Fã 2 ɔ Nya Blimi Munyu
Mɛni he je nɛ Yehowa ngɔ nyu kpekpemi kɛ kpata yayami peeli a hɛ mi blema a? Kɛ je blema tɔɔ ɔ, e he ba hia nɛ adesa nitsɛ nɛ mwɔ e yi mi kpɔ kaa e maa pee Mawu suɔmi nya ní, loo e be pee. Ni komɛ pee Mawu suɔmi nya ní, se ni komɛ lɛɛ a pee we Mawu suɔmi nya ní. Adam, kɛ Hawa, kɛ a bi Kain pee we Mawu suɔmi nya ní. Ni komɛ kaa Habɛl kɛ Noa lɛɛ a pee Mawu suɔmi nya ní. Ngɛ Noa be ɔ mi ɔ nihi fuu pee ní yayahi. Enɛ ɔ he ɔ, Yehowa kpata yayami peeli ɔmɛ tsuo a hɛ mi. Ngɛ fã nɛ ɔ mi ɔ, wa maa na kaa ke wa peeɔ Yehowa suɔmi nya ní ɔ, e naa, nɛ ke wa pee we e suɔmi nya ní hu e naa. Wa maa na hu kaa Yehowa be blɔ ngmɛe nɛ yayami peeli maa hi si daa.
NGƐ FA NƐ Ɔ
Adam Kɛ Hawa Gbo Mawu Tue
Mɛni ha nɛ tso kake ko nɛ ngɛ Eden abɔɔ ɔ mi ɔ he hia wawɛɛ ɔ? Mɛni he je Hawa ye tso ɔ yiblii ɔ?
Abofu Ha Nɛ E Gbe Nɔmlɔ
Mawu bua jɔ Kain afɔle ɔ he, se e bua jɔɛ Habɛl nɔ́ ɔ he. Benɛ Kain ná le ɔ, e mi mi fu wawɛɛ, nɛ e pee nɔ́ yaya.
Noa Daka a
Benɛ bɔfohi nɛ a tɔ̃ ɔ ngɔ yihi ngɛ zugba a nɔ ɔ, a kɛ mɛ fɔ bimɛ nɛ a je oblai. Zugba a nɔ tsuo hyi tɔ kɛ yi mi wami. Se Noa lɛɛ e je ekpa—e suɔ Mawu, nɛ e buɔ lɛ tue.
A He Nihi Kpaanyɔ A Yi Wami
Hiɔmi nɛ ligbi nyingmi ewyiɛ sɔuu ngɛ Nyu Kpekpemi ɔ mi. Noa kɛ e weku ɔ hi daka a mi pe jeha kake. Nyagbe kulaa a, a nyɛ nɛ a je kpo.
