Psalms 145:1-21
’n Loflied van Dawid.
א [Alef]
145 Ek sal u prys, o my God die Koning.+
Ek sal u naam vir ewig en altyd loof.+
ב [Bet]
2 Ek sal u die hele dag lank loof.+
Ek sal u naam vir ewig en altyd loof.+
ג [Gimel]
3 Jehovah is groot en verdien beslis om geloof te word.+
Sy grootheid kan nie ten volle begryp word nie.+
ד [Dalet]
4 Geslag ná geslag sal u werke prys.
Hulle sal van u magtige dade vertel.+
ה [He]
5 Hulle sal van die glorieryke prag van u majesteit praat,+en ek sal oor u wonderlike werke nadink.
ו [Waw]
6 Hulle sal van u ontsagwekkende dade* praat,en ek sal u grootheid bekend maak.
ז [Zajin]
7 Hulle woorde van lof sal uitborrel terwyl hulle terugdink aan u oorvloedige goedheid,+en hulle sal van vreugde uitroep as gevolg van u regverdigheid.+
ח [Get]
8 Jehovah betoon medelye* en is genadig.+
Hy word nie gou kwaad nie, en sy lojale liefde is groot.+
ט [Tet]
9 Jehovah is goed vir almal,+en sy genade kan duidelik gesien word in al sy werke.
י [Jod]
10 Al u werke sal u verheerlik, o Jehovah,+en u lojales sal u loof.+
כ [Kaf]
11 Hulle sal die heerlikheid van u koningskap verkondig,+en hulle sal praat oor u mag,+
ל [Lamed]
12 sodat hulle u magtige dade en die glorieryke prag van u koningskapaan mense bekend kan maak.+
מ [Mem]
13 U koningskap is ’n ewige koningskap,en u sal tot in alle geslagte regeer.+
ס [Samek]
14 Jehovah ondersteun almal wat val+en help almal op wat gebuk gaan onder probleme.+
ע [Ajin]
15 Alle oë kyk hoopvol na u.
U gee hulle hulle voedsel op die regte tyd.+
פ [Pe]
16 U maak u hand oopen bevredig die begeerte van alles wat lewe.+
צ [Tsade]
17 Jehovah is regverdig in al sy weë+en lojaal in alles wat hy doen.+
ק [Kof]
18 Jehovah is naby almal wat hom aanroep,+almal wat hom in opregtheid* aanroep.+
ר [Resj]
19 Hy bevredig die begeerte van dié wat hom vrees.+
Hy hoor hulle geroep om hulp, en hy red hulle.+
ש [Sjin]
20 Jehovah bewaar almal wat hom liefhet,+maar hy sal al die goddeloses vernietig.+
ת [Taw]
21 My mond sal die lof van Jehovah verkondig.+
Laat alles wat lewe sy heilige naam vir ewig en altyd loof.+
