Ве́ганство бӱгӱнги кӱнде коркышту таркап јат.

•   «Ве́ганство — ол философия ла канча кире арга бар тындуларды иштендирбей турганы, анайда ок олорды курсактанарга, кийинерге ле ӧскӧ дӧ немелерге болуп базынбай, ӧлтӱрбей турганы» (vegansociety.com).

 Бу философияла јӱрӱп турган улус јӱк ле тындуларды корулаарга турган эмес, је су-кадык болорго турган, ар-бӱткенди киртитпеске турган ол эмезе кудай јаҥынаҥ улам веган болуп калат.

•   «Улустыҥ кӧп саба диеталарына кӧрӧ ве́гандар философский ле этическиий санаазыла башкарынат. Мындый кӧрӱмниҥ амадузы — телекейдеги јӱрӱмди јакшы эдери» (Britannica Academic).

 Веганство улустыҥ кӱчтериниҥ аайынча чын ла чыгып болор бо? Агару Бичик нени айдат?

 Агару Бичикле болзо, Јайаачыбыс, Иегова a Кудайыс, кижини тындулардаҥ бийик эдип јайаган ла ого тындуларды кичеейтен јакылта берген (Башталганы 1:27, 28). Кийнинде Кудай кижиге тындулардыҥ эдин јиирге јараткан (Башталганы 9:3). Је тындуларды базынарын ол јаратпай јат (Укаа сӧстӧр 12:10).

 Агару Бичиктиҥ айтканыла, этти јийтен бе, јибейтен бе деп, кажы ла кижи бойы кӧрӧр b. Кудай онызын да, мынызын да јаман кӧрбӧй јат (1 Коринфтегилерге 8:8). Биске кемизин де јамандабас керек (Римдегилерге 14:3).

 Агару Бичиктиҥ јартаганыла, улустыҥ кандый бир кӧрӱми телекейдеги кӱчтерди јоголтып болбос. Нениҥ учун дезе бу коркышту кӱч сурактардыҥ шылтагы бу телекейдиҥ политический, общественный ла экономический системазында болот. А бу системаны улустыҥ кемизи де солып болбос. Агару Бичикте айдылат:

•   «Тыртык немени тӱс эдип болбозыҥ» (Экклезиаст 1:15).

 Улустыҥ кӱчтериниҥ аайына јӱк ле бистиҥ Јайаачы чыгар. Бу керегинде Агару Бичикте мынайып айдылат:

•   «Јаҥы теҥерини ле јаҥы јерди кӧрӱп ийгем. Башкы теҥери ле башкы јер кеде јӱре бергендер, талай да јок болгон» (Ачылта 21:1).

 Кудай «башкы теҥерини», ӧскӧртӧ айтса улустыҥ башкаруларын, «јаҥы теҥериге» — бойыныҥ теҥеридеги башкарузына солыыр. Агару Бичикте бу башкару Кудайдыҥ Каандыгы деп адалат. Бу Каандык «башкы јерди», ӧскӧртӧ айтса калју улусты јоголтып, бойы «јаҥы јерле» — Кудайга кӱӱнзеп багынып турган улусла башкарар.

 Јӱк ле Кудайдыҥ Каандыгы башкарза, улус тындуларла амыр-энчӱ јӱрер, ар-бӱткенди кичееп јӱрер (Исайя 11:6—9).