Ire Jioba okirọ ufuna mfut eyi atikọ ikikaan̄ ugwun̄ ijọn̄ mè itibi me ejit ene. (1 Kọr 3:6-9) Eya orọ, ufuna eji ekọt ekaan̄ njenyin̄ isi me ikwaan̄ uko, eji meyaka lek imaan̄ me lek Jioba ibe itap ubọk inyi eji melek ebi eji ekigọọk ikween̄ Baibul.

Beek ibe Jioba itap ubọk irọ ufuna ogwu okigọọk ikween̄ Baibul ikọt ikime ukeme mè ikọt itim igak mkpọ ukput echi ibokichichini. (Filip 1:9, 10) Beek okpọkpọ uriaak. Beek ibe ekwukwu mbuban ikiban nkeek kwun̄ melek irọrọ kwun̄. (Luk 11:13) Jeen̄ ebi okigọọk ikween̄ Baibul ubọk ekiriaak uriaak, mè tap ema efuuk me owot ufuna ekọt ikeriaak uriaak. Gọọk ebi okigọọk ikween̄ Baibul gbaan̄ riaak uriaak mè beek si uriaak me ibot kiban̄, mè bak erieen̄ kiban̄ me uriaak ya.

IKPỌ FIDIO DRAMA KAAN̄ UNWỌỌN̄ EKIKAAN̄ INAN̄A ME IRỌRỌ ENE EBI UDUN̄ KÈ KARAIS—BỌKỌ NTAP-UBỌK JIOBA TAP—URIAAK, MÈ IFỌỌK IDODO CHI:

• Kpasi rumurumun̄ ke Matọn̄ okaan̄ me igọgọọk Utoon̄ ikween̄ mkpọ?

• Ike owa ke ikpa Ebi Kọrint Eyi Adasi 3:6 osa itap ubọk inyi Matọn̄?

• Ike owa ke Matọn̄ okọt isa irọ me lek rumurumun̄ ya ikaan̄be?