Ibet lek chinichini eyi ntitiin̄, chinichini isibi-uko ire inyinyi eyi Jioba onyibe ufuna eji ekema mè eketap ge ge efuuk me emen. (Iburu 10:24, 25) Ibokire nkikek mgbọ go mè iyaka ire jaaba, eyi mesabe ititiin̄ urum ebi ene, inyi agan̄ ere ebelook ata etip, mè iriaak si uriaak. (Ire ebekaan̄ chinichini yi me mgbọ ekaan̄be nkween̄mkpọ eyi ntitiin̄ isan̄a, mochubọk ikup me mgbidim igak ikeya.) Ogwu obosun̄ chinichini ya moneen̄ inu eyi ebi ibesibi uko me usen ya mekọtbe irọ itet. Kubọk mkpọ njeen̄, me usen Saturday eyi owuwa ebi ikup me emen chinichini ya kpegọọkbe isibi uko me nde oraraka, mogbe ibe iriọọn̄ mbet lek usem ibosa irọ mkpọ. Echi owa si ire usini ibot usem echi obogbe ibe ekpa mkpọ ofolek?

• Ubọk ibene ukpatu eyi okup me Ikpa Nkween̄mkpọ—Ugwem mè Ikwaan̄ Kiji Kubọk Ebi Eyi Karais

• Ubọk ebekisa inu okibọkọ irek mè iyaka ire etip ekebinọ isa ibene usem

• Ubọk ebekọt isa ifọọk otu idodo ge eyi ebi ene ekisa ijit ata etip

• Ubọk ebekọt isa ifọọk otu ogwu ikachieekge me lek Awaji, ogwu ikachieekge ibe ke erorom inu, ogwu okitumu ofifi ida usem, mè iyaka ire ogwu okisi uwu uriaak eyi kperiọọn̄ge lek me agan̄ kinyi.

• Ubọk ebekọt ikisa inu okup me jw.org, JW Library^® app, mè iyaka ire Baibul irọ mkpọ

• Ubọk ebekọt isa ge me lek inu okup me emen Okop Mkpọ Ikwaan̄ kiji irọ mkpọ

• Ubọk ebekọt ikilook ata etip me oniin̄ osibi esese, kubọk isasa okpọ etip, ige ikpa, ilook etip me isi owuwa ebi ene, nje nchak mè iyaka ire nkween̄mkpọ Baibul

• Iyayaka ikeek mkpọ ofolek ikput-lek, ikekinwunween̄ ubọk, ata otu usem, eru onwọnwọn, mè iyaka ire mbet inu okup ikeya

• Inu nkween̄ ge mè iyaka ire fidio me emen broshọ Tap Lek me Ikekifuk mè Ikijeen̄ Mkpọ

• Ubọk obokisa itap efuuk mè ikitap ubọk inyi ogwu melek kwun̄ ejebe me uko

• Ere Baibul ge eyi ogbagbaan̄ me lek ikwaan̄ uko mè iyaka ire inu ebi ene echichinibe me uko eyi obokọt itap ene efuuk me emen