ENUKPLAKPLA 07
Lé Yehowa le doɔ?
Nɔ ao susu yi Yehowa Mawu ji ɖe, lé ènunɔ mɔ yɛleɔ? Ènunɔ mɔ yɛjiŋ yí le jinjintɔxu ɖaa le eo gbɔ shigbe lé weɖoxɔxu jinjin le wezexu gbɔ nɛa? Alo èbuini mɔ yɛɖo ŋsɛn sugbɔ yí le shigbe jihɔntwi blabla nɛ yí denyi amɛ ŋtɔŋtɔ yí enyi keke woajeshi ɖɛ drua? Lé Yehowa le doɔ? Bibla dre lé Yehowa le do. Egbenu hɛnnɛ mɔ, Yehowa bunɔ ao tɔ kpɔ yí sɔnɔ ɖe le ji nɔ eo.
1. Nyi yí dɔ mìdetɛnŋ kpɔnɔ Mawuɔ?
“Mawu nyi gbɔngbɔn.” (Ʒan 4:24) Yehowa denyi agbetɔ shigbe mìwo nɛ keke woakpɔ koɖo ŋkuvi o. Gbɔngbɔn yí enyi yí nɔnɔ jeŋkwimɛ, fini mìwo ŋkuviwo datɛnŋ akpɔ nu yi o.
2. Nɔnɔmɛ ɖewo ciwo yí le Yehowa shiɔ?
Nyɔnɔnwi enyi mɔ mìdatɛnŋ akpɔ Yehowa o, vɔ ci mìvajeshi ɖɛɔ, mìluin ɖo Amɛ ŋtɔŋtɔ enyi yí li yí ɖo wana nywiwo. Bibla nu mɔ: “Tɔhonɔ lɔnnɔ jɔjɔɛnyinyi, Dá tɛnŋ so le amɛ ciwo yí kplɔɛ ni do nu le alɔ̀ madwi mɛ o.” (Ehajiji Wema 37:28) Égbenyi Mawu ci yí “ɖɔ koɖo xomɛvu koɖo ŋshishikuku.” Yi sɛntɔ ciwo yí kpekpeɛ fun taŋtaŋ yí ewanɔ xomɛvu nɔ yí gbekunɔ ŋshishi nɔ wo. (Ʒaki 5:11) “Yehowa sɔ mɛ ciwo yí eji gban nɔ gbɔ, éhwlɛnnɔ mɛ ciwo yí gbɔjɔ gan.” (Ehajiji Wema 34:18, NWT) Vɔ ènya mɔ lé mìwanɔ nu do wanɔ ɖe nɔ Yehowaa? Nɔ mɛɖe xa ɖui yí wakɔ enu ciwo yí dekpenɔ nɔ Yehowaɔ, evenɔ nu. (Ehajiji Wema 78:40, 41) Vɔ nɔ mɛɖe ɖui yí le enunywi wakɔɔ, ejɔnɔ ji ni.—Hlɛn Elododo Wema 27:11.
3. Nyiwo yí Yehowa wa nɔ mìakpɔɛ anya mɔ yilɔn mìɔ?
Yehowa nɔnɔmɛ ci yí le ta yí nyi lɔnlɔn. Enyɔ jɔ Bibla nu mɔ, “Mawu nyi lɔnlɔn.” (1 Ʒan 4:8) De Bibla ɖekɛ yí dɔ mìnya mɔ Yehowa lɔn mì o, enu ciwo ewa can dɔ yí mìnya ahan; denyi mɛɖe yí agbevanui nɔ mì o. (Hlɛn Edɔwawawo 14:17.) Èkpɔ lé ewa mìwo agbetɔwo doa? Yehowa wa mì yí mìsun ji yí kpɔnɔ shiŋmɛ nyakpɔkpɔwo, mìsenɔ eha viviwo; égbewa aɖe nɔ mì nɔ mìasenɔ vivi nɔ ŋɖuɖuwo. Ji eji mɔ mìwo le se vivi nɔ agbe lɔ taɖo yí wa mì ahan.
JI DWI NI KPƆ DOJI
Kpɔ enu ci Yehowa zannɔ yí sɔ wanɔ enujiŋwo. Le yi goduɔ, nakpɔ lé ewɛ yí mìvajeshi yi nɔnɔmɛwo koɖo lé edanasɛ wo do.
4. Gbɔngbɔn kɔkɔɛ nyi edɔwaŋsɛn Mawu Tɔ
Shigbe lé mìzannɔ alɔ yí sɔ wanɔ dɔ nɛɔ, ahanke Yehowa zannɔ yi gbɔngbɔn kɔkɔɛ nɛ. Bibla nui yi mɛ kɔ petii mɔ denyi agbetɔ yí gbɔngbɔn kɔkɔɛ lɔ nyi o, vɔ ŋsɛn ci Mawu zan yí sɔ wanɔ yi nuwo yɔ. Hlɛn Luiki 11:13 koɖo Edɔwawawo 2:17, keŋ agbeje enyɔbiɔse ciwo yí gbɔgbɔ mɛ:
-
Mawu ‘aku’ yi gbɔngbɔn kɔdo mɛ ciwo yí biɔɛni ji. Ecɛyɛ ci èkpɔɛ ɖe, agbetɔ yí gbɔngbɔn kɔkɔɛ lɔ nyia, abi ŋsɛn ci Mawu sɔ wanɔ yi nuwo yɔ? Nyi yí taɖo ènu ahan ɔ?
Yehowa zan gbɔngbɔn kɔkɔɛ yi tɔ yí sɔ wa enu ganganwo. Hlɛn Ehajiji Wema 33:6 koɖo 2 Piɛ 1:20, 21, keŋ agbeje nyɔbiɔse ci yí gbɔgbɔ mɛ:
-
Ŋciwo yí Yehowa zan yi gbɔngbɔn kɔkɔɛ yí sɔ wa ɖewo ɖe?
5. Lé Yehowa le do nyi ŋci yí kpaca amɛ
Moizi nyi Mawu sɛntɔ egbejinɔtɔ, gan éji mɔ yeagbejeshi Gbɛɖotɔ lɔ nywiɖe sɔwu. Eyi taɖo Moizi nu nɔ Yehowa mɔ: ‘Dasɛ Ao mɔwo nɔŋ. Ŋdro mɔ najeshi Eo.’ (Hunhun 33:13) Eyi Yehowa nu yi nɔnɔmɛ ɖewo nɔ Moizi. Hlɛn Hunhun 34:4-6, keŋ agbeje biɔse ciwo yí gbɔgbɔ mɛ:
-
Nɔnɔmɛ ciwo yí le Yehowa shi yí enu nɔ Moiziɔ?
-
Le Yehowa nɔnɔmɛ cɛwo mɛ ɖe, ci yí jɔ ji nɔ eo wuɔ?
6. Yehowa bunɔ amɛ tɔ kpɔ
Ci Izraɛlivi ciwo yí nyi Mawu jukɔn lɔ kpekpeɛ fun le hwashigbemɛ le Eʒipti ɖe, lé ewa nɔ Yehowaɔ? Xo ODIO lɔ yí aɖoɖoɔ to yi, alo hlɛn Hunhun 3:1-10. Yi goduɔ, nagbeje biɔse ciwo yí gbɔgbɔ mɛ.
-
Ci èse exolɔlɔ lɔ ɖe, lé ewanɔ nɔ Yehowa nɔ agbetɔwo le gbazavi sekɔɔ?—Kpɔ kpukpui 7 koɖo 8.
-
Ci èkpɔɛ ɖe, Yehowa jinɔ mɔ yeakpedo amɛwo nu nyaoa? Yí nɔ éjinɔ ahan ɖe, ésun ji yí wɛnia? Nyi yí taɖo ènu ahan ɔ?
7. Ŋciwo Yehowa wa do agbe lɔ mɛ danasɛ mɛ ciŋmɛ enyi
Mìkpɔnɔ Yehowa nɔnɔmɛwo le enu ciwo ewa mɛ. Xo VIDEO lɔ. Yi goduɔ, hlɛn Rɔmatɔwo 1:20, keŋ agbeje enyɔbiɔse ci yí gbɔgbɔ mɛ.
-
Ci èglo enu ciwo Yehowa wa kpɔ ɖe, yi nɔnɔmɛ ɖewo ci èkpɔɔ?
MƐÐEWO NUNƆ MƆ: “Mawu denyi amɛ ŋtɔŋtɔ o, ŋsɛn ɖe kpoŋ enyi yí le fishiafi.”
-
Lé eɔ kpɔɛ doɔ?
-
Nyi yí dɔ èkpɔɛ ahan ɔ?
ENU CI ÈKPLA
Gbɔngbɔn yí Yehowa nyi. Nɔnɔmɛ sugbɔ yí le shi. Lɔnlɔn yi tɔ yí le ta nɔ wo pleŋ.
Enumɛtoto
-
Nyi yí dɔ mìdetɛnŋ kpɔnɔ Yehowaɔ?
-
Nyi gbɔngbɔn kɔkɔɛ nyiɔ?
-
Èɖo ŋwi Yehowa nɔnɔmɛ ɖewoa?
KPƆ ŊCƐWO KPƆ
Kpla nu so nɔnɔmɛ amɛnɛ Yehowa tɔwo nu le nɔnɔmɛ ciwo yí eɖo mɛ keŋ agbejeshi ɖɛ nywiɖe doji.
Kpɔ kpeɖoji ciwo yí dasɛ mɔ Yehowa dele fishiafi shigbe lé amɛwo nuini nɛ o.
“Mawu le fishiafi ci wodekpɔɛni can a?” (Àkpɔɛ le siti lɔ ji)
Kpɔ ŋci yí taɖo Bibla xo nuxu so gbɔngbɔn kɔkɔɛ nu shigbe alɔwo yí enyi nɔ Mawu hannɛ.
Egbɔnnɔnu nɔ ŋsu ɖeka ci shi ŋkuvi dele mɔ, ákando ji mɔ Mawu sɔkɔ ɖe le ji nɔ ye. Kpɔ ŋci yí dɔ degbevawakɔ ahan ni ɖa.
“Ŋvakpɔɛ hɔnnɔ mɔ nakpedo amɛwo nu dru” (Jutakpɔxɔ 1er octobre 2015)
Ebuwo Ke
ENYƆ CIWO AMƐWO BIƆNƆ SE BLAŊBLAŊ
Nyi Bibla nukplakpla ci Yehowa Kunuɖetɔwo sɔ ɖokɔ ŋmɛ nɔ amowo nyiɔ?
To seŋkankan toto ehomana ci Yehowa Kunuɖetɔwo sɔ ɖokɔ ŋmɛ nɔ amowo jiɔ, àtɛnŋ azan Bibla gɔnmɛɖeɖe ɖekpokpui. Vo faa ayɔ ao xomu lɔ pleŋ alo ao xlɔwo nɔ woava bɔdo eo nu le nukplakpla lɔ mɛ.
