Nyi taɖo èle mɔ àtekpɔ yí axo nuxu so enyɔwo pleŋ nu nɔ dao koɖo nɔoɔ? (Elododo Wema 23:26) Ðo Yehowa yí ɖo dɔ nɔ wo mɔ wo le lé bu nɔ eo keŋ adasɛ emɔ nɔ eo. (Ehajiji Wema 127:3, 4) Nɔ denu ŋciwo mɛ ètotoɔ koɖo ŋci yí gbɔngbɔnnu nɔ eo nɔ woɔ, agbɔnnu nɔ wo mɔ woakpedo eo nu. Enu ci yí agbejɔ yí nyi mɔ, dagbeɖu ele nɔ nutɔxukpɔkpɔ ci woɖo o. Enudɔndɔn enyi mɔ, nabɔ nu do ŋɖewo ciwo yí ɖeɖeɛ fun nɔ eo jia? De nudɔndɔn enyi dandandan nɔ deblenɔ amɛ o.—Elododo Wema 3:32.

Lé àxo nuxu nɔ ao jilawo doɔ? Tekpɔ akpɔ hwenu ci yí nyɔ nɔ eo koɖo ao jilawo. Nɔ ahan wawa agbɔnnu nɔ eoɔ, èhɛn aŋwlɛ wema nɔ mɛɖeka le wo mɛ yí anu lé ewawa nɔ eo. Vɔ nɔ wovaji mɔ yewoaxo nuxu so enyɔ ci nu dejijiɛ mɔ yeaxo nuxu so ɖe? Ðo ŋwi mɔ wojikɔ akpedo eo nu ŋtɔŋtɔ yɔ. Ŋgbekpɔ mɔ ye jilawo nyi ketɔ nɔ ye o, vɔ kpɔnɔ wo mɔ wonyi ye xlɔwo. Nɔ èje agbla hun xomɛ yí xonɔ nuxu koɖo dao koɖo nɔwoɔ, àɖukɔ ele lɔ tɛgbɛɛ keke asɔ je agbemavɔ lɔ mɛ!—Elododo Wema 4:10-12.

MÍKPƆ VIDEO CI YÍ NYI HWENU ŊNYI JAJƐ—LÉ NAWƐ AXO NUXU KOÐO ANYI JILAWOƆ? KEŊ AÐO NYƆBIƆSE CIWO MÌAKPƆ YƐ ŊCI:

• Nyi yí Esther koɖo Partik vajeshi le wowonɔnɔwo nuɔ?

• Nyi àtɛnŋ akpla le Yesu kpɔwɛ lɔ mɛɔ?

• Nyi míwo da koɖo míwo nɔ wa yí sɔ dasɛ mɔ yewolenɔ bu nɔ míɔ?

• Bibla gɔnmɛɖose ciwo yí akpedo mí nu dru yí míaxo nuxu nɔ míwo da koɖo míwo nɔwoɔ?