Adesahi tsuo yi mluku, enɛ ɔ he ɔ, Yesu ba zugba a nɔ, nɛ e ngɔ e wami kɛ sã afɔle ngɛ a he je. E ngɛ mi kaa Yesu ba gbo mohu lɛɛ, se e ye jeɔ nɔ kunimi. Yehowa hɛ ji e Bi ɔ nɔ, enɛ ɔ he ɔ, e tle lɛ si kɛ ba wami mi ekohu. Benɛ Yesu ba zugba a nɔ ɔ, e ba e he si nɛ e sɔmɔ nihi kɛ ya si benɛ e gbo. Ke nihi tɔ̃ ɔ, e kɛ a tɔmihi paa mɛ. Benɛ a tle lɛ si ɔ, e je e he si kɛ tsɔɔ e kaseli ɔmɛ. E tsɔɔ mɛ bɔ nɛ a ma plɛ kɛ tsu ní tsumi nɛ he hia nɛ e kɛ wo a dɛ ɔ. Ke o ji fɔlɔ ɔ, moo ye bua o bi ɔ konɛ e na kaa wɔ hu e sa kaa wa tsu ní tsumi nɛ ɔ mwɔnɛ ɔ.