Hosea 4:1-19
4 Luister na wat Jehovah sê, o Israel,want Jehovah het ’n regsaak teen die inwoners van die land+omdat daar geen waarheid of lojale liefde of kennis van God in die land is nie.+
2 Valse ede, leuens,+ moord,+diefstal en egbreuk+ is iets algemeens,en mense hou aan om ander dood te maak.+
3 Daarom sal die land treur,+en al die inwoners sal wegteer.
Die wilde diere van die veld en die voëls van die hemel,en selfs die visse van die see sal vergaan.
4 “Laat niemand teen jou stry of jou teregwys nie,+want jy is soos iemand wat teen ’n priester stry.+
5 Daarom sal jy in die dag struikel,en die profeet sal saam met jou struikel, asof dit nag is.
En ek sal jou ma vernietig.*
6 My volk sal vernietig* word omdat hulle my nie ken nie.
Omdat jy kennis verwerp het,+sal ek jou ook verwerp sodat jy nie as my priester sal dien nie.
En omdat jy die wet* van jou God vergeet het,+sal ek jou kinders vergeet.
7 Hoe meer hulle geword het, hoe meer het hulle teen my gesondig.+
Ek sal hulle heerlikheid in skande verander.*
8 Hulle voed hulle met die sondes* van my volk,en hulle wag gretig dat hulle moet oortree.
9 Dit sal met die volk gaan soos met die priester.
Ek sal hulle oordeel vir hulle optrede,en ek sal hulle die gevolge van hulle dade laat dra.+
10 Hulle sal eet, maar nie versadig raak nie.+
Hulle sal hoereer,* maar hulle sal nie meer word nie,+omdat hulle geen respek vir Jehovah het nie.
11 Prostitusie* en wyn en nuwe wynneem die begeerte weg om te doen wat reg is.+
12 My volk vra hulle houtafgode vir raad,en doen wat hulle staf* vir hulle sê om te doen.
Die gees van prostitusie* laat hulle afdwaal,en weens hulle prostitusie* weier hulle om hulle aan God te onderwerp.
13 Op die bergtoppe bring hulle offerandes,+en op die heuwels laat hulle offerrook opgaan,onder eikebome en storaksbome en elke groot boom,+omdat daar goeie skaduwee is.
Daarom beoefen julle dogters prostitusie*en pleeg julle skoondogters egbreuk.
14 Ek sal julle dogters nie oordeel weens hulle prostitusie,*of julle skoondogters weens hulle egbreuk nie.
Want die mans gaan saam met die hoereen bring offerandes saam met die tempelprostitute.
So ’n volk wat geen verstand het nie,+ sal tot ’n val kom.
15 Hoewel jy prostitusie* beoefen, o Israel,+moet Juda nie skuldig word nie.+
Moenie na Gilgal+ of na Bet-Awen+ kom nie,en moenie sweer: ‘So waar as wat Jehovah lewe!’ nie.+
16 Want soos ’n hardkoppige koei het Israel hardkoppig geword.+
Sal Jehovah hulle nou soos ’n jong ram in ’n oop weiveld laat wei?
17 Eʹfraim het hom verbind aan afgode.+
Los hom uit!
18 Wanneer hulle bier* op is,hoereer hulle.*
En sy heersers is baie lief vir skande.+
19 Die wind sal hom wegwaai,en hulle sal skaam wees oor hulle offerandes.”
Voetnote
^ Of “stilmaak”.
^ Of “onderrigting”.
^ Of “stilgemaak”.
^ Of moontlik “Hulle het my heerlikheid vir skande verruil”.
^ D.w.s. met die offerandes wat hulle moet offer vir hulle sondes.
^ Of “seksueel losbandig wees; prostitusie beoefen”.
^ Of “Onsedelikheid; Seksuele losbandigheid”.
^ Of “waarsêerstaf”.
^ Of “onsedelikheid; seksuele losbandigheid”.
^ Of “onsedelikheid; seksuele losbandigheid”.
^ Of “onsedelikheid; seksuele losbandigheid”.
^ Of “onsedelikheid; seksuele losbandigheid”.
^ Of “onsedelikheid; seksuele losbandigheid”.
^ Of “koringbier”.
^ Of “is hulle seksueel losbandig; beoefen hulle prostitusie”.
