ግንቦት 23, 2024
ሩሲያ

‘ይሖዋ ከእኔ አይለይም’

አጫውት

‘ይሖዋ ከእኔ አይለይም’

በካራቻዬቮ ቺርኬሲያ ሪፑብሊክ የሚገኘው የኡሩፕስኪ አውራጃ ፍርድ ቤት፣ ከወንድም አሌክሴ ፓሲንኮቭ ክስ ጋር በተያያዘ በቅርቡ ውሳኔ እንደሚሰጥ ይጠበቃል። አቃቤ ሕጉ እንዲተላለፍበት የሚፈልገውን ብይን ገና አላሳወቀም።

አጭር መግለጫ

አሌክሴ ፓሲንኮቭ

ትውልድ፦ 1988 (ሞስኮ፣ ሞስኮ ክልል)

ግለ ታሪክ፦ ያደገው ከእናቱ ጋር ነው። የቧንቧ እና የቤተ ውበት ባለሙያ ነው

አሥር ዓመት ሲሆነው እናቱ ከይሖዋ ምሥክሮች ጋር ማጥናት ጀመረች። የይሖዋ ምሥክሮች ለመጽሐፍ ቅዱስ ያላቸው አክብሮትና በመካከላቸው ያለው ፍቅር ማረከው። የአሌክሴ እናት በ2000 አሌክሴ ደግሞ በ2002 ተጠመቁ

በ2013 ከዩሊያ ጋር ተጋቡ። የአእምሮ እክል ያለበት ልጅ አላቸው

የሰጠው ሐሳብ

አንተና ባለቤትህ እንድትጸኑ የረዳችሁ የመጽሐፍ ቅዱስ ጥቅስ የትኛው ነው?

በ1 ቆሮንቶስ 10:13 ላይ ብዙ ጊዜ አሰላስላለሁ፤ ጥቅሱ “በሰው ሁሉ ላይ ከሚደርሰው ፈተና የተለየ ፈተና አልደረሰባችሁም። ይሁንና አምላክ ታማኝ ነው፤ ልትሸከሙት ከምትችሉት በላይ ፈተና እንዲደርስባችሁ አይፈቅድም፤ ከዚህ ይልቅ ፈተናውን በጽናት መቋቋም እንድትችሉ ፈተና ሲደርስባችሁ መውጫ መንገዱን ያዘጋጅላችኋል” ይላል። እኔና ባለቤቴ ባለፉት ጥቂት ዓመታት ብዙ መከራ አሳልፈናል። ልጃችን ሲወለድ ጀምሮ ከባድ የአእምሮ እክል አለበት። አሁን ስምንት ዓመቱ ሲሆን ሁልጊዜ የቅርብ ክትትል ይፈልጋል። በ2021 የባለቤቴ ወላጆች የመኪና አደጋ ደረሰባቸው። አባቷ ሞተ፤ እናቷ ደግሞ ለአካል ጉዳት ተዳረገች። ከዚያ ደግሞ ይህ ስደት መጣ። እንዲህ የመሰሉ የሕይወት ፈተናዎች በዚህ ሥርዓት እስካለን ድረስ የማይቀሩልን አሳዛኝ እውነታዎች እንደሆኑ ይህ ጥቅስ ያስታውሰኛል። ነገር ግን በብዙ አጋጣሚዎች ይሖዋ ቅርባችን እንደሆነና ለመጽናት የሚያስችል ብርታት እንደሚሰጠን ተመልክተናል። እነዚህ ችግሮች አሁኑኑ መፍትሔ ቢያገኙ ምንኛ ደስ ባለኝ! ሆኖም ችግሮቹ ረዘም ላለ ጊዜ ቢቆዩ እንኳ ይሖዋ ከእኔ እንደማይለይ እርግጠኛ ነኝ።

የተለያየ መከራ ቢደርስብንም እንኳ ይሖዋ መጠጊያ እንደሚሆነን እና በእሱ ሐሴት ማድረግ እንደምንችል በማወቃችን አመስጋኞች ነን።—መዝሙር 5:11

የክሱ ሂደት

ኅዳር 23, 2021

ባለሥልጣናቱ አሌክሴን በሥራ ቦታው ሳለ በቁጥጥር ሥር አዋሉት፤ ቤቱንም ፈተሹ
ታኅሣሥ 8, 2022

የክስ ፋይል ተከፈተበት
መጋቢት 3, 2023

ቤቱ ለሁለተኛ ጊዜ ተፈተሸ። አሌክሴ እና ዩሊያ ምርመራ ተደረገባቸው
መጋቢት 31, 2023

የአሌክሴ እናት እና ወንድሞች ቤት ተፈተሸ
ጥቅምት 4, 2023

የጉዞ እገዳዎች ተጣሉበት
ታኅሣሥ 14, 2023

ክሱ በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች