Ja, hy sal. Die Bybel sowel as werklike ondervindinge toon dat God gebede verhoor. Die Bybel sê: “Aan die begeerte van dié wat [God] vrees, sal hy voldoen, en hulle hulpgeroep sal hy hoor, en hy sal hulle red” (Psalm 145:19). Maar dit berus hoofsaaklik by jou of God jou gebede sal verhoor.

Wat vir God belangrik is

•   Om tot God te bid, nie tot Jesus, Maria, heiliges, engele of beelde nie. Net Jehovah God is die “Hoorder van die gebed.”—Psalm 65:2.

•   Om te bid in ooreenstemming met God se wil, of vereistes, wat in die Bybel gevind word.—1 Johannes 5:14.

•   Om in Jesus se naam te bid en sy gesag te erken. “Niemand kom na die Vader behalwe deur my nie,” het Jesus gesê.—Johannes 14:6.

•   Om in geloof te bid en om meer geloof te vra, indien nodig.—Matteus 21:22; Lukas 17:5.

•   Om nederig en opreg te wees. Die Bybel sê: “Jehovah is hoog, en tog sien hy die nederige.”—Psalm 138:6.

•   Om te volhard. Jesus het gesê: “Hou aan vra, en vir julle sal gegee word.”—Lukas 11:9.

Wat nie vir God belangrik is nie

•   Jou ras of nasionaliteit. “God [is] nie partydig ... nie, maar in elke nasie is die mens wat hom vrees en regverdigheid beoefen, vir hom aanneemlik.”—Handelinge 10:34, 35.

•   Jou liggaamshouding of -posisie. Jy kan tot God bid terwyl jy sit, buig, kniel of staan.—1 Kronieke 17:16; Nehemia 8:6; Daniël 6:10; Markus 11:25.

•   Of jy nou hardop bid of ’n stille gebed doen. God verhoor selfs stille gebede waarvan ander nie bewus is nie.—Nehemia 2:1-6.

•   Of jou probleme groot of klein is. God spoor jou aan om ‘al jou sorge op hom te werp, want hy sorg vir jou.’—1 Petrus 5:7.