አትክልተኞች የባሉጥና የሜፕል ዛፎችን በዛፍ መትከያ ስፍራው ላይ ሲያወርዱ። በዎርዊክ ከ1,400 በላይ አዳዲስ ዛፎች እየተተከሉ ነው።

በዎርዊክ የሚሠሩ ሰዎች የጌታ ራትን ሲያከብሩ። በዓለም ዙሪያ የሚገኙ የይሖዋ ምሥክሮች በየዓመቱ በሚያከብሩት በዚህ በዓል ላይ በዎርዊክ 384 ሰዎች ተገኝተዋል።

አናጺዎች በዋናው በር ጠባቂዎች የሚቀመጡበት ቤት ላይ መስኮቶች ሲገጥሙ። በዋናው በር ላይ የሚሆኑ ጠባቂዎች ጎብኚዎችን ይቀበላሉ፤ ሕንፃዎቹን ይጠብቃሉ፤ እንዲሁም ወደ ግቢው የሚገቡና የሚወጡ መኪኖችን ያስተናብራሉ።

በምንጣፍ ሙያ የተሰማሩ አንድ አባትና ልጅ፣ ሁለተኛ ፎቅ በሚገኘው ኮሪደር ላይ ታይል ሲያነጥፉ። ብዙ ሰው በሚመላለስባቸው ቦታዎች ላይ በአራት ማዕዘን ቅርጽ የተቆራረጡ ታይሎች በብዛት ጥቅም ላይ ውለዋል፤ ምክንያቱም አንድ ወጥ ከሆኑት ምንጣፎች ይልቅ ታይሎች ጉዳት ቢደርስባቸው እንኳ አንስቶ በሌላ መተካት ይበልጥ ይቀላሉ።

አናጺዎች፣ ተነቃቃይ የቢሮ መከፋፈያዎችን ሲገጥሙ። እነዚህ መከፋፈያዎች ተነቃቃይ በመሆናቸው ዲፓርትመንቶች አስፈላጊ በሚሆንበት ጊዜ የቢሮዎቹን አከፋፈል መቀየር ይችላሉ።

አንድ የግንባታ ሠራተኛ የጎብኚዎች መጸዳጃ ቤቶችን የመጸዳጃ ቤት መቀመጫና መከፋፈያ ለመግጠም ሲያዘጋጅ።

የድንገተኛ አደጋ ቡድኑ እሳት ማጥፋት የሚቻለው እንዴት እንደሆነ ልምምድ ሲያደርግ። እነዚህ የእሳት አደጋ ሠራተኞች አደጋ ሲከሰት በፍጥነት እርምጃ ለመውሰድ መዘጋጀታቸው፣ በዎርዊክ የሚገኙ ሠራተኞችንና ሕንፃዎችን ከአደጋ ለመጠበቅ ያስችላቸዋል፤ እንዲሁም በአካባቢው ባለው የድንገተኛ አደጋ ቢሮ ላይ የሚኖረውን ሸክም ይቀንሳሉ።

ከዋናው የመመገቢያ አዳራሽ ጋር በኢንተርኔት የተገናኘው የመጀመሪያ የማለዳ አምልኮ ፕሮግራም ከመጀመሩ በፊት አንድ አስተናጋጅ በዎርዊክ ያሉ የግንባታ ሠራተኞችን በየቦታቸው ሲያስቀምጥ።

አንዲት አናጺ፣ ለነዋሪዎችና ለጎብኚዎች መረጃ ከሚሰጡት ከ2,500 የሚበልጡ ምልክቶች መካከል አንዱን የሌዘር ጨረር በመጠቀም ስትለጥፍ።

አንዲት በያጅ ከመተላለፊያው ወደ አዳራሹ የሚወስደው ዋና ደረጃ ላይ የእጅ መያዣውን ስትገጥም። ፎቶው ላይ በታች በኩል የሚታየው እሳት የሚከላከል ልብስ፣ በአቅራቢያው ያሉት ተሠርተው የተጠናቀቁ ነገሮች ጉዳት እንዳይደርስባቸው ይከላከላል።

ከግድግዳና ከጣሪያው ጋር የተያያዙ ነገሮችን የሚሠራው ክፍል አባል የሆነ አንድ ሰው፣ ያለ አስጎብኚ ከሚጎበኙት ሦስት ዐውደ ርዕዮች አንዱ ወደሆነው “በተግባር የተደገፈ እምነት” ወደተባለው ዐውደ ርዕይ በሚወስደው መንገድ ላይ ያለውን ጂፕሰም ሲሠራ። የእያንዳንዱ ጋለሪ አሠራር ከዐውደ ርዕዩ ጭብጥ ጋር የሚሄድ ነው።

የግንባታ ሠራተኞች አርማታ የለበሰውን ወለል ዴንሲፊኬሽን ለተባለው ሂደት ሲያዘጋጁ። ዴንሲፊኬሽን አርማታው ውስጥ ያሉ ቀዳዶች እንዲደፈኑ በማድረግ ይበልጥ ጠንካራ፣ አቧራና የጎማ ምልክት የማይዝ ብሎም ለጥገና ቀላል እንዲሆን ያደርገዋል።

የአናጺዎች ቡድን ከእንግዳ መቀበያው በላይ የሚንጠለጠል ፋይበርግላስ ሲገጥሙ። የሚገጠሙት የፋይበርግላስ ፕላስቲኮች በተወሰነ መጠን ብርሃን የሚያሳልፉ በመሆናቸው ዋናው መግቢያ ብርሃን እንዲኖረው ያደርጋሉ።

አንድ ባልና ሚስት “መጽሐፍ ቅዱስ እና መለኮታዊው ስም” የተባለው ዐውደ ርዕይ መግቢያ ላይ የድንጋይ ንጣፍ ሲሠሩ።

አንዲት አናጺ በዋናው የስብሰባ አዳራሽ ውስጥ ካሉት 1,018 መቀመጫዎች አንዱን ስትገጥም። በስብሰባ አዳራሹ ውስጥ፣ የቤቴል ቤተሰብ የመጠበቂያ ግንብ ጥናትና ሌሎች ለቤተሰቡ የተዘጋጁ መንፈሳዊ ፕሮግራሞች ይካሄዳሉ።

አናጺዎች፣ የኤሌክትሪክ ሠራተኞችና ሌሎች የግንባታ ሠራተኞች ለጎብኚዎች የተዘጋጀውን የሚያበራ የእንኳን ደህና መጣችሁ ምልክት በዋናው እንግዳ መቀበያ ውስጥ ሲገጥሙ።

የግንባታ ድጋፍ ሰጪው ቡድን ሁለት አባላት፣ በዋናው እንግዳ መቀበያ ለሚሠሩ የግንባታ ሠራተኞች ውኃ ሲያቀርቡ። በተለይ አየሩ ሞቃታማ በሚሆንበት ወቅት የግንባታ ቡድኖች አዘውትረው ውኃ እንዲጠጡ ይበረታቱ ነበር።

አንድ አናጺ፣ “መጽሐፍ ቅዱስ እና መለኮታዊው ስም” በተባለው ዐውደ ርዕይ ላይ የሚታዩ ለየት ያሉ መጽሐፍ ቅዱሶች የሚቀመጡበትን ማሳያ ሲገጥም። ዐውደ ርዕዩ ሌሎች መጽሐፍ ቅዱሶችንና ከመጽሐፍ ቅዱስ ጋር ግንኙነት ያላቸው ጥንታዊ ቁሳቁሶችን የሚያሳይ የሚዞር ጋለሪ ይኖረዋል።

አንድ አናጺ ግድግዳ ላይ ያለውን ንድፍ በመጠቀም፣ የአውስትራሊያንና በደቡብ ምሥራቅ እስያ የሚገኙ ደሴቶችን ቅርጽ በዋናው የእንግዳ መቀበያ ውስጥ በሚገኝ ካርታ ላይ ሲለጥፍ። የይሖዋ ምሥክሮች የሚለው ስም ወደ 700 በሚጠጉ ቋንቋዎች ግድግዳው ላይ ይገኛል።

የቤቴል ቤተሰብ አባላት በአንድ የሥልጠና ስብሰባ ላይ ተገኝተው። ስብሰባዎቹ የተዘጋጁት ወደፊት በዎርዊክ የሚሠሩትን ቤቴላውያን ለመቀበልና ሥልጠና ለመስጠት እንዲሁም በዎርዊክ የግንባታ ቦታ አሁንም ስላሉት አደጋ ሊፈጥሩ የሚችሉ ነገሮች ለማስጠንቀቅ ነው።

ሠራተኞች የJW ብሮድካስቲንግ አቅራቢ ከሚቀመጥበት ዴስክ በላይ የሚሆነውን የቀለበት ቅርጽ ያለው መብራትና መብራቱ የሚንጠለጠልበትን ብረት ሲሰቅሉ። በስቱዲዮው ውስጥ ጥቅም ላይ የሚውሉት አብዛኞቹ ነገሮች ቀደም ሲል ስቱዲዮው ከነበረበት ከብሩክሊን የተወሰዱ ናቸው።

አንድ የኤሌክትሪክ ሠራተኛ በዋናው መግቢያ ላይ የሚሆነውን የ​LED መብራት ያለው አዲስ ምልክት ሲገጥም። ብዙዎቹ የዋናው መሥሪያ ቤት ዲፓርትመንቶች ከመስከረም 1 ጀምሮ በዎርዊክ ሥራቸውን ጀምረዋል።