔmɛ ngɔ Yehowa fãmi nɛ E kɛ ha Yeremia kaa ‘e ko si munyu ɔ eko’ ɔ kɛ ngɛ ní tsue ha ngɛ́ kɔkɔ bɔmi nɛ a kɛ ngɛ hae mwɔnɛ ɔ mi kɛɛ? (Yer. 26:2; 5 Mose 4:2; Níts. 20:27)

   2. Mɛni nɔhyɛ nɔ́ kpakpa Yeremia pee kɛ fɔ si ha Yehowa Odasefoli mwɔnɛ ɔ ngɛ Yehowa kɔkɔ bɔmi nɛ a kɛ ngɛ jema amɛ hae ɔ he? (Yer. 26:8, 12, 14, 15; 2 Tim. 4:1-5)

4. Kane 2 Matsɛmɛ 24:1-17.

   Mɛni si himi nɛ ngɛ aywilɛho je anɔkuale nɛ Yudabi ɔmɛ yi Yehowa mi kɛ ba? (2 Ma. 24:2-4, 14)

Ní kasemi 75

1. Mɛnɔmɛ ji nihewi eywiɛ nɛ ngɛ foni ɔ mi ɔ, nɛ mɛni heje a ya je Babilon?

2. Mɛni yi mi tomi Nebukadnezar hɛɛ ngɛ nihewi eywiɛ ɔmɛ a he, nɛ mɛni e fã e tsɔli ɔmɛ kaa a pee?

3. Mɛni Daniel bi kɛ kɔ e kɛ e huɛmɛ etɛ ɔmɛ a niye ní kɛ nɔ́ nɛ a maa nu he?

4. Benɛ Daniel kɛ e huɛmɛ etɛ ɔmɛ ye ngmɔ mi ní tsɔwi ligbi nyɔngma nɛ́ lɔɔ se a ngɔ mɛ kɛ to nihewi kpa amɛ a he ɔ, kɛ a na mɛ kɛɛ?

5. Kɛ Daniel kɛ e huɛmɛ etɛ ɔmɛ plɛ kɛ ba je matsɛ ɔ we ɔ mi kɛɛ, nɛ mɛni blɔ nɔ a hi kulaa pe wɔnɔ ɔmɛ kɛ ní leli ɔmɛ?

Sane bimi kpahi:

1. Kane Daniel 1:1-21.

   1. Mɛni e sa kaa waa bɔ mɔde nɛ waa pee konɛ wa nyɛ nɛ waa ye kahi kɛ gbɔjɔmihi a nɔ? (Dan. 1:8; 1 Mose 39:7, 10; Gal. 6:9)

   2. Mɛni blɔhi a nɔ a ma nyɛ maa ka nihewi kɛ yihewi mwɔnɛ ɔ konɛ a ngɔ a he kɛ wo nɔ́ nɛ nihi buu lɛ kaa ‘ní kpakpahi’ a mi? (Dan. 1:8; Abɛ 20:1; 2 Kor. 6:17–7:1)

   3. Mɛni Hebri nihewi eywiɛ ɔmɛ a he sane nɛ ngɛ Baiblo ɔ mi ɔ ha nɛ wa nu sisi ngɛ je mi ní kasemi he? (Dan. 1:20; Yes. 54:13; 1 Kor. 3:18-20)

Ní kasemi 76

1. Kaa bɔnɛ e ngɛ foni ɔ mi ɔ, mɛni ba Yerusalem kɛ Israelbi ɔmɛ a nɔ?

2. Mɛnɔ ji Ezekiel, nɛ mɛni ní komɛ nɛ ngɛ gbeye Yehowa je kɛ tsɔɔ lɛ?

3. Akɛnɛ Israelbi ɔmɛ be bumi ha Yehowa heje ɔ, mɛni si e wo mɛ?

4. Mɛni Matsɛ Nebukadnezar pee benɛ Israelbi ɔmɛ tsɔ atua kɛ si lɛ ɔ?

5. Mɛni heje Yehowa ha hɛ mi kpatami nɛ nya wa nɛ ɔ ba Israelbi ɔmɛ a nɔ?

6. Kɛ ba kɛɛ nɛ Israel zugba a ba fɔ si gu, nɛ kɛ ya si be nya kɛmi enyɛmɛ?

Sane bimi kpahi:

1. Kane 2 Matsɛmɛ 25:1-26.

   1. Mɛnɔ ji Zedekia, nɛ mɛni a pee lɛ, nɛ mɛni blɔ nɔ enɛ ɔ ha Baiblo gbami ba mi? (2 Ma. 25:5-7; Ezek. 12:13-15)

   2. Mɛnɔ ji nɔ nɛ Yehowa pia ngɛ Israelbi ɔmɛ a ní yayamihi tsuo nɛ a pee ɔ he? (2 Ma. 25:9, 11, 12, 18, 19; 2 Kron. 36:14, 17)

2. Kane Ezekiel 8:1-18.

   Mɛni blɔ nɔ Sɔlemibi kase Israelbi hemi kɛ yemi kuali nɛ ja pu ɔ? (Ezek. 8:16; Yes. 5:20, 21; Yoh. 3:19-21; 2 Tim. 4:3)

Ní kasemi 77

1. Mɛni Nebukadnezar nɛ ji, Babilon matsɛ ɔ fã ni ɔmɛ kaa a pee?

2. Mɛni heje Daniel huɛmɛ etɛ ɔmɛ kua kaa a ma kpla si ha sika tsu amaga a?

3. Benɛ Nebukadnezar ha Hebri nihewi etɛ ɔmɛ he blɔ ekohu kaa a kpla si ha amaga a, mɛni blɔ nɔ a tsɔɔ ngɛ kaa a ngɛ he kɛ nɔ fɔmi ngɛ Yehowa mi?

4. Mɛni Nebukadnezar ha e tabuli ɔmɛ pee Shadrak, Meshak, kɛ Abednego?

5. Mɛni Nebukadnezar na benɛ e ya hyɛ flɔnɔɔ ɔ mi ɔ?

6. Mɛni heje matsɛ ɔ je Shadrak, Meshak, kɛ Abednego Mawu ɔ yi, nɛ mɛni nɔhyɛ nɔ́ a pee kɛ fɔ si ha wɔ?

Sane bimi kpahi:

1. Kane Daniel 3:1-30.

   1. Ke Mawu tsɔli kɛ a we anɔkuale yemi he ka kpe ɔ, mɛni su nɛ́ Hebri nihewi etɛ ɔmɛ je kpo ɔ e sa kaa mɛ tsuo a kase? (Dan. 3:17, 18; Mat. 10:28; Rom. 14:7, 8)

   2. Mɛni Sane nɛ́ he hia Yehowa Mawu ha Nebukadnezar ná? (Dan. 3:28, 29; 4:34, 35)

Ní kasemi 78

1. Mɛni ba benɛ Babilon matsɛ ɔ ngmɛ okplɔɔ ngua ko nɛ a ngɔ kplu ɔmɛ nɛ a ya muɔɔ kɛ je Yehowa sɔlemi we ɔ ngɛ Yerusalem ɔ kɛ nu da a?

2. Mɛni Belshazar de e ní leli ɔmɛ, se mɛni a nyɛ we nɛ a pee?

3. Mɛni matsɛ ɔ nyɛ nɛ́ ji manyɛ ɔ de lɛ kaa e pee?

4. Daniel tsɔɔ nya kaa mɛni heje Mawu ha nine ɔ ba ngma ní ɔ ngɛ gbogbo ɔ he?

5. Kɛ Daniel tsɔɔ munyuhi nɛ a ngma ngɛ gbogbo ɔ he ɔ sisi kɛɛ?

6. Benɛ Daniel ngɛ munyu ɔ tue nɔuu ɔ, mɛni ba?

Sane bimi kpahi:

1. Kane Daniel 5:1-31.

   1. Moo tsɔɔ slɔɔto peemi nɛ ngɛ Mawu gbeye yemi kɛ gbeye nɛ Belshazar ye benɛ e na ningma ngɛ gbogbo ɔ he ɔ kpɛti. (Dan. 5:6, 7; La 19:9; Rom. 8:35-39)

   2. Mɛni blɔ nɔ Daniel je kã peemi wawɛɛ kpo benɛ e kɛ Belshazar kɛ e nimli ngua amɛ ngɛ munyu ɔ tue ɔ? (Dan. 5:17, 18, 22, 26-28; Níts. 4:29)

   3. Mɛni blɔ nɔ Daniel yi 5 maa nɔ mi ngɛ kaa Yehowa ji je ɔ tsuo nɔ yelɔ? (Dan. 4:17, 25; 5:21)

Ní kasemi 79

1. Mɛnɔ ji Dario, nɛ mɛni ji e juɛmi ngɛ Daniel he?

2. Mɛni nyumuhi komɛ nɛ je Daniel he hunga a ha Dario pee?

3. Mɛni Daniel pee benɛ e nu kaa a wo mlaa ehe ɔ?

4. Mɛni ha Dario hao wawɛɛ nɛ e nyɛ we nɛ e hwɔ mahe ɔ, nɛ mɛni e pee e nɔ jena?

5. Mɛni heto Daniel kɛ ha Dario?

6. Mɛni a pee nihi nɛ ka Daniel gbemi ɔ, nɛ mɛni Dario ngma kɛ ya ha nihi tsuo nɛ ngɛ e matsɛ yemi ɔ mi?

Sane bimi kpahi:

1. Kane Daniel 6:1-28.

   1. Mɛni blɔ nɔ bɔnɛ a so Daniel yi nɔ ɔ kaiɔ wɔ nɔ́ nɛ henyɛli pee konɛ a kɛ tsi Yehowa Odasefoli a nítsumi ɔ nya mwɔnɛ ɔ? (Dan. 6:7; La 94:20; Yes. 10:1; Rom. 8:31)

   2. Mɛni blɔ nɔ Mawu sɔmɔli nɛ ngɛ mwɔnɛ ɔ ma nyɛ maa kase Daniel ngɛ he si bami nɛ a maa pee kɛ ha “ma nɔ yeli” ɔ mi? (Dan. 6:5, 10; Rom. 13:1; Níts. 5:29)

   3. Mɛni blɔ nɔ wa ma nyɛ maa kase Daniel ngɛ bɔnɛ e sɔmɔ Yehowa “daa” a he? (Dan. 6:16, 20; Fil. 3:16; Kpoj. 7:15)

Ní kasemi 80

1. Kaa bɔnɛ e ngɛ foni ɔ mi ɔ, mɛni Israelbi ɔmɛ ngɛ pee?

2. Mɛni blɔ nɔ Koresh ha Yehowa gbami nɛ e kɛ gu Yesaya nɔ ɔ ba mi ngɛ?

3. Mɛni Koresh de Israelbi nɛ a be nyɛe maa kpale kɛ ya Yerusalem ɔ?

4. Mɛni Koresh kɛ ha ni ɔmɛ konɛ a kɛ kpale kɛ ya Yerusalem?

5. Be enyɛmɛ Israelbi ɔmɛ kɛ hia blɔ kɛ kpale ya su Yerusalem?

6. Jeha enyɛmɛ ba be nɛ zugba a fɔ si gu nɛ nɔ ko nɔ ko hí nɔ?

Sane bimi kpahi:

1. Kane Yesaya 44:28 kɛ 45:1-4.

   1. Mɛni blɔ nɔ Yehowa ma nɔ mi ngɛ kaa gbami nɛ kɔ Koresh he ɔ maa ba mi kokooko? (Yes. 55:10, 11; Rom. 4:17)

   2. Mɛni blɔ nɔ Yesaya gbami nɛ kɔ Koresh he ɔ, tsɔɔ bɔnɛ Yehowa ngɛ he wami nɛ e kɛ tsɔɔ nɔ́ nɛ maa ba hwɔɔ se ha? (Yes. 42:9; 45:21; 46:10, 11; 2 Pet. 1:20)

2. Kane Ezra 1:1-11.

   Mɛni blɔ nɔ wa ma nyɛ maa ‘wo’ nihi nɛ ngɔ a be tsuo kɛ ngɛ sɔmɔe ɔ ‘dɛ mi’ kaa bɔnɛ nihi nɛ nyɛ we nɛ a kpale kɛ ya Yerusalem pee ɔ? (Ezra 1:4, 6; Rom. 12:13; Kol. 4:12)

Ní kasemi 81

1. Nihi enyɛmɛ hia blɔ gagaaga kɛ je Babilon kɛ ya Yerusalem ɔ, se benɛ a ya su ɔ, mɛni a na?

2. Mɛni Israelbi ɔmɛ ya bɔni mami benɛ a ya su ɔ, se mɛni a henyɛli ɔmɛ pee?

3. Mɛnɔmɛ ji Hagai kɛ Zakaria, nɛ mɛni a de mabi ɔmɛ?

4. Mɛni heje Tatenai ngma womi kɛ ya Babilon, nɛ mɛni heto a ha lɛ?

5. Benɛ Ezra nu kaa e he hia nɛ a dla sɔlemi we ɔ, mɛni e pee?

6. Kaa bɔnɛ e ngɛ foni ɔ mi ɔ, mɛni he Ezra ngɛ sɔlee ngɛ, nɛ mɛni blɔ nɔ a ha e sɔlemi ɔ heto ngɛ, nɛ mɛni enɛ ɔ haa wa kaseɔ?

Sane bimi kpahi:

1. Kane Ezra 3:1-13.

   Mɛni e sa kaa waa ya nɔ nɛ waa pee ke wa ya je he ko nɛ Mawu asafo be lejɛ ɔ? (Ezra 3:3, 6; Níts. 17:16, 17; Heb. 13:15)

2. Kane Ezra 4:1-7.

   Mɛni nɔhyɛ nɔ́ Zerubabel pee kɛ ha Yehowa webi ngɛ hemi kɛ yemi futumi he? (2 Mose 34:12; 1 Kor. 15:33; 2 Kor. 6:14-17)

3. Kane Ezra 5:1-5, 17 kɛ 6:1-22.

   1. Mɛni heje nihi nɛ te si kɛ wo sɔlemi we ɔ mami ɔ nyɛ we nɛ a tsi nítsumi ɔ nya? (Ezra 5:5; Yes. 54:17)

   2. Mɛni blɔ nɔ Yuda ma nimeli ɔmɛ a ní peepee woɔ Kristofoli nikɔtɔmahi he wami ngɛ konɛ a di Yehowa blɔ tsɔɔmi se ke a kɛ si temi kɛ womi kpe? (Ezra 6:14; La 32:8; Rom. 8:31; Yak. 1:5)

4. Kane Ezra 8:21-23, 28-36.

   Ke wa maa pee nɔ́ ko ɔ, mɛni nɔhyɛ nɔ́ nɛ Ezra pee e sa kaa waa kase? (Ezra 8:23; La 127:1; Abɛ 10:22; Yak. 4:13-15)

Ní kasemi 82

1. Mɛnɔmɛ ji Mordekai kɛ Ester?

2. Mɛni heje Matsɛ Ahasuerus ngɔ yo kpa a, nɛ mɛnɔ ji jamɛ a yo ɔ?

3. Mɛnɔ ji Haman, nɛ mɛni wo e mi mi la wawɛɛ ɔ?

4. Mɛni mlaa a wo, nɛ mɛni Ester pee benɛ e nu sɛgbi nɛ je Mordekai ngɔ ɔ?

5. Mɛni a pee Haman, nɛ Mordekai hu nɛɛ?

6. Mɛni blɔ nɔ a gu kɛ he Israelbi ɔmɛ a yi wami kɛ je a henyɛli ɔmɛ a dɛ?

Sane bimi kpahi:

1. Kane Ester 2:12-18.

   Mɛni blɔ nɔ Ester tsɔɔ bɔnɛ “mumi nɛ he jɔ nɛ ngɛ kpoo” ɔ he hia ha? (Ester 2:15; 1 Pet. 3:1-5)

2. Kane Ester 4:1-17.

   Mɛni he blɔ wa ná konɛ wa kɛ tsɔɔ wa anɔkuale yemi, kɛ wa he nɛ waa kɛ ha Yehowa mwɔnɛ ɔ kaa bɔnɛ a ha Ester he blɔ nɛ e kɛ fã anɔkuale jami he ɔ? (Ester 4:13, 14; Mat. 5:14-16; 24:14)

3. Kane Ester 7:1-6.

   Mɛni blɔ nɔ Mawu webi babauu yí yi mi wami nɛ maa ba a nɔ ɔ gbeye kaa bɔnɛ Ester pee ɔ? (Ester 7:4; Mat. 10:16-22; 1 Pet. 2:12)

Ní kasemi 83

1. Benɛ a fiɛ gbogbo kɛ wui Yerusalem ma a he ɔ, kɛ Israelbi ɔmɛ nu he ha kɛɛ?

2. Mɛnɔ ji Nehemia?

3. Mɛni ji Nehemia nítsumi, nɛ mɛni heje e he hia wawɛɛ ɔ?

4. Mɛni amaniɛ bɔmi ha Nehemia ye aywilɛho, nɛ mɛni e pee ngɛ he?

5. Mɛni Matsɛ Artaherhes pee kɛ je mi mi himi kpo kɛ ha Nehemia?

6. Mɛni blɔ nɔ Nehemia to gbogbo fiami ɔ he blɔ nya ngɛ nɛ lɔɔ ha Israelbi ɔmɛ a henyɛli ɔmɛ nyɛ we nɛ a tsi nítsumi ɔ nya?

Sane bimi kpahi:

1. Kane Nehemia 1:4-6 kɛ 2:1-20.

   Kɛ Nehemia hla Yehowa blɔ tsɔɔmi se blɔ kɛɛ? (Neh. 2:4, 5; Rom. 12:12; 1 Pet. 4:7)

2. Kane Nehemia 3:3-5.

   Mɛni asafo mi nikɔtɔmahi kɛ sɔmɔli ma nyɛ maa kase kɛ je slɔɔto peemi nɛ ngɛ Tekoabi ɔmɛ kɛ a we “odehe ɔmɛ” a ní peepee ɔ mi? (Neh. 3:5, 27; 2 Tes. 3:7-10; 1 Pet. 5:5)

3. Kane Nehemia 4:1-23.

   1. E ngɛ mi kaa Israelbi ɔmɛ kɛ si temi kɛ womi nɛ mi wa kpe mohu, se mɛni wo mɛ he wami nɛ a ya nɔ fia gbogbo ɔ? (Neh. 4:6, 8, 9; La 50:15; Yes. 65:13, 14)

   2. Mɛni blɔ nɔ nɔhyɛ nɔ́ nɛ Israelbi ɔmɛ pee ɔ woɔ wɔ he wami mwɔnɛ ɔ?

4. Kane Nehemia 6:15.

   Mɛni Yerusalem gbogbo ɔ nɛ a ngɔ nyɔhiɔ enyɔ kɛ fia kɛ gbe nya a tsɔɔ ngɛ he wami nɛ hemi kɛ yemi ngɛ ɔ he? (La 56:3, 4; Mat. 17:20; 19:26)

Ní kasemi 84

1. Mɛnɔ ji yo ɔ nɛ ngɛ foni ɔ mi ɔ?

2. Mɛni Gabriel de Maria?

3. Mɛni blɔ nɔ Gabriel tsɔɔ Maria nya ngɛ kaa e ngɛ mi kaa e li nyumu mohu, se e ma fɔ bi?

4. Mɛni ba benɛ Maria ya slaa e wekuno Elizabet ɔ?

5. Mɛni Yosef susu benɛ e na kaa Maria ngɔ hɔ ɔ, se mɛni ha e tsake e juɛmi?

Sane bimi kpahi:

1. Kane Luka 1:26-56.

   1. Mɛni Luka 1:35 de kɛ tsɔɔ kaa benɛ a je Mawu Bi ɔ wami kɛ ba wo Maria fɔmi kotoku mi ɔ, Mawu bu e he kɛ je Adam fã tɔmi nɛ́ a kɛ fɔ wɔ ɔ he? (Hag. 2:11-13; Yoh. 6:69; Heb. 7:26; 10:5)

   2. Mɛni blɔ nɔ a wo Yesu hɛ mi nyami ngɛ benɛ a fɔ we lɛ lolo po? (Luka 1:41-43)

   3. Mɛni nɔhyɛ nɔ́ nɛ sa Maria pee kɛ fɔ si ha Kristofoli nɛ a ngɛ sɔmɔmi blɔ nya nguahi mwɔnɛ ɔ? (Luka 1:38, 46-49; 17:10; Abɛ 11:2)

2. Kane Mateo 1:18-25.

   E ngɛ mi kaa a wui Yesu biɛ Yimanuel mohu, se mɛni blɔ nɔ ní nɛ e ba tsu kaa nɔmlɔ ɔ ha biɛ ɔ sisi numi ɔ ba mi? (Mat. 1:22, 23; Yoh. 14:8-10; Heb. 1:1-3)

Ní kasemi 85

1. Mɛnɔ ji bimwɔyo ɔ nɛ ngɛ foni ɔ mi ɔ, nɛ jije Maria ngɔ lɛ kɛ yaa fɔ ɔ?

2. Mɛni heje nɛ a fɔ Yesu ngɛ lohwehi a hwɔ he?

3. Mɛnɔmɛ ji nyumuhi nɛ ma lohwe ɔmɛ a hwɔ he ɔ, nɛ mɛni bɔfo ko de mɛ?

4. Mɛni heje nɛ Yesu ngɛ slɔɔto ɔ?

5. Mɛni heje a tsɛɛ Yesu ke Mawu Bi ɔ?

Sane bimi kpahi:

1. Kane Luka 2:1-20.

   1. Mɛni Kaisare Augusto pee nɛ e kɛ ha gbami nɛ kɔ Yesu fɔmi he ɔ ba mi? (Luka 2:1-4; Mika 5:2)

   2. Mɛni blɔ nɔ nɛ nɔ ko ma nyɛ ma ba piɛɛ “nimli nɛ a náa a he tsui” ɔ he? (Luka 2:14; Mat. 16:24; Yoh. 17:3; Níts. 3:19; Heb. 11:6)

   3. Ke Yuda to hyɛli he si bali ɔmɛ nya ngɛ Yi Wami Helɔ fɔmi he ɔ, lɛɛ mɛni heje e sa kaa Mawu sɔmɔli hu a bua nɛ jɔ wawɛɛ mwɔnɛ ɔ? (Luka 2:10, 11; Efe. 3:8, 9; Kpoj. 11:15; 14:6)

Ní kasemi 86

1. Mɛnɔmɛ ji nyumuhi nɛ ngɛ foni ɔ mi ɔ, nɛ mɛni heje a kpɛti nɔ kake ngɛ dodoe ɔ nine tsɔɔe ɔ?

2. Mɛni heje Matsɛ Herode mi mi fu, nɛ mɛni e pee?

3. Jije dodoe nɛ ngɛ kpɛe ɔ nyɛɛ nyumu ɔmɛ a hɛ mi kɛ ya, se mɛni heje nɛ a gu blɔ kpa kɛ kpale ho a ma mi ya?

4. Mɛni fãmi Herode kɛ ha, nɛ mɛni heje?

5. Mɛni Yehowa de Yosef kaa e pee?

6. Mɛnɔ ha dodoe ehe ɔ kpɛ, nɛ mɛni heje?

Ní kasemi bimi kpa:

1. Kane Mateo 2:1-23.

   Jeha enyɛmɛ Yesu ye benɛ dodoe mi hyɛli ɔmɛ ba slaa lɛ ɔ, nɛ jamɛ a be ɔ mi ɔ, jije e ngɛ? (Mat. 2:1, 11, 16)

Ní kasemi 87

1. Yesu ngɛ foni ɔ mi ɔ ye jeha enyɛmɛ, nɛ jije e ngɛ?

2. Mɛni Yosef kɛ e weku ɔ peeɔ daa jeha?

3. Mɛni heje Yosef kɛ Maria kpale a se kɛ ho Yerusalem ya ngɛ ligbi kake se benɛ a ngɛ blɔ hiae kɛ yaa we mi ɔ?

4. Jije Yosef kɛ Maria ya na Yesu ngɛ, nɛ mɛni heje ni ɔmɛ ngɛ lejɛ ɔ a he mi po ɔ?

5. Mɛni Yesu de e nyɛ Maria?

6. Kɛ wa maa pee kɛɛ kɛ kase Mawu he ní kaa bɔnɛ Yesu pee ɔ?

Sane bimi kpahi:

1. Kane Luka 2:41-52.

   1. E ngɛ mi kaa Mlaa a biɔ nɛ nyumuhi pɛ nɛ a ya gbijlɔhi nɛ a yeɔ daa jeha mohu, se mɛni nɔhyɛ nɔ́ kpakpa Yosef kɛ Maria pee kɛ fɔ si ha fɔli mwɔnɛ ɔ? (Luka 2:41; 5 Mose 16:16; 31:12; Abɛ 22:6)

   2. Mɛni blɔ nɔ Yesu pee nɔhyɛ nɔ́ kpakpa kɛ ha jokuɛwi ngɛ tue bumi nɛ a maa pee ha a fɔli mwɔnɛ ɔ he? (Luka 2:51; 5 Mose 5:16; Abɛ 23:22; Kol. 3:20)

2. Kane Mateo 13:53-56.

   Yesu helo nya nyɛminyumuhi eywiɛ nɛ a tsɛ a biɛhi ngɛ Baiblo ɔ mi ɔ ji mɛnɔmɛ, nɛ pee se ɔ, a ngɔ a kpɛti nihi enyɔ kɛ tsu ní ngɛ Kristofoli asafo ɔ mi ngɛ mɛni blɔ nɔ? (Mat. 13:55; Níts. 12:17; 15:6, 13; 21:18; Gal. 1:19; Yak. 1:1; Yuda 1)

Ní kasemi 88

1. Mɛnɔmɛ ji nyumuhi enyɔ nɛ a ngɛ foni ɔ mi ɔ?

2. Kɛ a baptisii nɔ kɛɛ?

3. Mɛnɔmɛ Yohane pɔɔ mɛ baptisimi?

4. Mɛni yi mi tomi pɔtɛɛ heje nɛ Yesu de Yohane kaa e baptisi lɛ ngɛ ɔ?

5. Mɛni blɔ nɔ Mawu tsɔɔ ngɛ kaa e bua jɔ Yesu baptisimi ɔ he?

6. Mɛni ba benɛ Yesu ya hi he ko banee ligbi 40?

7. Mɛnɔmɛ ji Yesu kekleekle se nyɛɛli aloo kaseli komɛ, nɛ mɛni ji kekleekle nyakpɛ ní nɛ e pee?

Sane bimi kpahi:

1. Kane Mateo 3:13-17.

   Mɛni nɔhyɛ nɔ́ Yesu pee kɛ fɔ si ha e kaseli ɔmɛ a baptisimi? (La 40:7, 8; Mat. 28:19, 20; Luka 3:21, 22)

2. Kane Mateo 4:1-11.

   Mɛni blɔ nɔ bɔnɛ Yesu ngɔ Ngmami ɔmɛ kɛ tsu ní kɛ he bemi ɔ woɔ wɔ he wami ngɛ konɛ waa kase Baiblo ɔ daa? (Mat. 4:5-7; 2 Pet. 3:17, 18; 1 Yoh. 4:1)

3. Kane Yohane 1:29-51.

   Mɛnɔ nɔ Yohane Baptisilɔ ɔ gbla e kaseli ɔmɛ a juɛmi kɛ ya, nɛ mɛni blɔ nɔ wa ma nyɛ maa kase lɛ mwɔnɛ ɔ? (Yoh. 1:29, 35, 36; 3:30; Mat. 23:10)

4. Kane Yohane 2:1-12.

   Mɛni blɔ nɔ nyakpɛ ní nɛ Yesu pee kekleekle ɔ tsɔɔ kaa Yehowa ngɔɔ ní kpakpahi kɛ haa e sɔmɔli? (Yoh. 2:9, 10; La 84:11; Yak. 1:17)

Ní kasemi 89

1. Mɛni heje nɛ a juaa lohwehi ngɛ sɔlemi we ɔ mi ɔ?

2. Mɛni ha Yesu mi mi fu ɔ?

3. Kaa bɔnɛ o na ngɛ foni ɔ mi ɔ, mɛni Yesu pee, nɛ mɛni fãmi e fã nyumuhi nɛ ngɛ lahuɛ ɔmɛ juae ɔ?

4. Benɛ Yesu se nyɛɛli ɔmɛ na nɔ́ nɛ e ngɛ pee ɔ, mɛni ji nɔ́ nɛ a kai?

5. Benɛ Yesu ngɛ e se kpalee kɛ ba Galilea a, jije e ya gu?

Ní kasemi bimi kpa:

1. Kane Yohane 2:13-25.

   Ke wa susu bɔnɛ Yesu mi mi fu sika tsakeli nɛ́ ngɛ sɔlemi we ɔ mi he ɔ, kɛ e sa nɛ waa bu jua yemi ngɛ Matsɛ Yemi Asa a nɔ ha kɛɛ? (Yoh. 2:15, 16; 1 Kor. 10:24, 31-33)

Ní kasemi 90

1. Mɛni heje Yesu ya hi si ngɛ vu ko he ngɛ Samaria, nɛ mɛni e de yo ɔ ngɛ lejɛ ɔ?

2. Mɛni heje yo ɔ nya kpɛ e he, mɛni Yesu de lɛ, nɛ mɛni heje?

3. Mɛni nyu yo ɔ susu kaa Yesu ngɛ he munyu tue ɔ, se mɛni nyu tutuutu Yesu ngɛ he munyu tue ɔ?

4. Mɛni heje yo ɔ he mi po kaa Yesu le e he sane ɔ, nɛ kɛ e pee kɛ le enɛ ɔ kɛɛ?

5. Mɛni ji nɔ́ nɛ wa ma nyɛ maa kase kɛ je yo ɔ nɛ ngɛ nyu vu ɔ he sane ɔ mi?

Sane bimi kpahi:

1. Kane Yohane 4:5-43.

   1. Kaa bɔnɛ Yesu pee ɔ, mɛni su nɛ e sa kaa wa je kpo kɛ tsɔɔ nihi nɛ a je ma kpahi a nɔ aloo si himi kpahi a mi? (Yoh. 4:9; 1 Kor. 9:22; 1 Tim. 2:3, 4; Tito 2:11)

   2. Mɛni Mawu dɛ mi jɔɔmihi lɛ nɔ ko nɛ ba pee Yesu kaselɔ náa? (Yoh. 4:14; Yes. 58:11; 2 Kor. 4:16)

   3. Mɛni blɔ nɔ wa ma nyɛ ma je hɛsa kpo kaa Samaria yo ɔ nɛ́ suɔ kaa e de ni kpahi nɔ́ nɛ e kase ɔ? (Yoh. 4:7, 28; Mat. 6:33; Luka 10:40-42)

Ní kasemi 91

1. Ngɛ foni ɔ mi ɔ, jije Yesu ngɛ ní tsɔɔe ngɛ ɔ, nɛ mɛnɔmɛ lɛ a hii si ngɛ e kasa nya haa a?

2. Kɛ a tsɛɛ bɔfo 12 ɔmɛ kɛɛ?

3. Mɛni Matsɛ Yemi nɛ Yesu fiɛɛ he sane ɔ?

4. Mɛni Yesu tsɔɔ ni ɔmɛ kaa a sɔle ngɛ he?

5. Mɛni Yesu de ngɛ bɔnɛ e sa kaa nɔ kɛ e nyɛmi nɛ hi si ha he?

Sane bimi kpahi:

1. Kane Mateo 5:1-12.

   Mɛni blɔhi a nɔ wa ma nyɛ maa tsɔɔ ngɛ kaa wa hɛ ngɛ Mawu jami mi níhi a nɔ? (Mat. 5:3; Rom. 10:13-15; 1 Tim. 4:13, 15, 16)

2. Kane Mateo 5:21-26.

   Mɛni blɔ nɔ Mateo 5:23, 24 maa nɔ mi ngɛ kaa bɔnɛ waa kɛ wa nyɛmimɛ hii si ha a saa huɛ bɔmi nɛ ngɛ waa kɛ Yehowa kpɛti ɔ he. (Mat. 6:14, 15; La 133:1; Kol. 3:13; 1 Yoh. 4:20)

3. Kane Mateo 6:1-8.

   Mɛni ji suhi komɛ nɛ tsɔɔ kaa nɔ ko buu e he dalɔ nɛ e sa kaa Kristofoli nɛ kua? (Luka 18:11, 12; 1 Kor. 4:6, 7; 2 Kor. 9:7)

4. Kane Mateo 6:25-34.

   Mɛni Yesu tsɔɔ ngɛ bɔnɛ e hia kaa waa ngɔ wa he kɛ fɔ Yehowa nɔ kɛ ha wa helo nya níhi he? (2 Mose 16:4; La 37:25; Fil. 4:6)

5. Kane Mateo 7:1-11.

   Mɛni nɔhyɛ nɔ́ nɛ ngɛ faii nɛ ngɛ Mateo 7:5 tsɔɔ wɔ? (Abɛ 26:12; Rom. 2:1; 14:10; Yak. 4:11, 12)

Ní kasemi 92

1. Mɛnɔ ji jokuɛ yoyo ɔ nɛ ngɛ foni ɔ mi ɔ tsɛ, nɛ mɛni heje be bɔɔ nɛ be ɔ, e kɛ e yo ɔ a bua jɔɛ ɔ?

2. Mɛni Yairo pee benɛ e na Yesu ɔ?

3. Mɛni ba benɛ Yesu yaa Yairo we ɔ mi ɔ, nɛ mɛni sɛgbi a kɛ ba ha Yairo ngɛ blɔ ɔ nɔ?

4. Mɛni ha nihi nɛ ngɛ Yairo we ɔ mi muɔ Yesu ɔ?

5. Mɛni Yesu pee benɛ e kɛ e bɔfo ɔmɛ a kpɛti nihi etɛ, kɛ jokuɛ ɔ tsɛ kɛ e nyɛ ho tsu ɔ mi he nɛ jokuɛ ɔ ngɛ ɔ ya a?

6. Mɛnɔmɛ hu lɛ Yesu tle mɛ si kɛ je gbeje, nɛ mɛni enɛ ɔ tsɔɔ?

Sane bimi kpahi:

1. Kane Luka 8:40-56.

   Mɛni blɔ nɔ Yesu je mi mi sami kɛ hɛ si kami kpo kɛ tsɔɔ yo ɔ nɛ muɔ be ngɛ e he ɔ, nɛ mɛni Kristofoli asafo mi nikɔtɔmahi ma nyɛ maa kase ngɛ enɛ ɔ mi mwɔnɛ ɔ? (Luka 8:43, 44, 47, 48; 3 Mose 15:25-27; Mat. 9:12, 13; Kol. 3:12-14)

2. Kane Luka 7:11-17.

   Mɛni heje nihi nɛ a suɔli gbo ɔ ma nyɛ ma ná bua womi kɛ je nɔ́ nɛ Yesu pee ha Nain yalɔyo ɔ mi? (Luka 7:13; 2 Kor. 1:3, 4; Heb. 4:15)

3. Kane Yohane 11:17-44.

   Mɛni Yesu pee nɛ́ tsɔɔ kaa aywilɛho nɛ a yeɔ ngɛ nɔ suɔlɔ gbenɔ he ɔ ji nɔ́ ko nɛ nɔ tsuaa nɔ peeɔ? (Yoh. 11:33-36, 38; 2 Sam. 18:33; 19:1-4)

Ní kasemi 93

1. Mɛni nɔ́ yayami ba Yohane Baptisilɔ ɔ nɔ, nɛ kɛ enɛ ɔ ha Yesu nu he kɛɛ?

2. Mɛni blɔ nɔ Yesu gu kɛ ha nimli babauu nɛ nyɛɛ e se ɔ niye ní, nɛ e sisi bibliwi enyɛmɛ piɛ?

3. Mɛni heje kaseli ɔmɛ ye gbeye nyɔ mi ɔ, nɛ mɛni ba Petro nɔ?

4. Mɛni blɔ nɔ Yesu gu kɛ ha nihi akpehi abɔ niye ní ekohu?

5. Mɛni heje ke Yesu ba ye zugba a nɔ kaa Mawu Matsɛ ɔ, e maa pee bua jɔmi ɔ?

Sane bimi kpahi:

1. Kane Mateo 14:1-32.

   1. Sane nɛ ngɛ Mateo 14:23-32 haa wɔ mɛni sisi numi ngɛ Petro su he?

   2. Mɛni blɔ nɔ Ngmami ɔ ha wa le kaa Petro pee tsakemi, nɛ e ye bɔnɛ e peeɔ e ní kplakplaakpla ha a nɔ? (Mat. 14:27-30; Yoh. 18:10; 21:7; Níts. 2:14, 37-40; 1 Pet. 5:6, 10)

2. Kane Mateo 15:29-38.

   Mɛni blɔ nɔ Yesu tsɔɔ ngɛ kaa e ngɛ bumi kɛ ha helo nya níhi nɛ je e tsɛ ngɔ ɔ? (Mat. 15:37; Yoh. 6:12; Kol. 3:15)

3. Kane Yohane 6:1-21.

   Mɛni blɔ nɔ mwɔnɛ ɔ Kristofoli ma nyɛ maa kase Yesu nɔhyɛ nɔ́ ɔ ngɛ bɔnɛ a maa pee a ní ha ngɛ níhi nɛ amlaalo ɔ biɔ ngɛ a dɛ ɔ he? (Yoh. 6:15; Mat. 22:21; Rom. 12:2; 13:1-4)

Ní kasemi 94

1. Mɛni ji nɔ́ nɛ bɔfo ɔmɛ je he atsinyɛ benɛ a je blɔ hiami gagaaga ko kɛ ma a?

2. Mɛni heje Yesu tsɛ jokuɛ wayoo ko kɛ ba da e bɔfo ɔmɛ a hɛ mi?

3. Mɛni blɔ nɔ e sa nɛ kaseli ɔmɛ nɛ a kase jokuɛwi ngɛ?

4. Ngɛ nyɔhiɔ bɔɔ komɛ a se ɔ, mɛni Yesu pee kɛ tsɔɔ kaa e suɔ jokuɛwi a sane.

Sane bimi kpahi:

1. Kane Mateo 18:1-4.

   Mɛni heje Yesu ngɔ nɔhyɛ níhi kɛ tsɔɔ ní? (Mat. 13:34, 36; Mar. 4:33, 34)

2. Kane Mateo 19:13-15.

   Mɛni ji jokuɛwi a suhi nɛ e sa kaa waa kase bɔnɛ pee nɛ wa ná Matsɛ Yemi ɔ mi jɔɔmi ɔmɛ eko? (La 25:9; 138:6; 1 Kor. 14:20)

3. Kane Marko 9:33-37.

   Mɛni Yesu tsɔɔ e kaseli ɔmɛ ngɛ blɔ nya hlami he? (Mar. 9:35; Mat. 20:25, 26; Gal. 6:3; Fil. 2:5-8)

4. Kane Marko 10:13-16.

   Mɛni blɔ nɔ Yesu ji nɔ ko nɛ nihi nyɛ nɛ a su e he, nɛ mɛni Kristofoli asafo mi nikɔtɔmahi ma nyɛ maa kase ngɛ e nɔhyɛ nɔ́ ɔ mi? (Mar. 6:30-34; Fil. 2:1-4; 1 Tim. 4:12)

Ní kasemi 95

1. Mɛni munyu nyumu ko bi Yesu, nɛ mɛni heje?

2. Be komɛ ɔ, mɛni blɔ nɔ Yesu guu kɛ tsɔɔ ní, nɛ mɛni wa kase momo ngɛ Yudabi kɛ Samariabi a he?

3. Mɛni ba Yudano ko nɛ hia blɔ kɛ yaa Yeriko ɔ nɔ ngɛ sane nɛ́ Yesu gba a mi?

4. Mɛni Yudano osɔfo ko kɛ Levino ko pee benɛ a ya be ngɛ blɔ ɔ nɔ ɔ?

5. Mɛnɔ lɛ ngɛ Yudano ɔ ye buae ngɛ foni ɔ mi ɔ?

6. Benɛ Yesu gba sane ɔ ta a, mɛni munyu e bi nyumu ɔ, nɛ mɛni heto e ha?

Sane bimi kpahi:

1. Kane Luka 10:25-37.

   1. Mɛni blɔ nɔ Yesu ye bua nyumu ko nɛ́ le mlaa a saminya nɛ e susu sane ko he ngɛ, mohu pe nɛ́ e ma ha lɛ heto tɛ̃ɛ? (Luka 10:26; Mat. 16:13-16)

   2. Mɛni nɔhyɛ níhi Yesu kɛ tsu ní nɛ e kɛ ye bua e tue buli konɛ a nyɛ nɛ a je ni kpahi a he juɛmi yayami nɛ a hɛɛ ɔ kɛ je a susumi mi? (Luka 10:36, 37; 18:9-14; Tito 1:9)

Ní kasemi 96

1. Mɛni Yesu pee benɛ e ngɛ ma amɛ a nɔ kpae ɔ?

2. Mɛni ji nɔ́ nɛ Yesu de e bɔfo ɔmɛ benɛ a baptisi lɛ jeha etɛ se ɔ?

3. Mɛnɔmɛ lɛ a ngɛ foni ɔ mi ɔ, nɛ mɛni Yesu pee ha yo ɔ?

4. Mɛni heje heto nɛ́ Yesu ha Yuda jami hɛ mi nyɛɛli ɔmɛ ha zo gbe mɛ ɔ?

5. Benɛ Yesu kɛ e bɔfo ɔmɛ su Yeriko huzu ɔ nya a, mɛni Yesu pee ha hɛyuyuili ní bali enyɔ komɛ?

6. Mɛni heje Yesu pee nyakpɛ ní ɔ?

Sane bimi kpahi:

1. Kane Mateo 15:30, 31.

   Mɛni he wami nɛ ngɛ nyakpɛ Yehowa je kpo kɛ gu Yesu nɔ, nɛ mɛni sisi numi e sa kaa enɛ ɔ nɛ ha wɔ ngɛ Yehowa siwo ngɛ je ehe ɔ mi he. (La 37:29; Yes. 33:24)

2. Kane Luka 13:10-17.

   Nyakpɛ ní nguahi nɛ Yesu pee ngɛ Hejɔɔmi ligbi ɔ nɔ ɔ tsɔɔ he yemi nɛ e ma ha adesahi ngɛ e Jeha Akpe Nɔyemi ɔ mi ngɛ mɛni blɔ nɔ? (Luka 13:10-13; La 46:9; Mat. 12:8; Kol. 2:16, 17; Kpoj. 21:1-4)

3. Kane Mateo 20:29-34.

   Mɛni blɔ nɔ sane nɛ ɔ tsɔɔ ngɛ kaa Yesu pi nɔ ko nɛ be nihi a he deka, nɛ mɛni wa ma nyɛ maa kase ngɛ enɛ ɔ mi? (5 Mose 15:7; Yak. 2:15, 16; 1 Yoh. 3:17)

Ní kasemi 97

1. Benɛ Yesu ya su kɔpe ko nɛ ngɛ Yerusalem kasa nya a, mɛni e de e kaseli ɔmɛ ke a pee?

2. Kaa bɔnɛ e ngɛ foni ɔ mi ɔ, mɛni ba benɛ e piɛ bɔɔ nɛ Yesu maa su Yerusalem ɔ?

3. Mɛni jokuɛwi ɔmɛ pee benɛ a na nɛ Yesu ngɛ hɛyuyuili kɛ obubuafohi tsae ɔ?

4. Mɛni Yesu de osɔfohi nɛ a mi mi fu ɔ?

5. Kɛ wa ma plɛ kɛ pee kaa jokuɛwi nɛ je Yesu yi ɔ kɛɛ?

6. Mɛni ji nɔ́ nɛ kaseli ɔmɛ suɔ kaa a le?

Ní kasemi bimi kpahi:

1. Kane Mateo 21:1-17.

   1. Mɛni blɔ nɔ bɔnɛ Yesu plɛ kɛ sɛ Yerusalem kaa Matsɛ ɔ je ekpa ngɛ Roma tatsɛmɛ kunimi yeli ɔmɛ a he? (Mat. 21:4, 5; Zak. 9:9; Fil. 2:5-8; Kol. 2:15)

   2. Mɛni jokuɛwi ma nyɛ maa kase kɛ je Israel nyumuwi ɔmɛ nɛ tsɛ La 118 se benɛ Yesu ya sɔlemi we ɔ he? (Mat. 21:9, 15; La 118:25, 26; 2 Tim. 3:15; 2 Pet. 3:18)

2. Kane Yohane 12:12-16.

   Mɛni tã bahi nɛ ni ɔmɛ kɛ nya Yesu he ɔ daa si ha? (Yoh. 12:13; Fil. 2:10; Kpoj. 7:9, 10)

Ní kasemi 98

1. Mɛnɔ ji Yesu ngɛ foni ɔ mi, nɛ mɛnɔmɛ piɛɛ e he ɔ?

2. Mɛni osɔfo ɔmɛ bɔ mɔde kaa a maa pee Yesu ngɛ sɔlemi we ɔ, nɛ mɛni e de mɛ?

3. Mɛni Yesu bɔfo ɔmɛ bi lɛ?

4. Mɛni heje Yesu de e bɔfo ɔmɛ ní komɛ nɛ maa ya nɔ ke e bɔni Matsɛ Yemi ngɛ hiɔwe ɔ?

5. Mɛni Yesu de kaa e maa ya nɔ loko e ma je yayami peemi tsuo kɛ je zugba a nɔ?

Sane bimi kpahi:

1. Kane Mateo 23:1-39.

   1. E ngɛ mi kaa Ngmami ɔ tsɔɔ kaa a ma nyɛ maa ngɔ je ɔ mi sablaihi kɛ tsɛ nɔ ko mohu, se mɛni ji nɔ́ nɛ Yesu munyu nɛ je kpo ngɛ Mateo 23:8-11 tsɔɔ ngɛ sablaihi nɛ a kɛ tsuɔ ní ngɛ Kristofoli asafo ɔ mi ɔ he? (Níts. 26:25; Rom. 13:7; 1 Pet. 2:13, 14)

   2. Mɛni Farisibi ɔmɛ kɛ tsu ní kɛ tsi nihi a nya konɛ a ko plɛ Kristofoli, nɛ mɛni blɔ nɔ jami hɛ mi nyɛɛli hu ngɛ ja pee mwɔnɛ ɔ? (Mat. 23:13; Luka 11:52; Yoh. 9:22; 12:42; 1 Tes. 2:16)

2. Kane Mateo 24:1-14.

   1. Mɛni blɔ nɔ a ma bɔnɛ tsui si tomi he hia ha a nɔ mi ngɛ Mateo 24:13?

   2. Mɛni ji munyu nɛ ji “nyagbe ɔ” nɛ je kpo ngɛ Mateo 24:13 sisi? (Mat. 16:27; Rom. 14:10-12; 2 Kor. 5:10)

3. Kane Marko 13:3-10.

   Mɛni ngɛ Marko 13:10 nɛ tsɔɔ bɔnɛ sane kpakpa a fiɛɛmi ɔ he hia wawɛɛ ha, nɛ kɛ e sa kaa waa pee wa ní ngɛ Yesu munyu ɔ he kɛɛ? (Rom. 13:11, 12; 1 Kor. 7:29-31; 2 Tim. 4:2)

Ní kasemi 99

1. Kaa bɔnɛ e ngɛ foni ɔ mi ɔ, mɛni heje Yesu kɛ e bɔfo 12 ɔmɛ ba hiɔwe tsu ngua nɛ ɔ mi?

2. Mɛnɔ ji nyumu ɔ nɛ yaa a, nɛ mɛni e yaa pee?

3. Mɛni niye ní nɛ ngɛ slɔɔto Yesu to sisi benɛ a ye Hetsɔmi niye ní ɔ ta a?

4. Mɛni nɔ́ ko nɛ ya nɔ Hetsɔmi gbijlɔ ɔ kaiɔ Israelbi ɔmɛ, nɛ mɛni niye ní nɛ ngɛ slɔɔto nɛ ɔ kaiɔ Yesu se nyɛɛli?

5. Mɛni Yesu de e kaseli ɔmɛ ngɛ Nyɔmtsɛ ɔ gbɔkuɛ nya si niye ní ɔ se, nɛ lɔɔ se ɔ, mɛni a pee?

Sane bimi kpahi:

1. Kane Mateo 26:14-30.

   1. Mɛni blɔ nɔ Mateo 26:15 tsɔɔ ngɛ kaa pe Yuda je blɔ nɛ e tsɔɔ Yesu se blɔ?

   2. Mɛni yi mi tomi ekpaekpa enyɔ nɛ Yesu muɔ nɛ pue si ɔ tsu he ní? (Mat. 26:27, 28; Yer. 31:31-33; Efe. 1:7; Heb. 9:19, 20)

2. Kane Luka 22:1-39.

   Satan sɛ Yuda mi ngɛ mɛni sisi numi nya? (Luka 22:3; Yoh. 13:2; Níts. 1:24, 25)

3. Kane Yohane 13:1-20.

   1. Ngɛ munyu nɛ ngɛ Yohane 13:2 nya a, anɛ Yuda sa piami ngɛ nɔ́ nɛ e pee ɔ he lo, nɛ mɛni Mawu sɔmɔli ma nyɛ maa kase kɛ je enɛ ɔ mi? (1 Mose 4:7; 2 Kor. 2:11; Gal. 6:1; Yak. 1:13, 14)

   2. Mɛni nɔhyɛ nɔ́ kpakpa Yesu pee kɛ fɔ si ha wɔ? (Yoh. 13:15; Mat. 23:11; 1 Pet. 2:21)

4. Kane Yohane 17:1-26.

   Ngɛ mɛni sisi numi nya nɛ Yesu sɔle kaa e kaseli ɔmɛ a “pee kake”? (Yoh. 17:11, 21-23; Rom. 13:8; 14:19; Kol. 3:14)

Ní kasemi 100

1. Jije Yesu kɛ e bofo ɔmɛ ho benɛ a je hiɔwe tsu ɔ mi ɔ, nɛ mɛni e de mɛ ke a pee?

2. Mɛni Yesu na benɛ e kpale kɛ ba he nɛ e bofo ɔmɛ ngɛ ɔ, nɛ si enyɛmɛ enɛ ɔ ya nɔ?

3. Kaa bɔnɛ o na ngɛ foni ɔ mi ɔ, mɛnɔmɛ ba abɔɔ ɔ mi, nɛ mɛni Yuda Iskariot pee?

4. Mɛni heje Yuda fiɔ Yesu nya he, nɛ mɛni Petro pee?

5. Mɛni Yesu de Petro, nɛ mɛni ha Yesu bi we Mawu konɛ e tsɔ bɔfohi kɛ ba e ngɔ?

Sane bimi kpahi:

1. Kane Mateo 26:36-56.

   1. Mɛni blɔ nɔ bɔnɛ Yesu plɛ kɛ wo e kaseli ɔmɛ ga a ji nɔhyɛ nɔ́ kpakpa kɛ ha Kristofoli nikɔtɔmahi mwɔnɛ ɔ? (Mat. 20:25-28; 26:40, 41; Gal. 5:17; Efe. 4:29, 31, 32)

   2. Mɛni ji Yesu juɛmi ngɛ ta hwumi ní nitsɛ nɛ nɔ ko kɛ ma tua e nyɛmi ɔ he? (Mat. 26:52; Luka 6:27, 28; Yoh. 18:36)

2. Kane Luka 22:39-53.

   Anɛ bɔfo nɛ ba wo Yesu he wami ngɛ Getsemane abɔɔ ɔ mi ɔ tsɔɔ kaa Yesu hemi kɛ yemi ɔ gbɔjɔ lo? Moo tsɔɔ mi. (Luka 22:41-43; Yes. 49:8; Mat. 4:10, 11; Heb. 5:7)

3. Kane Yohane 18:1-12.

   Mɛni blɔ nɔ Yesu bu e kaseli ɔmɛ a he kɛ je a henyɛli ɔmɛ a he, nɛ mɛni ji nɔ́ nɛ wa ma nyɛ kase kɛ je nɔhyɛ nɔ́ nɛ ɔ mi? (Yoh. 10:11, 12; 18:1, 6-9; Heb. 13:6; Yak. 2:25)

Ní kasemi 101

1. Mɛnɔ ji nɔ tutuutu nɛ ha a gbe Yesu?

2. Mɛni bɔfo ɔmɛ pee benɛ jami hɛ mi nyɛɛli ɔmɛ nu Yesu kɛ ho ɔ?

3. Mɛni ya nɔ ngɛ osɔfo nɔkɔtɔma Kaiafa we ɔ mi?

4. Mɛni heje Petro ya fo ya a?

5. Benɛ a kpale Yesu kɛ ba Pilato ngɔ ɔ, mɛni osɔfo nikɔtɔma amɛ kpa ngmlaa kɛ de?

6. Mɛni a pee Yesu Soha piani ɔ, nɛ mɛni si womi e kɛ ha Yayami peelɔ nɛ ngɛ sɛumi tso nɔ ngɛ e kasa nya a?

7. Jije paradeiso nɛ Yesu tu he munyu ɔ maa hi?

Sane bimi kpahi:

1. Kane Mateo 26:57-75.

   Mɛni blɔ nɔ nɛ Yuda kojomi he nguaa mi bi ɔmɛ tsɔɔ ngɛ kaa a hɛɛ tsui yayami? (Mat. 26:59, 67, 68)

2. Kane Mateo 27:1-50.

   Mɛni heje wa ma nyɛ ma de kaa Yuda he piami ɔ pi anɔkuale he piami? (Mat 27:3, 4; Mar. 3:29; 14:21; 2 Kor. 7:10, 11)

3. Kane Luka 22:54-71.

   Jamɛ a nyɔ mi nɛ a tsɔɔ Yesu se blɔ nɛ a nu lɛ ɔ, mɛni wa ma nyɛ maa kase kɛ je kuami nɛ Petro kua Yesu ɔ mi? (Luka 22:60-62; Mat. 26:31-35; 1 Kor. 10:12)

4. Kane Luka 23:1-49.

   Kɛ Yesu pee e ní ngɛ yayami nɛ a pee lɛ ɔ he kɛɛ, nɛ mɛni wa ma nyɛ maa kase kɛ je mi? (Luka 23:33, 34; Rom. 12:17-19; 1 Pet. 2:23)

5. Kane Yohane 18:12-40.

   Mɛni tsɔɔ kaa Petro ye adesa gbeye yemi su nɛ e ná be kpiti ko ɔ nɔ, nɛ e ba plɛ bɔfo nɛ ngɛ kã? (Yoh. 18:25-27; 1 Kor. 4:2; 1 Pet. 3:14, 15; 5:8, 9)

6. Kane Yohane 19:1-30.

   1. Mɛni juɛmi nɛ́ da nɛ Yesu hɛɛ ngɛ helo nya níhi a he? (Yoh. 2:1, 2, 9, 10; 19:23, 24; Mat. 6:31, 32; 8:20)

   2. Mɛni blɔ nɔ munyu nɛ Yesu tu ngɛ faii mi loko e gbo ɔ tsɔɔ kaa e fi Yehowa je mi tsuo nɔyemi ɔ se kɛ pi si? (Yoh. 16:33; 19:30; 2 Pet. 3:14; 1 Yoh. 5:4)

Ní kasemi 102

1. Mɛnɔ ji yo ɔ kɛ nyumuhi enyɔ ɔmɛ nɛ ngɛ foni ɔ mi ɔ, nɛ jije a ngɛ ɔ?

2. Mɛni heje Pilato de osɔfo ɔmɛ kaa a tsɔ nihi nɛ a ya bu Yesu yɔkɔ ɔ he?

3. Yesu gbenɔ se ligbi etɛne ɔ we mɔtu mla a, mɛni bɔfo ko pee, se mɛni osɔfo ɔmɛ hu pee?

4. Mɛni ha yihi komɛ a nya kpɛ a he benɛ a ya Yesu yɔkɔ ɔ he ɔ?

5. Mɛni heje Petro kɛ Yohane tu fo kɛ ya Yesu yɔkɔ ɔ he, nɛ mɛni a na?

6. Mɛni ba Yesu gbogboe ɔ nɔ, se bɔnɛ pee nɛ e kaseli ɔmɛ nɛ a na kaa e te si ɔ, mɛni e pee?

Sane bimi kpahi:

1. Kane Mateo 27:62-66 kɛ 28:1-15.

   Benɛ Yesu te si ɔ, mɛni blɔ nɔ osɔfo nikɔtɔma amɛ, Farisibi ɔmɛ, kɛ ma nimeli ɔmɛ pee yayami kɛ si mumi klɔuklɔu ɔ ngɛ? (Mat. 12:24, 31, 32; 28:11-15)

2. Kane Luka 24:1-12.

   Mɛni blɔ nɔ Sane nɛ kɔ Yesu si temi ɔ he ɔ tsɔɔ ngɛ kaa Yehowa buu yihi kaa Odasefoli nɛ a ma nyɛ kɛ he maa fɔ a nɔ? (Luka 24:4, 9, 10; Mat. 28:1-7)

3. Kane Yohane 20:1-12.

   Mɛni blɔ nɔ Yohane 20:8, 9 yeɔ bua wɔ nɛ waa to wa tsui si ngɛ ke wa nui Baiblo mi gbami ko nɛ e ba mi ɔ sisi ɔ? (Abɛ 4:18; Mat. 17:22, 23; Luka 24:5-8; Yoh. 16:12)

Ní kasemi 103

1. Mɛni Maria de nyumu ko nɛ e susu kaa e ji abɔɔ ɔ mi ní tsulɔ ɔ, se mɛni ha e yo kaa lɛ ji Yesu ɔ?

2. Mɛni ba benɛ kaseli enyɔ komɛ nyɛɛ kɛ yaa kɔpe ko nɛ a tsɛɛ lɛ Emao ɔ?

3. Mɛni nyakpɛ nɔ́ ko ba benɛ kaseli enyɔ komɛ ya de bɔfo ɔmɛ kaa a na Yesu ɔ?

4. Si enyɛmɛ Yesu je e he kpo kɛ tsɔɔ e se nyɛɛli ɔmɛ?

5. Mɛni Toma de benɛ e nu kaa kaseli ɔmɛ na Nyɔmtsɛ ɔ, se mɛni ba ngɛ ligbi kpaanyɔ se?

Sane bimi kpahi:

1. Kane Yohane 20:11-29.

   Anɛ nɔ́ nɛ Yesu de ngɛ Yohane 20:23 tsɔɔ kaa adesahi ngɛ he blɔ nɛ a kɛ yayami paa lo? Moo tsɔɔ nya. (La 49:2, 7; Yes. 55:7; 1 Tim. 2:5, 6; 1 Yoh. 2:1, 2)

2. Kane Luka 24:13-43.

   Kɛ wa ma plɛ kɛ dla wa tsui konɛ Baiblo mi anɔkuale ɔ nɛ sɛ mi kɛɛ? (Luka 24:32, 33; Ezra 7:10; Mat. 5:3; Níts. 16:14; Heb. 5:11-14)

Ní kasemi 104

1. Kaseli enyɛmɛ na Yesu ngɛ be ko mi, nɛ mɛni e de mɛ?

2. Mɛni ji Mawu Matsɛ Yemi ɔ, nɛ ke Yesu ye Matsɛ jeha akpe ɔ kɛ zugba a nɔ si himi maa hi kɛɛ?

3. Yesu je e he kpo kɛ tsɔɔ e kaseli ɔmɛ ligbi enyɛmɛ, se jehanɛ ɔ, mɛni peemi be su ha lɛ?

4. Mɛni Yesu de e kaseli ɔmɛ loko e je a he?

5. Mɛni ngɛ nɔ yae ngɛ foni ɔ mi, nɛ kɛ Yesu plɛ kɛ laa ngɛ a hɛ mi kɛɛ?

Sane bimi kpahi:

1. Kane 1 Korintobi 15:3-8.

   Mɛni ha bɔfo Paulo nyɛ nɛ e tu munyu kɛ nɔ mi mami ngɛ Yesu si temi ɔ he, nɛ mɛni níhi a he munyu Kristofoli ma nyɛ maa tu mwɔnɛ ɔ kɛ nɔ mi mami? (1 Kor. 15:4, 7, 8; Yes. 2:2, 3; Mat. 24:14; 2 Tim. 3:1-5)

2. Kane Bɔfo Ɔmɛ A Ní Tsumi 1:1-11.

   Kaa bɔnɛ Bɔfo Ɔmɛ A Ní Tsumi 1:8 de kɛ to ɔ, jije a fiɛɛ kɛ ya su? (Níts. 6:7; 9:31; 11:19-21; Kol. 1:23)

Ní kasemi 105

1. Kaa bɔnɛ e ngɛ foni ɔ mi ɔ, mɛni ba benɛ Yesu se nyɛɛli ɔmɛ mlɛ ngɛ Yerusalem ɔ?

2. Mɛni nyakpɛ nɔ́ ko nibwɔ ɔmɛ nɛ ba Yerusalem ɔ na?

3. Mɛni ji nya tsɔɔmi nɛ Petro kɛ ha ni ɔmɛ?

4. Benɛ ni ɔmɛ nu Petro munyu ɔ, kɛ a nu he ha kɛɛ, nɛ mɛni e de mɛ kaa a pee?

5. Nimli enyɛmɛ a baptisi ngɛ Pentekoste, 33 M.B. ligbi ɔ nɔ?

Sane bimi kpahi:

1. Kane Bɔfo Ɔmɛ A Ní Tsumi 2:1-47.

   1. Mɛni blɔ nɔ Petro munyu nɛ je kpo ngɛ Bɔfo Ɔmɛ A Ní Tsumi 2:23, 36 tsɔɔ kaa Yuda ma mluku ɔ tsuo ye fɔ ngɛ Yesu gbenɔ ɔ he? (1 Tes. 2:14, 15)

   2. Mɛni blɔ nɔ Petro pee nɔhyɛ nɔ́ kpakpa ngɛ bɔnɛ e kɛ nihi susu Ngmami ɔ he ɔ mi? (Níts. 2:16, 17, 29, 31, 36, 39; Kol. 4:6)

   3. Mɛni blɔ nɔ Petro ngɔ “hiɔwe matsɛ yemi ɔ nya safe” nɛ Yesu wo lɛ he si ɔ we kekleekle nɔ́ kɛ tsu ní ngɛ? (Níts. 2:14, 22-24, 37, 38; Mat. 16:19)

Ní kasemi 106

1. Mɛni ba ligbi ko piani benɛ Petro kɛ Yohane yaa sɔlemi we ɔ?

2. Mɛni Petro de nyumu obubuafo ɔ, nɛ mɛni nɔ́ ko nɛ he jua wa pe sika Petro ha lɛ.

3. Mɛni ha jami hɛ mi nyɛɛli ɔmɛ a mi mi fu ɔ, nɛ mɛni a pee Petro kɛ Yohane?

4. Mɛni Petro de jami hɛ mi nyɛɛli ɔmɛ, nɛ mɛni kɔkɔ bɔmi a kɛ ha bɔfo ɔmɛ?

5. Mɛni heje jami hɛ mi nyɛɛli ɔmɛ je hunga a, se mɛni ba benɛ a wo bɔfo ɔmɛ tsu si enyɔne ɔ?

6. Benɛ a ya ngɔ bɔfo ɔmɛ kɛ ba Kpe Ngua a hɛ mi ɔ, mɛni heto a ha mɛ?

Sane bimi kpahi:

1. Kane Bɔfo Ɔmɛ A Ní Tsumi 3:1-10.

   E ngɛ mi kaa a ha we wɔ he wami kaa wa kɛ pee nyakpɛ ní mwɔnɛ ɔ mohu, se mɛni blɔ nɔ Petro munyu nɛ ngɛ Bɔfo Ɔmɛ A Ní Tsumi 3:6 yeɔ bua wɔ konɛ waa na bɔnɛ Matsɛ Yemi ɔ he sɛgbi ɔ he jua wa ha? (Yoh. 17:3; 2 Kor. 5:18-20; Fil. 3:8)

2. Kane Bɔfo Ɔmɛ A Ní Tsumi 4:1-31.

   Kɛ a te si kɛ wo wɔ ngɛ fiɛɛmi nítsumi ɔ mi ɔ, mɛni blɔ nɔ e sa kaa waa kase wa nyɛmimɛ nɛ a hi si ngɛ kekleekle jeha lafa a mi ngɛ? (Níts. 4:29, 31; Efe. 6:18-20; 1 Tes. 2:2)

3. Kane Bɔfo Ɔmɛ A Ní Tsumi 5:17-42.

   Ni komɛ nɛ pi Odasefoli nɛ a hi si blema, kɛ ni komɛ hu nɛ ngɛ mwɔnɛ ɔ je juɛmi kpakpa kpo ngɛ wa fiɛɛmi nítsumi ɔ he ngɛ mɛni blɔ nɔ? (Níts. 5:34-39)

Ní kasemi 107

1. Mɛnɔ ji Stefano, nɛ mɛni Mawu ye bua lɛ nɛ e pee?

2. Mɛni Stefano de nɛ e ha jami hɛ mi nyɛɛli ɔmɛ a mi mi fu wawɛɛ ɔ?

3. Mɛni nyumu ɔmɛ pee Stefano benɛ a gbla lɛ kɛ je ma a mi ɔ?

4. Mɛnɔ ji niheyo ɔ nɛ daa si ngɛ tade ɔmɛ a he ngɛ foni ɔ mi ɔ?

5. Mɛni Stefano sɔle nɛ e de Yehowa loko e gbo?

6. Kaa bɔnɛ Stefano pee ɔ, mɛni e sa kaa waa pee ke nɔ ko pee wɔ nɔ́ yayami ko ɔ?

Sane bimi kpahi:

1. Kane Bɔfo Ɔmɛ A Ní Tsumi 6:8-15.

   Mɛni sisimi blɔhi a nɔ jami hɛ mi nyɛɛli gu konɛ a tsi Yehowa Odasefoli a fiɛɛmi nítsumi ɔ nya? (Níts. 6:9, 11, 13)

2. Kane Bɔfo Ɔmɛ A Ní Tsumi 7:1-60.

   1. Mɛni ye bua Stefano nɛ e fã sane kpakpa a he ngɛ Kpe Ngua a hɛ mi, nɛ mɛni wa ma nyɛ maa kase kɛ je e nɔhyɛ nɔ́ ɔ mi. (Níts. 7:51-53; Rom. 15:4; 2 Tim. 3:14-17; 1 Pet. 3:15)

   2. Mɛni su e sa kaa wa ná ngɛ nihi nɛ teɔ si kɛ woɔ wa nítsumi ɔ he? (Níts. 7:58-60; Mat. 5:44; Luka 23:33, 34)

Ní kasemi 108

1. Benɛ a gbe Stefano se ɔ, mɛni Saulo pee?

2. Benɛ Saulo ngɛ blɔ nɔ kɛ yaa Damasko ɔ, mɛni nyakpɛ nɔ́ ko ba?

3. Mɛni Yesu de Saulo ke e pee?

4. Mɛni Yesu de Anania ke e pee, nɛ mɛni blɔ nɔ Saulo gu kɛ hyɛ nɔ́ ekohu?

5. Mɛni biɛ a kɛ ba le Saulo, nɛ mɛni a gu e nɔ kɛ tsu?

Sane bimi kpahi:

1. Kane Bɔfo Ɔmɛ A Ní Tsumi 8:1-4.

   Mɛni blɔ nɔ yi mi wami nɛ a kɛ ba Kristofoli asafo ehe nɛ a to ɔ nɔ ha Kristofoli a hemi kɛ yemi ɔ gbɛ fia ngɛ, nɛ mɛni nɔ́ ko kaa kikɛ ɔ ba ngɛ mwɔnɛ ɔ be mi? (Níts. 8:4; Yes. 54:17)

2. Kane Bɔfo Ɔmɛ A Ní Tsumi 9:1-20.

   Mɛni nítsumi nɛ́ bɔ he etɛ Yesu je kpo kaa e ngɛ kɛ ha Saulo? (Níts. 9:15; 13:5; 26:1; 27:24; Rom. 11:13)

3. Kane Bɔfo Ɔmɛ A Ní Tsumi 22:6-16.

   Mɛni blɔ nɔ wa ma nyɛ maa kase Anania ngɛ, nɛ mɛni heje enɛ ɔ he hia? (Níts. 22:12; 1 Tim. 3:7; 1 Pet. 1:14-16; 2:12)

4. Kane Bɔfo Ɔmɛ A Ní Tsumi 26:8-20.

   Mɛni blɔ nɔ bɔnɛ Saulo ba tsake kɛ pee Kristofono ɔ ji he wami womi nɔ́ kɛ ha Kristofoli nɛ a he piɛɛli be hemi kɛ yemi ɔ mi mwɔnɛ ɔ? (Níts. 26:11; 1 Tim. 1:14-16; 2 Tim. 4:2; 1 Pet. 3:1-3)

Ní kasemi 109

1. Mɛnɔ ji nyumu ɔ nɛ kplaa si ngɛ foni ɔ mi ɔ?

2. Mɛni bɔfo ko de Kornelio?

3. Mɛni Mawu ha Petro na benɛ e ngɛ Yopa ngɛ Simon we ɔ yi mi ɔ?

4. Mɛni heje Petro de Kornelio kaa e ko kpla si nɛ e ja lɛ ɔ?

5. Mɛni ha Yudabi kaseli nɛ piɛɛ Petro he ɔ nya kpɛ a he ɔ?

6. Mɛni e sa kaa waa kase kɛ je Kornelio ngɔ nɛ Petro ya a mi?

Sane bimi kpahi:

1. Kane Bɔfo Ɔmɛ A Ní Tsumi 10:1-48.

   Petro munyu nɛ e tu ngɛ Bɔfo Ɔmɛ A Ní Tsumi 10:42 tsɔɔ mɛni ngɛ Matsɛ Yemi ɔ he sane kpakpa fiɛɛmi nítsumi ɔ he? (Mat. 28:19; Mar. 13:10; Níts. 1:8)

2. Kane Bɔfo Ɔmɛ A Ní Tsumi 11:1-18.

   Mɛni su Petro je kpo benɛ Yehowa juɛmi ngɛ Majeli ɔmɛ a he mi ba tɛ̃ ha lɛ ɔ, nɛ mɛni blɔ nɔ wa ma nyɛ maa kase e nɔhyɛ nɔ́ ɔ ngɛ? (Níts. 11:17, 18; 2 Kor. 10:5; Efe. 5:17)

Ní kasemi 110

1. Mɛnɔ ji niheyo ɔ nɛ ngɛ foni ɔ mi ɔ, nɛ jije e hi, nɛ kɛ a tsɛɛ e nyɛ kɛ e na kɛɛ?

2. Benɛ Paulo bi Timoteo keji e suɔ nɛ e piɛɛ e kɛ Sila he ngɛ ma se fiɛɛmi nítsumi ɔ mi ɔ, mɛni e de?

3. Jije a tsɛ Yesu se nyɛɛli ɔmɛ ngɛ kekle ke Kristofoli ɔ?

4. Mɛni mahi komɛ nɛ Paulo kɛ Sila kɛ Timoteo ya slaa benɛ a je Listra a?

5. Mɛni blɔ nɔ Timoteo ye bua Paulo ngɛ, nɛ mɛni sane e sa kaa nihewi kɛ yihewi a bi a he mwɔnɛ ɔ?

Sane bimi kpahi:

1. Kane Bɔfo Ɔmɛ A Ní Tsumi 9:19-30.

   Mɛni blɔ nɔ bɔfo Paulo kɛ ní lemi tsu ní benɛ a te si kɛ wo lɛ ngɛ sane kpakpa a fiɛɛmi ɔ he ɔ? (Níts. 9:22-25, 29, 30; Mat. 10:16)

2. Kane Bɔfo Ɔmɛ A Ní Tsumi 11:19-26.

   Mɛni blɔ nɔ sane nɛ a ngma ngɛ Bɔfo Ɔmɛ A Ní Tsumi 11:19-21, 26 tsɔɔ kaa Yehowa mumi ɔ ngɛ fiɛɛmi nítsumi ɔ kudɔe?

3. Kane Bɔfo Ɔmɛ A Ní Tsumi 13:13-16, 42-52.

   Mɛni blɔ nɔ Bɔfo Ɔmɛ A Ní Tsumi 13:51,52 tsɔɔ kaa kaseli ɔmɛ ha we nɛ si nɛ a te kɛ wo mɛ ɔ nɛ jɔ a kɔni mi? (Mat. 10:14; Níts. 18:6; 1 Pet. 4:14)

4. Kane Bɔfo Ɔmɛ A Ní Tsumi 14:1-6, 19-28.

   Mɛni blɔ nɔ munyu nɛ ji “a ngɔ mɛ kɛ wo Yehowa dɛ mi” ɔ ma nyɛ maa ye bua wɔ konɛ wa ko pee yeyeeye be mi nɛ wa ngɛ ni ehehi ye buae ɔ? (Níts. 14:21-23; 20:32; Yoh. 6:44)

5. Kane Bɔfo Ɔmɛ A Ní Tsumi 16:1-5.

   Mɛni blɔ nɔ kplɛɛmi nɛ Timoteo kplɛɛ nɛ a po lɛ ɔ maa bɔnɛ e he hia ha kaa waa pee “nɔ́ tsuaa nɔ́ ngɛ sane kpakpa a heje” ɔ nɔ mi? (Níts. 16:3; 1 Kor. 9:23; 1 Tes. 2:8)

6. Kane Bɔfo Ɔmɛ A Ní Tsumi 18:1-11, 18-22.

   Mɛni Bɔfo Ɔmɛ A Ní Tsumi 18:9, 10 tsɔɔ ngɛ bɔnɛ Yesu nitsɛ nyɛɛ fiɛɛmi nítsumi ɔ hɛ mi ɔ he, nɛ mɛni nɔ mi mami enɛ ɔ haa wɔ mwɔnɛ ɔ? (Mat. 28:20)

Ní kasemi 111

1. Mɛnɔ ji nyumuyo nɛ hwɔɔ si ngɛ zugba ngɛ foni ɔ mi ɔ?

2. Benɛ Paulo na kaa nyumuyo ɔ gbo ɔ, mɛni e pee?

3. Jije Paulo, Timoteo, kɛ nihi nɛ a piɛɛ a he kɛ ngɛ blɔ hiae ɔ yaa, nɛ mɛni ba benɛ a lɛ ɔ ya da si bɔɔ ngɛ Mileto ɔ.

4. Mɛni he kɔkɔ nɛ Agabo bɔ Paulo, nɛ mɛni blɔ nɔ nɔ́ nɛ gbalɔ ɔ de ɔ ba mi ngɛ?

Sane bimi kpahi:

1. Kane Bɔfo Ɔmɛ A Ní Tsumi 20:7-38.

   1. Ngɛ Paulo munyu nɛ a ngma ngɛ Bɔfo Ɔmɛ A Ní Tsumi 20:26, 27 nya a, mɛni blɔ nɔ “wa be nɔ ko muɔ he fɔ yee?” (Ezek. 33:8; Níts. 18:6, 7)

   2. Mɛni heje e sa kaa asafo mi nikɔtɔmahi nɛ “hɛɛ anɔkuale munyu ɔ mi wawɛɛ” ke a ngɛ ní tsɔɔe ɔ? (Níts. 20:17, 29, 30; Tito 1:7-9; 2 Tim. 1:13)

2. Kane Bɔfo Ɔmɛ A Ní Tsumi 26:24-32.

   Mɛni blɔ nɔ Paulo ngɔ he blɔ nɛ e ngɛ kaa Romano ɔ kɛ tsu fãmi nɛ Yesu kɛ ha lɛ kaa e fiɛɛ ɔ he ní? (Níts. 9:15; 16:37, 38; 25:11, 12; 26:32; Luka 21:12, 13)

Ní kasemi 112

1. Mɛni ba benɛ lɛ nɛ Paulo ngɛ mi ɔ be Kreta zugba kpɔ ɔ he ɔ?

2. Mɛni Paulo de nihi nɛ ngɛ lɛ ɔ mi?

3. Kɛ ba kɛɛ loko lɛ ɔ ywia dukuduku ɔ?

4. Mɛni tabuli ɔmɛ a nya tsɛ ɔ de ni ɔmɛ, nɛ nihi enyɛmɛ ya nu kpo slɔkee?

5. Kɛ a tsɛɛ zugba kpɔ nɛ a ya nɔ ɔ kɛɛ, nɛ mɛni a pee Paulo benɛ je ɔ mi ba tsɔ ɔ?

Sane bimi kpahi:

1. Kane Bɔfo Ɔmɛ A Ní Tsumi 27:1-44.

   Mɛni blɔ nɔ Paulo wo nɔ blɔ hiami kɛ ya Roma he sane ɔ kanemi woɔ he kɛ nɔ fɔmi nɛ wa ngɛ kaa Baiblo ɔ da a mi he wami ngɛ? (Níts. 27:16-19, 27-32; Luka 1:3; 2 Tim. 3:16, 17)

2. Kane Bɔfo Ɔmɛ A Ní Tsumi 28:1-14.

   Ke Melitabi wɔ jali po nyɛ nɛ a pee Paulo kɛ nihi nɛ e kɛ mɛ ya butu ɔ “kpakpa saminya” a, lɛɛ mɛni e sa kaa Kristofoli a ná gɛjɛmi kɛ pee, nɛ titli ɔ ngɛ mɛni blɔ nɔ? (Níts. 28:1, 2; Heb. 13:1, 2; 1 Pet. 4:9)

Ní kasemi 113

1. Mɛnɔmɛ Paulo fiɛɛ kɛ ha benɛ a wo lɛ tsu ngɛ Roma a?

2. Mɛnɔ ji nubwɔ ɔ nɛ ngɛ okplɔɔ ɔ he ngɛ foni ɔ mi ɔ, nɛ mɛni e ngɛ pee ha Paulo?

3. Mɛnɔ ji Epafrodito, nɛ mɛni e hɛɛ kɛ ho Filipi ya?

4. Mɛni heje Paulo ngma womi kɛ ya ha e huɛ kpakpa Filemon?

5. Benɛ a je Paulo ngɛ tsu mi ɔ, mɛni e pee, nɛ mɛni ba e nɔ pee se?

6. Mɛnɔ nɔ Yehowa gu kɛ ngma Baiblo ɔ nyagbe womi ɔmɛ, nɛ mɛni he munyu Kpojemi womi ɔ tuɔ?

Sane bimi kpahi:

1. Kane Bɔfo Ɔmɛ A Ní Tsumi 28:16-31 kɛ Filipibi 1:13.

   Mɛni blɔ nɔ Paulo ngɔ e be kɛ tsu ní benɛ a wo lɛ tsu ngɛ Roma a, nɛ mɛni he wami e hemi kɛ yemi nɛ mi wa a ná ngɛ Krsitofoli asafo ɔ nɔ? (Níts. 28:23, 30; Fil. 1:14)

2. Kane Filipibi 2:19-30.

   Mɛni sina kpo Paulo je ngɛ Timoteo kɛ Epafrodito he, nɛ mɛni blɔ nɔ wa ma nyɛ maa kase Paulo nɔhyɛ nɔ́ ɔ? (Fil. 2:20, 22, 25, 29, 30; 1 Kor. 16:18; 1 Tes. 5:12, 13)

3. Kane Filemon 1-25.

   1. Mɛni nɔ Paulo da nɛ e kɛ wo Filemon he wami konɛ e pee nɔ́ nɛ da blɔ, nɛ mɛni asafo mi nikɔtɔmahi ma nyɛ maa kase ngɛ enɛ ɔ mi? (Filem. 9; 2 Kor. 8:8; Gal. 5:13)

   2. Mɛni blɔ nɔ munyu nɛ Paulo tu ngɛ Filemon 13, 14 tsɔɔ kaa e ngɛ bumi kɛ ha asafo ɔ mi bi kpahi a heníle? (1 Kor. 8:7, 13; 10:31-33)

4. Kane 2 Timoteo 4:7-9.

   Mɛni blɔ nɔ wa maa gu kɛ ná nɔ mi mami kaa ke wa ye anɔkuale kɛ ya su nyagbe kaa Bɔfo Paulo ɔ, Yehowa maa wo wɔ hiɔ? (Mat. 24:13; Heb. 6:10)

Ní kasemi 114

1. Mɛni heje Baiblo ɔ tu okpɔngɔhi nɛ ngɛ hiɔwe he munyu?

2. Kɛ a tsɛɛ ta nɛ Mawu kɛ nimli yayamihi ngɛ zugba a nɔ maa hwu ɔ kɛɛ, nɛ mɛni ta nɛ ɔ ma tsu?

3. Kaa bɔnɛ o na ngɛ foni ɔ mi ɔ, mɛnɔ ji Nɔ nɛ maa nyɛɛ hɛ mi ngɛ ta a mi, mɛni heje e bu matsɛ pɛɛ, nɛ mɛni e klaate ɔ hu tsɔɔ?

4. Ke wa hyɛ Ní kasemi 10, 15, kɛ 33, mɛni heje e sɛ nɛ e pee wɔ nyakpɛ kaa Mawu ma kpata yayami peeli a hɛ mi?

5. Mɛni blɔ nɔ Ní kasemi 36 kɛ 76 tsɔɔ kaa Mawu ma kpata yayami peeli a hɛ mi ke a deɔ ke a jaa lɛ po ɔ?

Sane bimi kpahi:

1. Kane Kpojemi 19:11-16.

   1. Mɛni blɔ nɔ Ngmami ɔ ha e pee faii kaa Yesu ji nɔ nɛ ngɛ okpɔngɔ futaa nɔ ɔ? (Kpoj. 1:5; 3:14; 19:11; Yes. 11:4)

   2. Mɛni blɔ nɔ muɔ ɔ nɛ ngɛ Yesu tade ɔ mi ɔ maa nɔ mi ngɛ kaa e kunimi yemi ɔ maa pi si? (Kpoj. 14:18-20; 19:13; Yes. 63:1-6)

   3. Eko ɔ, mɛnɔmɛ piɛɛ tabuli nɛ nyɛɛ Yesu nɛ hii si ngɛ okpɔngɔ futaa nɔ ɔ se ɔ he? (Kpoj. 12:7; 19:14; Mat. 25:31, 32)

Ní kasemi 115

1. Mɛni si himi Baiblo ɔ tsɔɔ kaa wa ma ná ngɛ Paradeiso zugba a nɔ?

2. Mɛni ji Baiblo ɔ si womi kɛ ha nihi nɛ maa hi Paradeiso ɔ mi ɔ?

3. Mɛni be Yesu ma ha nɛ tsakemi nɛ ɔ maa ba mi?

4. Benɛ Yesu ngɛ zugba a nɔ ɔ, mɛni e pee kɛ tsɔɔ nɔ́ nɛ e maa pee ke e ba ye Matsɛ ngɛ Mawu Matsɛ Yemi ɔ mi?

5. Mɛni Yesu kɛ nihi nɛ maa piɛɛ e he kɛ ye matsɛ ngɛ hiɔwe ɔ maa hyɛ nɛ e ba mi ke a ye zugba a nɔ ɔ?

Sane bimi kpahi:

1. Kane Kpojemi 5:9, 10.

   Mɛni heje wa ma nyɛ ma ná he kɛ nɔ fɔmi kaa nihi nɛ maa ye zugba a nɔ ngɛ Jeha Akpe Nɔyemi ɔ mi maa pee matsɛmɛ kɛ osɔfohi nɛ ngɛ mi mi sami kɛ mɔbɔ nami? (Efe. 4:20-24; 1 Pet. 1:7; 3:8; 5:6-10)

2. Kane Kpojemi 14:1-3.

   Mɛni Tsɛ ɔ biɛ kɛ To bi ɔ biɛ nɛ a ngma ngɛ 144,000 hɛ nya a tsɔɔ? (1 Kor. 3:23; 2 Tim. 2:19; Kpoj. 3:12)

Ní kasemi 116

1. Ke wa maa hi si kɛ ya neneene ɔ lɛɛ, mɛni e sa kaa waa le?

2. Mɛni blɔ nɔ wa ma nyɛ maa kase Yehowa Mawu kɛ Yesu he ní kaa bɔnɛ jokuɛ yoyo ɔ kɛ e huɛmɛ ɔmɛ ngɛ pee ngɛ foni ɔ mi ɔ?

3. Te womi kpa nɛ o na ngɛ foni ɔ mi ɔ nɛɛ, nɛ mɛni heje e sa kaa waa kane daa?

4. Ngɛ Yehowa kɛ Yesu he ní nɛ wa maa kase se ɔ, mɛni hu he hia wɔ loko wa ma ná neneene wami?

5. Mɛni wa kaseɔ ngɛ Ní kasemi 69 mi?

6. Mɛni Samuel nɔhyɛ nɔ́ kpakpa nɛ ngɛ Ní kasemi 55 tsɔɔ wɔ?

7. Mɛni blɔ nɔ wa maa gu kɛ nyɛɛ Yesu nɔhyɛ nɔ́ ɔ se, nɛ ke wa pee ja, mɛni wa ma ná hwɔɔ se?

Sane bimi kpahi:

1. Kane Yohane 17:3.

   Mɛni blɔ nɔ Ngmami ɔ tsɔɔ ngɛ kaa Yehowa Mawu kɛ Yesu Kristo he ní lemi nɛ wa ma ná a tsɔɔ we a he anɔkuale ɔ kɛkɛ nɛ wa maa kase kɛ wo wa yi mi? (Mat. 7:21; Yak. 2:18-20; 1 Yoh. 2:17)

2. Kane La 145:1-21.

   1. Mɛni ji yi mi tomihi fuu a heje nɛ wa jeɔ Yehowa yi? (La 145:8-11; Kpoj. 4:11)

   2. Mɛni blɔ nɔ Yehowa hi kɛ ha “nɔ tsuaa nɔ,” nɛ kɛ e sa kaa enɛ ɔ nɛ hɛ wɔ kɛ su e he kɛɛ? (La 145:9; Mat. 5:43-45)

   3. Ke wa suɔ Yehowa ngɛ wa tsui mi ɔ, mɛni lɔɔ ma ha waa pee? (La 119:171, 172, 175; 145:11, 12, 21)