HOU AAN WAAK!
2022: ’n Jaar vol probleme – Wat sê die Bybel?
Gedurende 2022 was daar gereeld nuusverslae oor oorloë, ekonomiese probleme en omgewingsrampe. Net die Bybel verduidelik hoekom hierdie dinge regtig gebeur.
Die werklike betekenis van gebeure in 2022
Die dinge wat die afgelope jaar gebeur het, dra by tot die bewyse dat ons in die tydperk lewe wat die Bybel die “laaste dae” noem (2 Timoteus 3:1). Daardie tydperk het in 1914 begin. Kyk hoe onlangse gebeure ooreenstem met wat die Bybel oor ons tyd voorspel het:
“Oorloë.” – Matteus 24:6.
“2022 Was [die] jaar toe verskriklike oorloë na Europa teruggekeer het.” a
Sien die artikel “Rusland val Oekraïne binne”.
“Voedseltekorte.” – Matteus 24:7.
“2022: ’n Jaar van verskriklike hongersnood.” b
Sien die artikel “Die oorlog in Oekraïne maak voedseltekorte wêreldwyd erger”.
“Vreeslike siektes.” – Lukas 21:11.
“Polio het weer verskyn, aappokke het ’n groot probleem geword en COVID-19 het aanhou skade veroorsaak. Hierdie situasie het dit duidelik gemaak hoe gevaarlik aansteeklike siektes is en hoe mense nie hulleself kan beskerm nie.” c
Sien die artikel “Ses miljoen het gesterf as gevolg van COVID”.
“Skrikwekkende dinge.” – Lukas 21:11.
“Hittegolwe, droogtes, veldbrande en vloede. Die somer van 2022 sal beslis onthou word vir die baie uiterste weerstoestande wat verwoesting veroorsaak het en wat die lewens van honderdduisende mense geëis het en wat veroorsaak het dat miljoene mense hulle huise verloor.” d
Sien die artikel “Hoogste temperature op rekord wêreldwyd”.
“Oproere.” – Lukas 21:9.
“Omdat mense so kwaad was oor ekonomiese probleme, veral stygende inflasie, was daar baie optogte teen regerings in 2022.” e
Sien die artikel “Inflasie styg wêreldwyd al hoe meer”.
Wat sal volgende jaar gebeur?
Niemand kan met sekerheid sê wat in 2023 gaan gebeur nie. Wat ons wel weet, is dat God se Koninkryk, of hemelse regering, binnekort groot veranderinge op die aarde sal maak (Daniël 2:44). Daardie regering sal die oorsaak van die mensdom se probleme verwyder en sal seker maak dat God se wil op die aarde plaasvind. – Matteus 6:9, 10.
Ons moedig julle aan om die raad van Jesus Christus te volg om ‘aan te hou waak’ deur te kyk hoe wêreldgebeure Bybelprofesieë waar laat word (Markus 13:37). Kontak ons asseblief om meer te leer oor hoe die Bybel jou nou kan help, en hoe dit jou en jou familie ’n ware hoop vir die toekoms kan gee.
a AP News, “2022 Was Year the Horror of War Returned to Europe,” deur Jill Lawless, 8 Desember 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” deur Lawrence O. Gostin, JD, 22 September 2022.
d Earth.Org, “What’s Behind the Record-Breaking Extreme Weather Events of Summer 2022?” deur Martina Igini, 24 Oktober 2022.
e Carnegie Endowment for International Peace, “Economic Anger Dominated Global Protests in 2022,” deur Thomas Carothers en Benjamin Feldman, 8 Desember 2022.
Jy sal dalk ook hiervan hou
ANTWOORDE OP BYBELVRAE
Wat is die teken van “die laaste dae”, of “die eindtyd”?
Die Bybel het voorspel dat daar baie dinge sou wees wat saam die laaste dae sou identifiseer.
DIE WAGTORING
God sal binnekort swaarkry heeltemal wegneem
Hoe weet ons dat God binnekort ’n einde aan alle swaarkry en onregverdigheid sal maak?
BELANGRIKE BYBELLERINGE
Wat is God se Koninkryk?
Regdeur Jesus se bediening het hy mense meer oor God se Koninkryk geleer as oor enigiets anders. Sy volgelinge bid al honderde jare lank dat daardie Koninkryk moet kom.
BELANGRIKE BYBELLERINGE
God se Koninkryk het in 1914 begin regeer
Meer as 2 600 jaar gelede het God ’n profetiese droom aan ’n magtige koning gegee wat nou besig is om waar te word.
NOG ONDERWERPE
’n Ware hoop vir ’n beter toekoms
Hoekom is die beloftes in die Bybel anders as die beloftes en voorspellings wat mense maak?
