10 AUGUSTUS 2022
RUSLAND

JONGSTE NUUS – BROER SKULDIG BEVIND | Dankbaarheid versterk Wiktor Sjajapof om met vreugde te volhard

SPEEL

Op 7 November 2022 het die Nikolski-distrikshof van die Penza-streek broer Wiktor Sjajapof skuldig bevind en hom ’n opgeskorte tronkvonnis van twee jaar gegee. Hy hoef nie op hierdie stadium tronk toe te gaan nie.

Tydlyn

19 Augustus 2021

Kriminele saak word gemaak. Word aangekla van deelname aan ekstremistiese bedrywighede
5 Februarie 2022

Word deur die polisie voorgekeer. Huis word later daardie dag deursoek. Word aangehou en na Penza, wat sowat 740 kilometer daarvandaan is, gestuur
6 Februarie 2022

Word in ’n tydelike detensiesentrum geplaas
8 Februarie 2022

Word uit tydelike aanhouding vrygelaat en onder huisarres geplaas
28 Maart 2022

Kriminele verhoor begin

Profiel

Wiktor Sjajapof

Gebore: 1989 (Kamenka, Moskou-streek)

Agtergrond: Het as ’n motorwerktuigkundige gewerk. Het alternatiewe burgerlike diens by die poskantoor gedoen in plaas daarvan om in die weermag te dien

Trou met Jekaterina in 2010

Jekaterina het alreeds die Bybel saam met Jehovah se Getuies studeer toe sy Wiktor ontmoet het. Die logiese antwoorde wat hy gekry het op sy vrae oor hoekom mense swaarkry, het hom beweeg om ook die Bybel te studeer. Hulle is albei in 2008 gedoop

Persoonlike kommentare

Wat het jou gehelp om in hierdie stresvolle tye positief te bly?

Om maar een ding te noem, ek het geleer om Jehovah se goedheid selfs in klein dingetjies raak te sien, soos ’n lekker maaltyd, die voëls in die lug en ’n sagte briesie. Dit maak dat ek gereeld my dankbaarheid uitspreek vir sy goedheid. Deur dit te doen, fokus ek op positiewe gedagtes en word ek die heeltyd herinner aan Jehovah se liefde vir my.

En die voorbeeld en voorstelle van ’n vriend wat onlangs deur ’n soortgelyke ondervinding gegaan het, het my die regte perspektief gegee. Hy het my daaraan herinner dat dit baie belangrik is om nie soos ’n slagoffer te voel nie. As ons bang is, sal ons vyande dit probeer gebruik om ons te beheer.

Ek het ook baie baat gevind by die gedagte in Filippense 1:29: “Want julle het die voorreg ontvang om nie net geloof in Christus te stel nie, maar ook om vir hom te ly.” Hierdie woorde het my baie aangemoedig om te volhard en het my herinner aan watter groot voorreg ek het om op hierdie manier ’n getuienis te gee.

Ons is dankbaar om te weet dat die vrede wat ons deur middel van Jehovah se lojale liefde kry, ons harte en verstande in moeilike tye sal beskerm. – Filippense 4:7.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE