1. Кудайдыҥ Сӧзи бисти неге ӱредет?

БИС кандый ла уур-кӱчтиҥ аайына чыгар аргалу, нениҥ учун дезе бистиҥ Улу Таскадаачыбыс — Иегова болот (Иса. 30:20, 21). Оныҥ Сӧзинде ойгор јӧптӧр бар. Бис бу јӧптӧрди тузаланзаас, кажыбыс ла «кандый ла быйанду керекти эдерге јепселген» болорыс (2 Тим. 3:17). Агару Бичиктиҥ ӱредӱлери биске «бу телекейдиҥ ойгорлыгын» баалап турган улустаҥ ойгор болорго болужат (1 Кор. 3:19; Сар. 119:97—100).

2. Бис бу јӧрмӧлдӧ нени шӱӱп кӧрӧрис?

² Бу телекейдиҥ ойгоры кинчектӱ эт-канныҥ кычазын бӱдӱрерине кӱӱнзедет. Оныҥ учун кӧп саба улустыҥ кӧрӱм-санаазыла јӱрбеске, кезикте тыҥ албаданарга келижет. Агару Бичикте тегин јерге мындый сӧстӧр айдылбаган: «Ајарынып јӱригер, ойгор айдыныштарла, куру тӧгӱнле слерди кем де баштап апарбазын. Олор кижиниҥ ӱредӱзине... тӧзӧлгӧн» (Кол. 2:8). Бис бу јӧрмӧлдӧҥ јастыра эки кӧрӱм-шӱӱлтениҥ канайып элбеде таркаганын билип аларыс. Анайда ок бу эки кӧрӱм-шӱӱлте телекейдиҥ ойгорыныҥ тенексӱзин кӧргӱзип турган деп ле Кудайдыҥ ойгорыныҥ јанында јуук та турбас деп бӱдӱмјиленип аларыс.

3, 4. XX-чи чактыҥ бажында половой моральга улустыҥ кӧрӱми канайып солына берген?

³ XX-чи чактыҥ бажында половой моральга улустыҥ кӧрӱми чек солына берген. Алдында улус јӱк ле биле тӧзӧгӧн кийнинде кожо конорго јараар деп сананган, анайда ок бу теманы ачыгынча куучындашпай туратан. Је соондо ак-чек  болорыныҥ нормалары бузыла берерде, улус ӱзе ле неме јараар деп сананып баштаган.

⁴ 1920 јылдарда ак-чек болорыныҥ нормалары чек солынып калган. Бир шиҥжӱ ӧткӱрилген иште айдылганыла, «кинолордоҥ, пьесалардаҥ, кожоҥдордоҥ, бичиктердеҥ ле рекламалардаҥ улустыҥ сексле јилбиркеп турганы кӧрӱнип турган». Ол ӧйдиҥ улузы улустыҥ кычазын кӱйбӱредип турган бијелер бијелеп, оноҥ тыҥ ачык кийимдер кийип баштаган. Анайып, Агару Бичикте судурлалганыла, калганчы кӱндерде улус «соот-јыргалды... сӱӱр» болуп калган (2 Тим. 3:4).

5. 1960 јылдардаҥ ала улустыҥ половой мораль јанынаҥ кӧрӱми канайып солынып баштаган?

⁵ 1960 јылдарда кӧп улус јасак аайынча алышпай, кожо јадып баштаган, гомосексуализмде ле айрылышта јаман неме јок болуп калган. Анайып соот-јыргалдардыҥ индустриязы уйатту немелерди ачыгынча кӧргӱзип баштаган. Ак-чек болорыныҥ нормаларыныҥ мынайып бузылганы неге экелди? Бир бичикте айдылганыла, мынаҥ улам билелер чачылып баштаган, эмоциональный каршу јетирилген, адазы эмезе энези јок билелер коркышту кӧптӧгӧн, анайда ок порнографияны коркышту кӧп улус кӧрӱп баштаган. Эр ле ӱй кижиниҥ конгонынаҥ југужып турган оорулардыҥ кӧптӧгӧни, темдектезе СПИД, бу телекейдиҥ ойгорын — тенексиш деп, база ла катап кӧргӱзип јат (2 Петр 2:19).

6. Бӱгӱнги кӱнде улустыҥ секске мындый кӧрӱми Сатанага јарап јат деп, нениҥ учун айдарга јараар?

⁶ Улустыҥ секске мындый кӧрӱми Сатанага јарап јат. Ол эш-нӧкӧрлӧр ортодо болотон јуук колбуларды улустыҥ јастыра тузаланып турганына сӱӱнип јат, нениҥ учун дезе анайып, улус Кудайдыҥ сыйын — билелӱ болорын — бир де баалабай турганын кӧргӱзет (Еф. 2:2). Балыр јӱрӱм Иегованыҥ сӱрекей баалу сыйын — балдарлу болотон арганы — ӱреп јат, анайда ок улустыҥ ӱргӱлјиге јӱретен аргазына јаан буудак эдет (1 Кор. 6:9, 10).

7, 8. Агару Бичик бу телекейге кӧрӧ, сексуальный колбуларга кандый кӧрӱмдӱ болорына ӱредет?

⁷ Бу телекейдиҥ ойгорын алынган улус, Агару Бичиктеги ак-чек болорыныҥ нормалары эскирип калган деп каткырыжып јат. Кезик улус мынайып айдат: «Кудай бисти сексуальный кӱӱндӱ эдип јайаган болзо, эмди ойто андый кӱӱнди токтодып турзын деп не айткан?» Андый улус бойыныҥ кӱӱнин токтотпос керек деп, јастыра сананат. Је Агару  Бичик ӧскӧ немеге ӱредет: бис бойыстыҥ кӱӱниске башкартпай, јастыра кӱӱнисле тартыжар учурлу (Кол. 3:5). Анайда ок Иегова улусты бойыныҥ мындый колбуларынаҥ сӱӱнчи алзын деп кӱӱнзеп, биле тӧзӧгӧн (1 Кор. 7:8, 9). Оныҥ учун биле тӧзӧбӧй кожо конгон улус, кийнинде бурузын сезип, уйалып јат. Је эш-нӧкӧрлӧргӧ мындый колбулардаҥ андый сезимдер келбей јат.

⁸ Бу телекейге кӧрӧ, Агару Бичик сексуальный колбуларга чын кӧрӱмдӱ болорына ӱредет. Ондо бичилгениле секс улуска јакшызыныш берип јат (Укаа 5:18, 19). Је христиандар: «Бойыныҥ эдин агаруда ла кӱндӱде чеберлейтенин билер учурлу, Кудайды билбес ӧскӧ калыктар чылап, кычагардыҥ кӱӱнине салдырбас учурлу» — деп, Агару Бичикте айдылат (1 Фес. 4:4, 5).

9. а) Иегова албатызын XX-чи чактыҥ бажында Кудайдыҥ Сӧзиниҥ ойгорына ижензин деп, канайып кӱӱнзеткен? б) 1 Иоанн 2:15, 16-да кандый ойгор сӧстӧр бичилген? в) Римдегилерге 1:24—27-ле болзо, биске недеҥ кыйар керек?

⁹ Кудайдыҥ албатызы XX-чи чактыҥ бажында уйады «нени де сеспей» турган улустыҥ кӧрӱмин алынбай барган (Еф. 4:19). Карын, Кудайдыҥ нормаларыла јӱрерге албаданган. 1962 јылдыҥ кӱӱк айдыҥ 15 кӱнинде чыккан «Каруулчы шибееде» мынайып айдылган: «Эр ле ӱй улуска санаазын ару тудуп, бой-бойыла ойножып, сертешпес керек». Јӱрӱм канай да солынып турза, Иегованыҥ албатызы Кудайдыҥ сӧзиниҥ ойгорына иженип јат. (1 Иоанн 2:15, 16 кычырыгар.) Бисте Агару Бичик бар болгонына јаан быйанду болодыс! Анайда ок ӧйинде берилип турган кӧгӱс курсакты баалап јадыс, не дезе, бу курсак биске половой моральга јастыра кӧрӱмди алынбаска болужат *. (Римдегилерге 1:24—27 кычырыгар.)

10, 11. Агару Бичик калганчы кӱндер керегинде нени айдып салган?

¹⁰ Агару Бичикте калганчы кӱндерде «улус јаҥыс бойын сӱӱр» деп айдылат (2 Тим. 3:1, 2). Оныҥ учун улустыҥ јаҥыс бойын сӱӱр болуп калганы бисти кайкатпай јат. Бир энциклопедияда айдылганыла, 1970 јылдарда «„Бойыҥа бойыҥ болуш“ деген бичиктер јарлу болгон». Олордыҥ кезиги «кычыраачыны тӱзединерге эмес, карын бойыла оморкоорына кӱӱнзеткен». Андый бичиктердиҥ бирӱзинде мынайып айдылат: «Јердиҥ ӱстинде сен эҥ ле јакшы, эҥ ле јараш, эҥ ле аҥылу кижини — бойыҥды — сӱӱп тур». Бу бичик «бойына бажырарына ӱредет, ӧскӧртӧ айтса, кижини јӱк бойын сананарына ла канайып јӱретенин бойы кӧрӧрине» ӱредет.

¹¹ Мыны кычырып ийеле, Сатана Еваны неге кӱӱнзеткени санаагарга кирип келген болор. Сатана Еваны јаманды ла јакшыны ылгаштырып туратан Кудай ошкош болуп калар деп айткан (Баш. 3:5). Бӱгӱнги кӱнде кӧп улус бойы керегинде анайып ла сананат. Олордыҥ санаазыла, нези јаман, нези јакшы деп ӱредетен јаҥ кемде де, керек дезе Кудайда да јок. Олордыҥ андый кӧрӱми, анчада ла билеге кандый кӧрӱмдӱ болгонынаҥ кӧрӱнет.

12. Бу телекейдиҥ билеге кӧрӱми кандый?

¹² Агару Бичиктиҥ ӱреткениле болзо, эш-нӧкӧрлӧр бой-бойын тооп, алыжып јаткан ӧйдӧ берген сӧзин бӱдӱрер учурлу, анайда ок качан да айрылышпас учурлу. Башталганы 2:24-тӧ мынайып айдылат: «Эр кижи ада-энезин артырып, ӱйиле јуртап, оныла бир эт-кан боло берет». Је бу телекейде улус ӧскӧ кӧрӱмдӱ: улус озо ло баштап бойын сананат. Айрылыштар керегинде бир бичикте мындый сӧстӧр бар: «Кезик тойлордо алыжып јаткан кыс ла уул бой-бойына черт берип јаткан тужында, јаҥжыккан аайынча „ӧлӱм  бисти айрыбаганча“ деп айдардыҥ ордына: „Сӱӱжис ӧтпӧгӧнчӧ“ — деп айдат». Мындый кӧрӱмнеҥ улам коркышту кӧп билелер чачылып, улустыҥ јӱрӱми ӱрелип јат. Оныҥ учун телекейдиҥ билеге мындый кӧрӱмин тенексиш деп айдары јолду.

13. Иегова улуркак улустаҥ нениҥ учун јескинип јат?

¹³ Агару Бичикте: «Иегова улуркак кижинеҥ јескинип јат» — деп айдылат (Укаа 16:5). Нениҥ учун? Нениҥ учун дезе андый кижи бойын сӱӱп, Сатана чылап бийиркенип баштайт. Сананып ийзеер де: Сатана теҥеридеги де, јердеги де ончо бар немени јайаарга Кудайга болушкан Иисусты, ого бажырып ийзин деп кӱӱнзеген (Матф. 4:8, 9; Кол. 1:15, 16). Сатана чылап бийиркенип турган улус Кудайдыҥ кӧзинде тенек деп кӧрӱнет!

14. Римдегилерге 12:3-теги сӧстӧр бойыска чын кӧрӱмдӱ болорго канайып болужат?

¹⁴ Агару Бичик бойыска чын кӧрӱмдӱ болорго болужат. Кижи бойын бир эмеш сӱӱринде јаман неме јок деп, Иисус мынайып айткан: «Бойыҥды сӱӱгендий, јуугыҥды сӱӱп јӱр» (Матф. 19:19). Бу сӧстӧр биске бир эмеш те болзо бойысты сананып турар керек деп кӧргӱзет. Је бу ок ӧйдӧ бойысты улустаҥ бийик тургуспас керек. Агару Бичик мынайып айдат: «Сӧс блаажарга кӱӱнзеп эмезе бийиркеп, нени де этпегер, карын, бойыгар керегинде јобош сананып, ӧскӧ улусты бойыгардаҥ бийик деп бодогор» (Флп. 2:3; Римдегилерге 12:3 кычырыгар).

15. Библиялык јӧптӧр кижиге бойына чын кӧрӱмдӱ болорына болужып турган деп, слерди не бӱдӱмјилейт?

¹⁵ Бойын ойгор деп сананып турган кезик улус Агару Бичиктеги бойына кандый кӧрӱмдӱ болоры јанынаҥ јӧптӧрди тенексӱ деп бодоп јат. Олордыҥ санаазыла, улусты бойыстаҥ бийик тургузып турзаас, улус бисти уйан, бойы учун туруп болбос деп кӧрӱп, базынардаҥ айабас. Је Сатананыҥ телекейиниҥ јаҥыс бойын сӱӱр кӧрӱми неге экелген? Сананып ийзеер де: јаҥыс бойын сананып турган улус ырысту ба? А олордыҥ јууктары керегинде нени айдарга јараар? Олордо  чын најылар бар ба? Кудайла јуук колбуларлу ба? Бу сурактарды шӱӱп сананып, кандый тӱп-шӱӱлтеге келедигер? Нези јакшы: бу телекейдиҥ ойгорына иженери бе, эмезе Кудайдыҥ ойгорына иженери бе?

16, 17. Бис Иеговага нениҥ учун быйанду болодыс?

¹⁶ Бу телекейдиҥ ойгор улузына бӱдӱп турган улус азып калган јорыкчы кижиге тӱҥей, ол бойы ла чылап азып калган јорыкчынаҥ јолды сурайт. Иисус оныҥ ӧйинде јаткан «ойгорлоры» керегинде мындый сӧстӧр айткан: «Олор — сокорлордыҥ сокор башчылары. Сокорды сокор јединзе, экилези орого тӱжер» (Матф. 15:14). Чын, бу телекейдиҥ ойгоры Кудайдыҥ кӧзинде тенексиш болот.

¹⁷ Кудайдыҥ Сӧзиндеги ойгор јӧптӧр улусты «ӱредерге, кинчекти илезине чыгарарга, јӱрӱмди тӱзедерге, акту эдип таскадарга» јаантайын тузалу болот (2 Тим. 3:16). Иегова бойыныҥ организациязы ажыра бисти бу телекейдиҥ ойгорына иженбезин деп ӱредип турганына јаан быйанду болодыс! (Еф. 4:14). Ол биске библиялык нормалар аайынча јӱрерге ийде-кӱч берип турган кӧгӱс курсак берет. Оныҥ учун Кудайдыҥ Сӧзиниҥ бӱдӱмјилӱ ойгоры бисти јӱрӱмниҥ јолыла оноҥ ары апарзын!