2018 јылдаҥ ала кажы ла таркадыларга чыгарган журнал кандый бир темага учурланат. Бу ончо журналдар бистиҥ јарлаар иштиҥ јепселдерине кирет. Оныҥ учун јарлаар иште биске олорло тузаланар керек. Бу журналдарды јорыктап эмезе магазинге де барып јатса, кожо аларга јараар. Бу журналдар Агару Бичикти ӱренерге чыгарылбаган да болзо, је олор кижини кӧгӱс јанынаҥ јилбиркедип ийердеҥ айабас.

Куучындажып турган ӧйдӧ, Агару Бичиктиҥ ӱлгерин кычырып, кижиге јилбилӱ болор деп билдирген кандый бир теманы журналдардаҥ кӧргӱзип ий. Темдектезе, кижиде балдар бар болзо, кижи кунугып турган эмезе стрессте болзо, мынайып айдарга јараар: «Мен бу јуукта бу темага јарагадый јакшы јӧрмӧл кычыргам. Слерге бир-эки шӱӱлтезин кӧргӱзип берерге јараар ба?» Кижи темала јилбиркей берген болзо, журналды берип ийерге эмезе электронный бӱдӱмин аткарып ийерге јараар. Журналды баштапкы ла катап куучындашкан кийнинде берерге јараар. Бистиҥ амадубыс бичиктер таркадары эмес те болзо, журналдар Агару Бичиктеги баалу билгирлерди јӱрӱминде тузаланарга турган улусты таап аларга болужып јат (Ап.и 13:48).