Каанга кычырту јогынаҥ келген кижи ӧлтӱртип салардаҥ айабас болгон. Каан Эсфирьди 30 кӱнниҥ туркунына бойына кычырбаган.

Ахашверош Каан, эмезе I Ксеркс, казыр болгоныла аҥыланган. Ол бир катап улусты коркыдарга, кижини эки јара чабала улустыҥ алдына кӧргӱзе салзын деп јакару берген. Анайда ок, каанныҥ сӧзин Вашти укпаган болордо, оныҥ каан абакай болор аргазын айрып салган.

Эсфирьге иудей укту болгонын јажырып јӱрерге келишкен. Анайда ок, Ахашверош каанды јӧп береечи бӱдӱмјилӱ кижизи тӧгӱндеп салган деп, бӱдӱмјилеер керек болгон.