Hoekom het Jehovah ’n vloed gebring wat die hele wêreld destyds vernietig het? ’n Stryd het vroeg in die mensegeskiedenis begin​—⁠die stryd tussen goed en sleg. Party mense, soos Adam en Eva en hulle seun Kain, het die slegte kant gekies. ’n Paar ander, soos Abel en Noag, het die goeie kant gekies. Die meeste mense het so sleg geword dat Jehovah ’n einde aan daardie slegte wêreld gebring het. Hierdie deel sal ons help om te leer dat Jehovah sien watter kant ons kies en dat hy nooit sal toelaat dat die slegte die goeie oorwin nie.