Le juillet wleci 2022 mɛɔ, zozu ci yí vasɛnkɔŋ nu yí woxokɔ nuxu so le xexeɛ pleŋ mɛ :

•   “Le wleci cɛ mɛɔ, zevetɔ ke yí Chine jumɛgawo kankanxle amɛwo mɔ zozu lɔ asɛnŋ sugbɔ le jugan ciwo yí ayi 70 han mɛ.” (25 juillet 2022, CNN Wire Service).

•   “Hwenu ɖeka vanɔ yí zozu sɛnŋsɛnŋ nini le Europe, eyi taɖo ezo ganganwo bikɔ avewo le ju sugbɔ mɛ.” (17 juillet 2022, The Guardian).

•   “Kwɛshilagbeɔ, zozu vawugan le jugan sugbɔ mɛ le États-Unis sɔwu lé enɔnɔ sa hwecinu yí zozu gangan ci yí vanɔ, kaka do wezexu koɖo akpaxwe ɖewo nɔ fɔde sɔ kpe nɔ dodomɛ nɔ weɖoxɔxu.” (24 juillet 2022, The New York Times).

 Nyi yí taɖo ŋcɛwo jɔkɔɔ ? Yí enyi mɔ nyigban lɔ ji nɔnɔ avagloa ? Lé Bibla yɛnu so nuɔ ?

 Ɛɛ. Zozu ci yí vale xexeɛ mɛ gbɛ sɔgbe koɖo enyɔ ciwo Bibla nu ɖɛ mɔ woavajɔ le mìwo hwenu. Le kpɔwɛ mɛ, Yesu nu ɖɛ mɔ mìwo avakpɔ “enujiŋwo ciwo yí a do vɔnvɔn.” (Luiki 21:11) Ci zozu vawukɔgan le xexeɛ mɛɔ, amɛ sugbɔ vatɔ vɔnvɔn mɔ agbetɔwo nuwanawo adɔ yí nyigban lɔ ji nɔnɔ aglo.

 Oo. Mawu wa nyigban lɔ mɔ yɛanyi agbetɔwo nɔxu tɛgbɛɛ. (Ehajiji Wema 115:16; Ŋununyatɔ 1:4) Datashi agbetɔwo agu nyigban lɔ o, vɔ “a trɔn amɛ ciwo yí [dadahɛn] nyigban lɔ” shigbe lé enui do nɛ. (Enyɔdasɛ 11:18).

 Kpɔ enyɔnuɖɛ amɛve ciwo yí dasɛ egbe bu ciwo Mawu gbeɖo ɖɛ nɔ mì ɖa:

•   “Zogbeji ci yí xu geŋ a va le jijɔ kpɔkpɔ mɛ sugbɔ. Zogbeji lɔ a kpɔ jijɔ yí a shin shigbe acisese ɛnɛ.” (Ezai 35:1) Mawu datashi nyigban lɔ atrɔ zogbeji ci ji mɛɖe dale o, vɔ ádra finiwo yí dahɛn ni do.

•   “E kpɔ nyigban ji, ewu eshi nyigban lɔ yí enuwo mi do ji.” (Ehajiji Wema 65:9) To yayra Mawu tɔ jiɔ, nyigban lɔ atrɔ paradiso.

 Nɔ àkpɔ nubuwo kudo lé zozu koɖo eshi ciwo yí gbankɔ nu na Bibla mɛ nyɔnuɖɛwo vakɔmɛɔ, hlɛn nyɔta ci yí nyi “Ðe Yame Ƒe Tɔtrɔwo Agblẽ Nu Le Mía Ŋu Ðikaa?—Nya Si Biblia Gblɔ.”

 Nɔ àkpɔ nubuwo kudo egbe ci Mawu ɖo le Bibla mɛ mɔ yeatrɔ adra nyigban lɔ ji doɔ, kpɔ nyɔta ci yí nyi “Mi yí ahwlɛn nyigban lɔ gan ɔ ?”