መስከረም 18, 2023
ሩሲያ

የ71 ዓመቱ ወንድም ቭላድሚር ባላብኪን የአራት ዓመት እስራት ተፈረደበት

አጫውት

መስከረም 13, 2023 በአሙር ክልል የሚገኘው የቤሎጎርስክ ከተማ ፍርድ ቤት፣ ወንድም ቭላድሚር ባላብኪን ጥፋተኛ ነው በማለት የአራት ዓመት እስራት ፈርዶበታል። ቭላድሚር ከችሎት በቀጥታ ወደ እስር ቤት ተወስዷል።

አጭር መግለጫ

ቭላድሚር ባላብኪን

ትውልድ፦ 1952 (ቤሎጎርስክ)

ግለ ታሪክ፦ ባቡር ጣቢያ ውስጥ የቴሌኮሚኒኬሽን ቴክኒሺያን ሆኖ ይሠራ ነበር። አሁን ጡረታ ላይ ነው

በ1972 ታትያናን አገባ። ሁለት ወንዶች ልጆች አሏቸው

በመጀመሪያ ታትያና መጽሐፍ ቅዱስን አጥንታ በ1994 ተጠመቀች። ቭላዲሚር የአምላክ ስም ይሖዋ መሆኑን ሲያውቅ የማጥናት ፍላጎት አደረበት። በ1995 ተጠምቆ የይሖዋ ምሥክር ሆነ

የሰጠው ሐሳብ a

እየደረሰብህ ያለው ይህ ስደት ምን አስተምሮሃል? b

ካገኘኋቸው ትምህርቶች ሁሉ የላቀው ትምህርት፣ ከራሴና ከሕይወት ተሞክሮዬ ይልቅ በይሖዋና በድርጅቱ መታመን እንዳለብኝ ነው። በማንኛውም ሁኔታ ውስጥ ብሆን ይሖዋ የሚሰጠን ምክር ጠቃሚና ወቅቱን የጠበቀ እንደሆነ ተረድቻለሁ። ጸሎት ምን ያህል ኃይል እንዳለውም ተመልክቻለሁ። ለምርመራ ስጠራ ወይም ችሎት ፊት ስቀርብ እጨነቃለሁ። ከጸለይኩ በኋላ ግን ሁሌም ውስጣዊ ሰላም ይሰማኛል። ይህም ስለ ራሴም ሆነ ስለ ወንድሞቼ ስጸልይ የሚያስፈልገንን ነገር ለይቼ መጥቀስ እንዳለብኝ አስገንዝቦኛል።

ቭላድሚር በአምላክ በመታመን ረገድ ለተወልን ምሳሌ አመስጋኞች ነን፤ ይሖዋ ብርታትና ሰላም እንደሚሰጠውም እንተማመናለን።—መዝሙር 29:11

የክሱ ሂደት

መጋቢት 2, 2021

የክስ ፋይል ተከፈተበት
መጋቢት 4, 2021

ቤቱ ተፈተሸ
ግንቦት 18, 2023

ክሱ በፍርድ ቤት መታየት ጀመረ
መስከረም 13, 2023

ጥፋተኛ ነው ተብሎ የአራት ዓመት እስራት ተፈረደበት

a b ወንድም ቭላድሚር ሐሳብ የሰጠው ከመታሰሩ አስቀድሞ ነው።

በተጨማሪም ይህን ተመልከት

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች