Satan suɔ kaa o ngɔ o he kɛ wo kunya yemi mi. Nihi fuu yeɔ musu kɛ haa a nimeli nɛ gbo aloo mumihi konɛ a po a he piɛ kɛ je haomihi a he. Nɔ́ heje nɛ a peeɔ enɛ ɔ ji kaa a yee he wamihi nɛ ngɛ mumihi a je ɔ gbeye. A woɔ kunya yemi he nguɛ gahi aloo nine si gahi. A nuɔ “tsopahi” nɛ́ a heɔ yeɔ kaa kunya yemi he wami ngɛ mi, nɛ a kɛ ekomɛ hu kpaa a nɔmlɔtsohi a he. Ni komɛ hu puɔ níhi nɛ a heɔ yeɔ kaa lɔɔ ɔmɛ ma ha mɛ he bumi ngɛ a wehi a mi. Ni kpahi hu ngɔɔ kunya yemi tsopa kɛ tsuɔ ní ejakaa a heɔ yeɔ kaa e ma ha nɛ́ a ye manye ngɛ jua yemi, sukuu kamihi nɛ a peeɔ, kɛ nyɛɛmi nɛ a kɛ sɛɛ gba si himi mi ɔ mi.

He piɛ pomi nɛ se be nɛ o ma ná kɛ je Satan he ji Yehowa nɛ o kɛ lɛ maa pee huɛ. Yehowa Mawu kɛ e bɔfo ɔmɛ ngɛ he wami kulaa pe Satan kɛ e daimonio ɔmɛ. (Yakobo 2:19; Kpojemi 12:9) Yehowa suɔ kaa e ngɔ e he wami kɛ ye bua e huɛmɛ, nɛ ji nihi nɛ yeɔ lɛ anɔkuale kɛ pii si ɔ.—2 Kronika 16:9.

Mawu Munyu ɔ deɔ ke: “Nyɛ ko ye kunya.” Yehowa buu kunya yemi kɛ hiami (aze kpɛmi) fɔ ejakaa ní peepee nɛ ɔmɛ ngɔɔ nɔ kɛ woɔ Satan Abosiami he wami sisi nitsɛnitsɛ.—3 Mose 19:26.