Nɔ Bibla nukplaviwo anyi xlɔ koɖo Yehowaɔ, woɖo ado gbɛ nywiwo. (Ehajiji Wema 15:1, 4) Egbɛ nywi cɛwo akpedo wo nu woawa enu ci yí nyɔ.—Elododo Wema 13:20; lff enukplakpla 48.

Nɔ èkpekpeɛ do ao Bibla nukplaviwo nu nɔ woagbe ehadɔndɔnwoɔ, nyi nugɔnmɛsetɔ. Etɛnŋ gbɔnnu nɔ wo mɔ woatashi wowo xlɔ ciwo yí le xexeɛ mɛ. Ele ahan gan, dasɛ nɔ wo mɔ yesɔ ɖe le ji nɔ wo le hwenu ciwo yí denyi Bibla kplakpla hwenuwo o. Etɛnŋ nyi enuŋwlɛŋwlɛ ɖaɖa wo, yɔyɔ le telefonu ji alo ayi ji wo kpɔ kleŋ le axomɛ. Nɔ ao Bibla nukplavi lɔwo yikɔ ŋkɔɔ, èhɛn awɛ yí woatɔ egbɛ dodo koɖo Mawu mɛwo. Eyi woavakpɔɛ petii mɔ nunywi ciwo yewokpɔkpɔ wugan ŋciwo yewosɔ bukɔ. (Maki 10:29, 30) Eɔ can ji ajɔ eo ci èkpɔ mɔ Yehowa xomuɔ sukɔgbɔ doji.

MÍKPƆ WADASƐ VIDEO CI YÍ NYI KPEDO AO BIBLA NUKPLAVIWO NU NƆ WOAGBE EHADODO VWINWO KEŊ AÐO NYƆBIƆSE CIWO MÌAKPƆ YƐ ŊCI:

• Nyi gbɛbɔbɔ vvinwo nyiɔ?—1 Korɛntitɔwo 15:33

• Lé Ʒake yɛbu mɔ Kristotɔwo bɔbɔ doju anɔ doɔ?

• Lé Neta kpedo Ʒake nu eɖɔli egbɛ dɔndɔnwoɔ?