Video koɖo nyɔbise ciwo yí na amɛ bunɔ tamɛ kpɔ ciwo yí le Se vivi nɔ agbe lɔ sɔyi mavɔ! wema lɔ mɛ zanzan jɔnɔ ji nɔ eoa? Yí akpaxwe ciwo yí nyi “Mɛɖewo nunɔ mɔ,” “Ðui awa nu cɛ,” koɖo “Kpɔ ŋcɛwo kpɔ” wowo ɖe? Akpaxwe bu ciwo èkpɔ mɔ wokpenɔdo ye nu le nukplaviwowawadɔ lɔ mɛɔ?—Mt 28:19, 20.

Foto, odio koɖo videowo: Nɔ èji mɔ yeazan wema lɔ wematɔ yí asɔ kpla Bibla koɖo amɛ ɖe, lé àwɛ yí akpɔ video koɖo odio kpɛtɛwo pleŋ le texwe kunuɖeka fafɛɖeɔ? Le wema lɔ eka ji tɔ mɛɔ, sɔ akpaxwe ɖeka le akpaxwe amɛnɛ lɔwo mɛ. Le vɔvɔnu nɔ enukplakpla vovovo lɔwo nyɔtawoɔ, àtɛnŋ asɔ foto, odio koɖo videowo nɔ akpaxwe lɔ. (Kpɔ foto 1.)

“Mode image” kpaxwe: Nɔ èzanzan ekajitɔ yí sɔ kplakpla nu koɖo mɛɖeɔ, taŋfuin le nukplakpla lɔ kpaxwe vovovowoɔ, àkpɔ mɔ yɛakpedo ye nu nɔ yezan “Mode image” kpaxwe. Nɔ èhun enukplakpla lɔ daɖɛ ɖegbɔɔ, ʒin points amɛtɔn ciwo yí le eji ɖaa ji yí asɔ “Mode image.” Nɔ èkpɔ lé akpaxwe ci nu míkankɔ seŋ so ze le wema lɔ wematɔ ji doɔ, akpedo eo nu nakpɔ ekacaca ci yí le yɛ koɖo nukplakpla lɔ pleŋ gblamɛ gbawlɛɛ. Nɔ èji mɔ yeagbetrɔva wema “ekajitɔ lɔ” ji keɔ, gbeʒin points amɛtɔn lɔwo ji ke yí asɔ “Mode texte.”

“Ŋle gbesɔsɔa?”: Nɔ ègogokɔ vɔvɔnu nɔ wema lɔ yí àkpɔ dakavi cɛwo. Wonu ŋciwo woakpɔ nɔ mɛɖe gbɔxwe atɔ kunu ɖeɖe koɖo hamɛ lɔ alo gbɔxwe awa ʒinʒindoshimɛ. (Kpɔ foto 2.)

Enumɛɖeɖe ciwo yí le vɔvɔnu: Enumɛɖeɖe ciwo yí le vɔvɔnu dre enyɔ vevi ɖewo mɛ. Le wema lɔ ekajitɔ mɛɔ, ekan ɖeka le vɔvɔnu nɔ enumɛɖeɖe ciwo yí le vɔvɔnu ɖekaɖeka. Atrɔ akplɔ eo yi fini èci te do le nukplakpla lɔ mɛ. (Kpɔ foto 2.)