Tap ubọk rọ inyi ebi ikigban̄ owu ekọt ewọlọ lek kiban̄ ekpọ. Do idodo echi oborọ inyi ebi okitumu ikọ inyi ewọlọ nkeek kiban̄ ekpọ.

Rọ ibe ekaan̄ nkeek onwọnwọn. Tap ubọk rọ inyi ebi ikigban̄ owu ekekeek mkpọ orọrọ ema ebekirọ inu onwọnwọn. Tap ubọk rọ inyi ema ekesa nkeek onwọnwọn ichit erọ inu—ima ema ekaan̄be me lek Jioba, ebilene ogbo kiban̄, melek ijejeen̄ echi Baibul. Gọọk ebi ikigban̄ owu gwu nkeek kom me lek iriọọn̄-inu okup me Baibul; kakpọkpọk ikijeen̄ ema inu. Kpan̄asi oborọ ibe ema ekaan̄ esip mè mfiek-ikọ, kè usem kwun̄ itap ema efuuk me owot, ifuna ema mekọt ikirọ inu onwọnwọn ichit.

Sa nkeek ene si lek Jioba. Kpa ike ubọk ijejeen̄, onineen̄, melek ntọ-ubọk echi Baibul okijeen̄ eru Awaji mè ima ikaan̄be me lek kiji. Rọ mè ebi ikigban̄ owu ekaan̄ olilọk ikekiweek iriọọn̄ nkeek kè Jiọba mè ekerọ nkeek kan̄.