Ci mìnyi nuvɔnmɛwoɔ, ele mɔ mìakpɔtɔ adonɔ gbla gashiagamɛ yí aɖunɔ mìwo drowo ji. Nɔ mìwanɔ ŋɖekpokpui ci yí dro mìɔ, etɛnŋ vajɔ mɔ mìwo nu dagbekpe nɔ Yehowa o. Ele ahan gan, mɛɖowo ɖe mɔ lɔnlɔn ci woɖo nɔ ŋɖuɖu, nudodo koɖo axwe dahɛn lɔnlɔn ci woɖo nɔ Mawu. Mɛbuwo danɔ le Mawu sewo ji yí sɔ kpɔnɔ gbɔdɔndɔn dro wowo tɔwo gbɔ. (Rɔm 1:26, 27) Eyi mɛbuwo ɖenɔ mɔ amowo donɔ wo do mɛ yí wowanɔ nudɔndɔn, ɖo wojinɔ mɔ yewo nu le jɔ ji nɔ wo alo wo le lɔn yewo.—Hun 23:2.

Lé mìawɛ aɖunɔ mìwo drowo jiɔ? Mìɖo awa ŋci mìatɛnŋ awa nɔ mìwo susu anɔ gbɔngbɔnmɛnuwo ji. (Mt 4:4) Gbesɔ kpe niɔ, ele mɔ mìafan kwi nɔ Yehowa nɔ akpedo mì nu mìaɖu mìwo drowo ji. Nyi yí taɖoɔ? Ðo énya enu ci yí nyɔ nɔ mì sɔwu yí gbenya emɔ nywitɔ ci ji ato akpɔ mìwo drowo gbɔ nɔ mì.—Eha 145:16.

MÍKPƆ VIDEO CI YÍ NYI ŊGBESƆ AO GBE GU DO SHIGAYƆYƆ MƐ O, KEŊ AÐO NYƆBIƆSE CIWO MÌAKPƆ YƐ ŊCI:

• Nyi yí dɔ mɛɖowo yɔnɔ shigaɔ?

• Nyi shigayɔyɔ atɛnŋ awa nɔ eoɔ?

• Nyi yí taɖo shigayɔyɔ koɖo shiga kuran tɔ zanzan asɔ yɔ shiga denyɔɔ?—2Kor 7:1

• Lé àwɛ agbe mɔ yedayɔ shiga alo ami shiga yɔyɔɔ?