የካቲት 21, 2024 | የታደሰው፦ መጋቢት 25, 2024
ሩሲያ

ወቅታዊ መረጃ—እህት ተፈረደባት | በሚያበረታቱ ወንድሞችና እህቶች ተከብቤያለሁ

አጫውት

መጋቢት 22, 2024 የቶልያቲ ማዕከላዊ የአውራጃ ፍርድ ቤት፣ እህት ዬሌና ዩሬንኮቫ ጥፋተኛ ናት የሚል ብይን አስተላልፏል፤ የሁለት ዓመት የገደብ እስራትም ፈርዶባታል። በአሁኑ ወቅት ወህኒ አትወርድም።

አጭር መግለጫ

ዬሌና ዩሬንኮቫ

ትውልድ፦ 1970 (ቶልያቲ፣ ሳማራ ክልል)

ግለ ታሪክ፦ የሕይወትን ትርጉም ለማወቅ በፍልስፍና እና በዓለማዊ መጻሕፍት ላይ ምርምር ብታደርግም መልስ ማግኘት አልቻለችም። ከይሖዋ ምሥክሮች ጋር ማጥናት ከጀመረች በኋላ እውነት ያለው መጽሐፍ ቅዱስ ውስጥ እንደሆነ ተረዳች። በ1999 ተጠመቀች

በ2000 ዩሪን አገባች። ሁለት ሴቶች ልጆች አሏቸው

የሰጠችው ሐሳብ

ከወንድሞችና ከእህቶች ስለምታገኚው ድጋፍ ምን ይሰማሻል?

ችሎቱ ካቆመልኝ ጠበቃ ጋር ለመጀመሪያ ጊዜ ስንነጋገር ‘እንዲሁ በራስሽ መጽሐፍ ቅዱስን ብታነቢና ብትጸልዪ በቂ አይደለም?’ ብላኝ ነበር። በወንጀል ሊያስከስሰኝ ቢችልም እንኳ ከወንድሞችና ከእህቶች ጋር ለአምልኮ መገናኘት መፈለጌ አልተዋጠላትም። ‘ጫካ ውስጥ በእግር መንሸራሸር ያስደስትሻል?’ ብዬ ጠየቅኳት። ደን ባለበት አካባቢ እንደምትኖርና ሰላማዊ ድባብ ያለው ስፍራ እንደሚያስደስታት ነገረችኝ። እኔም በወንድሞቼና በእህቶቼ ስከበብ ሰፊና ውብ ደን ውስጥ ያለሁ ያህል ሆኖ እንደሚሰማኝ ነገርኳት። እዚያም እዚህም ብቻቸውን እንደተገተሩና እንደተጋለጡ ዛፎች አይደለንም። ደን ውስጥ እንዳሉ ዛፎች እርስ በርስ እንደጋገፋለን እንዲሁም እንበረታታለን።

ይሖዋን ‘እጅ ለእጅ ተያይዘን እያገለገልን’ ባለንበት በዚህ ወቅት እሱ ዬሌናንም ሆነ ስደትን በጽናት እየተጋፈጡ ያሉትን ሁሉ በፍቅሩ እየተንከባከበ በመሆኑ አመስጋኞች ነን።—ሶፎንያስ 3:9

የክሱ ሂደት

ግንቦት 15, 2023

የክስ ፋይል ተከፈተባት
ግንቦት 16, 2023

ቤቷ ተፈተሸ። ምርመራ ከተደረገባት በኋላ የጉዞ ገደብ ተጣለባት
ሰኔ 5, 2023

የወንጀል ክስ ተመሠረተባት
ነሐሴ 23, 2023

ክሷ በፍርድ ቤት መታየት ጀመረ

በተጨማሪም ይህን ተመልከት

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች