18 OKTOBER 2022
RUSLAND

“Ek is trots om Jehovah se naam te dra”

SPEEL

Op 10 Oktober 2022 het die Kezjemski-distrikshof van die Krasnojarsk-gebied broer Ildar Oerazbachtin skuldig bevind. Hy het ’n opgeskorte tronkvonnis van ses jaar gekry en hoef nie op hierdie stadium tronk toe te gaan nie.

Tydlyn

20 Julie 2021

Ten minste vyf huise van Jehovah se Getuies word in die stad Kodinsk deursoek, insluitende die huis van Ildar en sy gesin. Hy word in ’n tydelike detensiefasiliteit geplaas
21 Julie 2021

Word vrygelaat en onder huisarres geplaas. Word verbied om die telefoon of die internet te gebruik
20 September 2021

Word uit huisarres vrygelaat en onder reisbeperkings geplaas
13 Januarie 2022

Word aangekla van die hou van videokonferensies waar hy “diep studie van die Bybel aangemoedig het en broers en susters aangemoedig het om mekaar te ondersteun”
30 Maart 2022

Kriminele verhoor begin

Profiel

Ildar Oerazbachtin

Gebore: 1963 (Bratsk, Irkoetsk-streek)

Agtergrond: Het elektriese ingenieurswese gestudeer. Werk as ’n industriële veiligheidsinspekteur

Trou met Goelnora in 1987. Het tot God gebid om ’n doel in sy lewe te vind. Het Jehovah se Getuies ontmoet en die Bybel begin studeer. Gedoop in 1999. Goelnora is in 2006 gedoop

Hulle het een seun, een dogter en drie kleindogters

Persoonlike kommentare

Hoe het Jehovah jou versterk terwyl jy in die detensiesentrum was?

Toe hulle my in die detensiefasiliteit geplaas het, het ek nie geweet wat om te doen of wat om te verwag nie. Jehovah het my op ’n merkwaardige manier versterk. Een van die wagte het na die venster van my sel gekom en my gevra: “Is daar enige iets wat ek vir jou kan bring om te lees?” Ek het gevra: “Het jy ’n Bybel?” Hy het toe vir my ’n Bybel gebring, en ek het dit baie geniet om die volgende paar uur party van my gunstelingverslae in die Bybel te lees. Daarna het ’n ander wag uitgevind dat ek in God glo, en hy het my allerhande soorte vrae begin vra. Ons het ’n hele paar uur gepraat. Dit was presies wat ek nodig gehad het.

Wat help jou om moedig te bly?

Spreuke 28:1 sê: “Die goddeloses vlug sonder dat iemand hulle jaag, maar die regverdiges het die moed van ’n leeu.” Die wete dat ek beslis nie ’n misdadiger is nie, help my om te weet dat ek nie skaam oor enige iets hoef te voel nie. Ek is trots om Jehovah se naam te dra! Die vervolging wat ons in Rusland verduur het, het ons gehelp om net sterker te word. Jehovah het gesê dat hy ons opleiding sal voltooi en ons sterk sal maak, en dit is presies wat hy besig is om te doen. – 1 Petrus 5:10.

Die ondervindinge van Ildar en ander broers en susters in Rusland herinner ons daaraan dat ons God, Jehovah, gretig en gereed is om ons in “moeilike tye” te help. – Psalm 46:1.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE