DƖYƐZUMANLƐ 20
Ndɛnɩ Awielɩyɛ Mɔɔ Itu Mpʋnɩ
Odwokɔhanlɛvʋlɔ 12:13, 14
MƆ ƖSƐ KƐƐ ƐYƐ: Wɔ wʋ egyimalilɛ yɩ awielɩyɛ nɩ, má wʋ ediyelɛmaa nɩ bele mɔɔ bozuma nɩ bediã nu na bɛva bɛyɛ egyima.
KEZIMƆ ƐKƐYƐ YƖ:
-
Má wʋ ndɛnɩ yɩ awielɩyɛ ɩvalɩ wʋ odwokɔtile nɩ nwʋ. Sia sí wʋ odwokɔtile yɩ nɩɩ ndwokɔ aditili nɩ zʋ owudo.
-
Hyɛ́ wʋ ediyelɛmaa nɩ ɛzɩzɩbɛ. Má wʋ ediyelɛmaa nɩ bɔnwʋ mɔɔ ɩsɛ kɛɛ bɛyɛ, na ma bɔnwʋ sianti paa ti mɔɔ ɩsɛ kɛɛ bɛyɛ ɔzɔ. Tɩndɛ́ wɔ ɔhʋanɩ be zʋ mɔɔ ikile kɛɛ ede mɔ ɛkãã nɩ edi na ihyinyia sʋ̃.
-
Má wʋ ndɛnɩ yɩ awielɩyɛ ɩyɛ sikalɛ na numɔ ɩla ɛkɛ. Áma ɛfa ndwokɔ aditili mɔɔ wʋákã nwʋmɔ odwokɔ daada nɩ ɛba wʋ ndɛnɩ yɩ awielɩyɛ nɩ nu. Wɔ wʋ ndɛnɩ yɩ awielɩyɛ nɩ, fá ndwokɔ nzikalɛ mɔɔ numɔ ɩla ɛkɛnɩ nɩ fa bɔ wʋ ndɛnɩ munwala dɔkɔ ma bɔnwʋ mɔɔ ɩsɛ kɛɛ bɛyɛ.
