6 MEI 2022 | BYGEWERK: 21 FEBRUARIE 2023
RUSLAND

JONGSTE NUUS – SUSTER SKULDIG BEVIND | Tatjana Obizjestwit vertrou op Jehovah

SPEEL

Op 20 Februarie 2023 het die Wachitofski-distrikshof van Kazan van die Republiek van Tatarstan suster Tatjana Obizjestwit skuldig bevind. Sy is ’n opgeskorte tronkvonnis van twee jaar gegee. Sy hoef nie op hierdie stadium tronk toe te gaan nie.

Tydlyn

19 Januarie 2020

Polisiemanne deursoek Tatjana se huis sowel as die huise van ’n hele paar ander Getuies van Jehovah in Kazan. Tatjana word ondervra en na ’n tydelike detensiesentrum gestuur
21 Januarie 2020

Word vrygelaat en onder huisarres geplaas
25 Mei 2021

Kriminele verhoor begin

Profiel

Tatjana Obizjestwit

Gebore: 1962 (Kazan)

Agtergrond: Het opleiding as ’n kok gekry. Het as ’n kok by ’n skool gewerk en later ’n verpleegster geword

Het die Bybel saam met Jehovah se Getuies studeer en was opgewonde om uit te vind dat sy vir ewig kon lewe. Is in 1995 gedoop ten spyte van sterk gesinsteenstand. Het twee dogters grootgemaak. Haar man is in 2010 oorlede

Persoonlike kommentare

Wat het jou gehelp om ontmoediging te oorkom terwyl jy onder huisarres was?

Ek het baie tot Jehovah gebid en hom gevra om my die krag te gee om te volhard . . . Nadat ek onder huisarres geplaas is, was ek heeltemal alleen. Ek is nie toegelaat om ’n telefoon, rekenaar of enige ander kommunikasiemiddel te gebruik nie. Ek mag ook niemand in die gemeente gekontak het nie of met enige iemand geassosieer het nie. Aanvanklik was dit ’n groot uitdaging. Ek was dikwels mismoedig. Maar ek het probeer om nie op my omstandighede te fokus nie. Ek het gedink oor hoekom dit gebeur, en dit het my gehelp om te onthou dat ek in hierdie situasie is omdat ek lief is vir Jehovah en hom gelukkig wil maak. Dit het my gehelp om nie aan myself te dink nie.

Ons word aangemoedig deur Tatjana omdat sy aanhou om op Jehovah te vertrou en nie op haar eie begrip staatmaak nie terwyl sy getrou volhard. – Spreuke 3:5.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE