መስከረም 4, 2023
ዓለም አቀፋዊ ዜና

በፍርሃት ከመራድ ይልቅ በእምነት መበርታት

አጫውት

በሴቫስቶፖል፣ ክራይሚያ የሚገኘው የጋጋሪንስኪ ክልል ፍርድ ቤት በቅርቡ በወንድም ቪክቶር ኩዲኖቭ እና በወንድም ሰርጌ ዢጋሎቭ ላይ ብይን እንደሚያስተላልፍ ይጠበቃል። አቃቤ ሕጉ እንዲተላለፍ የሚፈልገውን ፍርድ ገና አላሳወቀም።

አጭር መግለጫ

ቪክቶር ኩዲኖቭ

ትውልድ፦ 1969 (ቡዳፔስት፣ ሃንጋሪ)

ግለ ታሪክ፦ በአውቶቡስ ሹፌርነት ሰርቷል

በ1991 ስቬትላናን አገባ። አንድ ወንድና አንዲት ሴት ልጅ አሏቸው።

ስቬትላና መጽሐፍ ቅዱስን ማጥናቷ በቤተሰባቸው ላይ ያመጣውን አዎንታዊ ለውጥ ሲመለከት እሱም ማጥናት ጀመረ። ስቬትላና በ2005 ቪክቶር ደግሞ በ2010 ተጠመቁ

የሰጠው ሐሳብ

የሌሎች ተሞክሮ ለአንተ ብርታት የሰጠህ እንዴት ነው?

እንደ ቪክቶር ስታሺቭስኪ ስላሉ ወንድሞች በተደጋጋሚ አስባለሁ። እሱ አሁንም ያለው እስር ቤት ነው፤ ያለበት ሁኔታም ቀላል የሚባል አይደለም። ብዙ ደብዳቤዎች ልኮልኛል፤ ከደብዳቤዎቹ እንደተረዳሁት በራሱ ላይ አላተኮረም። እንዲያውም ስለ ሌሎች ያስባል፤ ከዚህም በላይ ደስተኛ ነው። ቪክቶርና ሌሎች ብዙ ወንድሞችና እህቶች ለእኔ ግሩም ምሳሌ ሆነውኛል። የሚደርስባቸው ስደት ሳያንስ እንደ ጤና፣ መተዳደሪያ ማግኘትና ቤተሰባቸውን መንከባከብ የመሳሰሉ የዕለት ተዕለት ጉዳዮች ያሳስቧቸዋል። እምነታቸውን በመካድ ከሚደርስባቸው ስደት ማምለጥ ይችሉ ነበር። ያም ሆኖ ለይሖዋና ለወንድሞቻቸው ታማኝ ለመሆን መርጠዋል። እነሱ ተቋቁመው ያሳለፏቸውን ነገሮች ሁሉ ስመለከት እኔም መጽናት እንደምችል እርግጠኛ እሆናለሁ

ሰርጌይ ዢጋሎቭ

ትውልድ፦ 1971 (ስኔዥኖዬ፣ ዩክሬን)

ግለ ታሪክ፦ በቧንቧ ሥራ ላይ ተሰማርቶ ነበር

በ1994 ከይሖዋ ምሥክሮች ጋር መጽሐፍ ቅዱስን ማጥናት ጀመረ። መጽሐፍ ቅዱስ ውስጥ በሚገኘው ጥበብና በትቢቶቹ ትክክለኛነት ተደነቀ። በ1996 ተጠመቀ

በ2007 ኦልጋን አገባ

የሰጠው ሐሳብ

በዚህ አስቸጋሪ ጊዜ ስለ ይሖዋ የተማርከው ነገር ምንድን ነው?

ይሖዋ ስደት እንዲደርስብኝ ቢፈቅድም እኔን ልዩ በሆነ መንገድ ለመጠበቅና ለማጽናናት የሚያስፈልገውን ሁሉ እንደሚሆን አውቃለሁ። “ሳትረበሹ፣ ተማምናችሁ በመኖር ብርቱ መሆናችሁን ታሳያላችሁ” የሚለውን ኢሳይያስ 30:15 ላይ የሚገኘውን ጥቅስ አሁን በተሻለ ሁኔታ ተረድቼዋለሁ። ይህም ከዛሬ ነገ ምን ይደርስብኝ ይሆን እያልኩ ከመጨነቅ አድኖኛል። በፍርሃት ከተሸነፍኩ ይሖዋን በቅንዓት ማገልገል እንደማልችል አውቃለሁ። ይህ ደግሞ በገዛ ራሴ ላይ እገዳ ጣልኩ ማለት ነው። ሰይጣንም የሚፈልገው እንዲህ እንዳደርግ ነው። ከዚህ ይልቅ በይሖዋ ላይ ሙሉ በሙሉ እተማመናለሁ፤ የአምላክ ሰላም የሚሰጠውን ውስጣዊ መረጋጋት እያጣጣምኩ ነው። ይህ መረጋጋት ብርታት ሰጥቶኛል።

“[በአገልጋዮቹ] ሰላም የሚደሰተው ይሖዋ” ላሳዩት ትዕግሥትና ጽናት ቪክቶርንና ሰርጌን መባረኩን እንደሚቀጥል እርግጠኞች ነን።—መዝሙር 35:27

የክሱ ሂደት

ነሐሴ 24, 2022

የክስ ፋይል ተከፈተባቸው። ቤቶቻቸው ተፈተሹ። ተይዘው ወደ ማረፊያ ቤት ተወሰዱ
ነሐሴ 26, 2022

ከማረፊያ ቤት ወጥተው በቁም እስር እንዲቆዩ ተደረገ
ጥቅምት 17, 2022

ከቁም እስር ተለቀቁ፤ የእንቅስቃሴ ገደብ ተጣለባቸው
ሚያዝያ 13, 2023

ክሳቸው በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ክራይሚያ

በክራይሚያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች