9 DESEMBER 2016
NIEU-KALEDONIË
Oorstromings en modderstortings in Nieu-Kaledonië
Op 21 November is die ooskus van Nieu-Kaledonië getref deur een van die swaarste reënbuie in die geskiedenis. Meer as 400 millimeter reën het in ’n periode van 12 uur geval. Die reën het verwoestende oorstromings en modderstortings veroorsaak waarin daar vyf mense dood is. Drie ander mense word vermis en nog ses is beseer.
Twee van die mense wat dood is, was Jehovah se Getuies. Hulle twee volwasse kinders is onder diegene wat vermis word.
Die dag na die ramp het twee verteenwoordigers van die takkantoor van Jehovah se Getuies in Nieu-Kaledonië die gebied besoek en geestelike bystand en noodlenigingsvoorraad voorsien. Meer as 40 plaaslike Getuies het as vrywilligers gehelp om medegelowiges se huise wat oorstroom het, skoon te maak.
Die Bestuursliggaam van Jehovah se Getuies koördineer die noodlenigingspogings vanuit hulle wêreldhoofkwartier in New York en maak gebruik van bydraes tot die Getuies se wêreldwye predikingswerk.
Mediaverteenwoordigers:
Internasionaal: David A. Semonian, Office of Public Information, +1-845-524-3000
Nieu-Kaledonië: Jean-Pierre Francine, +687-43-75-00
Suid-Afrika: Mzamo Goloda, +27 11-761-1000
Jy sal dalk ook hiervan hou
NUUSBERIGTE
Vernietigende orkaan tref Sentraal-Amerika
NUUSBERIGTE
Jehovah se Getuies organiseer noodleniging kort ná die sikloon Pam
Die Getuies bied praktiese hulp asook vertroosting en geestelike bystand aan die slagoffers.
HULP AAN DIE GEMEENSKAP
Noodleniging ná orkaan Sandy—Liefde in aksie
Kyk hoe Jehovah se Getuies ná ’n verwoestende storm hulp aan medeaanbidders en ander verleen het.