Amos 5:1-27
5 “Hoor hierdie woord, my treurlied teen julle, o huis van Israel:
2 ‘Die maagd, Israel, het geval.
Sy kan nie weer opstaan nie.
Sy is verlate in haar eie land.
Daar is niemand om haar op te help nie.’
3 “Want dít is wat die Soewereine Heer Jehovah sê:
‘Die stad wat met 1 000 gaan veg, sal 100 oorhê.
En die stad wat met 100 gaan veg, sal 10 oorhê. Dit sal met die huis van Israel gebeur.’+
4 “Want dít is wat Jehovah vir die huis van Israel sê:
‘Soek my, en bly lewe.+
5 Moenie na Bet-El soek nie,+en moenie na Gilgal+ of na Berseʹba gaan nie,+want Gilgal sal vir seker in ballingskap gaan+en van Bet-El sal niks oorbly nie.*
6 Soek Jehovah, en bly lewe,+sodat hy nie soos ’n vuur teen die huis van Josef losbarsen Bet-El verteer nie, en daar niemand is wat dit blus nie.
7 Julle verander geregtigheid in als,*en julle gooi regverdigheid teen die grond.+
8 Die Een wat die Kima-sterrebeeld* en die Kesil-sterrebeeld* gemaak het,+die Een wat diep skaduwee in oggend verander,die Een wat die dag so donker soos die nag maak,+die Een wat die waters van die see roepen dit op die aarde uitstort+– Jehovah is sy naam.
9 Hy sal vernietiging teen die sterke laat losbarsen vernietiging oor versterkte stede bring.
10 Hulle haat dié wat teregwysing in die stadspoort gee,en hulle kan dié wat die waarheid praat, nie verdra nie.+
11 Omdat julle landhuur* van die arme eisen sy graan as skatting* neem,+sal julle nie bly woon in die huise wat julle van gekapte klip gebou het nie+en sal julle ook nie die wyn drink van die goeie wingerde wat julle geplant het nie.+
12 Want ek weet hoe baie julle opstandige dade* isen hoe groot julle sondes is– julle laat die regverdiges swaarkry,julle aanvaar omkoopgeskenkeen julle behandel die armes onregverdig in die stadspoort.+
13 Daarom sal dié wat insig het, in daardie tyd stilbly,want dit sal ’n tyd van rampspoed wees.+
14 Soek wat goed is, en nie wat sleg is nie,+sodat julle kan bly lewe.+
Dan sal Jehovah, die God van die leërmagte, met julle wees,net soos julle sê hy is.+
15 Haat wat sleg is, en wees lief vir wat goed is.+
Laat daar geregtigheid in die stadspoort wees.+
Miskien sal Jehovah, die God van die leërmagte,aan die oorblywendes van Josef genade betoon.’+
16 “Daarom sê Jehovah, die God van die leërmagte, ja, Jehovah sê:
‘Op al die openbare pleine sal daar ’n getreur wees,en in al die strate sal mense sê: “Dit is verskriklik!”
En hulle sal die landbouers vra om te huil,en hulle sal dié wat gehuur word om te treur, vra om te kom treur.’
17 ‘In elke wingerd sal daar getreur word,+want ek sal tussen julle deur trek om julle te straf,’ sê Jehovah.
18 ‘Dit sal sleg gaan met dié wat verlang na die dag van Jehovah!+
Wat sal die dag van Jehovah dan vir julle beteken?+
Dit sal duisternis wees, en nie lig nie.+
19 Dit sal wees soos ’n man wat vir ’n leeu vlug, en ’n beer teëkom,en wanneer hy in sy huis ingaan en met sy hand teen die muur leun, byt ’n slang hom.
20 Die dag van Jehovah sal duisternis wees, en nie lig nie.
Dit sal donker wees, sonder glans.
21 Ek haat, ek verag julle feeste,+en die reuk van julle heilige vergaderinge is nie vir my aangenaam nie.
22 Selfs as julle heelbrandoffers en offergawes aan my bring,sal ek dit nie goedkeur nie.+
En julle vrede-offers* van vetgemaakte diere sal ek nie aanvaar nie.+
23 Ek wil nie die geraas van julle liedere hoor nie,en ek wil nie die klank van julle snaarinstrumente hoor nie.+
24 Laat geregtigheid soos waters vloei,+en regverdigheid soos ’n rivier wat altyd vol is.
25 Het julle 40 jaar lank in die wildernisofferandes en offergawes aan my gebring, o huis van Israel?+
26 Nou sal julle Sakkut, julle koning, en Kaiwan* moet wegdra,die beelde wat julle vir julle gemaak het van die ster van julle god.
27 En ek sal julle anderkant Damaskus in ballingskap laat gaan,’+ sê hy wie se naam Jehovah, die God van die leërmagte, is.”+
Voetnote
^ Of moontlik “en Bet-El sal iets bonatuurliks word”.
^ ’n Soort bitter plant.
^ Verwys moontlik na die Orion-sterrebeeld.
^ Verwys moontlik na die Plejades-sterregroep in die Bul-sterrebeeld.
^ Of “grondbelasting”.
^ Of “misdade”.
^ Of “gemeenskapsoffers”.
^ Hierdie gode verwys moontlik albei na die planeet Saturnus, wat as ’n god aanbid is.
