Кудай бойыныҥ Керечилерине оныла најылажатан арга берген. Бис сууга чӧҥӱрилген кийнинде Иеговала оноҥ ло ары најылажып јадыс. Иегова бисти Иисус ажыра бойына јууктадып алган (Ин 6:44). Анайда ок ол бистиҥ мӱргӱӱлдеристи угуп јат (Ср 34:15).

Иеговага најы болотон арганы канайып баалап јӱрерис? Израиль албатыныҥ эткен јастыраларын этпеске албаданарыс. Олор, Иеговала јӧптӧжӱ тургузылган кийнинде, јаан удабай ла алтын бозу эдип, ого бажыргандар (Чг 32:7, 8; 1Кр 10:7, 11, 14). Бойыска мындый сурактар берерге јараар: «Ченелтелер тушта, мениҥ керектеримнеҥ Иеговага најы болуп артарга турганым кӧрӱнет пе?» Иегованы тыҥ сӱӱп турзаас, ого јарабай турган керектер этпезис (Ср 97:10).

«ИЕГОВАГА НАЈЫ БОЛОРЫН БААЛАП ЈӰРӰГЕР» ДЕГЕН ВИДЕОНЫ КӦРӰП, БУ СУРАКТАРГА КАРУУ БЕР:

• Ачыркаары ол не?

• Нениҥ учун ачыркабас ла чалуга бажырбас керек?

• Эш-нӧкӧри эмес кижиле конгоны ла чалуга бажырганы незиле тӱҥей?

• Јуунда молјуларлу акалар ӱйлерин нениҥ учун кичеер учурлу?