Fá ndianwʋ mɔ numɔ ɩáyɛ sɩ di egyima. Kɛmɔ Gyisɛsɩ ɩyɛlɩ nɩ, fá nninyeni ngyɩkɩ̃ɩ̃ ngyɩkɩ̃ɩ̃ kilehile nninyeni nɣezile nu, na fá mɔ yɩ tʋ ɛdɩlɛ ɩáyɛ sɩ nɩ kilehile mɔ ɩyɛ ɛzɩzɩbɛ nɩ nu. Áma ɛfa ndwokɔ mɔɔ nwʋmɔ iáhyinyia mɔɔ ɩkɛma ɩkɛyɛ sɩ kɛɛ bɛkɛdɩ wʋ ndianwʋ nɩ tʋ nɩ edi egyima. Kilá sʋ̃ kɛɛ mɔ ɛlɛ edii egyima wɔ wʋ ndianwʋ nu nɩ, ɩ nɩɩ mɔ ekilehilee nɩ iyiyia, iluwakɛɛ sɛ ndianwʋ yɩ nɩɩ mɔɔ ekilehilee nɩ iáyiyia a, sa ɩma wʋ ediyelɛmaa nɩ bɛ adwɩnɩ itu ɩfʋla.

Dwɩnɩ́ wʋ ediyelɛmaa nɩ bɔ nwʋ. Fá ndianwʋ mɔɔ ɩfalɩ nninyeni mɔ wʋ ediyelɛmaa nɩ bɛyɛ na bɛ anyɩ ideli nwʋ nɩ di egyima. Kilá paa kɛɛ wʋ ndianwʋ nɩ, ɩlɛ́ma bɛ anyunu kogua azɩ anzɛnyɩɩ ɩlɛ́ha bɛ.

Kilehilé ndwokɔ aditili mɔɔ ɩwɔ numɔ nɩ. Fá wʋ adwɩnɩ siye ndwokɔ aditili mɔɔ ɩwɔ nu nɩ zʋ tɛla kɛɛ ekehilehile ndwokɔ ngyɩkɩ̃ɩ̃ ngyɩkɩ̃ɩ̃ nu. Kilá sʋ̃ kɛɛ wʋ ediyelɛmaa nɩ, bɛlɛ́kakɛ wʋ ndianwʋ yɩ nkʋ̃ la mfomi bɛkɛhakɛ mɔɔ bozumanlɩ wɔ ndianwʋ yɩ nu nɩ sʋ̃.