ХРИСТИАН ЈӰРӰМ
Ӱредетен јаҥы бичиктерле эрчимдӱ тузалан!
Библиялык ӱредӱ ӧткӱрер јаҥы бичик ле јаҥы брошюра алганыска тыҥ сӱӱнедис! Иегова биске оноҥ кӧп ӱренчиктер белетеерге алкыжын јетирзин деп, мӱргӱп јадыс (Мф 28:18—20; 1Кр 3:6—9). Бу јаҥы јепселдерле канайып тузаланар?
«Јажын-чакка ырысту јӱригер!» деген бичик ӱредӱ ӧткӱрерге чек јаҥы интерактивный эп-арга берет. Кажы ла урокко белетен. Библиялык ӱредӱ ӧткӱрер тужыҥда берилген јӧптӧрди тузаланып тур *.
-
Материалды кожо кычырыгар, оноҥ сурактарды шӱӱжип ий.
-
Анчада ла «Кычырыгар» деген темдектӱ јерлерге ајаруны эдигер. Бу ӱлгерлерди шӱӱжип, јӱрӱминде канайып тузаланарын оҥдоп турарга болужып бер.
-
Видеолорды ончозын кожо кӧрӱп, сурактардыҥ болужыла шӱӱжип ий.
-
Бир урокты бӱдӱнге ӱренип ийерге албадан.
Јарлаар иште бу библиялык курс кижиге јилбилӱ бе, јок по деп оҥдоп ийерге, озо баштап брошюраны берип кӧр. (« Баштапкы куучында „Јажын-чакка ырысту јӱригер!“ деген брошюраны канайып берер?» деген рамканы кӧрӱгер.) Брошюрадагы урокторды шӱӱжип ийеле, кижи оноҥ ары ӱренер кӱӱндӱ болзо, бичикти берип, ӱредӱни 4-чи уроктоҥ баштагар. Сен кемле-кемле «Агару Бичик неге ӱредет?» эмезе «Кудайдыҥ сӱӱжи» деп бичиктерле ӱренип турган болзоҥ, «Јажын-чакка ырысту јӱригер!» деген бичикке кӧч. Ӱредӱни кандый уроктоҥ баштап улалтарын бойыҥ кӧр.
«БИБЛИЯЛЫК КУРСКА КӰӰНЗЕП КЕЛИГЕР!» ДЕГЕН ВИДЕОНЫ КӦРӰП, БУ СУРАКТАРГА КАРУУ БЕР:
-
Ӱренип турган кижи библиялык курстаҥ нени билип алар?
-
Нениҥ учун ӱренип турган кижиге видеолорды кӧргӱзер керек?
-
Ӱренчикти кандый амадуларга јединип турзын деп кӱӱнзедериҥ? (« Кажы ла бӧлӱктиҥ амадулары» деген таблицаны 16-чы бӱкте кӧр.)
^ 4 абз. АЈАРУ. «Шиҥдейтен материал» деген рамка уроктыҥ ӱренетенине кирбей де турган болзо, белетенер тушта ончо јӧрмӧлдӧрин кычырып, видеолорын кӧрӱп ал. Бу материал анчада ла ӱренип турган кижиге кандый тузазын јетирип турганын оҥдоп ийерге болужар. Бичиктиҥ электронный бӱдӱминде ончо материалдарга интерактивный ссылкалар бар.
|
КАЖЫ ЛА БӦЛӰКТИҤ АМАДУЛАРЫ |
|||
|---|---|---|---|
|
УРОКТОР |
ӰРЕНЧИККЕ БЕРИЛГЕН АМАДУЛАР |
ӰРЕДӰЧИГЕ БЕРИЛГЕН АМАДУЛАР |
|
|
01—12 |
Агару Бичик незиле тузалу, оныҥ Чӱмдеечизи кем деп билип ал. |
Ӱренип турган кижини Агару Бичикти кычырып, ӱредӱлерге белетенип, анайда ок јуунныҥ туштажуларына јӱрӱп турзын деп кӱӱнзет. |
|
|
13—33 |
Кудай биске нени эткенин ле ого канайып чын бажырарын билип ал. |
Ӱренип турган кижини нени билип алганын ӧскӧ улуска куучындап турзын деп кӱӱнзет. Јарчы болорго кӱӱнзедип тур. |
|
|
34—47 |
Кудай бойыныҥ ишчилеринеҥ нени некеп турганын билип ал. |
Ӱренип турган кижини бойыныҥ јӱрӱмин Иеговага учурлап, сууга чӧҥӱрилзин деп кӱӱнзет. |
|
|
48—60 |
Кудайдыҥ сӱӱжинде канайып артарын билип ал. |
Ӱренип турган кижиге јаманды јакшынаҥ ылгаштырып, кӧгӱс јанынаҥ ӧзӧргӧ болуш. |
|
