DƖYƐZUMANLƐ 3
Ndwokɔɣizialɛ Mɔɔ Bɛfa Bedi Egyima
Matiyu 16:13-16
MƆ ƖSƐ KƐƐ ƐYƐ: Fá ndwokɔɣizialɛ di egyima bʋwɔ fa tunwo wʋ ediyelɛmaa bɛ anyɩnlɩlelɛ, ama bɛava bɛ adwɩnɩ bɛaziye odwokɔ yɩ zʋ, na ama ɛ nɩɩ bɛ azunzu ndwokɔ nwʋ, na akʋ̃ wʋava wʋahwɩ̃ adwɩnɩ wʋaziye ndwokɔ aditili nɩ zʋ.
KEZIMƆ ƐKƐYƐ YƖ:
-
Tunwó bɛ anyɩnlɩlelɛ ma bɛva bɛ adwɩnɩ beziye odwokɔ yɩ zʋ. Biziá bɛ ndwokɔ mɔɔ itunwo adwɩnɩ mɔɔ ɩkɛma bɔkɔdwɩnɩndwɩnɩ odwokɔ pɔkɔ yɩ nɩ nwʋ anzɛnyɩɩ ɩkɛma bekenyia ɛpɛ kɛɛ bɔkɔnwʋ wʋ odwokɔɣizialɛ yɩ nɩ nwʋ munwalɩyɛ.
-
Bozunzú odwokɔ yɩ nɩ nwʋ. Bʋwá wʋ ediyelɛmaa nɩ ma bɛva bɛ adwɩnɩ beziye odwokɔ nɩ zʋ iluwa ndwokɔɣizialɛ mɔɔ ɩma ndwokɔ anyɩ ɩda ɛkɛnɩ na ɩda ntɩyasɩ ali mɔɔ ɛkɛva ekeli egyima nɩ zʋ.
-
Sí ndwokɔ aditili nɩ zʋ owudo. Biziá ndwokɔ mɔɔ itunwo anyɩnlɩlelɛ fa da wʋ odwokɔ titili nɩ ali. Fá ndwokɔɣizialɛ mɔɔ bɛfa besi ndwokɔ zʋ dɔkʋ̃ nɩ di egyima mmɩlɩ mɔ ozunzu odwokɔ pɔkɔ titili be nwʋ owie anzɛnyɩɩ wɔ mmɩlɩ mɔ ɛlɛ wʋ egyimalilɛ yɩ ɛbaa awielɩyɛ nɩ.
