59 УРОК
Слер истежӱлерди чыдажып ӧдӧр аргалу!
Ончо христиандар качан бирде удурлажуларга, керек дезе истежӱлерге де табартар. Бис мынаҥ коркыырыс па?
1. Бисти истежер деп, бис кайдаҥ билерис?
Агару Бичикте айдылат: «Кудайга чындык иштеерге кӱӱнзеп турган Иисус Христостыҥ ончо ӱренчиктери истедер» (2 Тимофейге 3:12, ЈТ). Иисусты Сатананыҥ телекейиндеги улустаҥ чек башка болгоны учун истешкилеген. Бис те бу телекейдиҥ улузынаҥ башка болуп јадыс, оныҥ учун башкарулар ла кудай јаҥныҥ организациялары бисти истежип турганына кайкабай јадыс (Иоанн 15:18, 19).
2. Истежӱлерге канайып белетенер?
Биске эмдештеҥ ле ала Иеговага иженерге ӱренер керек. Оныҥ учун кажы ла кӱн ого мӱргӱп, Агару Бичикти кычырарга, ӧй табып туругар. Јуунныҥ ончо туштажуларына јӱрӱгер. Бу слерге кандый ла истежӱлерге, керек дезе айылдагы да улустыҥ удурлажуларынаҥ јалтанбай, удура турарга ийде-кӱч берер. Бойы јаантайын истежӱлерге табарткан апостол Павел айткан: «Иегова — мениҥ болушчым, коркыыр немем јок» (Еврейлерге 13:6, ЈТ).
Анайда ок јалтанбас болорго, биске јаантайын јарлаар ишке туружары болужар. Јарлап турзаас, бис Иеговага иженерге ле улустаҥ коркыбаска ӱренип јадыс (Укаа сӧстӧр 29:25). Бис эмди ле јалтанбас болорго ӱренип турзаас, јаҥныҥ улузы бистиҥ ижисти токтодып та турза, оноҥ ло ары јарлаарыс (1 Фессалоникадагыларга 2:2).
3. Ченелтелерде нениҥ учун Кудайга чындык артар керек?
Бисти истежип турза, бу биске јарабай јат эмей. Је ченелтелер бисти тыҥыдып, бӱдӱмјибисти бек эдет. Качан ченелтелерди ӧдӧргӧ ийде-кӱчис јетпей турган деп билдирип турза, бис јаантайын Иегованыҥ болужын сезип јадыс. Мынаҥ улам оныла најылыгыс тыҥып јат. (Иаков 1:2—4 кычырыгар.) Бис шыралап турзаас, Иеговага мыны кӧрӧргӧ ачу болот. Је ого чындык артсаас, ол бисле оморкоп јат. Агару Бичикте айдылат: «Јакшы керектер учун шыралап, чыдажып турган болзогор, слер Кудайды сӱӱндирип јадаар» (1 Пётр 2:20, ЈТ). Иеговага чындык арткан ончо улуска истежӱлер качан да болбойтон телекейде јажын-чакка јӱретен сӱреен јакшы кайрал берер деп, ол сӧзин берет (Матфей 24:13).
ТЕРЕҤЖИДЕ КӦРӰГЕР
Недеҥ улам истежӱлерди чыдажып ӧдӧр арга бар деп ле Иеговага чындык арткан улусты кандый кайрал сакып јат деп билип алыгар.
4. Слер айылдагы улузаардыҥ удурлажузына чыдажар аргалу
Айылдагы улузыс бисти Иеговага иштебезин деп удурлажардаҥ айабас деп Иисус озолондыра айткан. Матфей 10:34—36 кычырып, суракты шӱӱжип ийигер:
-
Иеговага иштеерге сананып алган кижиге айылдагы улузы кандый кӧрӱмдӱ болордоҥ айабас?
Јӱрӱмнеҥ алган бир тем кӧрӱп ийектер. ВИДЕОНЫ кӧрӱп, суракты шӱӱжип ийигер.
-
Тӧрӧӧнигер эмезе најыгар слерди Иеговага иштебезин деп айдып турза, канайдараар?
Сарын 27:10 ло Марк 10:29, 30 кычырыгар. Кажы ла ӱзӱкти кычырган кийнинде, суракты шӱӱжип ийигер:
-
Айылдагы улузаардыҥ эмезе најылараардыҥ удурлажузына табартып турзаар, бу сӧстӧр слерге канайып болужар?
5. Удурлажулар болуп та турза, оноҥ ло ары Иеговага иштегер
Улус биске удурлажып та турза, Иеговага иштеерге јалтанбас болор керек. ВИДЕОНЫ кӧрӱп, суракты шӱӱжип ийигер.
-
Бу видеодогы темдер слерге јалтанбас болорго канайып болужар?
Апостолдордыҥ ижи 5:27—29 ла Еврейлерге 10:24, 25 кычырыгар. Кажы ла ӱзӱкти кычырган кийнинде, суракты шӱӱжип ийигер:
-
Јаҥныҥ улузы јарлаарга ла кожо јуулыжарга бисти токтодып та турза, нениҥ учун Иеговага оноҥ ло ары бажырар керек?
6. Иегова слерге ончоны чыдажып ӧдӧргӧ болужар
Бастыра јердиҥ ӱстинде Иегованыҥ Керечилери — балдар да, јаан да улус — олорды истежип те турган болзо, Иеговага оноҥ ло ары иштегилейт. Олор ийде-кӱчти кайдаҥ алат? ВИДЕОНЫ кӧрӱп, суракты шӱӱжип ийигер:
-
Бу Керечилерге Кудайга чындык артарга не болушкан?
Римдегилерге 8:35, 37—39 (ЈТ) ла Филиппыдагыларга 4:13 (ЈТ) кычырыгар. Кажы ла ӱзӱкти кычырган кийнинде, суракты шӱӱжип ийигер:
-
Агару Бичиктиҥ бу ӱзӱги слер кандый ла ченелтени ӧдӱп чыгар аргалу деп канайып бӱдӱмјилейт?
Матфей 5:10—12 кычырып, суракты шӱӱжип ийигер:
-
Истежӱлердиҥ де ӧйинде слер нениҥ учун ырысту болор аргалу?
Миллиондор тоолу Иегованыҥ ишчилери истежӱлерди турумкай болуп ӧткӧн. Слер де ӧдӧр аргалу!
КЕЗИК УЛУС АЙДАТ: «Истежӱлерди мен чыдажып болбозым».
-
Андый улуска кандый библиялык ӱлгерлер коркыбаска болужар?
ТӦС ШӰӰЛТЕЗИ
Истежӱлерге де кӧрбӧй, бис Иеговага иштеп турзаас, Иегова мыны сӱреен баалап јат. Оныҥ болужыла бис ончоны ӧдӧр аргалу!
Нени билип алдыгар?
-
Христиандарды истежип турза, олор нениҥ учун кайкабай јат?
-
Эмдештеҥ ле ала истежӱлерге слер канайып белетенер аргалу?
-
Слер кандый ла ченелтени ӧдӱп чыгар аргалу деп нениҥ учун алаҥзыбай јадыгар?
ШИҤДЕЙТЕН МАТЕРИАЛ
Бу видеодо јиит карындаш нейтралитетти буспаганы учун тӱрмеде отурарда, Иегова ого канайып болушканын куучындап јат.
Бир эш-нӧкӧрлӧргӧ канча јылдардыҥ туркунына болгон истежӱлердиҥ ӧйинде Иеговага чындык иштеерге не болушканын кӧрӱгер.
Истежӱлердиҥ ӧйинде јалтанбас болорго не болужар деп билип алыгар.
«Истежӱлерге бӱгӱннеҥ ле ала белетенигер» («Каруулчы шибее», 2019 јыл, јаан изӱ ай)
Айылдагы улузыстыҥ удурлажуларына кандый кӧрӱмдӱ болор керек ле бу ченелтени турумкай болуп канайып ӧдӧр?
«Чындык „амыр эмес, кылыш“ экелет» («Каруулчы шибее», 2017 јыл, ӱлӱрген ай)
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
