Бӱдӱн јердиҥ ӱстинде, улус јаҥысканзырап турган ла јуук најылар јок јӱрет. Су-кадык корулаар кезик эксперттердиҥ айтканыла, јаҥысканзырабаска улуска болужар керек.

•   «Улуска болужып турзаас, јӱрӱмис калас ӧдӱп јаткан деп билдирбей јат, јаҥысканзырабай јадыс ла јуук најыларлу болодыс» (США-ныҥ су-кадык корулаар национальный институттары).

 Агару Бичик улуска канайып болужарга јараарын айдып берет. Ондогы јӧптӧрди тузаланзаас, јаҥысканзырабазыс.

 Берерге белен болугар. Улусла кожо болотон арга бедирегер, анчада ла кӧстӧҥ кӧскӧ кӧрӱжип туругар. Олорло бар немегерле ӱлежерге белен болугар. Ол тушта улус слерге быйанду болор. Анайып слер најылар таап алараар.

•   Агару Бичиктеги принцип: «Беригер, слерге де берилер» (Лука 6:38).

 Болужыгар. Кӱч айалгага кирген улуска болужатан аргалар бедирегер. Темдектезе, олорды килеп угыгар ол эмезе кандый бир керегин эдижип беригер.

•   Агару Бичиктеги принцип: «Најы кандый ла айалгада, јаантайын болужарга белен» (Укаа сӧстӧр 17:17, Contemporary English Version).

 Улусла јуук колбуларлу болорго нени эдер керек деп кӧптӧдӧ билип аларга, «Семейные узы и дружба» деген статьяны кычырыгар.