1, 2. а) Иисус баштапкы јерге нени тургускан ла нениҥ учун? б) Јарлаар ижис тӱжӱмдӱ болзын деп, биске не болужар?

ИИСУС ХРИСТОС агашла узанган, анайда ок јарчы болгон (Марк 6:3; Иоанн 13:13). Ол бу эки ишти сӱреен јакшы бӱдӱрген. Агашла узанар кижи болуп, агаштаҥ керектӱ эдимдер эдерге, узанатан јепселдерле тузаланарга ӱренип алган. Је сӱӱнчилӱ јардыҥ ӱредӱчизи болуп, Агару Бичиктиҥ тереҥ ӱредӱлерин јакшы тузаланган ла Кудайдыҥ Сӧзиндеги чындыкты тегин улуска оҥдоорго болушкан (Матф. 7:28; Лука 24:32, 45). Ого 30 јаш болордо агашла узанарын артыргызып, эҥ јаан учурлу иш баштаган. Кудай оны Каандык керегинде сӱӱнчилӱ јарды јарлаарга ийген (Матф. 20:28; Лука 3:23; 4:43). Иисус јарлаар ишти баштапкы јерге тургускан ла ӱренчиктерди бу ишке база турушсын деп кӱӱнзеген (Матф. 9:35—38).

² Бистиҥ кӧп сабагыс агашла узанбай јат, је бис ончобыс улусты библиялык чындыкка ӱредип јадыс. Бу јаан учурлу иште Кудай бойы туружып јат, оныҥ учун Агару Бичик бистерди «Кудайга [Кудайла, ЈТ]» кожо иштеп турган улус деп адайт (1 Кор. 3:9; 2 Кор. 6:4). Иегованыҥ сӧзи — «чынныҥ бойы» деп бӱдӱп јадыс (Сар. 119:159, 160). Оныҥ учун бистиҥ кажыбыс ла «чындыктыҥ  сӧзин» чын јартаар учурлу. (2 Тимофейге 2:15 кычырыгар.) Агару Бичикти чын јартаарга, оныла јакшы тузаланарга ӱренер керек. Нениҥ учун дезе, Агару Бичик — улусты Иегова, Иисус Христос ло Каандык керегинде чындыкка ӱредетен эҥ керектӱ јепсел болуп јат. Иегованыҥ организациязы улусты чындыкка јакшы ӱредерге болужатан јепселдер белетеп салган. Бу јепселдерле база јакшы тузаланарга ӱренип алар керек.

3. Бу телекейдиҥ учы келгелекте, јарлаар иште кандый амаду тургузар керек? Апостолдордыҥ ижи 13:44—48-ле болзо, бис кандый улусты бедиреер учурлу?

³ Бу јепселдер јӱк ле јарлаарга эмес, је улусты чындыкка ӱредерге белетелген. Јарчы јар јарлайт, је ӱредӱчи јардыҥ учурын јартайт. Ӱредӱчиниҥ амадузы — кижиниҥ санаазын ла јӱрегин томултып, чындык аайынча јӱрерге кӱӱнзедери. Бу телекейдиҥ учы келгелекте, биске Агару Бичикле ӱредӱлер баштаарын ла улусты чындыкка ӱредерин баштапкы јерге тургузар керек. Оныҥ учун бис «чыннаҥ ӱргӱлјиге јӱрерге кӱӱнзеп турган улусты» (ЈТ) табып, олорго Иегованыҥ ишчилери болорго болужарга албаданадыс. (Апостолдордыҥ ижи 13:44—48 кычырыгар.)

4. «Чыннаҥ ӱргӱлјиге јӱрерге кӱӱнзеп турган улусты» табарга, нени эдер керек?

⁴ Је «чыннаҥ ӱргӱлјиге јӱрерге кӱӱнзеп турган улусты» табарга, нени эдер керек? Баштапкы чакта ла чылап, сок јаҥыс арга — сӱӱнчилӱ јарды куучындаары. Оныҥ учун биске Иисустыҥ: «Кандый бир калага эмезе јуртка кирзегер, ондо јарагадый кижи [ӱргӱлји јӱрӱм аларга тургадый] кем болгонын сурулап угугар» — деген јакылтазын бӱдӱрер керек (Матф. 10:11). Је акту јӱректӱ эмес, бийиркек ле чындыкла јилбиркебей турган улус бистиҥ јарды алынбас болор. Бис ачык јӱректӱ, јобош ло чындыкты билерге турган улусты бедиреп јадыс. Андый улусты бедиреерин Иисустыҥ агашла узанган ижине тӱҥейлеерге јараар. Иисус кандый бир эдимдер эдерге, темдектезе, эжик, стол эмезе комут эдерге јарагадый агаш бедиреп туратан. Оноҥ јепселдердиҥ болужыла кандый бир керектӱ эдимди эдип ийетен. Анайып ла бис озо баштап акту јӱректӱ улусты таап алзаас, јарлаар иштиҥ јепселдерин эпчил тузаланып, олорго Христостыҥ ӱренчиктери болорго болужып јадыс (Матф. 28:19, 20).

5. Јарлаар ишке белетелген јепселдер керегинде нени билер керек? Тем куучындап беригер. (Јӧрмӧлдиҥ бажындагы јуруктарды кӧрӱгер.)

⁵ Кажы ла јепселде бойыныҥ амадузы бар. Темдектезе, Иисустыҥ узанган јепселдерин кӧрӧктӧр *. Иисус андый јепселдердиҥ болужыла белетеп алган агажын кемјиген, темдектеген, кескен, ӧрӱмдеген (сверлить), бириктирген, анайда ок уровень ле отвестиҥ болужыла тӱзеткен. Анайып ла ок јарлаар ижисте тузаланып турган јепселдеристе бойыныҥ амадузы бар. Олорло канайып тузаланатанын кӧрӱп ийектер.

6, 7. а) Слер визитный карточкаларды канайып тузаланып турганаар? б) Јуунныҥ туштажуларына кычыратан кычыртуларда кандый эки амаду бар?

⁶ Визитный карточкалар. Бу карточкалар јаан эмес, је сӱреен тузалу. Олордыҥ болужыла улус бисле, анайда ок jw.org деген сайтла таныжар аргалу. Бу сайттаҥ бистиҥ ижис керегинде кӧптӧдӧ билип аларга, керек дезе Агару Бичикле ӱредӱ де сураарга јараар. Анайып Агару Бичикти ӱренерге турган улустаҥ бу сайт ажыра 400 000 кӧп заявка келген. Эмди де кажы ла кӱн канча јӱс заявкалар келет. Келишкен ӧйдӧ кемге-кемге јарлап ийерге, тоолу визитка кожо алып јӱрерге јараар.

⁷ Кычыртулар. Улусты јуунныҥ туштажуларына кычыратан кычыртуларда эки амаду бар. Ондо: «Агару Бичикти Иегованыҥ Керечилериле кожо ӱренерге слерди кычырып турубыс» — деп айдылып, ӱренерге эки арга берилген: туштажуларга јӱрер эмезе таҥынаҥ ӱренер. Айдарда, бу јепсел улуска бисле таныжып аларга болужат. Анайда ок бу јепселдиҥ болужыла чындыкты билерге кӱӱнзегендерле Агару Бичикле ӱредӱ баштайдыс (Матф. 5:3, ЈК 2003). Агару Бичикти ӱренерге кӱӱнзебей де турган улусты јуунныҥ туштажуларына кычырадыс. Кижи кычыртуны алып, туштажуга келзе, библиялык билгирлерди кӧрӱп, ӱренерге кӱӱнзей берер болор.

8. Кижини нениҥ учун бистиҥ туштажуларыстыҥ бирӱзине де болзо кычырар керек? Тем куучындап беригер.

⁸ Улусты бистиҥ туштажуларыстыҥ бирӱзине де болзо кычырар керек. Анайып олор бистиҥ туштажулардагы кӧгӱс курсактыҥ артыгынча болгонын ла Улу Вавилонныҥ кӧгӱс јанынаҥ јемирилип јатканын кӧрӧр (Иса. 65:13). США-да јадып турган Рей ле Линда шак мындый башканы кӧргӧн. Канча да јылдар кайра олор серкпеге јӱрер керек деп шӱӱп алган. Олор Кудайзак улус болгон, оныҥ учун кӧгӱс јанынаҥ аштап-суузап калганын сезип, каланыҥ серкпелери кӧп тӧ болгон болзо, ончозына барып келер керек деп сананган. Рей ле Линданыҥ санаазыла болзо, серкпе мындый болор учурлу: баштапкызында, серкпенеҥ олор јаҥы неме билип алар учурлу. Экинчизинде, серкпениҥ улузынаҥ Кудайга иштеп турганы кӧрӱнип турар учурлу. Је олор канча да јылга каладагы ончо серкпелерди эбирип келеле, чӧкӧй бергендер. Серкпедеги службалардаҥ олор јаҥы нени де укпаган ла улустыҥ тыш бӱдӱминеҥ Кудайга иштеп турганын кӧрбӧгӧн. Баратан серкпелериниҥ калганчызына барып келеле, Линда ижине барган, а Рей айылындӧӧн јанган. Ол јанып барадала, јолой Каандыктыҥ Туразын кӧрӱп ийеле: «Ондо не болуп турганын не кӧрӱп ийбес?» — деп сананган. Рейге ондо сӱреен тыҥ јараган. Ондогы улус јалакай ла кӱндӱзек болгон. Олордыҥ кийингени де эптӱ ле јараш болгон. Рей баштапкы јерге отурып, ӱредӱни сӱреен кайкап уккан. Элчи Павелдиҥ сӧстӧриле болзо, христиан туштажуга баштапкы ла катап келген кижи кӧргӧн-укканын алаҥ кайкап: «Чындаптаҥ Кудай ортогордо» — деп айдар болор (1 Кор. 14:23—25). Рейде шак мындый сезимдер болгон. Ол Каандыктыҥ Туразына кажы ла воскресен кӱнде  келип баштаган, оноҥ иштеер кӱндерде ӧдӱп турган туштажуларга база келер болгон. Соондо оныҥ ӱйи Линда база кожо јӱрӱп баштаган. Олор 70 јаштаҥ ажа берген де болзо, Агару Бичикти ӱренип, сууга чӧҥӱрилген.

9, 10. а) Јарлаар иште буклеттерди нениҥ учун тузаланарга јеҥил? б) «Кудайдыҥ Каандыгы ол не?» деген буклетти канайып тузаланарын јартап беригер.

⁹ Буклеттер. Бисте сегис буклет бар, олордыҥ болужыла куучын баштаарга јеҥил. Олор 2013 јылдаҥ ала чыгып баштаган, оноҥ бери беш миллиард кире экземпляр кепке базылган! Бу буклеттердиҥ бирӱзин ле тузаланарга ӱренип алза, арткан јети буклеттле тузаланарга ӱренип аларга кӱч эмес, не дезе, олор бир принципле тургузылган. Олордыҥ болужыла куучынды канайып баштаар?

¹⁰ Темдектезе, «Кудайдыҥ Каандыгы ол не?» деген бӱклетти канайып тузаланарга јараарын кӧрӱп ийектер. Кижиге буклеттиҥ баштапкы бӱгиндеги суракты кӧргӱзип ийеле: «Кудайдыҥ Каандыгы ол не деп, слер качан бир де сананганаар ба?» — деп сураарга јараар. Оноҥ буклеттеги ӱч карууны кӧргӱзип, кижиниҥ санаа-шӱӱлтезин угугар. Кижи чын да, јастыра да каруу берзе, буклетти ачып, «Агару Бичик нени айдат» деген јерди кӧргӱзип, ондогы библиялык ӱлгерлерди кычырып ийигер — Даниил 2:44 лӧ Исаия 9:6. Арга бар болзо, куучынды оноҥ ары улалтыгар. Куучынныҥ учында буклеттиҥ калганчы бӱгинде «Сананып кӧрӧр» деген јерде, «Кудайдыҥ Каандыгы башкарза јӱрӱм кандый болор?» деген суракты беригер. Анайып слерде такып куучындажатан тема болор. Кижиге такып келзеер, «Добрая весть от Бога» деген брошюраныҥ 7-чи урогын ӧдӱп ийерге јараар. Бу брошюра — Агару Бичикле ӱредӱ баштаарга болужып турган јепселдердиҥ бирӱзи.

11. Бистиҥ журналдардыҥ темалары талдалып турза, неге ајару эдилет? Бу журналдар керегинде нени билер керек?

¹¹ Журналдар. Јердиҥ ӱстинде эҥ ле кӧп «Каруулчы шибее» ле «Пробудитесь!» деген журналдар чыгат. Мындый кӧп тилдерге ӧскӧ кандый да журналдар кӧчӱрилбей јат. Бу журналдарды башка-башка ороондордыҥ улузы кычырат, оныҥ учун бу журналдардыҥ темалары ӱзе улуска јилбилӱ болзын деп талдалат. Олордыҥ болужыла јӱрӱмди јеҥилтетен тузалу јӧптӧрди канайып табарын јартап јадыс. Је озо баштап бу журналдар кемге белетелгенин оҥдоп алар керек.

12. а) «Пробудитесь!» деген журнал кемдерге белетелген ле оныҥ амадузы кандый? б) Слер бу журналды бу јуукта кемге-кемге канайып бергенеерди куучындап беригер.

¹² «Пробудитесь!» деген журнал Агару Бичикти бир эмеш билер эмезе чек билбес улуска чыгарылат. Андый улус христиан ӱредӱлер керегинде нени де билбес эмезе кудай-јаҥдардаҥ чӧкӧп калган, ол эмезе, Агару Бичик олорго болужар аргалу деп сананбай да турган болор. Оныҥ учун «Пробудитесь!» деген журналдыҥ тӧс амадузы — улусты Кудай бар деп бӱдӱмјилеери (Рим. 1:20; Евр. 11:6). Анайда ок бу журнал, Агару Бичик — «Кудайдыҥ сӧзи» деп бӱдӱп турганысты  тыҥыдат (1 Фес. 2:13). 2018 јылдыҥ «Пробудитесь!» деген журналында мындый темалар шӱӱжилет: «Ключ к счастью», «12 секретов счастливых семей» ле «Помощь тем, кто скорбит».

13. а) «Каруулчы шибее» деген журналдыҥ таркадатан чыгармазы кемдерге белетелген? б) Слер бу журналды бу јуукта кемге-кемге канайып бергенеерди куучындап беригер.

¹³ «Каруулчы шибее» деген журналдыҥ таркадатан чыгармазы, Кудайды ла оныҥ Сӧзин бир эмеш те болзо тооп турган улуска библиялык ӱредӱлерди јартап јат. Андый улуста билгирлер бар да болзо, је чындыкты олор јетире оҥдобой турган болот (Рим. 10:2; 1 Тим. 2:3, 4). 2018 јылдыҥ «Каруулчы шибеениҥ» таркадатан чыгармазында мындый темалар шӱӱжилет: «Библия — до сих пор актуальна?», «Что принесет будущее?» ле «Любит ли нас Бог?».

14. а) Јарлаар иштиҥ јепселдерине кирип турган тӧрт кӧрӱлмениҥ амадузы кандый? б) Бистиҥ кӧрӱлмелердиҥ бирӱзин кемге-кемге канайып кӧргӱзип бергенеерди куучындап беригер.

¹⁴ Кӧрӱлмелер. Иисустыҥ ӧйинде агашла узанып турган улус ӱзе немени колло эткен. Бӱгӱнги кӱнде олордо электрический кире, дрель, шлифовальный машина, каду кадаар пистолет ле оноҥ до ӧскӧ јепселдер бар. А бистерде кепке базылган бичиктердеҥ башка сӱреен јакшы кӧрӱлмелер бар. Олордыҥ тӧртӱзи јарлаар иштиҥ јепселдерине кирет: «Агару Бичикти нениҥ учун ӱренер керек?», «Агару Бичикти ӱренери канайып ӧдӧт?», «Каандыктыҥ Туразында не болуп турган?» ла «Иегованыҥ Керечилери — олор кандый улус?». Бу кӧрӱлмелердиҥ кажызыныҥ ла узуны эки минуттаҥ ас болот, оныҥ учун олорды баштапкы катап куучындашкан тушта кӧргӱзерге эптӱ. Је эмеш узун кӧрӱлмелерди такып келген тушта эмезе меҥдебей турган кижиге кӧргӱзерге јараар. Бу сӱреен јакшы јепселдер кижини Агару Бичикти ӱренерге эмезе бистиҥ туштажуга келерге кӱӱнзедер болор.

15. Кижи кӧрӱлмени бойыныҥ тӧрӧл тилине кӧрзӧ, нени эдерге кӱӱнзедилет?

¹⁵ Бистиҥ бир эје Микронезиянаҥ кӧчӱп келген кижиге туштаган. Бу эје ӱй кижиниҥ тӧрӧл тили — яп деген тил деп билип ийеле, «Агару Бичикти нениҥ учун ӱренер керек?» деген кӧрӱлмени оныҥ тилине кӧргӱзип берген. Ол ӱй кижи бойыныҥ тилин угуп ийеле: «Чын угуп турум эмеш пе?! Бу мениҥ тилим туру не! Кӧрӱлмедеги куучындап турган кижи мениҥ ортолыгымнаҥ ошкош, не дезе менле чилеп куучындап турган. Бу чынла мениҥ тилим!» — деп сӱӱнип айтты. Оноҥ бу ӱй кижи jw.org деген сайтта яп тилге чыгарылган бичиктерди ле кӧрӱлмелерди ӱзезин кӧрӱп алар болды. (Апостолдордыҥ ижи 2:8, 11 тӱҥдештирип кӧрӱгер.) Бу ла кӧрӱлмеле база бир учурал болгон. США-да јадып турган бистиҥ эје, Иегованыҥ Керечилериниҥ ижи токтодылып калган јерде јадып турган јеенине бу кӧрӱлмени бойыныҥ тилине кӧрзин деп ссылка аткарып ийген. Јеени кӧрӱлмени кӧрӱп, мындый сӧстӧр бичиген: «Мени бу телекей кӱчтӱ ле калју башкараачыныҥ колында деп айдылганы соныркатты. Оныҥ учун Агару Бичикти ӱренерин сурадым».

16. Бу брошюралардыҥ амадузы кандый, јартап беригер: а) «Кудайдыҥ сӧзин угуп, ӱргӱлјиге јӱр», б) «Добрая весть от Бога», в) «Бӱгӱн Иегова Кудайдыҥ табын кемдер бӱдӱрет?».

¹⁶ Брошюралар. Агару Бичик ӱренип турган кижиниҥ тилине библиялык бичиктер јок болзо, эмезе ол јазап кычырып билбес болзо, нени эдер? Бу учуралда јарагадый мындый јепселди — «Кудайдыҥ сӧзин угуп, ӱргӱлјиге јӱр» * деген брошюраны тузаланарга јараар. А «Добрая весть от Бога» деген сӱреен јакшы брошюраныҥ болужыла Агару Бичикле ӱредӱ баштаарга јараар. Бу брошюраныҥ кадарыныҥ кийни јанындагы 14 теманы кӧргӱзип, кажызы эҥ ле тыҥ јилбиркедип турганын сурап угугар. Оноҥ талдалган темала ӱредӱ баштап ийигер. Мындый арганы кижиге такып келген тушта не тузаланып кӧрбӧс? Бистиҥ јепселдеристиҥ тоозына кирип турган ӱчинчи брошюра — «Бӱгӱн Иегова Кудайдыҥ табын кемдер бӱдӱрет?». Оныҥ амадузы — Агару Бичикти ӱренип турган кижини Кудайдыҥ организациязыла таныштырары. 2017 јылдыҥ тулаан айдыҥ «Бистиҥ христиан јӱрӱмис ле ижибис» деген иштиҥ тетрадында бу брошюрала Агару Бичикти ӱренген тушта канайып тузаланарыныҥ јӧптӧри бар.

17. а) Агару Бичикле ӱредӱ ӧткӱрилип турган бичиктердиҥ амадузы кандый? б) Кижи сууга чӧҥӱрилген де кийнинеҥ нени эдер учурлу ла нениҥ учун?

¹⁷ Бичиктер. Ӱредӱни брошюрала баштаган болзоор, оны божотпой јадып, «Агару Бичик неге ӱредет?» деген бичикке кӧчӧ берерге јараар. Бу бичик библиялык тӧс ӱредӱлерди тереҥжидерге болужар. Бичикти божоткон кийнинеҥ кижи кӧгӱс јанынаҥ ӧзӱп турза, ӱредӱни «Бойыгарды Кудайдыҥ сӱӱжинде чеберлегер» * деген бичикле улалтарга јараар. Оныҥ болужыла ӱренип турган кижи библиялык принциптерди тузаланарга ӱренип алар. Кижи чӧҥӱрилип те калган болзо, бу эки бичикти тӱгезе ӱренип салар учурлу деп ундыбагар. Мынайып ӱренгени ого чындыктыҥ јолында бек турарга болужар. (Колоссыдагыларга 2:6, 7 кычырыгар.)

18. а) 1 Тимофейге 4:16 бисти неге кӱӱнзедет? б) Јарлаар иштиҥ јепселдерин тузаланып тура, кандый амадуны ундыбас керек?

¹⁸ Бис Иегованыҥ Керечилери, оныҥ учун улусты «Сӱӱнчилӱ Јардыҥ чындык сӧзине» ӱредер учурлу. Не дезе, анайып улуста ӱргӱлјиге јӱретен ижемји болор (Кол. 1:5; 1 Тимофейге 4:16 кычырыгар). Бу ишти бӱдӱрерге, јарлаар иштиҥ јепселдери болужар. ( «Јарлаар иштиҥ јепселдери» деген рамканы кӧрӱгер.) Оныҥ учун бу јепселдерди јакшы тузаланарга албаданактар. Кажы ла јарчы кандый јепселле, качан тузаланатанын бойы кӧрӧр. Је сӱӱнчилӱ јарды угарга јилбиркебей турган улуска бистиҥ бичиктеристи бодоп ло ӱлебей јадыс. Нениҥ учун дезе бис «чыннаҥ ӱргӱлјиге јӱрерге кӱӱнзеп турган улуска», ӧскӧртӧ айтса, ачык јӱректӱ, јобош ло чындыкка аштап-суузап калган улуска Христостыҥ ӱренчиктери болорго болужарга кӱӱнзейдис (Ап. ижи 13:48; Матф. 28:19, 20).