Lé Yesu Wɛ Do

Nyi Mìkpla So Yesu Kpɔwɛ Lɔ Mɛɔ?

2. Vevisesedoamɛnu kpenɔdo mì nu mìlenɔ bu nɔ amɛwo yí wanɔ enu ŋtɔŋtɔwo asɔ kpedo wo nu, yí denyi eŋɛnywi lɔ ɖekɛ mìdranɔ nɔ wo o.

 Sran Yesu

3. Ðo to kitokito. Na nɔ amɛ lɔ axo nuxu so eji mɛ faa. Ŋgbeɖo te yi nɔ éxokɔ nuxu o, yí ŋgbedonɔ tokuitokui yi seselelanmɛwo, yi jimɛnyɔwo koɖo ŋciwo yí dejɔ ji ni o. Nɔ èɖonɔ to mɛ lɔ kitokitoɔ, àdasɛ ni mɔ yesɔ ɖe le yi susuwo ji.

4. Bu tamɛ kpɔ so mɛ ci yí sɔ ɖe le ji lɔ nu. Sɔ koɖo seŋ ci èkan koɖiɔ, biɔ eoɖeki se mɔ:

1.    ‘Nyi yí taɖo eʒan mɔ yɛɖo ase nyɔnɔnwi lɔɔ?’

2.   ‘Lé Bibla kplakpla akpedonu yí yi gbe anyɔnɔ doji gbeɖeka duu, yí esɔmɛ yitɔ agbenyɔ dojiɔ?’

5. Nu nyɔ ciwo yí sɔ koɖo yi ʒanwo. Nɔ anya wawaɔ, ŋgbejinjin gbɔxwe nàdre lé Bibla nukplakpla lɔ atɛnŋ ana ɖoŋci nɔ yi nyɔbiɔsewo koɖo lé atɛnŋ akpedonu do le enu ŋtɔŋtɔ ɖewo mɛ o.