Jesaja 51:1-23
51 “Luister na my, julle wat regverdigheid nastreef,julle wat Jehovah wil leer ken.*
Dink aan die rots waaruit julle gekap isen die steengroef waaruit julle gegrawe is.
2 Dink aan Abraham, julle vader,en Sara,+ wat aan julle geboorte gegee het.
Want hy was net een persoon toe ek hom geroep het,+en ek het hom geseën en hom baie gemaak.+
3 Want Jehovah sal Sion vertroos.+
Hy sal al haar verwoeste plekke vertroos,+en hy sal haar wildernis soos Eden maak,+en haar woestynvlakte soos die tuin van Jehovah.+
Daar sal blydskap en uitroepe van vreugde in haar wees,dankbaarheid en pragtige liedjies.+
4 Skenk aandag aan my, my volk,en luister na my, my nasie.+
Want ek sal ’n wet laat uitgaan,+en ek sal sorg dat my geregtigheid ’n lig vir die volke word.+
5 My regverdigheid kom nader.+
My redding is op pad,+en met my mag* sal ek die volke oordeel.+
Die eilande sal op my hoop,+en hulle sal wag vir my om op te tree.*
6 Kyk op na die hemel,en kyk af na die aarde.
Want die hemel sal verdwyn soos rook.
Die aarde sal vergaan soos ’n kledingstuk,en die mense daarop sal sterf soos vlieë.
Maar my redding sal ewig wees,+en my regverdigheid sal nooit verdwyn nie.+
7 Luister na my, julle wat regverdigheid ken,die volk wat my wet* in hulle hart het.+
Moenie bang wees wanneer blote mense julle uittart nie,en moenie vrees wanneer hulle julle beledig nie.
8 Want ’n mot sal hulle opvreet asof hulle ’n kleed is.
Die kleremot* sal hulle verslind asof hulle wol is.+
Maar my regverdigheid sal vir ewig bestaan,en my redding tot in alle geslagte.”+
9 Mag Jehovah optree! Mag hy optreeen wys hoe magtig hy is!*+
Mag hy optree soos in die verlede, soos in vorige geslagte.
Was dit nie u wat Rahab*+ in stukke gebreek het nie,wat die seemonster deurboor het nie?+
10 Is dit nie u wat die see, die waters van die groot diepte, laat opdroog het nie?+
U het die dieptes van die see in ’n pad verander waarop dié wat teruggekoop is, kon deurtrek.+
11 Dié wat deur Jehovah losgekoop is, sal terugkeer.+
Hulle sal met gejuig na Sion kom,+en hulle sal eindelose vreugde geniet.*+
Hulle sal vol blydskap en vreugde wees,en hartseer en swaarkry sal verdwyn.+
12 “Ek is die Een wat julle vertroos.+
Hoekom sal jy bang wees vir ’n blote mens wat sal doodgaan,+vir ’n mens wat soos groen gras vergaan?
13 Hoekom vergeet jy Jehovah, jou Maker,+die Een wat die hemel uitgespan+ en die fondament van die aarde gelê het?
Jy was die hele dag lank bang vir die woede van die onderdrukker,asof hy in staat was om jou te vernietig.
Waar is die woede van die onderdrukker nou?
14 Die een wat in kettings vooroorgebuig is, sal binnekort bevry word.+
Hy sal nie sterf of in die graf afgaan nie,en hy sal nie honger ly nie.
15 Maar ek is Jehovah, jou God,wat die see en sy golwe onstuimig maak+– Jehovah van die leërmagte is my naam.+
16 Ek sal vir jou sê wat om te sê,en ek sal jou in die skaduwee van my hand beskerm,+sodat ek die hemel kan vestig en die fondament van die aarde kan lê+en vir Sion kan sê: ‘Jy is my volk.’+
17 Word wakker, word wakker, staan op, o Jerusalem,+jy wat die beker van woede uit Jehovah se hand gedrink het.
Jy het die beker gedrink.
Jy het die beker wat jou laat slinger, leeggedrink.+
18 Nie een van al die seuns aan wie sy geboorte gegee het, is daar om haar te lei nie,en nie een van al die seuns wat sy grootgemaak het, het haar aan die hand gevat nie.
19 Hierdie twee dinge het oor jou gekom:
Vernietiging en verwoesting, hongersnood en die swaard!+
Wie sal met jou simpatiseer?
Wie sal jou vertroos?+
20 Jou seuns het flou geword.+
Hulle lê op elke straathoek,soos wilde skape wat in ’n net gevang is.
Hulle is vol van die woede van Jehovah, die straf van jou God.”
21 Luister dus asseblief hierna,o vrou wat swaarkry en dronk is, alhoewel jy nie wyn gedrink het nie.
22 Dít is wat jou Heer sê, Jehovah, jou God wat sy volk verdedig:
“Ek sal die beker wat jou laat slinger, uit jou hand neem,+die beker van my woede.
Jy sal dit nooit weer drink nie.+
23 Ek sal dit sit in die hand van dié wat die lewe vir jou moeilik gemaak het,+dié wat vir jou gesê het: ‘Buig, sodat ons oor jou kan loop!’
Jy het jou rug soos die grond gemaak,soos ’n straat waarop hulle kan loop.”
Voetnote
^ Lett. “wat Jehovah soek”.
^ Lett. “op my arm wag”.
^ Lett. “arms”.
^ Of “onderrigting”.
^ Of moontlik “Die wurm”.
^ Lett. “Word wakker! Word wakker, beklee u met mag, o arm van Jehovah!”
^ Of “en eindelose vreugde sal hulle kroon wees”.
