Èwa ɖaŋ hlɛn Jutakpɔxɔ exwe cɛ mɛ tɔwo nywiɖea? Enyɔ, kpɔ mɔ yeatɛnŋ aɖo nyɔbiɔse ciwo yí gbɔgbɔ ŋci ma:

Kankandoji ci Ʒaki 5:11 na mì ci enu mɔ “amɛ nu kunɔ lanmɛ nɔ Yehowa sugbɔ” yí ‘egbekunɔ ŋshishi nɔ amɛɔ?’

Mìnya mɔ ci Yehowa kunɔ ŋshishi nɔ mìɔ, ésɔ afɛn ciwo mìwa kenɔ mì. Ʒaki 5:11 na mìkando ji mɔ égbejinɔ veviɖe mɔ yeakpedo mì nu. Anyɔ mɔ mìawa yi tɔ han.—w21.01, kp. 21.

Nyi yí taɖo Yehowa ɖo tanyinyi toto lɔɔ?

Lɔnlɔn yí dɔ Yehowa wa tanyinyi toto lɔ. Etanyinyi toto lɔ na Yehowa xomu lɔ tɛnŋ wanɔ dɔ le fafa mɛ, le toto nu. Xomu lɔ mɛ tɔ ɖekpokpui ci yí wanɔ nu sɔ koɖo toto cɛ, nyanɔ mɛ ci yí ɖo asɔnɔ gbeta kpɛtɛkpɛtɛwo koɖo mɛ ci yí ɖo anɔnɔ ŋkɔ le wawa do wo ji mɛ.—w21.02, kp. 3.

Nyi yí taɖo Kristotɔwo ɖo anya wawa nɔ wozankɔ dɔwanu ciwo wosɔ ŋwlɛnɔ nu ɖaɖa amɛ le Ɛntɛnɛti jiɔ?

Nɔ mɛɖe mɔ yeazan dɔwanu cɛwoɔ, ele veviɖe mɔ anya wawa nɔ ecankɔ mɛ ciwo yí aŋwlɛnɔ nu ɖaɖa. Ecɛ atɛnŋ agbɔnnu nɔ wocankɔ exlɔwo le gbɛbɔbɔ ɖe ci mɛ amɛ sugbɔ le le Ɛntɛnɛti ji. (1 Tim. 5:13) Afɔku bu gbele wonumɔ nyɔwo nunu koɖo nɔviwo zanzan keŋ asɔ do ajɔ mɛ.—w21.03, kp. 31.

Susu ciwo yí taɖo Mawu ɖe mɔ Yesu kpe fun yí ku ɖewo ɖe?

Ŋkɔtɔ, wokan Yesu do aci nu nɔ ana vovo Ʒuifuwo so kpɛnsɛn ɖeka mɛ. (Gal. 3:10, 13) Evetɔ, Yehowa nakɔ kpla Yesu daɖɛ nɔ hwenu avanyi mìwo Vɔnsatɔ Gangantɔ. Yí etɔntɔɔ, egbejinɔnɔ Yesu tɔ dasɛ mɔ agbetɔwo atɛnŋ adasɛ mɔ yewole gbeji nɔ Mawu nɔ wole tetekpɔ sɛnŋsɛnŋwo mɛ can. (Job 1:9-11)—w21.04, kp. 16-17.

Nyi yí àtɛnŋ awa nɔ egbɔnkɔnu mɔ àkpɔ amowo le axomɛɔ?

Tekpɔ aɖenɔ kunu le hwenu ci àtɛnŋ akpɔ wo le axomɛ. Tekpɔ aɖenɔ kunu le texwe vovovowo. Yí agbetekpɔ azannɔ mɔnu vovovowo shigbe wema ŋwlɛŋwlɛ ɖaɖa mɛ nɛ.—w21.05, kp. 15-16.

Nyɔ ci apotru Pɔlu jikɔ anu ci emɔ: “Sɔ kudo Ese lɔ dokplɔkplɔ mɛ ɔ, ŋ ku. Ese lɔ yí wu ŋ” ɔ? (Gal. 2:19)

Moizi Se lɔ dasɛ mɔ agbetɔ makpemakpe ciwo yí nyi nuvɔnmɛwo datɛnŋ awa do ese lɔ ji pɛpɛpɛ o, yí ekplɔ Izraɛliviwo yi Kristo gbɔ. (Gal. 3:19, 24) Ecɛ na yí Pɔlu valɔn yí xɔ Kristo ji se. Eyi taɖo ci Pɔlu mɔ “sɔ kudo Ese lɔ dokplɔkplɔ mɛ ɔ, ŋ kuɔ,” edasɛ mɔ Ese lɔ degbeɖo ŋsɛn ɖekɛ do Pɔlu ji o.—w21.06, kp. 31.

Lé Yehowa ɖo ejidodo kpɔwɛ ɖɛ nɔ mì doɔ?

Yehowa dokɔ ji ci woxokɔɖyi yi ŋkɔ, fɔn gu do yi cɛkpatɔnyinyi nu, eviɛ ɖewo fɔn gu do nu, Satana kpɔtɔ kankɔ ŋsu do nu ni, yi sɛntɔwo kpekɔ fun, exlɔ veviwo ku ni, amɛvwinwo cukɔ nu kpɔ koɖo mɛbuwo yí wodadahɛn enu ciwo ewa.—w21.07, kp. 9-12.

Ʒinxododo kpɔwɛ nywi ci Ʒozɛfu ɖo ɖɛ nɔ mìɔ?

Édo ji le enumajɔmajɔ ciwo nɔviɛwo wa koɖi mɛ. Ecɛ dɔ yí wokan ŋsu do nu ni yí li do gakpa mɛ le Eʒipti na nɔ exwe sugbɔ.—w21.08, kp. 12.

Nyigbanhunhun ci nyɔ Agai 2:6-9, 20-22 nu ɖɛɔ?

Jukɔnwo gbekɔ Fyɔɖuxu ŋɛdu lɔ, vɔ amɛ sugbɔ vakɔ nyɔnɔnwi lɔ mɛ. Dajinjin o, woahunhun jukɔnwo kpɛtɛkpɛtɛ hwenu woagu wo gbijigbiji.—w21.09, kp. 15-19.

Nyi yí taɖo mìdeɖo ana ta le kunuɖeɖedɔ lɔ wawa mɛɔ?

Yehowa kpɔnɔ mìwo gblajejewo yí ejɔnɔ ji ni. Nɔ enu decikɔ nɔ mì alo mìdena taɔ, mìakpɔ agbe mavɔ.—w21.10, kp. 25-26.

Lé Ese Wema ŋkɔtɔ eta 19 atɛnŋ akpedo mì nu mìawa do nukplamu ci yí nyi: “Mí nɔ̀ kɔkwɛɖe le míwo wanawo pleŋ mɛ” ji doɔ? (1 Piɛ 1:15)

Ewa mɔ 1 Ese Wema 19:2 mɛ nyɔwo yí wonu do kpukpui cɛ mɛ. Eta 19 tɔ na kpɔwɛ sugbɔ ciwo atɛnŋ kpedo mì nu mìawa do 1 Piɛ 1:15 ji le mìwo gbenɔnɔ mɛ.—w21.12, kp. 3-4.