ነሐሴ 10, 2022
ሩሲያ

ወቅታዊ መረጃ—ወንድም ተፈረደበት | ቪክቶር ሻያፖቭ አድናቂ መሆኑ በደስታ እንዲጸና ረድቶታል

አጫውት

ኅዳር 7, 2022 በፔንዛ ክልል የሚገኘው የኒኮልስኪ አውራጃ ፍርድ ቤት፣ ወንድም ቪክቶር ሻያፖቭን ጥፋተኛ ነው በማለት የሁለት ዓመት የገደብ እስራት በይኖበታል። በእርግጥ በአሁኑ ወቅት ወህኒ አይወርድም።

የክሱ ሂደት

ነሐሴ 19, 2021

በጽንፈኝነት እንቅስቃሴዎች ተሳትፈሃል በሚል የወንጀል ክስ ተመሠረተበት።
የካቲት 5, 2022

ፖሊሶች መንገድ ላይ ይዘው በቁጥጥር ስር ካዋሉት በኋላ በዚያኑን ዕለት ቤቱን ሰብረው በመግባት በረበሩ። ከዚያም 740 ኪሎ ሜትር ርቀት ላይ ወደሚገኘው ወደ ፔንዛ ተወሰደ
የካቲት 6, 2022

ማረፊያ ቤት እንዲገባ ተደረገ
የካቲት 8, 2022

ከማረፊያ ቤት ተለቆ የቁም እስረኛ እንዲሆን ተደረገ
መጋቢት 28, 2022

ጉዳዩ በፍርድ ቤት መታየት ጀመረ

አጭር መግለጫ

ቪክቶር ሻያፖቭ

የትውልድ ዘመን፦ 1989 (ካሜንካ፣ ሞስኮ ክልል)

ግለ ታሪክ፦ የመኪና ሜካኒክ ሆኖ ሠርቷል። በመወታደራዊ አገልግሎት ከመካፈል ይልቅ የፖስታ ቤት ሠራተኛ ሆኖ አማራጭ አገልግሎት ሰጥቷል

በ2010 ከየካተሪና ጋር ትዳር መሠረቱ

የካተሪና ከቪክቶር ጋር ከመተዋወቋ በፊት ከይሖዋ ምሥክሮች ጋር መጽሐፍ ቅዱስን መማር ጀምራ ነበር። ቪክቶር ‘ሰዎች መከራ የሚደርስባቸው ለምንድን ነው?’ ለሚለው ጥያቄ ያገኘው አጥጋቢ መልስ እሱም መጽሐፍ ቅዱስን እንዲማር አነሳሳው። በ2008 ሁለቱም ተጠመቁ

የሰጠው ሐሳብ

በዚህ አስጨናቂ ጊዜ አዎንታዊ አመለካከት ይዘህ እንድትቀጥል የረዳህ ምንድን ነው?

ለዚህ የረዳኝ አንዱ ነገር ጥቃቅን በሚመስሉ ነገሮች ጭምር የይሖዋን እጅ ማየት መቻሌ ነው። ለምሳሌ፦ ጣፋጭ ምግብ፣ የሰማይ ወፎች ወይም ነፈሻ አየር የእሱ ደግነት መገለጫዎች ናቸው። እነዚህ ነገሮች ዘወትር ይሖዋን እንዳመሰግነው ያደርጉኛል። እንዲህ ያለ አመለካከት መያዜ አዎንታዊ በሆኑ ነገሮች ላይ እንዳተኩርና ይሖዋ ምን ያህል እንደሚወደኝ ሁሌም እንዳስታውስ ይረዳኛል።

በተጨማሪም በቅርቡ ከእኔ ጋር ተመሳሳይ ሁኔታ ያጋጠመው አንድ ወዳጄ የተወልኝ ምሳሌና የሰጠኝ ምክር ትክክለኛ አመለካከት እንዲኖረኝ ረድቶኛል። ወሳኙ ነገር ፍርሃትን ማሸነፍ እንደሆነ አሳስቦኝ ነበር። የምንፈራ ከሆነ ጠላቶቻችን ይህን አጋጣሚ ተጠቅመው እንደፈለጉ ሊያደርጉን ይሞክራሉ።

በፊልጵስዩስ 1:29 ላይ የተጠቀሰው የሚከተለው ሐሳብም በጣም ረድቶኛል፦ “እናንተ በክርስቶስ እንድታምኑ ብቻ ሳይሆን ለእሱ ስትሉ መከራ እንድትቀበሉም መብት ተሰጥቷችኋል።” ይህ ጥቅስ መጽናት እንድችል ረድቶኛል፤ እንዲሁም በዚህ መልኩ ምሥክርነት መስጠት መቻሌ ትልቅ መብት እንደሆነ እንዳስታውስ ይረዳኛል።

ስደት በሚደርስብን ወቅት የይሖዋ ፍቅራዊ ደግነት የሚያስገኝልን ሰላም ልብና አእምሯችንን እንደሚጠብቅል ማወቃችን በአመስጋኝነት መንፈስ እንድሞላ ያደርገናል።—ፊልጵስዩስ 4:7