OZUMALƐDƖYƐ 15
Mɩnla Ti Mɔɔ Ɩsɛ Kɛɛ Ɔkɔlɩ Ɔzʋlɔ Osuma Gyehova Ɩnwʋ Dɩyɛ a?
1. Mɩnla mfasʋ yɛɛ ekenyia wɔ Bayɩbʋlʋ mɔɔ ɔkɔhɔ ɔzʋlɔ okozuma nɩ zʋ a?
Yede yedi kɛɛ, Bayɩbʋlʋ yɩ nu ehilehilelɛ mɔɔ ɔnwʋ yɩ nɩ ɩhyɛ ɔlɔlɛ mɔɔ ɔwɔ ma Gyehova yɩ nu ɛzɩzɩbɛ. Ɩsɛ kɛɛ ɛma ɔzɔ ɔlɔlɛ eyi ɩkɔlɩ ɔzʋlɔ inyii. (1 Pita 2:2) Nnwʋanlɩ mɔɔ íni awielɩyɛ mɔɔ wʋanyɩ ɩla ɔzʋlɔ nɩ igyĩ eɣikelɛ mɔɔ ekeɣike Nyamɩnlɩ iluwa yɩ Odwokɔ mɔɔ okozuma nɩ yɩ zʋ.—Kɩnga Dwɔɔnʋ 17:3; Dwuudu 21.
Mmɩlɩ mɔɔ enyii wɔ Nyamɩnlɩ ɩnwʋ nnimidi nu nɩ, sa wʋ dedi sʋ̃ ɩyɛ ɛzɩzɩbɛ. Dedi ɩkɔwʋwa wʋ ma ɔkɔzɔ Nyamɩnlɩ ɩanyɩ. (Hibulumaa 11:1, 6) Sa ɩkã wʋ ma onu wʋ nwʋ na wʋayɛ nzɩnzanlɩyɛ mɔɔ mfasʋ wɔ ɔzʋlɔ wɔ wʋ ɛbɩlawɔlɛ nu.—Kɩnga Egyima 3:19.
2. Kɛ ɩkɛyɛ na mvʋlɔ bɛanyia Nyamɩnlɩ ɩnwʋ nnimidi mɔɔ ɔwɔ nɩ ɩzʋ mfasʋ a?
Ɔkɔhʋla ɛnɩ Gyehova kenyia ɔhɔnwʋvalɛ mɔɔ ɩdɩ sʋnʋnkʋ̃
Ɩdɩ nɔhʋanlɛ kɛɛ, ɛkɛbɛyɩ kɛɛ ɛkɛhã mɔɔ ozuma yɩ nɩ nwʋ odwokɔ ekehile mvʋlɔ—ye munwatĩĩ yɛ anyɩ ideli ɔnwʋmɔ kɛɛ yɛkɛhã odwokɔba. Mmɩlɩ mɔɔ ɔkɔ ɔzʋlɔ osuma Bayɩbʋlʋ yɩ nɩ, okozuma kezimɔ ɛkɛva Bayɩbʋlʋ yɩ ekehilehile wʋ dedi mɔɔ ɛlɛyɩ wɔ Gyehova nɩɩ odwokɔba yɩ nu.—Kɩnga Wulomimaa 10:13-15.
Mmenii sʋ̃maa bɔ odwokɔba yɩ ɩhanlɛ yɩ tʋ wɔ bɔ ɔhɔnwʋmmɔ nɩɩ bo mmusunwamaa zʋ. Naasʋ̃ ma wʋanyɩ ɩla ɛkɛnɩ. Kɛ ankɩ ɛkɛhã ekehile bɛ kɛɛ bɛ ɔzʋ̃mɩnlɛ anzɛnyɩɩ mɔɔ bede bedi nɩ ɩdɩ awohwi nɩ, kã nninyeni mɔɔ ɩfalɩ Nyamɩnlɩ yɩ anʋhʋba azʋlɔtʋ nɩ nwʋ mfomi. Akʋ̃ sʋ̃ kakɛ kɛɛ, nyɛlɩyɛ baaba mɔɔ ɛkɛla yɩ ali nɩ ɩtwɩhwɩ̃ mmenii ma betiye ɩtɛla mɔɔ ɛkɛhã bela nɩ.—Kɩnga 2 Timoti 2:24, 25.
3. Mɩnla ɔhɔnwʋvalɛ yɛɛ ɔkɔhʋla ɛnɩ Nyamɩnlɩ kenyia a?
Nyamɩnlɩ Odwokɔ yɩ mɔɔ ɔkɔhɔ ɔzʋlɔ okozuma nɩ ɩkɔwʋwa wʋ ma ekenyii wɔ sunzuma nu. Awielɩyɛ kʋlaa nɩ, eyi ɩkɛma ɛnɩ Gyehova kenyia ɔhɔnwʋvalɛ mɔɔ ɩdɩ sʋnʋnkʋ̃. Ɔkɔhʋla ɛkɛɣa ɛkɛhɩnla yɩ abusunwa nɩ nwʋ.—Kɩnga 2 Kɔlɛntɩmaa 6:18.
4. Kɛ ɩkɛyɛ na wʋahɔ ɔzʋlɔ wʋanyii a?
Sɛ ɔkɔhʋla ekenyii wɔ sunzuma nu a, ɩsɛ kɛɛ ɔkɔlɩ ɔzʋlɔ osuma Nyamɩnlɩ yɩ Odwokɔ. (Hibulumaa 5:13, 14) Bizia Gyehova Dasɩvʋlɔmaa nu be ma ɩnɩ wʋ zuma Bayɩbʋlʋ yɩ wɔ What Can the Bible Teach Us? buuku yɩ nu. Mmɩlɩ mɔɔ ogua ɔzʋlɔ osuma Nyamɩnlɩ yɩ Odwokɔ yɩ nɩ, ɔzɔ la sʋ̃ yɛɛ wʋ ɛbɩlawɔlɛ ikezi wʋ bʋwɔ a.—Kɩnga 1 Timoti 4:15, 16; Wulomimaa 12:2.
Odwokɔba nɩ ɩzʋ̃ Gyehova, anyɩnlɩlelɛ Nyamɩnlɩ yɩ ɛkɛnɩ. Sɛ ebike yɩ mmenii yɩ a, sa ɔkʋla ebike Gyehova. (Hibulumaa 10:24, 25) Sɛ ɔkɔ ɔzʋlɔ kɛɛ ɔkɔwɔ mmɔdɩnɩ ɔkɔzɔ Gyehova anyɩ a, nɩ ikile kɛɛ ɛpɩbɛ nnwʋanlɩ ba nɩ—nnwʋanlɩ mɔɔ íni awielɩyɛ. Nɔhʋanlɛ nu nɩ, eɣikelɛ mɔɔ ekeɣike Nyamɩnɩ nɩ ɩdɩ dɩyɛ baaba paa mɔɔ ɔkɔhʋla ɛkɛyɛ.—Kɩnga 1 Timoti 1:11, NW; 6:19.
You May Also Like
AYIYIALƖYƐ AZƲLƆTƲ
Mɩnla Yɛɛ Ɩkɔ Ɔzʋlɔ Wɔ Yɛ Bulombunli Ayiyialɩyɛ Aliyia Yɩ Nu a?
Kɔ numɔ na kehila wʋ anyɩ zʋ dɩyɛ.
YƐ NWƲ NDWOKƆ
Mɩnla Ti Mɔɔ Ɩsɛ Kɛɛ Yesuma Bayɩbʋlʋ Yɩ a?
Bayɩbʋlʋ ɩma mmenii mbɩm mbɩm mɔɔ bɔwɔ oyuwadɩ nu dɩka bela bɛ ndwokɔɣizialɛ mɔɔ ɔnwʋmɔ ihyinyia nwʋ munwalɩyɛ. Ɛkɛbɛyɩ kɛɛ ɛkɛyɛ bonu ɔkʋ̃ a?
